انت رئيس لمدة اسبوع,, شو بتعمل؟

[LiOnHeArT.3LA2]

تصور نفسك انك رئيس لمدّة اسبوع

شو بتعمل؟

طيب لقلك في عندك خيارين

عندك اربع ايام ,, رئيس دولة عربية

ولك الحق في اختيار اي دولة

تلت ايام ,, رئيس دولة غير عربية

,,,,,,,,,,,,,,,,,,,,,,

هلأ اول شي بدي من الشباب الطيبة

انو يروقو شوي ويتزكرو انو هني عندن شعب؟

يعني اللي بدو يعمل حرب بدو يعرف انو بدو ينرد عليه ,, وفيه عندو ناس ابرياء

تاني شي

الرجاااااااء ثم الرجاء

عدم التجريح باي شخصية سياسية

وشكرا

[Government]

بستلم سوريا وبس ..
وبعمل التالي


بخصص مليون ليرة لكل نادي بالدرجة الاولى او مليونين مامشكلة ..
وبخلين يزيدوا عدد المحترفين ..
وبخصص للمنتخب ميزانية مفتوحة ومفتوحة كتير ( بلا معنى )
وبجيب احسن مدري اجنبي ..
وبعمل كم ملعب جديد وبزبطن
وكمان بساعد اي نادي محتاج وبخخصلو ميزانيات عالية
اي وكمان بنزل الوحدة ع التانية
وبس ..

[butterfly]

بسلما للحكيم أقنعني ببرنامج عملو .. بس أول يوم بعمل قانون .. انو بعد الأسبوع اللي بدو يستلم فيه
بدو يعمل انتخابات .. لأنو الحكيم ديكتاتور شوي .. بخاف .. ما يعمللنا انتخابات

هون في شقين رئيسين ، اذا عرفان اني رح استلم بالفترة كذا و اذا مش عرفان وصار الموضوع فجأة

1- اذا عرفان انو بعد XX من الأشهر قال رح استلم 10 تيام .. فالي بعملو هوي هلق مش وقتها
يعني اول شي ابيع كلشي عندي اي شي عندي ابيعو .. بيت سيارة شغل ارض اي شي عندي ممكن ينباع ابيعو .. و بتدين اكبر مقدار من المصاري بقدر بتدينو من كل حدى بعرفو او ما بعرفو او حتى شو ماكان انو بالنهاي بجمع كاش اكبر كم من المصاري لتمويل ورشة عمل من الآن حتى ذلك الحين ..

بورشة العمل:
بعمل دراسة الدراسة ، بمعنى بعمل فريق عمل مصغر لدراسة مين بدو يجي يعمل الدراسة، مثلا مين هني اتخن الأشخاص بعالم الإقتصاد (من الدول الي عاشت تجارب ناجحة وعملت تجارب اقتصادية ناجحة ..من خبراء اقتصاديين عاصرو نهضة دبي او سنغفورة او هونكونغ .. الخ من محللين و هيك..) مين هني اتخن الأشخاص بعالم العلوم التشريعية، (مشرعين) بفرنسا ، ببلجيكا .. حتى بأميركا .. بعلوم الإجتماع من الخبراء بالشرق ، مين هني اتخن ناس ، احسن باحثين ، معاصرين لتجارب ناجحة ، بتركيا مثلا .. وهيك ..

هلق صار عنا اذا ورشة اولى ، مهمتها اختيار الخبراء الي رح يكونو بالورشة الثانية الي رح تعمل الدراسات (الإقتصادية، التشريعية -الدستوريةـ الإجتماعية)
تمام ،
بالجانب الإقتصادي ما عندي (عن نفسي نظرية بقدر قول احنا هيك بيناسبنا وهيك لاء او قول في عنا كذا وبدنا ياكم تبلوروه ، بس الي بعرفو انو بدنا نعمل شيئ بمفوهم الغد مش مفوهم اليوم، العالم كلو متجه نحو العولمة شاء من شاء وأبى من ابى ، وسوق عالمية واحدة رح تكون امر واقع هذا ، فالنظرية الإقتصادية الي رح نعتمدها او الي طبعا رح يعملها الخبراء المستوريدين هدول سواء من واقع تجارب عملوها وطبقوها بدول اثبتت نجاح باهر متل ما اشرت فوق او شيئ جديد حتى .. هال النظرية بدها تكون وفق الغد ، بكرا .. وفق معطيات شو بعد 10 سنين حال العالم، وشو بعد 30 سنة حال الكوكب هذا رح يكون .. )
تمام منعد هلق نظرية اقتصادية عامة (بدون تحفظات ايديووجية من اي نوع) + مجموعة مشاريع _ممكن 400-500 مشروع_ يكون فيك تطلقهم مباشرة ، يعني مدروسين جاهزين ، بس تطبيق (طبعا بواقع انو رح يكون بالجانب التشريعي عاملين نظام ضرائبي واعفاء ضرائبي مغري جدا) و شيئ من نظام شفافية مرن جدا .. لتسمح للمستثمرين الأجانب يكفتو بواقع ان المستثمرين المحليين ما هم قد الموضوع (او بمعنى تاني متعودين على النمط تبع اضرب واهرب ) .. هيك جهزنا الجانب الإقتصادي

