أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > علوم > علوم و تكنولوجيا

إضافة موضوع جديد  و الله هالموضوع مقفول ترى
 
أدوات الموضوع
قديم 27/07/2007   #181
صبيّة و ست الصبايا sweetbaby
مشرف متقاعد
 
الصورة الرمزية لـ sweetbaby
sweetbaby is offline
 
نورنا ب:
Mar 2005
المطرح:
في ذكريات الزمن القادم
مشاركات:
7,725

افتراضي


علاء يلعنك انت وهيك موضوع الي اربع ساعات عم اقرا فيه واتناقش فيه دوخت العيلة كلها


اقتباس:
كاتب النص الأصلي : handsome عرض المشاركة
استمتعو اخواتي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هلا ابن العم سؤال واحد
انو هلا الدولاب ليش دار بهالاتجاه نحنا دورناه بجهة وهالشي خلاه يدور (بعكس عقارب الساعة)
هلا لو فتلنا الدولاب بالعكس رح يدور باتجاه عقارب الساعة ماهيك؟؟؟

قالت سفيرتي للنجوم الكذبة مش خطية

الصفر اكبر من اي عدد اصغر منو

أنـا لـحـبـيـبـي وحـبـيـبـي إلـي،
فـيـا عـوازل فـلـفـلـو...

لِـ عـيـنـيـك أتـلـو صـلـاتي: أنـتَ ابـتـدائـي وأنـت انـتـهـائـي

بكرا التغيير جاي على ايدنا نحنا جايي...

Baby!! you are like my own personal brand of heroin

 
قديم 27/07/2007   #182
شب و شيخ الشباب hanny dagher
مشرف متقاعد
 
الصورة الرمزية لـ hanny dagher
hanny dagher is offline
 
نورنا ب:
Aug 2005
المطرح:
وين ما التفتت بتلاقيني
مشاركات:
6,194

افتراضي


اقتباس:
كاتب النص الأصلي : محمد ابراهيم عرض المشاركة
أحذر ان لم يجيب احد على هذه الاستفسارات سأضطر اسفا الى وضع تصورات وبالطبع لن تكون هناك روابط انقل عنها . (ستكون تصورات)



اذا اردت ان اضع تصور فهل يعد هذا التصور تهور وإن كان فأيهما السبب وأيهما النتيجه ؟!!




معكم مهله بسيطه للتفكير ,بعدها ابدأ
مشان الله يا شباب حدا يجاوب حدا يرد يعني كل شي الا يفلت محمد بالحكي وبالتصورات مصيبة
اذا كان الموضوع بدو اربع ساعات لينقرا بيصير بدو من هون لتبلش الارض تبرم بالعكس ليخلص

دبروها شباب بمعيتكن

انا بحبك وانتي بتحبيني وفخار يطبش بعضو
بحموشك انا بحموشك
 
قديم 27/07/2007   #183
شب و شيخ الشباب محمد ابراهيم
عضو
-- مستشــــــــــار --
 
الصورة الرمزية لـ محمد ابراهيم
محمد ابراهيم is offline
 
نورنا ب:
Nov 2005
المطرح:
في بيتنا
مشاركات:
5,722

افتراضي


ليكون قصدك قاعدة فليمنج لليد اليمنى
هاي تبع اتجاه التيار الكهربي

عالعموم هي معتقده اذا لفيت بيدك (العجله) بتقول عليها انت الدولاب اعتقد , المهم اذا لفيتها عكس بيدك بالاول بتدور في اتجاه مع عقارب الساعه . انا هيك معتقد انا كمان ...


صحيح مافي حد رح يجاوب عالتساؤلات

انا رح اعمل مصايب بردي (يمكن بالتصورات اجمع نظريه ) وقتا ما بضمن النتيجه
جايز تطلع نظريه سليمه بالصدفه واسرائيل تطير السيرفر من على وجه النت مشان ما تنتشر النظريه
 
قديم 27/07/2007   #184
شب و شيخ الشباب handsome
مشرف متقاعد
 
الصورة الرمزية لـ handsome
handsome is offline
 
نورنا ب:
Dec 2005
المطرح:
بحومص الحبيبي
مشاركات:
1,194

إرسال خطاب MSN إلى handsome
افتراضي


اقتباس:
كاتب النص الأصلي : sweetbaby عرض المشاركة
علاء يلعنك انت وهيك موضوع الي اربع ساعات عم اقرا فيه واتناقش فيه دوخت العيلة كلها




هلا ابن العم سؤال واحد
انو هلا الدولاب ليش دار بهالاتجاه نحنا دورناه بجهة وهالشي خلاه يدور (بعكس عقارب الساعة)
هلا لو فتلنا الدولاب بالعكس رح يدور باتجاه عقارب الساعة ماهيك؟؟؟
بعد اول محاولة فاشلة لشرح السبب .. نبدء الان بالمحاولة التاني !

