ما بعرف هل راح ينحزف الموضوع او راح يضل بس خلينا نشوف

[abomoro]

مرحبا ياسمو الأمير

بحب وضّح أنو بالمسيحية نعترف انو الله واحد بثلاث اقانيم(الله الاّب و الله الابن والله الروح القدس)

وهن الثلاثة متحدين

[walid]

كل شيء تابع الى الرب مو مشكلة
وكمان الواحد عندما يريد ان يقول شيء
لازم انه يكون مؤمن ويصدق كل ما يقال له الابوين
المشكلة انا علماني وحياتكم انه انا مطنش على تلك الاشياء من يوم خرجت من البلد وانا بفكر كيف بدي ارجع شاب من جديد
لذلك اذا حدا عندة دواء يخبرني

يا جماعة الرجاء ما عندكم شيء تحكو عنة سوي هل الشغلات
احكو كيف بدنا نعمل تطوير وتحديث لشبابنا المتهالك على الانترنيت

[Joe]

مرحبا مجددا syrian prince

اول شي انا بفضل نحكي فقط عن الديانة المسيحية. بس أحيانا بيكون في نقاط متعلقة بالديانة اليهودية فمنذكرها. و بفضل ما نحكي بالديانة الاسلامية و لا نجيب سور من القران لانه كما تعلم القران ما بيعنيلنا شي اكتر من انه الكتاب المقدس عند جزء كبير من اهل بلدنا و جيراننا مشان هيك منحترمو.... بس من النواحي الللاهوتية ما رح ينفع شي اذا استشهدت من المصادر الاسلامية

مشان الانجيل و الاكلام يلي قاله Dr HUS ... انا هون بختلف معك بالرأي.. لانو ضروري كتير نحكي من الانجيل

لما الواحد بيكون جاي ليفهم عن الدين المسيحي لازم تورجيه كلام من الانجيل
متل ما لوا انا حابب اتعلم عن الدين الاسلامي لازم اقرا بعض الايات كدعم لكلام الشخص يلي عم اتحاور معو

يعني اكيد نحنا لسنا لاهوتيين و ما وصلنا لمرحلة الاجتهاد الشخصي بالامور الدينية بقى اكيد لازم نقتبس من الانجيل و الوثائق الكنسية .. الخ

dr Hus كمان انت قلت انو الانجيل ما عندو مصداقية عند المسلمين.. و انا بعتبر هادا الشي مشكلة المسلمين وحدهم!... يعني المسلم يؤمن بالمسيح انه نبي و عنده كتاب منزل هو الانجيل... بس مافي انجيل... الانجيل الموجود محرف بنظرهم. و حتى انو ممنوع عن المسلم ان يلمس انجيل و يقرأ فيه. يعني السؤال بقى انو مزال بتؤمنوا بالانجيل انو من عند الله.. طيب كيف الله بكل عظمته ما قدر معقول يصون كتابه المقدس من التحريف!!؟ (يعني الله انزل كتاب و نبي و اتعذب فيه بس هيك مشان يتحرف؟).. و مافي ولا نسخة صحيحة؟ يعني تعى قول طيب عطونا الانجيل الصحيح ما حدى بيجاوبك.. او عطونا الدليل على تحريف الانجيل.. كما ما في دليل.. و ليش كل هل خوف من الانجيل؟

مشان هل الاسباب و اسباب اخرى كتيرة لازم نحط متل لائحة بقواعد النقاش الديني برأيي
و اهم بند هو التالي
النقاش حول تحريف الانجيل يتم في موضوع منفرد. و في حال أراد أي أخ غير مسيحي إن كان مسلم أو ملحد أن يناقش في الديانة المسيحية عليه أن يقبل بالشواهد من الانجيل بدون أن يقول الحجة المعتادة.. "الانجيل محرف"
و في حال أراد أحدهم القول ان الاناجيل فيها تناقضات فيرجى وضع المصدر فهذا كلام لا نقبله ببساطة

ننتظر رأي الاخوة المشرفين حول وضع موضوع مثبت عن قواعد حوار الاديان

سلامات
جو

ملاحظة للاخ syrian prince
كانت المقدمة في ردي الاول حديث بشكل عام و لم أقصد التجريح بحقك