بالجانب التشريعي الدستوري: هذا الأهم ثم الأهم ، اهم جزء بكل الموضوع (على اعتبار في 10 تيام فأهم شيئ ممكن يلقى تأثير بعيد الأجل جدا، هوي تعديل دسوري عام ، اعادة صياغة للدستور من الصفررررر.. دستور الي انحط من 37 سنة بواقع مختلف 180درجة عن اليوم .. بواقع الحزب الواحد .. الدستور الي ما تم تعديله غير مرتين من وقتها صار مهترء صدئ ......) المهم منجي لجانب صياغة الدستور، متل ماقلنا رح نستعين بجهابزة المشرعين من عدة دول .. بس بهذا الشأن عنا اكيد الخطوط العريضة _ع فكرة يعني احنا عاملين متل ليستة عم تكبر .. بقائمة تعديلات دستورية شاملة .. من فترة يسيرة مبلشين فيها .. و انو من الحين للآخر منعملها ابديت ، كل ما لقنا خلل ما ، وكل ما لقينا شيئ مميز بدستور بمكان ما بهال الأرض .._
المهم فمنقعد منحط دستور من الصفر ،

اهم النقاط الرئيسية فيه
- فصل كامل للدين عن الدولة (للدقة فصل لرجال الدين عن السلطة الي في الدولة ليس اكثر يعني ما بدنا نجوف الدولة من الدين وانما بدنا نبعد السياسة عن ايدي رجال الدين .. لكل واحد يعرف يشتغل شغلو ..)
- نظام مدنية (هوي كلمة دولة مدنية او نظام مدني هيي فقط التوصيف المخفف لنظام علماني الي رح نستخدمها _لإنو بتعرف كلمة علماني صارت مسبي بهال الأيام وتهمة_) والنظام المدني هذا الي رح ينصاغ كل الدستور من تحت مظلته رح بيكون محمي من العسكر (سواء الجيش ، يعني بيكون دستوريا الجيش هوي الحامي للنظام المدني في الدولة، _شيئ متل تركيا_ او فصيل عسكر جديد ، هوي الوصي على حماية النظام المدني في البلاد _شي من قبيل الحرس الثوري الإيراني الي بيحمي مقومات الثورة الإسلامية بس طبعا هون عم نحكي عن نظام مدني "ضمنيا هو نظام علماني بإمتيااااز حتى"
- تجديد ثقة : هذا شيئ رح ندخلو على عدة عدة محاور بالدولة وهوي عبارة عن الية توكيدية دورية بتدخل على اهم شي يعين
منصب رئيس الجمهورية: مثلا الولاية هيي فليكن 5 سنين ، بس في تجديد ثقة كل 18شهر او كل 2 سنة، تجديد الثقة هذا هو ليس انتخابات رئاسية .. وانما هوي تجديد فقط ، بمعنى كل 2 سنة في تجديد ثقة ، اذا الرئيس جاب اقل من 30% تأييد وقتها يُنظر بأمره و يحال موضوع ولايته للمحكة الدستورية او لمجلس الشعب او بيصير انتخابات مبكرة .. الي عم نقولو انو مفوم ان العمل يحتاج وقت، لكن الرئيسي الي بأي وقت ما في لمشروعه تأييد فرضا 30% فلازم مباشرة يتم التصرف بأمره ، اصدي انو البلد ما عادت تستحمل تجارب، يعني اخي بفرض طلع رئيسي مش ولا بد ، شو زنب الشعب يقعد 7 سنين عم يدفع تمن انو هوي انخدع بالرئيس مثلا ، فلا بد يكون في الية دائيمة لتجديد الثقة كل فترة ولتكن 18 شهر، منه تحسبا ومنه تيفضل يحس انه متابع ومطالب بتحقيق وعوده الي وعد فيها الناس بالحملة الإنتخابية تبعه ، مش بتوعدون بلبن العصفور بالإنتخابات ولمن بتصير فوق بتبعتلون حليب سبااااع.....

حالة الطوارئ: ايضا وايضا تجديد الثقة رح يدخل على حالة الطوارء يعني مثل ابيكون بيحق للرئيسي يعلن حالة طوارء بالسلم لفترة شهر ، و بالحرب لفترة 4 شهور، كل 4 شهور هوي بحاجة ليجدد الثقة لتمديد حالة الطوارئ سواء من الشعب الو المحكمة الدستورية ، و يكون في حد نهائي لحالة الطوارء اي شيئ من قبيل ما تكون متواصلي لأكثر من سنتين ، مهما كانت الظروف .. يعين بدنا نحبك قانون الطوارئ حبكي مرتبي

التعديلات الدستورية: على اعتبار رح نحط دستور ما بيخرش المية ، اخو اختوو، فلا بد نحميه من التعديلات الدستورية (طبعا الدستور الي رح نحطو رح ناخد موافقة الشعب عليه ، بس اقصد بما يخص لاحقا)، التعديلات الدستورية لاحقا بعد اقرارها بالألية الملائمة ليها (التعديلات الدستورية على حسب طبيعتها بيكون ليها الية تعديل فليس هناك الية واحدة،) بس الي عم نقول انو التعديلات الدستورية الكبرى بغد النظر عن اليتها بحاجة لإعادة ثقة، يعني فرضا بطريقة او بأخرى تم اقرار تعديل دستورية لوحدة عربية او وحدة عربية حتى عسكرية او اقتصادية .. هيك تعديل بحاجة ياخد اعادة ثقة مرة بعد 4 شهور، ومرة بعد 12 شهر ، ومرة بعد 3 سنين .. منشان اي مادة بيتم تعديلها ، يكون في فرصة للتراجع عنها في حال كانت شغلة فاشلة .. انو بالنهاي الشعب 95% منه لا يفقه شيئا بالسياسة، فكيف بدك تعول عليه انو يقدر يستبصر ما سيترتب على التعديل الدستوري او ما اليه من الآن ، لازم يضل في الية سحب التعديل او الي هيي هون ضمن الي سميتو "تجديد ثقة" انو تجديد ثقة الشعب او المعنيين بالتعديل الفلاني .. مش انو منعدل والسلام ..