اول الشي نحنا لازم نعرف انو هاي القوة الي عما تحرك الدولاب هيك ( والي توصلنا انو اسمة القوة المحركة ) هيي عبارة عن شعاع ( vector ) وهادا الشعاع بيتكون عن طريق الجداء الشعاعي تبع الزاوية الحركية للدولاب والقوة الي مسبتو ( وهون هيي محور الدوران ( محل مانو مربوط يعني ))
وعطول هادا الجداء الشعاعي بيكون عمودي على الشعاعين الي بيكونو ..
وهادا الشي فينا نشوفو بقاعدة اليد اليمنة .. وهاي قاعدة اليد اليمنة سهلة .. بس بدا شوية حركات رياضية لحتى تظبط ( يعني بس الواحد يحس انو لازم يطعج ايدو بالعكس لحتى يمش الحال , فالاحسن انو يجرب بغير نقطة يظبطة , لانو ما بتشتغل القاعدة بالايد المكسورة او المقطوعة )
اي منبلش بهاي القاعدة ..
اول الشي مشان هادا المثال تبعنا ... فلاحظت انا انو يفضل انو نستنا الدولاب لحتى يفتل نص فتلة حوالين الحبل .. يعني لحتى يصير من الجهة المقابلة لالنا .. يعني يصير الحبل المعلق بينا وبين الدولاب .. مشان تظبط اسهل الشي هاي القاعدة ..
اول الشي منخلي اصبعتما الوسطى تفتل باتجاه الدولاب ...
والاصبع الابهام بيدل على اي جهة طالع محور الدوران .. محل ما مربوط الحبل ..
وبس نخلي الثبابة تكون عمودية عالوسطى وعالابهام .. بتكون هاي جهة شعاع القوة المحركة ..
الاصابع لازم يصير شكلون هيك


يا رب تكون وصلت الفكرة هلق ...
اي سؤال تاني , بركي برجب اشرحة مرة تاني بغير طريقة ..
وما لازم انسى اشكور الي ساعدني بترجمة هادا الرد
سلامات
الصور المرفقة
نوع الملف : gif rechte-hand-regel_kl.gif‏ (3.7 كيلو بايت, 26 قراءة)

انا لست على هذا العالم كي اكون كما يردني الغير ان اكون

العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه

We ask the Syrian government to stop banning Akhawia
 
قديم 27/07/2007   #185
شب و شيخ الشباب hanny dagher
مشرف متقاعد
 
الصورة الرمزية لـ hanny dagher
hanny dagher is offline
 
نورنا ب:
Aug 2005
المطرح:
وين ما التفتت بتلاقيني
مشاركات:
6,194

افتراضي


يا حبيبي رجعت قريت الموضوع من اول وصلت للصفحة السادسة بس صار عندي فكرة عامة عن الموضوع رح حاول لخصها هون كتلخيص للموضوع وبعض التساؤلات عن كل قصة من القصص

انطرح الموضوع انو كيف رح تصير الشمس تشرق من الغرب بس لحتى نجاوب على هالسؤال لازم نمشي كزا خطوة بالاول قبل ما نوصل لنجاوب على هالسؤال

حركة الارض :