[walid]

طيب هلق انا بيقلو عني ملحد شو بدي اعمل
وشو جريمة الملحد عندكم

[Joe]

كاتب النص الأصلي : walid

طيب هلق انا بيقلو عني ملحد شو بدي اعمل
وشو جريمة الملحد عندكم

روح عليك الامان

[Syrian_Prince]

لهلين joe
انا عارف عيني انو ما قصدك التجريح يمكن انا دريت باسلوب شديد شوي بس انا عم ناقش ما عم عصب او شي
فتحياتي الك اخي
اما بالنسبه انو نجنا كمسلمين ما بنئمن بالانجيل لاء بنئمن انو كتاب الله
وانو الله نزلو على نبيو عيسى
هوه انتا في نئطجه هلاء خليتني فكر فيها وراح اسئل عنها انو متل ما قلت مدام انو كتاب الله وهيك ليش الله ما صانو ومنعو من التحريف متل مو انو القران الله حاميه من التحريف
انا ما عندي معلومات عن هالشي فما راح ناقش فيه لحتى اسئل ويكون عندي جواب الو
اما بالنسبه للنسخ المعدله فازا الله احيانا وكنت بالشام وشبكت عالانترنت بالشام راح جيب انجلين واكتبلك اشيا منهن واكتبلك المصادر ووقتها بتجاوبني على هاد الشي
هاد الي بقدر قولو هلاء لانو ماني ادران احكي كمان لان بدي اوم روح مشوار كمان شوي وما مخمخت لانو مالي زمان جاي من الشغل
بس انا وعالايميل لاقيت انو في رد فقلت خليني شوف ورديت
ههههههههههههههههههه

تحياتي لكن جميعا

[Hus]

ميت هلا حبيب وانشاء الله توصل على الشام بالسلامي

[HashtNasht]

مرحبا يا شبيبة
بخصوص حوار الأديان لازم نميز بين نوعين من الحوار
النوع الأول هوي الحوار العقائدي وهاد النوع مامن اختصاصنا نحنا كشباب يعني هدا منتركو للمرجعيات الدينية اللي عندا المام ومعرفة وثقافة واسعة بهالموضوع أحسن ما نفوت بتخبيصات ما حدا بيعرف شو اساسا
النوع التاني هوي الحوار الأجتماعي اللي ممكن انو نحنا نشارك في لاء يا سيدي ماممكن نحنا لازم نفوت بهيك حوار
وبهادا الحوار منبتعد عن المسائل العقائدية ومنحكي بالمسائل الأجتماعية بهدف البحث عن نقاط مشتركة
مع الملاحظة انو اذا ما احترمنا الأختلاف بين هالنوعين من الحوار رح تكون نتيجة الحوار سلبية
يعني لاأنا رح أعرف جاوب حدا بشكل صحيح عن قصصص المشيءة الواحدة والأقانيم الثلاثة وبنفس الوقت ما حدا من الشباب رح يقدر يفهمني شو قصة الناسخ والمنسوخ والرافضة و ولاية الأمام الفقيه و رمي الجمرات
ف خلينا نحكي عن عاداتنا و تقاليدنا والأشيا المنيحة أحسن مان نفوت بالحيطااااااااااااااااااا ااااااااان
alright

[Abo_Hanna]

تحاتي للشباب كلها :
أنا ماني عم بعرف ليش دائما عم ندور على الشغلات اللي ببتعلق بالعقائد الخاصة بكل ديانة ومنقعد نحكي عنا ومنقارنها مع العقائد بالديانات التانية :::::
يعني الأخ المسيحي بيقول أنو المسيح ابن الله ...... بيجي أخو المسلم بيقلوا لأ الله الصمد لم يلد ولم يولد ولم يكن له كفؤ أحد
وهيييييييييييييييييييييك
هدا بيقول كلمة من هون بيرد عليه التاني بآية من القرآن أو الإنجيل
يا شباب متل ما نقال نحنا لانا خوارنة ولانا شيوخة نحنا شباب واعي وبيفهم بالعقل وبالمنطق والتفكير
بقا لذلك أنا رأي أنو نبعد عن المساس بعقائد بعضنا البعض وخلونا نحكي بالعقل والمنطق

أما بالنسبة لردي على الموضوع :
يا أخي الأمير ....

