تجارب العالم الروسي بافلوف

[الجندي المجهول]

يا شباب انا اليوم عاوزكم بخدمة اخوية وياريت الاقي حد يساعدني ضروري

انا يا حلوين بعمل بحث ضخم شوي ومحتاج كل تجارب العالم الروسي بافلوف

فياريت الي بقدر يعطينا اياهم وبكون ممونه انا

واذا في مجال بأسرع وقت

تحياتي للجميع

[sandra]

قصدك تجارب بافلوف عن الإشراط وقوانينو
ولا في شي تاني كمان

[الجندي المجهول]

انتي شو في عندك تجارب لبافلوف هاتي

[phoenixbird]

تبع المنعكسات الشرطية؟

[الجندي المجهول]

هلأ الي بعرفو رغم جهلي انه بافلوف فسر كل شي بالدنيا على اساس المنعكسات الشرطية

بس اذا في الو مجالات تانية غير الشرطية يا ريت تفيدينا وبكون الف شاكر الك

[sandra]

هلا أول شي بافلوف مو عالم نفس وإنما كان عالم فيزيولزجيا
بس أبحاثو وتجاربو أُستخدمن فيما بعد بعلم النفس وبالتحديد النظرية السلوكية بالتعلم اللي بتقول أنو التعلم هو عبارة عن ارتباطات
هو من أوائل اللي درسو التعلم ضمن الإطار التجريبي
هو صاحب نظرية الفعل المنعكس الشرطي
اللي بتقول ... يمكن لأي مثير شرطي محايد أن يكتسب القدرة على التأثير في وظائف الجسم الطبيعية والنفسية إذا ما صوحب بمثير آخر طبيعي من شانه أن يثير فعلا استجابة منعكسة طبيعية أو اشتراطية آخرى.

تجربة بافلوف ببساطة (وإن ما خانتني الذاكرة حصل بفضلها على جائزة نوبل) بتتلخص بإحضار كلب و إجراء عملية جراحية بفكه بحيث يتم تعريض غدده اللعابية إلى السطح ووصلها بكبسولة لتجميع اللعاب فيها
الكلب موجود بغرفة عازلة للصوت
بطريقة آلية كان يتم إحضار الطعام للكلب بعد سماع صوت الجرس ولعدة مرات وكات يتم بكل مرة قياس كمية اللعاب المفرز من الكلب
بعد عدة مرات من التكرار على الشكل التالي، صوت جرس ....... إحضار الطعام ...........
طبعاً الطعام هو مثير طبيعي لإفراز اللعاب عند الكلب .... صوت الجرس مثير حيادي (شرطي)
بعد التكرار
صار الكلب بمجرد سماع صوت الجرس يفرز اللعاب بمعنى آخر .....
المثير الذي كان حياديا( دق الجرس) وبفعل الترابط يستطيع أن يلعب دور المثير الطبيعي (الطعام) وأن يؤدي إلى استجابة شرطية وهي سيلان اللعاب عند الكلب.
مثير طبيعي (قطعة اللحم) + مثير شرطي (صوت الجرس) + تكرار الارتباط يؤدي إلى استجابة طبيعية هي إفراز اللعاب. ومع التكرار نصل إلى مثير شرطي يعطي استجابة شرطية (فعل منعكس شرطي)

وإلي رجعة لأن انشغلت شوي

[الجندي المجهول]

اها الف شكر الك بس معلومة صغيرة الك هاي التجربة خاصة بالتعلم وتكوين العادات لدى الكلاب وتم الاستفادة منها بس في مجال التربية والتعليم

والشي الي ما تبعرفي انو تجارب بافلوف الي مش قادر احصرها لحد الان دخلت في مجالات الحياة كلها والي بصعب نكتبها هون

الف شكر ويتمنى تقرأي شوي عن تجارب بافلوف والاستفادات الي تمت من هاي التجارب وخصوصا في المجال العسكري لانه فيها قصص حلوة

الف شكر لمرورك

[sandra]

أنا لسا ما خلصت مشاركتي ووقتي ضيق كتير وموضوع بافلوف ضخم
الأفضل تقول شو بتعرف أنت لأن بيجوز اللي رح اكتبو يكون يتعرفو من قبل

[honeya]

انا عندي كتير مصادر .. بس بشك ازا بتفيدك ... !

[عاشق رويدا]

الموقع الخاص بالعالم بافلوف

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[الجندي المجهول]

كاتب النص الأصلي : honeya

انا عندي كتير مصادر .. بس بشك ازا بتفيدك ... !

لا لا تشكي

[الجندي المجهول]

كاتب النص الأصلي : عاشق رويدا

الموقع الخاص بالعالم بافلوف

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

روح الله يخليلك رويدا
انت الوحيد الي فهمتني

[Reemi]

تم تعديل العنوان

[الجندي المجهول]

كاتب النص الأصلي : Reemi

تم تعديل العنوان

اذا انتي غيرتي مش مشكلة اما غيرك لا

[راديا]

حلو و الله و يسلمو ع الموقع ..و بالتوفيق الك الجندي

[الجندي المجهول]

كاتب النص الأصلي : راديا

حلو و الله و يسلمو ع الموقع ..و بالتوفيق الك الجندي

تسلمي يا رب