- فصل كامل كامل كامل للسطات "التنفيذية عن التشريعية عن القضائية " و خاصة القضائية، رح يكون مستقلة بزالتها تماما، حتى وزير العدل (على اعتبار سلطة تنفزية اخينا) ما بيقدر يشي ويحط على كيفو..

- التصويت الوزني ثم التصويت الوزني:
رح نضيف شيئ جديد بمجال التصويت هوي الأوزان، (بحكم ان البلد بعدها جديدة على الديمقراطية رح تكون بحكم ان الوضع العام ونسبة الوعيي السياسي متدنية فلا بد من هذا ..)
الفكرة انو اخي اليوم استاذ الجامعة الي اخد مدري كام دكتورة بالإقتصادر على كام ماجستير، و زلمي مقضي عمرو متابع عن كثب وراصد حقيقي.. كيف بدك ياه يروح يصوت لنائب بمجلس الشعب و هوي وادخل للتصويت عم بيشوف شخص تاني ما معو تاسع اخد علبة سمني و كام كيلو رز و داخل يصوت لفلان .. انو كيف هذا الشخص صوتو يوازي صوت هذا الآخر ؟؟؟؟؟
فهون الفكرة كيف رح تصير (ببعض الإنتخابات اقصد انماط من الإنتخابات و التصويتات) رح يكون في نظام نقطي ، وزني متل من 1 -100
فمثلا انت اخد تاسع بتاخد 1 نقطة
آخد بكلوريا بتاخد 5 نقاط
اخد ماجستير بتاخد 15 نقطة
اخد دكتورا بتاخد 30 نقطة عن اول دكتورا و 25 عن الي بعديهم ..

هاي كشهادات
كعمر عمرك بين 18-21 بتاخد نقطة
بين 21-25 مثلا 5 نقاط
الخ الخ ، لنوصل للأعمار الكبيرة بيرجع بينزل فيها النقاط
لإنو ببساطة كيف بدك شب عمرو 18 سني يحاكم ويحلل متل شخص عمرو 45 سنة ،
بنفس الوقت الي عمرو 70 سنة بياخد نقط اقل من الي عندو 50 سنة لإنو ما بدنا يتحكم بالمجتمع الي هني من اجيال بعيدة جدا صارت .. (بواقع التغير السريع .. الي عم بيصير بالأرض كلها و بكلشي فيها ..)

بالنسبة للإنجازات
انت فنان مثلا نحات رسام شاعر ، اي موهبة عندك (مثبة) بتاخد عليها نقاط
انت سافرت اقمت بدول بالخارج مثلا كمان ممكن يكون عليها نقاط على اعتبار الي بيسافر وبيعرف على انمطا حياة مختلفة رح يكون صار عندو نظرة امثل و اشمل ..
وهيك هلم ..
رح بيكون في نقاط بكتير نواحي بالحياة .. هيك منخلي الإنتخابات صح ، والناس الي عم يتم انتخابهم ناس صح ، لإنو ببساطة العفو منكم بيقولو جحش الجحاش جحش.. الي هوي اذا كان في جماعة كلهم ما اخدين تاسع ، فأكيد الي رح يمثلهم بنسبة عالية رح يكون متلون.. ما معو تاسع .. بس احنا ما بدنا هيك .. احنا بدنا الي رح يمثلهم يكون معو تاسع ودايق وعرفان انو الي معو تاسع احسن ، كرمال يساعدهم تيصير معهم تاسع .. (اي كان يعني مثال هون مش اكتر ..)

في نوع تاني بزهني بس هوي اعقد شوي هوي "التصويت الوزني فئات"
هذا صاير نفس التصويت الوزني العادي الي حكيت عنو فوق بفارق في فئات "الف ، باء تاء ثاء.. الخ"
فمثلا اذا كان في تصويت على تعديل دستوري _رح ينطرح على الشعب هذا التصويت مثلا_ وهو تصويت في تعديل مواد دستورية بتخص الإقتصاد تبع البلد و النظرية الإقتصادية للبلد..
فهون كيف بدنا نعطي ليلي معو دكتوراه باللغة العربي صوت يوازي الي معو دكتوراه بالإقتصاد؟؟
اصدي الي دارس اقتصاد هوي اقدر من الدارس آداب في تحديد هل النظرية الإقتصادية الي جاري طرحها للتعديل الدستوري منيحة او مش منيحة ..
فبيكون الحل هون بالفئات .. شيئ من قبيل
الفئة أ: علوم
الفئة ب: آداب
الفئة ت: اعلام
الفئة ج : اقتصاد

الخ .. وهيك بهذا بتقدر تعطي الخباز خبزو، يعني رح يكون للكل دور بصنع القرار، بس المهني ، او الي هوي المشتغل بالشأن المُصوت عليه ، رح يكون ليه وزن اكبر ..