للارض حركتين (متل ما تفضل الاخ محمد وقال )
الحركة الاولى حركة حول الشمس : حركة الارض حول الشمس بمدار اهليلجي وهادا الشي بينتج عنو الفصول الاربعة صيف خريف شتي وربيع بس هالحركة هاي ما رح تأثر على شروق الشمس وغروبها (ليش برجعلها بعد شوي ) طبعا هالحركة هاي عم تنتج بتاثير من جذب الشمس (قوة جاذبة ) وقوة الطرد المركزية (الناتجة عن حركة الارض التانية حوالين نفسها وعن حركتها بسرعة حول منحني لانو بدون ما تكون عم تتحرك حوالين منحني ما رح تتشكل معنا قوة طرد مركزية )
لكن كيف لبلشت الارض تبرم بشكل اهليلجي حول الشمس ؟ يعني ليش ما انجزبت نحو الشمس ؟
بس هون رح ارجع شوي للي حكو الشباب عن الحركة الظاهرية للمريخ واللي تفسرت انو هيي السبب بظهور الشمس من الغرب على المريخ
الحركة الظاهرية للمريخ باتجاهين متعاكسين هيي بسبب اختلاف سرعات الدوران حول الشمس بينو وبين الارض
رح اعطي مثال صغيرة
انت راكب بسيارة وفي قدامك سيارة تانية عم تطلع على هالسيارة بينت عليك عم تمشي لقدام زيد سرعتك شوي بحيث تصير اسرع منها بتحس السيارة بلشت تمشي لورا ولما بتمرق من حدها لتتجاوزها بتحس انو انتي عم تمشي لقدام والسيارة التانية لورا وبس تقطعها بترجع بتحسها انو عم تمشي لقدام متلك

طبقو نفس الفكرة للمريخ بالاستعانة بالصورة الموجودة باحد الردود
الحركة التانية : حركة الارض حوالي نفسها : هاي الحركة بينتج عنها تعاقب الليل والنهار دوران الارض من الغرب الى الشرق بينتج عنو شروق الشمس من الشرق وغروبها بالغرب هالحركة هاي عم تساعد بتشكيل القوة الطاردة المركزية اللي عم توازي قوة الجزب وتخلي الارض ثابتة بمدارها

لكن شو سبب هالحركة هاي ليش لحتى بلشت الارض تبرم حوالين حالها ؟
لازم يكون في قوة كبيرة حركتها وخلتها تباشر بحركتها ؟ انو المعروف انو ما في شي بيتحرك اذا ما كان في قوة تحركو

شو السبب اللي عم يخلي الارض تستمر بهالحركتين هدول

حط وسيم (هاندسوم ) تجربة الدولاب بس كانت تجربة الدولاب انو نحنا عطينا للدولاب دفعة (نحنا سببنا بحركتو يعني نحنا القوة اللي حركتو ) وهوي برم برم برم واخر الشي رح يتباطأ (نتيجة عمليات الاحتكاك ان كان احتكاكو مع الهوا او احتكاكو مع الحبل) لحتى يوقف

الارض نفس الشي برمت برمت برمت وحسب ما عم يقولو انو عم تتباطأ بس شو السبب اللي عم يخليها تتباطأ ؟ عرفنا انو تباطأ الدولاب كان بسبب الاحتكاك طيب شو سبب تباطأ الارض

الارض طالما عم تتباطأ معناتا عم تستعد للوقوف
على فرض الارض وقفت عن الدوران معناتا في عامل من عوامل المشكلة لقوة الطرد المركزية التغى معناتا صارت قوة الجزب من قبل الشمس هيي المسيطرة معناتا الارض رح تطلع عن مسارها وتقرب من الشمس وهون الكارثة

هلأ لنفترض جدلا انو الارض وقفت عن الدوران وما قربت من الشمس
معناتا رح يبقى قسم من الارض ليل على طول وقسم تاني نهار على طول (هاي ليش قلت انو حركة الارض حوالين الشمس ما رح تأثر على تعاقب الليل والنهار )
لنبين ليش رح يضل قسم ليل وقسم نهار (اليوم كنت عم اتناقش انا وعلاء عالفكرة وطبق فكرة عجبتني )

جيب قداحة او فنجان او اي شي اعتبرو انو هوي الشمس وجيب طبقة قلم عليها راس معدني وجه الراس المعدني باتجاه القداحة وصير برم طبقة القلم حوالين القداحة بدون ما تبرم الطبقة حوالين حالها رح تلاحظ انو دائما الرأس المعدني موجه باتجاه القداحة يعني هالقسم هادا على طول علي شمس بينما القسم التاني على طول بالعتم