كاتب النص الأصلي : Syrian_Prince

اما بالنسبه انو نجنا كمسلمين ما بنئمن بالانجيل لاء بنئمن انو كتاب الله
وانو الله نزلو على نبيو عيسى

بتخل أنو الأخ dr hus قلك أنو الإنجيل ما نزلوا الله على ابنه يسوع المسيح

كاتب النص الأصلي : Dr_HUS

بس تعقيب صغير : الانجيل لم ينزل على عيسى (المسيح) ولم يكتبه المسيح وانما اول الاناجيل كتب سنة 70ميلادي اي بعد صلب المسيح

أما بالنسبة لقصة التحريف : فما ما فينا نقول أنو الله ما صان (أو ما عم بيصون) الإنجيل من التحريف وصاين (أو عم بيصون) القرآن من التحريف لأنو أنا برأي الشخصي هادا الكلام مانو منطقي ؟!؟!؟!؟
لأنو أنا على حسب معرفتي في شيخ بإيران قام وكتب القرآن مرة تانية ولكن في بعض الفروقات (وهي تعتبر تحريف برأيك) بس الله ما منعو اللي منعو هو القيادة الدينية في إيران فعدمو وأحرقوا القرآن اللي كتبو يعني مو الله اللي عاقبوا للزلمي البشر اللي عاقبوا ...... ما بعرف إذا وصلت الفكرة

هلق منرجع للموضوع الأساسي اللي إنتا طرحتو فبتخيل أنو الشباب (مكتورين الخير) فسرولك بما يكفي وجاوبوك على سؤالك تمام الإجابة
وبرجع بطلب مرة تانية أنو خلونا بعاد عن العقائد (خلوها لأهلا)

سلامات

[Hus]

يا جماعة يا جماعة ..
ما في احلى من الحكي النضيف .. يا اخي الشباب حكيون نظيف و ناصع ومزهزه هيك
انا من راي الشباب يعني احنا الشباب (او الي بيحب) منخش بالمواضيع الاجتماعية بس المواضيع الاهوتية المفروض يكون الحوار فيها للخوارني والشيوخ ان كان بالموقع هون خير وبركي ومنكم نستفيد وان كان باماكن اخرى كمان ماشي الحال

[ma7aba]

مرحبا
أخي العزيز هذه قصة صغيرة أرجو أن تقرأها بهدوء وعندها ستفهم قصد المسيحية المسيح أبن الله وهو الرب

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

أرجو أن تجرب هذا الرابط
وإن لم يفتح عندك أعدك بكتابته لاحقاً
أما بشأن تحريف الأنجيل فأخي الكريم أنا لن اعطيك أثباتات مسيحية عن هذا بل سأعطيك أثبات اسلامي
وإن أنزلنا الذكر تصديقاً لما بين يديك من كتاب
كل التفاسير القرآنيه المعتمد أتفقت على أن الذكر هو القرآن والكتاب هو الكتاب المقدس
وهو كان موجود مع النبي ستقول لي أنه كان أمي أنا معك كان أمي ولكن بعد ان أمره الله بالقراءه أصبح قارئ بقول الرب له أقرأ فقال لست بقارئ فقال له أقرأ بسم ربك
والتفسير لها أنه بقدرت الله أصبح قارئا فإن كان الكتاب المقدس محرف بناء على هذه الآية وهي واحدة من مجموعة آيات تتكلم عن نفس النقطة فقد حرف بعد الرسول وهنا يحق لنا السؤال أين الكتاب الحقيقي وإن لم يكن موجوداً فلا يحق لك أن تتهم كتابي بالزيف فكما أن القرآن لا يزور بناءاً على آية فيه تتحدى البشر والتزوير كذلك الأنجيل يوجد فيه أكثر من آية تتحدى التزوير
سلام

[ma7aba]