اخيرا بمجال الإنتخاب والتصويت وما اليه رح نعمل ماكينات بالشوارع متل ماكينات تبع التلفون ، بس بفارق انها ماكينة تصويت mini هاي بيتم استخدامها بطريقة بسيطة بتحط بصمتك وبتصوت ، هاي مانها للإستفتائات الكبيرة وانما للأمور الصغيرة من قبيل الإستئناس بالرأي..
بمعنى الوزارة حابة ترفع سعر الكهرباء و توسع الشرائح السعرية للكهرباء .. (مثلا) هيك شيئ.. ممكن يطال فقط الفعاليات الكبيرة الي بتستهل كهرباء كتير، و بيكون تأثيرو ايجابي على محدودي الدخل .. (غالبا هيك) بس شو المانع انو ينطرح هذا وفق الماكينة mini tasweet هاي .. اخي قول 10% من الناس بس صوتو ، بتستأنس برأيهم ، بتعرف هل الناس معك بهذا الموضوع او لاء.. يعني ماكينات التصويت ميني .. ما رح نعملها الزامية للحكومة بشيئ (على اعتبار نظام الكتروني وممكن يكون فيه تزوير ما ممكن يكون فيه تبعيات ما بأرقى الدول ما عم يستخدموه خوفا من مشاكل بتحصل نتيجة استخدامه ..) بس منستخدمو احنا كنوع من الإستئناس بالراي والإحصاء .. شغلة ما بحاجة الموظف ياخد اجازة ليروح يصوت، ولا بحاجة ليوم عطلة ، ولا بحاجة للجان و دوائر ، ببساطة انت ومارق نيح محل الشاورمة بتمرق 2دقيقة بتشوف شو في مطروح للإستئناس بالرئي بتع معاليك يا مواطن من طرف الحكومة ، وبتخبرون عن رأيك ، (بالبصمة من بصمتك بينعرف مين انت او للدقة بينعرف شقد وزن صوتك وشريحتك الفئوؤية" وهيك)

- التعديلات الدستورية آلية مرنة + بعدة اختيارات: بتحتاج لموافقة البرلمان + رئيس الجمهورية + المحكمة الدستورية العليا (بنسب متفاوتة ، بمعنى ، التعديل الدستوري بحاجة يوافق عليه مثلا 50% برلمان + رئيس البلاد + 80% من المحكمة الدستورية العليا ، بيتم التعديل، او ايضا بيتم التعديل اذا وافق 80% من البرلمان و 90% من المحكمة الدستورية العليا ، او اذا وافق رئيسي البلاد + 90% من مجلس الشعب و 30% من المحكمة الدستورية، او 60% من البرلمان و 70% من الشعب بدون الرئيس ولا المحكمة) اقصد بهذا ، انو التعديل الدستوري منوط من جهة بعدة اطراف ، ومن جهة اخرى ما بيقدر طرف واحد يعطله ، يعني اذا كان في تعديل دستوري لتنزيل ولاية الرئيسي ل 4 سنوات ، الرئيسي ممكن ما وافق لهيك لا بد يكون في آلية لتنفيز هذا التعديل بدون موافقته ، .. و هيك يعني انو يكون ما حدى بيقدر مين ما كان يكون يتحكم بالبلاد ومصائر العباد بحسب مشيئة فردية .. مين ماكان يكون فلا الرئيسي وحده بيقدر يعمل الي بدو ، ولا المحكمة الدستورية العليا مثلا بتقدر وحدها ولا حتى البرلمان بيقدر وحده ..

هلق كل ما اشرت اليه من نقاط فوق هيي رح تكون فقط خطوط عريضة رح يعمل المهنيون، "الخبراء جهابزة التشريع الحقوقيون" الي جايبينون وبايعيني الي فوقنا وتحنا و دافعين دم قلبنا تنجيبهم .. على استقدام و اعداد دستور متين ، متماسك بنمازج A و B و C .. ينطرحها على الشعب ..
بمعنى احنا سراً رح نعمل كذا نموزج ، مثلا النموزج A رح يكون بنوع من المدنية "العلمانية" المفرطة + اليسير من اليبرالية _لمواكبة مش بس تغيرات العصر وانما ما سيطرء من تغيرات بعد فترة منيحة ، النموزج B رح يكون مخففين فيه اليبرالية ، النموزج C رح يكون محافظ بإطار مدني ..

وهيك منطرح الي هوي املنا ومنانا او اقصى شيئ منتمنى نعملو .. وليكن هون فرضا A اذا اخدنا موافقة الشعب عليه ،، ممتتتتاز .. اذا ما اخدنا ما رح نقعد نندب حظنا تاني يوم منطرح B ما مشي الحالي منطرح C اذا كلون ما وافق عليهم الشعب، وقتها .. منقول لاحول ولا قوة الا بالله.. انو خلص ببساطة طرحنا الشعب ما مقتنع فيه ، او ببساطة اجا بالوقت الغلط .. فمننسحب من الموضوع كلو يعني .. وحاجي .. بس هيك بشكل عام فيني اكدلك انو فريقنا بالمكتب الإعلامي رح يعرفو يتصرفو و يسوقو ليه بطريقة منيحة كتير.. و غالبا غالبا مناخد موافقة على A .. و بتعم الفرحة البلاد .. و مننزل على الدبكي .. بس بجد .. منّا ومن حالنا .. من الفرحة مش من الخوف من الراتب الناقص و التقرير وما بعرف شو ..

هلق بيفضل في الجانب الإجتماعي، او الي هوي اعادة صياغة اسس معينة كرمال اعادة تشكيل العقد الإجتماعي .. (هاي بواقع الحكي الكتير الي حكيتو .. صار ما عاد في وقت اطرق ليها هلق .. بس شيئ على كيفك كمان رح بيكون .. )

--------
ما اشرت فوق كلو كلو في حال عرفنا قبل بوقت انو في يوم كذا في وقت كذا رح يصير انو نستلم دفة القدر او ما اليه .. لفترة كذا من الوقت ..