فكرة نهائية : حركة الارض حوالين الشمس ما الها علاقة بتغيير موضع شروق الشمس وغروبها اللي رح يأثر هوي حركة الارض حوالين حالها
والمنطق الوحيد اللي بيخلينا نفكر انو الشمس رح تشرق من الغرب هوي انو الارض تصير تدور بالعكس ولتدور بالعكس لازم توقف بالاول وبعدين تتطبق عليها قوة تخليها تدور بالعكس



ما بعرف ضيعتكن او وضحت الفكرة بس المهم صارت الفكرة والاستفسارات مختمرين براسي اللي بيحب يستوضح شي من اللي كتبتو
 
قديم 27/07/2007   #186
شب و شيخ الشباب handsome
مشرف متقاعد
 
الصورة الرمزية لـ handsome
handsome is offline
 
نورنا ب:
Dec 2005
المطرح:
بحومص الحبيبي
مشاركات:
1,194

إرسال خطاب MSN إلى handsome
افتراضي


هلق بالطنت ويكيبيديا كان كان في متل سبب لدوران الارض حوالين حالة . بس انا اعتبرتو نظرية ..
يلعن ديب الوقت ..
اوخواتي بروح انا شي ساعتين زمان وبرجع ..
بس بشكل عام بس مشان يكون عندكون فكرة عن الموضوع ..
انو هاي الارض اول ما تشكل كانت عبارة عن اجزاء كتير صغير وغيمة غبارية ..
وكانو مع الوقت يندمجو كل حبتين صغار مع بعضون ..
فبشكل عام بس يندمجو كتلتين مع بعض رح يتشكل كتلة جديدي رح تكون عما تدور باتجاه ما .. او ما بتدور بنوب اذا كانو هدول الكتلتين فايتين ببعض بشكل معاكس للاخر .. بس هادا الاحتمال علميا كتير نادر..
ومن ورا هدول الاندماجات الكتيري صارت الارض تدور هيك حوالين حالة ...
وهاي شغلة بتبرر ليش ما كل الكواكب بيدورو بنفس جهة دورانون حول الشمس او عكسة ..
الي رجعة اخواتي عالموضوع ..
سلامات
 
قديم 27/07/2007   #187
شب و شيخ الشباب Abu Guzef
عضو
-- مستشــــــــــار --
 
الصورة الرمزية لـ Abu Guzef
Abu Guzef is offline
 
نورنا ب:
Aug 2006
المطرح:
Between Hell And Heaven
مشاركات:
3,819

افتراضي


شباب كيفكون

بزمتي هاد ارجل موضوع ممكن الواحد يشغل عقلو فيه

المهم هلق بنترك موضوع شروق من الغرب

وبنبلش كيف الأرض عم تتحرك

طيب في براسي نظرية واضحة وسهلة

إذا رجعنا لمنشأ الأرض يلي هوي من الشمس مو

طيب طلعت الأرض من الشمس والقوة اللي صارت والضغط يلي صار وقت الإنفجار عطاها قوة انو تدور

وصارت الأرض تدور لانو بالفضاء مافي جاذبية (( بنترك موضوع الجاذبية ع جنب هلق))

هلق شوف رواد الفضاء مثلا بالفضاء اذا حطو طابة بالفراغ وفتلوها بتم تفتل

مثال علأرض انو جيب بلبل وفتلو وزتو علارض

رح يفتل يفتل يفتل بعدين بيوقف

طيب هاد بفعل جاذبية الارض

هلق بالفضاء معدومة الجاذبية نسبيا ومافي وزن

فتيل البلبل وزتو رح يتم يدور يدور لحتى يتاثر بشي خارجي ويوقفو

طيب الارض لما صار الانفجار طلعت بقوة من الشمس واخدت من هل الإنفجار حركة انو تدور

ولهلق بتصور انو بعدها الارض عم تدور لهل سبب يلي وضحتو بالمثال

مين بيوافق على هل نظرية


(((( ماني مطفي ليكو بعد الطفية شو بيصير بالواحد بيصير يركز ويطلع معو بنصحكون بالتحشيش لفترة وبعدين بالصحصحة ))



The Best Or no Thing
======================

Its Hard To Defeat A King
======================

Feeling Doesn't Die
======================

Trust No One
======================
زبطولنا السيرفر ولو ... :)
 
