معلش شو صار سوريــا متل النار...!

[Willi]

لا بأكدلك انو نحن اللي عم نرجع لورا

[Willi]

كاتب النص الأصلي : fares

أنا قلبي قابضني من هلأ ع المنتخب الأولمبي!!!
حاسس أنو رح نتبهدل كمان!!
الله يستر...

لا كرامة بدون فريق الكرامة

حاسس؟؟
خليك متأكد

[Reemi]

ايمتى الاولمبي؟

[Government]

لا كرامة بدون فريق الكرامة

يعني هلأ عملتولنا الرياضة السورية كلا نادي الكرامة

[Willi]

لك معلم هلق مين عم يجيب نتائج كبيرة على الصعيد الاسيوي والعربي بسوريا؟؟

الكرامة.
اي خلص معناها.
انشالله سنة الجاي الاتحاد كمان بيوصل متل نادي الكرامة.
ومنلعب معو بالمباراة النهائية بكأس اسيا.
ومنخسرو ومنتأهل على كأس العالم.
ولانو بيعجبهون اداء الاتحاد كمان بخلوه يلعب بكأس العالم.
ومنلتقى كمان مع الاتحاد بالمباراة النهائية بكأس العالم.
وكمان منخسرو.
هيك منكون ربحنا كأس العالم. ومنكون عملنالك عقدة

[Government]

كاتب النص الأصلي : Willi

انشالله سنة الجاي الاتحاد كمان بيوصل متل نادي الكرامة.
ومنلعب معو بالمباراة النهائية بكأس اسيا.
ومنخسرو ومنتأهل على كأس العالم.
ولانو بيعجبهون اداء الاتحاد كمان بخلوه يلعب بكأس العالم.
ومنلتقى كمان مع الاتحاد بالمباراة النهائية بكأس العالم.
وكمان منخسرو.
هيك منكون ربحنا كأس العالم. ومنكون عملنالك عقدة

بس الكرامة بضل نادي مو الكرة السورية كلا


المهم ماعلينا ..
خيو اذا وصلنا ع النهائي بكأس اسيا نحن منفوز ع ليكن
وبالمباراة النهائية بكأس العالم للاندية انتو منخليكن تفوزو علينا


وهيك منطلع خالصين

اتفقنا

[قهوة دايمي]

يعني حسب معلوماتي البسيطة عن الطابة .. والمنتخبات ...
بس يعني فريق العراق .. لعيبة .. ويمكن لو ما الظروف والواسطات من احسن الفرق العربية ...
انو احسا من اللي عنا ...
لما كنا نلعب بالحارة كنا نلعب احسن من هيك ...
هارد لاك ... ومبروك لأخواتنا العراقيين ... ( مو هيك الروح الرياضية )

الله يرحمك يا عدنان بوظو

[يمان Rooooonaldo]

نص لعيبة العراق الاساسيين ما لعبو. (هيك حسب ما فهمت)

لا جادو كلون كانو من كبيرهم لصغيرهم


بس ملاحظة شفت الشباب عم تنفخ بالكرامي كتير

بدي قلكم مبارح شفتو لعيبة الكرامة وكيف هنن اللي ضيعو اغلب المباراة
ما عم قول انو الفريق منيح
بس لو جهاد الحسين حاطط الانفرادتين
وهاد الدب جنيات لو ما اشتغل شويطة طول اللعبة كان يعني فيها امل

اوك المنتخب فلتان بس يا خيو بدو رص هاد جنيات والتاني جهاد ينعن كفرو لكن معقول لحالك مع الجول وتجي بدك تبيضو

والله انقهرت مبارح لانو حرام

سيدي ما مشكلة باذن الله موفقة سورية

[Willi]

الجنيات انا معك.
مدري شبو, عم يشوط عالفاضي. تسرع كتير, اخطاء كتيرة, ولسى فوقها طلع للطابة بايدو بمنطقة الجزاء (بس يا خيو مع الكرامة شغلة كبيرة)

بس جهاد الحسين بدك تسمحلي. هو عمل نص فرص الفريق. بهاي المباراة والمباريات اللي قبلها.

[يمان Rooooonaldo]

لك اي والله بحبو بس لاعب مالو عللاقة بشي اسمو جول

يعني ما بعرف رجلو كتير ضعيفة وخالص لدرجة مو طبيعية قدام الجول مع الكرامة او المنتخب لازم يدرب حالو
كتير على هي النقطة لانو بيطلع معو

حرام

[Willi]

لك لعمى
هلق انت ما كان عندك درس؟؟
اي روح دروس روح
عالم ما بتنعطى وش.

[يمان Rooooonaldo]

شوفو مين عم يحكي... انا بكرا بخلص اي صحي لهلا ما دقرتو للكتاب بس والله ما بيطلع بايدي ادرس الا اذا حسيت حالي اكلتها وما عاد لحق

[Government]

كاتب النص الأصلي : Willi

الجنيات انا معك.
مدري شبو, عم يشوط عالفاضي. تسرع كتير, اخطاء كتيرة, ولسى فوقها طلع للطابة بايدو بمنطقة الجزاء (بس يا خيو مع الكرامة شغلة كبيرة)

بس جهاد الحسين بدك تسمحلي. هو عمل نص فرص الفريق. بهاي المباراة والمباريات اللي قبلها.