بس في حال فجأة صار الموضوع ، هيك شحطونا فجأة وقال يالله فرجونا شو بيطلع معكون ..
ف

2- فهوي تعديل دستوري من واقع الي حكينا عنو ومنشمل فيه ليستتنا الطويلة من التعديلات ..
اذا ما نفع ما تم الموافقة .. فإسمو قانون طوارئ بنحل البرلمان، و منجيب برلمان جديد يوافق على شغلتين تلاتي
بالوضع بالخارج اجتماعين:
بدعو لقمة عربيي اخيرة بدمشق وبقلهم كلمتين ، انتو العرب على عينا وراصنا من فوق، مش اليوم وانما من اكتر من 6 عقود .. و هلق اتعبنا .. تعبنا حاملين اعباء الأمة كلها لحالنا ، تعبنا حاطين مصالح الأمة العربية المزعومة قبل مصالح الأمة السورية تبعنا ، تعبنا نحكي عن العروبة وتحكونة عن اسعار النفط .. تعبنا و بدنا نستأذن منكم انّا رح نلفت لأمتنا السورية هالفترة.. رح نستبدل العروبة بالسورنة.. و رح تكون سوريا اولا وثانيا وحتى عاشرا .. فبالإذن منكم ، عتبرونا معكم بالروح .. بس رح ننسحب ...
يشيلك يحطك شو تنحسب ما تنسحب ..
هون احنا منفاوض على معونات اقتصادية كاش + استثمارات تجارية + دعم للمنتج السوري .. (صفقة بالمجمل بتزيد لسوريا بين 50 - 80 مليار دولار _هدول اللي لازمينا ع الحارك بالكام سني الجايين لنفز المشروع الي براصنا ) ..
هلق هون اذا وافقو .. عال.. حلو .. هاي جبنالكون 15 ضعف ميزانية سوريا بضربي وحدي ..
اذا ما وافقو كمااااان عال .. منكون انسحبنا .. و منروح على الأسويي او على دول المتوسط.. شو يا شباب .. بتقبلونا معكون .. منأمنلكم مدخل على الدول العربية وسوق خصب 300مليون مواطن شو ما تبيعو بيشتري ؟؟
يعني خلاصتو منتصرف بحلف خارج اطار الدول العربية اذا نفع ..
بيفضل اذا ما نفع احنا ما عنا مشكلة، من حيث اولا وثانيا وثالثا ، بدي واحد يخبرني من وقت اسسوها لجامعة الدول شو قدمت لسوريا .. شو فادت السوريين ؟؟ بشو ؟؟ وين ؟؟ انا ما عم بقدر اتذكر غير شو احنا قدمنا .. شو احنا ضحينا .. بس وين هني ساعدونا .. ما شفت شي .. و بولا وقت ..
فلاء خلينا عارفين ابعاد نفسنا .. اظبط .. (بالمناسبة التجربة اليابانية بالإلتفات للداخل و تشريع الجيش للدفاع فقط، هيي الي عملتهم ...... بالمناسبة كمان .. ابتعاد آل نهيان عن السياسة، والتفاتهم للتجارة والأقتصاد و شؤونهم الداخلية البحة _شوف كيف ما بيدخلو بأي شيئ سياسي لا بالعرب ولا بالغرب_ هوي الي خلانا لايوم نشوف دبي و نضرب فيها المثل ..) فما تسدق انو يعني في خسارة بإنا نبيع الكل و نلتفت لحالنا و بس ..

تاني اجتماع: مجلس الأمن جلسة طارئة.. ومنخطب بما معناه..
يا شباب الدول الأممية الأشاوس .. خيو ليك من الآخر ، هاللله هالله ع الجد .. و الجد هالله هالله عليه ..
احنا بطلنا نكون دولة ممانعة (وتمنع و استحياء .. )
احنا ملينا نكون دولة مارقة ، على الشرعية الأممية ، وعلى التاريخ ..
شو بدكون نبطل نصدر ارهابين منبطل ، شو بدكم ديمقراطية واحنا هيك بدنا .. شو بدكون نسيب لبنان بحالو .. وهاي سبناه .. نسكر الباب بوش ايران ، حلو .. فتحولنا بابكون لكن .. وصفحة جديدة مع بعض ..
اولا الجولان واراضينا بتردوها عل داير مليم على دايرة حبة تراب..
و خلونا نحكي بيزنس .. انتو اخي بالعراق باليوم عمم تتكلفو بين 500-1000 مليون دولار.. طيب .. خيو مرقولنا اجرة اسبوع اسبوعين .. ومنترسلكون الحدود ال 600 كيلو كلون بينا وبينون عسكر ..... ما منخلي خرم ابري يمر ..
شو كمان .. ايران زاعزتكون .. اخي ايران عم بتساعدنا .. سلاح ومصاري والي بالي بالك .. طب احنا شو بدك نقلون لاء .. والله صعبة الشباب ما قصرو .. بس ترى اذا بتحلو محلون .. بتعدولنا سلاح ومصاري و الي بالي بالك .. فشوف ترى احنا مبارح بعنا العرب .. كرمال 50 مليار .. انو بيعة ايران شغلة فاضيي حبيب ..

خلاصتو يا شباب .. انو اخي انا شايف اول شي لازم الناس تعيش مرتاحة تتقدر تعطي ، تتقدر تقدم ، تتقدر تتقدم .. فعلا شيئ متعب يكون طموح المواطن الهجرة .. شيئ مهين يكون املك بالحياة تاخد انشاء الله اقامة بأي دولة غير بلدك هاي .. شيئ ممقت و بيشعرك "بالغبن" تشوف سيراليون .. لك سيراليون عم تعمل ديمقراطيي ومرشحين و احزاب و احنا لسا لاحقين مين كتب مقال فيه كلمة فساد تنردو لصوابو ونفهمو بالتي هيي احسن انو لاءء لاءء شو فساد يا زلمي البلد بيقارنو فيها الكريستال من شفافيتها ..