قديم 27/07/2007   #188
شب و شيخ الشباب Abu Guzef
عضو
-- مستشــــــــــار --
 
الصورة الرمزية لـ Abu Guzef
Abu Guzef is offline
 
نورنا ب:
Aug 2006
المطرح:
Between Hell And Heaven
مشاركات:
3,819

افتراضي


اقتباس:
لنبين ليش رح يضل قسم ليل وقسم نهار (اليوم كنت عم اتناقش انا وعلاء عالفكرة وطبق فكرة عجبتني )

جيب قداحة او فنجان او اي شي اعتبرو انو هوي الشمس وجيب طبقة قلم عليها راس معدني وجه الراس المعدني باتجاه القداحة وصير برم طبقة القلم حوالين القداحة بدون ما تبرم الطبقة حوالين حالها رح تلاحظ انو دائما الرأس المعدني موجه باتجاه القداحة يعني هالقسم هادا على طول علي شمس بينما القسم التاني على طول بالعتم

ايه معلم فكرة قوية شايف شلون بينفع الويب كام
 
قديم 27/07/2007   #189
شب و شيخ الشباب Abu Guzef
عضو
-- مستشــــــــــار --
 
الصورة الرمزية لـ Abu Guzef
Abu Guzef is offline
 
نورنا ب:
Aug 2006
المطرح:
Between Hell And Heaven
مشاركات:
3,819

افتراضي


اقتباس:
كاتب النص الأصلي : sweetbaby عرض المشاركة
علاء يلعنك انت وهيك موضوع الي اربع ساعات عم اقرا فيه واتناقش فيه دوخت العيلة كلها

ايه يابنتي شغلي عقلك شوي


هلا ابن العم سؤال واحد
انو هلا الدولاب ليش دار بهالاتجاه نحنا دورناه بجهة وهالشي خلاه يدور (بعكس عقارب الساعة)
هلا لو فتلنا الدولاب بالعكس رح يدور باتجاه عقارب الساعة ماهيك؟؟؟
اي هيك.....
 
قديم 27/07/2007   #190
شب و شيخ الشباب handsome
مشرف متقاعد
 
الصورة الرمزية لـ handsome
handsome is offline
 
نورنا ب:
Dec 2005
المطرح:
بحومص الحبيبي
مشاركات:
1,194

إرسال خطاب MSN إلى handsome
افتراضي


يعني انتي قصدك انو بالفضاء الاخارجي مافي احتكاك ...
وهادا كلام صحيح ليش انو الارض اساتا عما تدور لهلق .. او نظرية . ما بعرف اسا بالظبط..


بس متل ما انتي سبق واقتبست رد انا كنت كاتبو .. والي هوي
اقتباس:
-بسبب دوران الكواكب التاني ودوران القمر حول الارض . فحركة الارض على المسار الي عشكل قطع ناقص ما رح يضل نفسو .. ورح يغير حالو مع الوقت .. مشان هيك علماء الفلك مافينون من هلق يقولو بدقة كبيرة وين رح يصير الخسوف مثلا بعد 1000000000 سنة , لانو هادا المسار الي نحنا اخدينو بعين الاعتبار ما بيكون صح مية بالمية الا اذا اخدنا بحسابتنا الشمس والارض .. يعني بس القوة الجازبة بين الارض والشمس وهادا الشي الواحد فينو يحسبو ببساطة بقانون نيتوت تبع الجسمين الي بيأثرو عبعضون بسبب الكتلة تبعيتون .. بس الشغلة بتصير معقدة بشكل ما طبيعي وقت بيصير في اكتر من جسمين .. وهاي حالة الارض والشمس مع بقية الكواكب والقمر.
هادا اول وحد ..
والتاني والي بيقول انو النهار عما يطول كل سنة 17 ميكرو ثانية
اقتباس:
وتبين انو بال 2700 سنة الماضي كان عما يطول اليوم بمقدار 17 ميكرو ثانية بالسنة ..
هلق اذا فكرنا بالموضوع شوي ..
انو شو يعني عما يطول النهار ؟؟
النهار هوي الفترة الفاصلة بين تتابعين متتاليين للشمس .. يعني بتخلي الشمس تكون بنقطة معينة بالسما .. وبتشغل العداد . وبتشوف اديش بدا الشغلة وقت لحتى تصير الشمس مرة تاني بهالمحل ..
وهاي هيي الي بدا 23 ساعة 56 دقيقة و 4 ثانية ...
هلق هدول ال 17 ميكرو ثانية ( مشان التوضيح هدول 0.00017 ثانية بالسنة ) يعني فينك تتخيل لحالك اديش صغير هالرقم ؟؟ بس هادا هوي الشي الي عما يبطئ الارض ..
هلق الي عما يسبب هادا التباطئ هوي القمر بالدرجة الاولى والي بيطول النهار 23 ميكرو ثانية بالسنة .. وعدم تغير حجم الكرة الارضية بالدوران ( لا تساليني شلون هاي عما تصير بس انو عما تصير ) عما يبطئ الارض 6 ميكرو ثانية بالسنة ..
ومحصلة هدول التغيرين هيي الي عما تتطول النهار ( بغير كلمات عما تبطئ دوران الارض حول نفسا ) ب 17 ميكرو بالثانية ..