يعني بربك عاطف جنيات هادا لاعب
لك عبط الطابة عبط بايدو
لك انو حدا هيك بيعمل هالحركة يمنطقة الجزاء وبدافع عن وشو بايدي التنتين

يعني بربي لما منلعب بالحارة ابشع لعيب مابعمل هالحركة وهي بالحارة هه بقى شلون بمباراة رسمية وبمنتخب


جهاد الحسين ما اختلفنا لعيب وبعدي وكتير انبهرنا في وماعليه حكي
بس انو يعني تعديات غير مثمرة يعني بعدي من عشرة وبفتل مدري شقد بس هو بوصل ع الكول وبنفرد بالحارس بكبا
يعني مو حرام الانفرادة اللي ضيعا وكان ع يسار الحارس فاااااااااااااااااااااضي قام الاخ راح لعبلو ياها بالنص
يعني كفرنا مية كفرية علىه الحركة اللي عملا وكان في لاعبين ع يسارو كمان كان بيقدر يمررلن
بس لعبا للحارس


والجنيات عمل حركة بحياتي ماشفتا بكل المباريات
وجهاد الحسين عين الله عليه لعيب ومافي متلو بس عند الكول انسىى

مابعرف منتخب فايت ببعضو
واللعيبة عبلعبوا بلا نفس من عاطف جنيات وانت نازل

يعني داخلين ع الملعب غصبالعنن للاسف

[Government]

لا جادو كلون كانو من كبيرهم لصغيرهم

اشبك انت
قال كلن قال
ريتك بتقربني على هالزكا
بك حبيبي في تلت لعيبة اساسيين مادخلو بتشكيلة العراق


وواحد منن هوار ملا محمد
ولييييييييييييييييييييييي يييييي هادا كان بيلعب بقبرص وحول ع العين والاندية عبتتقاتل عليه
هادا فنان بمعنى الكلمة يعني لو دخل الله واعلم شو كان صار فينا

[Fares]

جهادووووو شغلة كبيرة كتير... وهو برأيي شايل الفريق، مشان هيك ما بينعتب عليه إذا كب شي طابة برات الغول...

بينما عاطف جنيات!!! آآآخ... ما بعرف شو بدي احكي...
لك الزلمي لعيب... بس كتير سويعاتي.. يعني مبدأياً ما قدم مع المنتخب نص يلي بيقدمو مع الكرامة!
رغم أنو كمان مع الكرامة أوقات بيكون رائع وأوقات أخرى بتحسو مالو علاقة!! أنا عاطف والبلحوس بصراحة ما كتير بيعجبوني (بالمنتخب + بالكرامة)...

أما فيما يتعاق بحبي لنادي الكرامة... فوالله هالنادي غير شكل يا أخي... يعني بطل الدوري آخر سنتين ، وبطل دوري الشباب آخر 3 سنين... ووصيف آسيا السنة الماضية، وهالسنة لهلأ وصل لربع النهائي وما بعرف لوين ممكن يوصل.... يعني فريق محترم...

أما بالنسبة لنادي الاتحاد، فهو فريق كبير كمان، وأنا أول مين بتمنى أنو يرجع لمستواه، خصوصاً بعد ما صدر قرار بحل الإدارة تبعيتو... يعني بركي الإدارة القادمة بتكون أحسن..
والكل بيتذكر أنو بالسنة الماضية بكأس آسيا لو لعب الاتحاد الذهاب (أول 3 مباريات) متل ما لعب بالإياب لكان اتأهل للدور التاني من البطولة.... يعني عندو لعيبة كتير مناح بس في سوء إدارة + بصراحة المدرب ما كتير بيعجبني...

غير هدول الناديين قلي مين في عنا بسوريا؟؟؟
ما في حدا... كل سنة بيطلع شي فريق هيك طفرة وبيرجع بيتراجع مستواه السنة يلي بعدها...

وبالتالي ما بحقلي انبسط وشوف حالي أنو بسوريا في فريق متل الكرامة ؟؟؟

[Fares]

نسيت شغلة كمان...

فريق الكرامة لم يخسر هادا الدوري ولا لعبة...

وهادا الدوري والدوري يلي مضى لم يخسر ولا لعبة على أرضو...

وببطولة آسيا السنة الماضية وببطولة آسيا هذه السنة حتى الآن، لم يخسر على أرضه ولا مباراة....



شوفولي هالكليب لجيهادوووووووووو
ملاحظة: الدقة ما كتير واضحة مشان ما يكون حجم الملف كبير...
هذا الكليب مأخوذ من منتديات نادي الكرامة، اقتضى التنويه..

[Reemi]

غير هدول الناديين قلي مين في عنا بسوريا؟؟؟

عندك ... جبله .... يعدمني اياهن اذا بيفهمو بالطابه

[Fares]

كاتب النص الأصلي : Reemi

عندك ... جبله .... يعدمني اياهن اذا بيفهمو بالطابه

لك سكتي سكتي...
أنا بشجع الوثبة كمان!!! نزلو السنة ع الدرجة التانية....