اما بعد ذلك .. (بعد الكام خطاب والكام حركة ندالي _و مستعد اتحملهم و اتحمل تهمة الندالي و اي تهمة تانيي مافي مشكلة _ اذا كان بالثمار في بهال البلد رح يتحسن الوضع بجد .. )

بالدستور:
نظام مدني........ والجيش هو الكفيل بحماية النظام المدني بالبلاد دستوريا
فصل سلطات ........ والجيش مكلف بحماية فصل السلطات لفترة X من السنين (لغاية ما يستقر الوضع والناس يصير عندها زهنية السلطات المفصولة)
إعلام حر ......... بس هيك اعلام حر (يعني بهال ال 10 تيام) رح بعطي لكل مين قال انا بدي .. ترخيص يفتح فضائة وارضيي و مجلة و جريدي .. و اذا ما لحقنا نعدل قانون المطبوعات .. فمنشطبووووووو.. منلغي للقانون ، خليه يشتغل الإعلام بدون قانون لفترة _اكيد رح يصير غوغائية كتير _ بالتالي بعد ما روح بيقعد المجلس بيعمل قانون اعلام ومطبوعات جديد ، بس بوقتها مافيه يحط على كيفو، لإنو بالأصل في اعلام موجود وقادر يدافع عن حالو وعن الحقوق الطبيعي ليه في الحرية والشفافية و انو بخبط اتخن باب وزير ويسألو ليش وشلون وفهمنا شو بدك ..

اخيرا بدي قول انو 10 تيام كتير وقليل، كتير انا بيكفيني 72 ساعة .. (ممكن الأيام السبعة الآخيرة احرص على تطبيق ما تم اعداده بال 72 ساعة الأولى مش اكتر)
وقليل لإنو للجد هذا شيئ بالمجمل منيح ، بس بدك وقت اكبر من هيك لتحافظ عليه ، و للحقيقة لسد الثغرات الي فيه ، و معالجة تداعيات قد تحصل .. (قبل ما تحصل..) ..

البرنامج تبع الحكيم من المقلاية

[yass]

تم حذف الردود الخارجة عن الموضوع

[Raw]

يكتّر خيرك عطيت للدول العربيّة زيادة يوم

هلأ شو ما كانت الدولة ما بكفّيها لا أسبوع و لا أسبوعين و لا سنة لتصلّح مهما كان برنامج الإصلاح و ما تئلي ما لازم الإصلاح ؛ الإصلاح لازم بكلّ ئرنة بالدنيا من كندا مدري السويد إنو وحدة فووووء و إنت نازل لدنب الأرجنتين

و بالتالي خلال فترة قصيرة متل هي شغلة سهلة كتير ؛
مرسوم :
المادّة الأولى: إعدام كلّ المسؤولين الذين أعمارهم بين الـ30 سنة و 100 سنة.
المادّة الثانية: مصادرة 80% من أموال عائلات المعدومين في المادّة الاولى.
المادّة الثالثة: هلأ صار عندنا فائض كبير بالفلوووووس لذلك منوزّع بدون استثناء لكلّ مواطن "كبير أو زغير" 150000 ليرة (هي ذرّ الرماد في العيون مشان يسكتوا عن الإعدامات و هيه بالنهاية لصالحهن)
المادّة الرابعة: بجيب خبير اقتصادي يكون متل سوبّر مان يعني يعمل دراسة و جدوى و كل شي خلال يومين و طبعاً مافي حدا بيفهم بالاقتصاد ئد "BL@cK" كلو هاد مشان نلحق نعمل كم مشروع قبل ما نطير
المادّة الخامسة: شلووووووووووون راحت عن بالي؛ استبدال الأسبوع المعطية لإلي في المرسوم اللي جابني لهون بخمسين سنة و بحقلي وصّي من بعدي كمان.
المادّة السادسة: خلص خلّوها علاموجة الطويلة بئا معي خمسين سنة؛؛ عمرينو ما يصير إصلاح!



®

[W.E.G.A]

شوف انا بختار 4 ايام احكم سعودية
و3 ايام احكم امريكا

هلق ال 4 ايام تبعون سعودية رح قضيها احتفالات
واستقبالات وافراح منشان منصبي الجديد

فما رح الحق اعمل شي

اما ال3 ايام تبعون امريكا
رح اعدم بوش وجماعته كلن ( ما بعرف اذا هيك عم جرح بحدا )

ورح حاول رجع جنودي من هالبلاد الشاسعة الواسعة الي شالفهن فيها

ورح حاول التفت لمجال الاقتصادي اكتر


يعني طلع مصاري من التجارة

مش من الحروب


عفكرة الموضوع حلو يسلمو

[سوري محشش]

والله بالنسبة الي انا مع برنامج الحكيم جد عجبني
وانا جديد ماصلي زمان بس اول مرة بسمع بهل عضو والله شكلو مابو شي