وما بعتقد في انو في احتكاك بنوب بالفضاء الخارجي ..

سلامات
 
قديم 27/07/2007   #191
شب و شيخ الشباب Abu Guzef
عضو
-- مستشــــــــــار --
 
الصورة الرمزية لـ Abu Guzef
Abu Guzef is offline
 
نورنا ب:
Aug 2006
المطرح:
Between Hell And Heaven
مشاركات:
3,819

افتراضي


واخيرا يعني انا وياك تفقنا وحطمنا المسألة وحليناها

بس شورأيك بنظريتي والمثال
 
قديم 27/07/2007   #192
شب و شيخ الشباب handsome
مشرف متقاعد
 
الصورة الرمزية لـ handsome
handsome is offline
 
نورنا ب:
Dec 2005
المطرح:
بحومص الحبيبي
مشاركات:
1,194

إرسال خطاب MSN إلى handsome
افتراضي


اقتباس:
إذا رجعنا لمنشأ الأرض يلي هوي من الشمس مو
نتوء. مو
بس نحنا هلق بغض النظر عن هاي القصة .. لانو هاي نظرية من شي مليون نظرية .. وما بدنا نحكي عنون هلق ..
بس انا الشي بتزكرو انو اخر نظرية كانت .. هي وقت برهنو فشل نظرية الالحاد . انو الدني كانت من الازل قائمة .. ورح تضل الى الابد كمان .. وقتا اثبتو انو كلشي جاي من العدم .. يعني كان مافي شي بنوب بنوب .. وصار انفجارات .. شكلت كتير مواد .. وبعدين بلشو هدول المواد يتجمعو ووصلو لهاي المرحلة الي نحنا فيه هلق .
بس بنفس الوقت اساتو الكون عما يكبر ويكبر من بعد هادا الانفجار والانفجارات الي عما تصير من تحطيم الكواكب للكواكب الاخرى ..
بس اكتر من هيك ما بعرف بهادا الموضوع
 
قديم 27/07/2007   #193
شب و شيخ الشباب handsome
مشرف متقاعد
 
الصورة الرمزية لـ handsome
handsome is offline
 
نورنا ب:
Dec 2005
المطرح:
بحومص الحبيبي
مشاركات:
1,194

إرسال خطاب MSN إلى handsome
افتراضي


اقتباس:
كاتب النص الأصلي : Abu Guzef عرض المشاركة
واخيرا يعني انا وياك تفقنا وحطمنا المسألة وحليناها

بس شورأيك بنظريتي والمثال
النظرية تبعيتك والنظرية تبعيتي بتأدي الي دوران الارض للا نهاي ..
بس ما بعرف اذا صح الشغلة مية بالمية ..
بزمناتو كان في بالاخوية عالم فلك . بس مدري وين صار ..
وابو طريق كان في عندو شوية معرفة او حب استطلاع اذا ما كنت غلطان .. حدي بيعرف شي عنون ؟؟؟

ويا سيدنا بركي شوي شوي منحل هالقضية الخطيرة .. ومنسجل برائة اختراع باسم الاخوية
 
قديم 27/07/2007   #194
شب و شيخ الشباب Abu Guzef
عضو
-- مستشــــــــــار --
 
الصورة الرمزية لـ Abu Guzef
Abu Guzef is offline
 
نورنا ب:
Aug 2006
المطرح:
Between Hell And Heaven
مشاركات:
3,819

افتراضي


يعني هلق شو !!!!