أخي الكريم
من شان موضوع ألوهية المسيح إن أنت أحببت طبعا أنا مستعد لمناقشة موضوع المسيح وألوهيته عن طريق القرآن وليس الفكر المسيحي فقط
أترك طبعاً الخيار لك وأنا مستعد لذلك ياأخي بشرط أن يكون كلامنا مبني على المنطق

[fr.samir]

علينا ان نميز بين " الله " وكلمة " رب " ؟؟ ونحن نؤكد ان الله واحد وقد تجسد ليخلصنا من ادناس الجسد والروح.وكل من هو روحي يعيش بالروح الحق يفهم ومن يبقى محصور التفكير بالجسد لا يستوعب .
دعني استعير تشبيه : لدينا ثلاث شمعات كل شمعة وحدها هي نور بحد ذاته وعندما نجمعهم الى بعضهم يكونون نور واحد .هذا ايمان المسيحيين ان الله ثالوث وهو يتجلى في الزمن من خلال النور المتدفق من كل اقنوم.قد يرى الاخرين وهم احرار طبعاً ان هذا اشراك بالله هو اشراك كما يفهمون الدين هم وكما انني احترم فكرتهم على كل انسان يناقش بالدين ان يحترم فكرة غيره ويفكر بها . ويعمل جاهداً ان يفهمها كما هم يعيشيون.
ما بودي طرحه على كل الذين جاوبوا مشكورين انه اهم ما في الدنيا ان اختار ما اعيش .واكون مقتنع بما اخترت ، ان اكون مسيحياً مثلاً لان اهلي مسيحيين ، هذا يعني انني املك ايمان الطفولة ولم انضج في ايماني كما انمو في جسمي ؟
ان اكون واختار واعمل واعيش ما انا هذا ليس لكل الناس ؟ ليس كل الناس يستطيعون السباحة في عمق البحر ؟؟من الناس من ولدوا ليبقوا على الشاطئ ومنهم من لم يروا البحر يوماً ويتفزلكون عليه .ومنهم من يخاف من الفكرة
لذلك احبائي ادعوكم ان تغامروا وتختبروا البحر . لا استطيع ان اعرف البحر الا اذا نزلت فيه . وكل واحد منا يجب ان يختبر دينه ويحبه ويحب ما عند الاطراف الاخرى . لانني ان كنت تعمقت بلاديان سترى انها كلها وجوه لحقيقة واحدة ولكن بطرق مختلفة. ولكن يجب ان لا يبقى الانسان بدون قناعات شخصية .

[fr.samir]

اين تجدون في قانون الكنيسة او في التعاليم المسيحية أن الكتاب المقدس العهد القديم ليس مرجعية للمسيحيين؟؟؟
نحن نسميه كتاب مقدس ولانه كتاب ومقدس هو حوار بين الله والبشر وهناك الهام من الله وهناك غلط من البشر ، لو كان كل الكتاب الذي هو عمره ما يزيد عن 3000 سنة قد نزع منه هذه الاشياء كنت قد شككت في الكتاب ولكن وجود بعض الاحداث لا تجعلني ارمي الكتاب.
الى جانب أن اله العهد القديم ليس اله القتل والحرب فقط ، نحن في كثير من الاحيان نرمي على الله صور ونتمسك بها ولكن علينا ان نعرف ان الكتاب كله موحى ولكن العهد الجديد الذي يخبر عن المسيح الذي هو موضوع الايمان عند المسيحين هو الابلاغ الكامل عن الحقيقة وفي العهد القديم حقائق واحياناً شوهتها ايدي البشر واحياناً ابدعت. ابدعت حين كانت شفافة في نقل الرسالة وشوهت عندما اردت ان تعلم الله .
اله العهد القديم ليس اله قتل وخراب واذا قرأنا المزامير واشعيا لوجدنا ان الحديث عن محبة الله يضاهي ما هو في الانجيل .
الله هو هو ولكن نظرة الناس تختلف وبالتالي يرمون على الله ما يفكرون به وكأنهم هم المرجعية
للحديث صلة

[Tarek007]

نكوشة مفيدة