بالنسبة الي انا برنامجي متل برنامج الحكيم مع شوية تعديلات
لما حكا انو الجيش حافظ للنظام المدني لازم نحط كمشة قوانين بتحد من تسلط الضباط مالنا مصلحة
انو يتسلطو لانو بكرا على الطالعة والنازلة بحجة الدفاع عن المدنية بلغو قرار او بيعملو يلي بدن ياه
يعني مثلاً بتركيا قامت الدنية وماقعدت لما سمحو للحجاب بالجامعات(على سبيل المثال)
اجا الجيش ادخل وكان رح توصل الشغلة لتحرك الجيش على هيك شي تافه
يعني مثلاً انا بشوف انو الحجاب حرية متلو متل غير حريات
فلازم تنحط قوانين تحدد طريقة دفاع الجيش وهل قوانين تكون واضحة وماتتعدل الا بموافقة نسبة كبيرة منل شعب
منشان بالاخير مايصير قمع للحريات هي اولاً

تانياً انا لو كنت رئيس بساوي متل ماقال الحكيم اني رح اشتغل بسياسة مصلحتي اولاً
يعني مابهمني رأي معين ولا صف مع حدا كرمال قضيتو
متلي متل اميركا مثلا يلي بتصادق دول مثلاً منشان النفط
ومتل ما قلت مصلحة البلد اولاً
تالتا بالنسبة للاعلام قانون الاعلام رح يتيح حرية كاملة بشرط عدم اثارة المشاكل بين الطوائف
وبشرط كمان انو مثلاً انا بدي اتهم فلان انو عم ينهب الشعب ما بصير يحكو شي بلا دليل
رابعاً بالنسبة الي في 3 شغلات مهمة بالدولة
1 القضاء 2 التعليم 3 الاقتصاد

منشان هيك رح اعمل مايلي
1 فصل القضاء عن السلطة التنفيذية فصل تام
2 بالنسبة للتعليم انا في عندي كتير افكار بهل امر (مابعرف ليش ) بس بحس افكاري بهل امر كتير كتيرة
وافكاري عل اغلب رح تكون مستندة على تجربة اليابان
يعني مثلاً انا باخد من كل الف طفل باخد ازكا واحد فين وبجمعلي شي 2000 طفل بفتح معهد خاص فين
اكلن وشربن وكلشي على حساب الدولة
بعدا بدرس كل واحد مجالو من وقت ما بتفقس البيضة عنو لبين مايموت
يعني بجيب خبراء بالتعليم بخليهن يحددو شو مواهب الطفل وبشو ممكن يكون مبدع
والشي يلي ممكن يبدع في بضل بعلمو في عل مناهج قوية كتير لحتى يصير يبدع وينتج
وهل تجربة صارت باليابان وباميركا يعني الاقتصاد الاميركي قائم على هيك علماء
وبالنسبة لمصاريف البحث العلمي رح تكون كتير كتير كبيرة يعني مو 0.1% من الميزانية
3بالنسبة للاقتصاد رح نحاول قد مافينا نعمل مشاريع بدر دخل على البلد
وبتصور سوريا دولة عندا كتير ثروات خصوصاً الزراعية
يعني لو منعتني بالزراعة عنا صدقوني رح نكون من اول 15 دولة بالعالم من حيث الانتاج كماً ونوعاً
يعني بحكم اني بدرس علوم طبيعية بعرف انا كتير منيح انو القمح السوري مثلاً من افضل نوع قمح بالعالم
واغلاها
القطن نفس الشي
يعني مو ضروري نكون نعتمد على التكنولوجيا هل شي بجي بعدين
خلينا نعمل متل هولندا مثلاً او الدانمارك هدول عرفو حالون انو ماخرجن تكنولوجيا ادام الكبارية
قام اشتغلو بالزراعة ومعروف انو هولندا مزرعة اوروبا يعني متلنا متلن مثلاً واكيد بعدين رح نزبط اكتر

هلأ في عندي نقطة اخير منشان قانون الانتخابات
انو شغلة الوزن الانتخابي انا معا مع شوية اختلافات بالاوزان مع الحكيم
بس متفقين من حيث المبدأ
وشغلة الكولبات الانتخابية شغلة حابب اساويا انا كمان

وبالنسبة للباقي انا مع السيد الحكيم شكراً عل موضوع موفق

[hurt]

شوف الله شو حكيم منشان هيك ما عملكو رؤساء
بس شوف انا شو بدي اعمل بختار سوريا
اول يوم بزبط شوارع دمشق كلها حسب المقاييس العالمية
تاني يوم بدخل ميزانية النفط للمواطنين
تالت يوم برفع من رواتب الموظفين ( لتتناسب مع الغلاء بهل ايام )
رابع يوم بشيل جمركة السيارات وضريبة الرفاهية
وازا بتعطيني يوم خامس يعني إستثناء بعمرلك البلد ابراج وبخليها احلى من دبي

[عطر سوريا]

اما بالنسبة ئلي انا بأمم اموال المسئولين وبرجعها على خزينة الدولة للاستفادة منها
وتاني شي بشنقلي كم واحد مرتشي من الكبار مشان يتربى الشعب فيون
وتالت شي بكمل مشورع اختنا hurt

[shymaa]

انا لو اعطونى منصب رئيس برفضه
ايوا
برفضه لان الرئاسه دى تكليف مش تشريف
وانا مقدرش احقق لكل الناس رغباتهم
وماضمنش ربنا هيعمل فيا ايه لو ظلمت حد من غير ماعرف
انا كده عايشه ميه ميه احسن من اى رئيس كفايه ان بالى مرتاح

[Rena]

كاتب النص الأصلي : GOVERMENT

بستلم سوريا وبس ..
وبعمل التالي


بخصص مليون ليرة لكل نادي بالدرجة الاولى او مليونين مامشكلة ..
وبخلين يزيدوا عدد المحترفين ..
وبخصص للمنتخب ميزانية مفتوحة ومفتوحة كتير ( بلا معنى )
وبجيب احسن مدري اجنبي ..
وبعمل كم ملعب جديد وبزبطن
وكمان بساعد اي نادي محتاج وبخخصلو ميزانيات عالية
اي وكمان بنزل الوحدة ع التانية
وبس ..