انو الارض اساسها الشمس !! مو ولا مو مو

ومشان نتناقش بنشوء الكون رح نفتح موضوع جديد ورح يصير مهدور دمي يعني مطلوب راسي

انا من هالموضوع سووني كافر وملحد شلون اذا بدي غمق اكتر

بس نخلص من هالطنبورة بنبلش بموضوع اكبر واغمض

 
قديم 27/07/2007   #195
شب و شيخ الشباب handsome
مشرف متقاعد
 
الصورة الرمزية لـ handsome
handsome is offline
 
نورنا ب:
Dec 2005
المطرح:
بحومص الحبيبي
مشاركات:
1,194

إرسال خطاب MSN إلى handsome
افتراضي


اقتباس:
كاتب النص الأصلي : Abu Guzef عرض المشاركة
يعني هلق شو !!!!

انو الارض اساسها الشمس !! مو ولا مو مو

ومشان نتناقش بنشوء الكون رح نفتح موضوع جديد ورح يصير مهدور دمي يعني مطلوب راسي

انا من هالموضوع سووني كافر وملحد شلون اذا بدي غمق اكتر

بس نخلص من هالطنبورة بنبلش بموضوع اكبر واغمض

اخر الشي وصلنا انو الارضو مووو , ماااا , مانا جاي من الشمس
 
قديم 27/07/2007   #196
شب و شيخ الشباب Abu Guzef
عضو
-- مستشــــــــــار --
 
الصورة الرمزية لـ Abu Guzef
Abu Guzef is offline
 
نورنا ب:
Aug 2006
المطرح:
Between Hell And Heaven
مشاركات:
3,819

افتراضي


اقتباس:
كاتب النص الأصلي : handsome عرض المشاركة
اخر الشي وصلنا انو الارضو مووو , ماااا , مانا جاي من الشمس

لكن من وين جاي الارض

وليش عيها مي وليش فيها اوكسجين وليش المريخ مافيو اوكسجين

وشلون صارت الحياة وكيف نقرضت الديناصورات

والقمر شو اصلو

وليش بس قمر واحد

وليش الفضاء كلو عتمة وجاي منو النور



يعني بدكون هيك اسالة في يعني ها
 
قديم 27/07/2007   #197
شب و شيخ الشباب handsome
مشرف متقاعد
 
الصورة الرمزية لـ handsome
handsome is offline
 
نورنا ب:
Dec 2005
المطرح:
بحومص الحبيبي
مشاركات:
1,194

إرسال خطاب MSN إلى handsome
افتراضي


اقتباس:
كاتب النص الأصلي : Abu Guzef عرض المشاركة
لكن من وين جاي الارض

وليش عيها مي وليش فيها اوكسجين وليش المريخ مافيو اوكسجين

وشلون صارت الحياة وكيف نقرضت الديناصورات

والقمر شو اصلو

وليش بس قمر واحد

وليش الفضاء كلو عتمة وجاي منو النور



يعني بدكون هيك اسالة في يعني ها
شكلك ما قريت كلشي ما ؟
تعا قرا معي هاي الجملة , تعا
اقتباس:
بس اكتر من هيك ما بعرف بهادا الموضوع
وللحقية ما كتير حابب دور ..
لانو بيصر الحكي فلسفي اكتر من انو حكي علمي .
لك اصلا انت شو بدك بوجعة هاراص ما عرف ؟؟؟
يا اخي خليك انتي مركز بالشي الي عما يصير هلق .. شو بدك بليش وشو وكيف صار؟؟ خليك بليش وشو وكيف هيك عما يصير ؟ ( لاحظت الما ما ؟ هاي دلالة عالشي الي عما يصير هلق , بغض النظر شو الي صار قبل )
وا هلا
سلامات
 
قديم 27/07/2007   #198
شب و شيخ الشباب Abu Guzef
عضو
-- مستشــــــــــار --
 
الصورة الرمزية لـ Abu Guzef
Abu Guzef is offline
 
نورنا ب:
Aug 2006
المطرح:
Between Hell And Heaven
مشاركات:
3,819

افتراضي


طق راسي يا ناسي ماعاد بالحكي إصحى
 
إضافة موضوع جديد  و الله هالموضوع مقفول ترى


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 02:33 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.14745 seconds with 13 queries