اي الله يخليك ظبطلنا وضع لاعبين الكاراتيه .... والله بستحي بس قول لحدا اني عضو بالاتحاد العربي للكاراتيه ...وضع مأساوي ..... وما عنا صالات للتدريب متل الخلق ... ولك من شهرين كنا عم نتدرب المسا وكان مطر وهالصالة كلها مي وع اساس ظبطولنا ياها ....

[Rena]

يرجع الامر ل الي .... ما بصير لا رئيس ولا بطيخ ....الله يعين هالتاريخ ع قد ما في رؤساء....

بعدين كيف فيك تعمر بناية ع ارض فيها انكسارات ومناطق ضعف بالقشرة تبعها واضحة جداً ..... يعني شو بدك ترمم ل ترمم بالفساد الدولي ....!!

[كوتش]

انا لو صرت رئيس مدة 3 ايام بختار سوريا وبرفع رواتب الشعب كلو وبطلع قرار بالاعدام على يلي بفكر يرتشي
لانو سلفا انا رفعت المعاشات
وبعمل بالمحاكم بدل قاضي هيئة محلفين
وبعمل قانون اعدام بدون محاكمة لجرائم الاغتصاب وتهريب الاثار و المخدرات

وبالنسبة للبلد الاجنبي بختار المانيا وباخد كل علمائها وبعملهم نفي دائم على سوريا حتى نستفاد من خبراتهم عنا واذا قلتولي ليش المانيا بقلكون لانو بكتاب التاريخ بتذكر انو هي انعزلت كم سنة عن العالم وعملت ثورة صناعية كبرا ولما رجعت ظهرت كانت دولة عظمة

[كوتش]

انا لو صرت رئيس مدة 3 ايام بختار سوريا وبرفع رواتب الشعب كلو وبطلع قرار بالاعدام على يلي بفكر يرتشي
لانو سلفا انا رفعت المعاشات
وبعمل بالمحاكم بدل قاضي هيئة محلفين
وبعمل قانون اعدام بدون محاكمة لجرائم الاغتصاب وتهريب الاثار و المخدرات

وبالنسبة للبلد الاجنبي بختار المانيا وباخد كل علمائها وبعملهم نفي دائم على سوريا حتى نستفاد من خبراتهم عنا واذا قلتولي ليش المانيا بقلكون لانو بكتاب التاريخ بتذكر انو هي انعزلت كم سنة عن العالم وعملت ثورة صناعية كبرا ولما رجعت ظهرت كانت دولة عظمة

[منشد2006]

إزا أنا رئيييس أول حاجة بسويها بأوقف أجهزة المخابرات إلي عمالها بتمص دم الشعب مص

تاني حاجة بدي أقضي على الحاشية كلها تبعت الرئيس وعلى الحزب البعثي القومي إلي خرببب ديارنا كلنا

سوريين وعرب و.......

بدي أشرع الديمقراطية كنظام للحكم بعيد عن الدكتاتورية الصماء

بدي أقف على قبور الشهداء الذين صقطو على أيدي الهالك حافظ الأسد و أحاول أستذكر الأحداث البشعة

بدي ألغي قانون الإعدام

بدي أأحيل كل المسؤولين على القضاء وأولهم القضاة نفسهم

بدي أصدر قرار يوجب كل من يملك رأس مال بإستثماره في البلد ويعاقب من لا ينفذه

بدي أطلق يد الجماعات الإسلامية في دعم المقاومة في العراق بدلا من قتلهم ومطاردتهم ولا داعي لذكر الأسماء

بدي ألغي القانون الذي ينص على إنو الإنتماء إلا الإخوان المسلمين تهمة تسوجب القتل لأنو هاد القرار بيرسخ فينا الدكتاتورية الظالمة

إزا كنت رئيس سوريا رح أحتل هضبة الجولان وأخش شمال في اليهود بدون سابق إنذار

آخر حاجة رح أمسك بمسدسي وأرتدي أحلى ثيابي وأنتحر بشرف قبل ما حد يجي بقناصة من بعييييد ويغتالني



ملاحظة اشرافية: تم تعديل الرد

[جمال عبدالناصر]

بختار مصر بلدى

باول يوم

اذا سمعت عن جريمه سرقه بقطع ايدو للسارق

وانا متاكد انو ما حدا راح يسرق اذا شاف سارق بقطعلو ايدو

وبعدم لمروج المخدرات

وبعدمو يلى يرتكب جريمه الاغتصاب

ومن قتل يقتل

القصاص

واشد العقاب على من يستخدم نفوذه وسلطته ليحصل على ما لا يستحق

او يحرم اصحاب حق من حقهم

او يؤذى الناس

وبعدم % 99,9

من رجال شرطه مصر


لانو اغلبهم مجرمين وقتالين قتله

وبيعملوا لمن يدفع اكثر حتى ولو كان مجرم


صار معى مشكل مع شخص ما

وهاد الشخص هددنى بان له صديق ذو رتبه مهمه

بمخفر الشرطه الذى بالحى الى اسكن فيه

ومرقت المشكله على خير


وتعرفوا هلا وين رجل الشرطه المهم هاد

الى كان بيهددنى به صاحب المشلكه

الان بالسجن

ضبط متلبسا باخد رشوة من مروجى المخدرات