|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
10/07/2005
|
#1 | ||||||
|
عضو
-- مستشــــــــــار --
|
احزر عنوان المقال واربح جائزة قيمة .. ?!
احزر عنوان المقال واربح جائزة قيمة .. ?!
الحل في مكان اخر .؟؟! ولدت في مشفى التوليد العسكري المجاني .. ، واقام معظم افراد عائلتي بجانب ( حلّة المحشي ) التي طبخوها في ( المهجع ) الذي نامت فيه والدتي متضمنا كافة وسائل التسلية من سماع مواء القطط الى التأمل في الحشرات الاليفة المتنزهة في السقف الفسيح ، ومشاركة الاحاديث من الجيران في الاسرّة المجاورة ، واستنشاق روائح البصل وقشر الخيار والكمون الذي يضاف الى مرق الفول الشهي .. اجواء لا تنسى .. ( اهلية بمحلية ) .. تبقى ابدا في الذاكرة وتروى للاجيال القادمة ( مع نيدو ) .. انتقلت إلى البيت بسيارة ( جيب وليز ) أيضا ( مجانية ) وهنا طُبّقت علي القاعدة ( امصع/اي اقطع/ راس القط من اول ليلة ) حيث أني أصبحت اسمع كل الأصوات الصاخبة المزدهرة في بلدي ، من بعد تلك التوصيلة ، سمفونية هادئة ولو عزفتها الطرطيرات الحنونة ، على إيقاع العازفين المهرة على جرات ( غاز .. غاز .. ) ، وتناغم اصوات الباعة المتجولين " جواب " .. يرد عليه " قرار " .. ويحزر جمهور الحارة المقام ( بيات .. رصد .. ام نهاوند .. ) ويحلمون بالمشاركة في برنامج سكة الندامة ( طريق النجوم ) آملين ان يتفادوا البهدلة المجانية التي كان يغدق بها .. المايسترو نجيب السراج على المشتركين .. وهو الذي بقي في " التوب تين " اكثر من ثلاثين عاما محافظا على مركزه الاول في التلفزيون السوري القناة الثانية .. باغنية ( عسلي عسلي عسلية .. ) .. يلحق به مباشرة سمير حلمي .. وهناك توقعات بان يتجاوزه في غضون العشرين سنة القادمة .. ليرحم أمواتكم وأمواتنا .. انتقلت للعيش في بيت ، صحيح انه كان مؤلف من غرفة واحدة ، الا ان " التواليت " فيه كان ( مجاني ) كبيرا و شاسعا .. تبدأ حدوده من سور ( حاكورة ) " ام فراس " التي كنا مستأجرين عندها ويمتد الى حدود أراضي " ابو مفلح " بمساحة تقدر اكثر من دونمين من الاراضي البور المفروشة بالحجر البازلتي الاسود بحيث تحار كيف وأين ستقضي حاجتك فيها ، وخاصة في ليلة صيفية .. تعج بالنجوم ( مثل الفضائيات العربية ).. وتستمتع بنسمة عليلة .. ولا يعكر جلسة التأمل هذه الا سماعك نباح كلب ( جعاري ) يعوي مقتربا منك .. معلنا انتهاء حصة الراحة اليومية .. السكر والرز ببطاقات تموينية والاسعار تشجيعية ، حتى ان جدي " حسبها " و فتح خط انتاج لتفريخ الاولاد ، واصبح يأخذ حصصهم المجانية ويبيعها في السوق السوداء وعملها تجارة .. ذهبت بالأولاد و ابقت له بالاضافة الى راتب التقاعد عوائد البطاقات. الطبابة في المستوصفات الحكومية ( ايضا مجانية ) اللقاحات متوفرة لكل الامراض المعدية والسارية ( ما عدا الفساد والتسطيم ) ، حتى في طب الاسنان ، يوفرون في المراكز المنتشرة في كل مدن القطر ، مواطنين مجانيين ليتدرب عليهم الطلاب ، اما العمليات الجراحية ( بالدور ) .. فنحن نجحنا في ابرام اتفاقات شراكة مع عزرائيل ،تقضي بان ينتظر مدة اضافية ويراعي ظروفنا المجانية .. رأسمال الدراسة عندنا " صدرية " .. فالتعليم ايضا مجاني من اللغة الانكليزية الى دروس الوطنية ، وبعد 11 سنة دراسة ينجح الكثير منا في حفظ كلمة " ويل كوم " ، ونتقن جميعنا مهارات التهرب من الخدمة العسكرية ، وفي الجامعات دراسة نموذجية ، وبينما في الخارج الاساتذة ضعيفو الامكانيات ولا يستطيعون التواصل الا مع عدد قليل من الطلاب في كل صف ، نمتلك نحن اساتذة يدرسون في مدرجات تشبه مدرجات الملاعب الرياضية في اتساعها واماكن تقديم العروض المسرحية ، ومع ذلك تجد الطلاب فيها " مكبوسين " كحالهم عند استخدامهم لوسائل النقل العمومية من سرافيس وما شابه .. المهم آلاف الخريجين من الخبرات اصحاب الامكانيات والمهارات المكتسبة من خلال التدريب في المخابر الحديثة التي نمتلكها ، هؤلاء بخبراتهم مطلوبين لدعم وسد احتياجات القطاع العام والاعمال الحكومية ، وهنا تبدأ رحلة التفوق . . لاصحاب المهارات والامكانيات .. الذين أتوا الينا بالمظلات والمسدسات والريبورتات ( استخدمنا ريبورت بدلا من تقرير لضرورة الشعر ) .. واكملوا الرحلة المجانية التي بدؤوها بالحاكورة .. بالمرسيدسات وسفرات ودولارات ( لم نستخدم الليرة السورية للتعذر ) وكولابات .. وخلفوا صبيان وبنات .. وهنا انتهى عصر المجانية ( فقط للمتفوقين ) .. وبدأ عصر الشويفات ومع كل غرفة حمام ، ومن غرفة عند " ابو مفلح " الى فيلات غربية وشرقية ومزة اوتستراد .. ومن عصر المؤسسات الاستهلاكية الى تيد لابيدوس وأزارو وبيير بالمان .. ومع انه ما زلنا بانتظار كنتاكي .. الا اننا نجحنا في تخطي الكوكا كولا والبيبسي .. لاننا لا نستطيع ان نكسر بخاطر نانسي عجرم واليسا .. وفي الصورة الكلية انقسم المجتمع السوري نصفين .. 99.9999 % مجاني ، و0.0000001 مأجور ( او غير مجاني ) .. الآن القسم غير المجاني ( المأجور ) .. ( مع كل غرفة حمام ) .. يريد ان ينتشل النصف المجاني ( حاكورة ) من معاناته مع الكلاب ( الجعارية ) .. وهذا هو اقتصاد السوق الاجتماعي ؟؟! نضال معلوف
عـــــــــــــــــــــــــــــبـــــــــــــــايــــــــــــــــــــــــــــــــــــــــــــــــــــة
زورو موقع الدومري : http://aldomari.blogspot.com |
||||||
|
|
10/07/2005
|
#2 | ||||||
|
مشرف
    |
العنوان
(لا عنوان فانت في سوريا )  SYRIA
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
"حسام*عاشق من فلسطين*ناطرك" We Ask The Syrian Government to STOP Banning Akhawia"
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
11/07/2005
|
#4 | ||||||
|
عضو
-- قبضاي --
|
لا يا جماعة ..مو هيك
أنا كتير بحب نضال معلوف وبتابع كل مقالاتو بس هوي ولو انتقد ما عم يقصد انو سوريا هيك تمام والله يلي بيسافر وبيترك سوريا بيتمنى لو يرجع يسهر على صوت الطرطيرات ودخان وعجقة المكروات .. والله ليلة صيفية بسوريا تحت ضو القمر بتسوا الدنيي وما فيها .. وخاصة مع صوت الصراصير بالليل  |
||||||
|
|
|
11/07/2005
|
#5 | |||||||
|
أميـــــــــ
|
اقتباس:
والله معك حق 
ادعـــي علـــي بالموت.. ولا سمني
بس لا تفارقني دخيــل الله و تغيب طاري السفر يا بعد عمري همني شلون اودع في المطار اغلـــى حبيب :cry: تعال قبل تروح عني ضمني اقرب من انفاسي ترى حالي صعيب ابنتثر قدام عينك لمني وابسألك هل نلتقي عما قريب نسيت حتي اسمي دخيلك سمني باللى تسمينى البيلك واجيب مجنون عاقل ما علي من لامني انا مع نفسي واحس اني غريب |
|||||||
|
|
|
11/07/2005
|
#6 | |||||||||
|
أميـــــــــ
|
اقتباس:
انو يللي كتبو نضال معلوف ما جاب شي من عندو ما الف و اخترع القصص يعني هوي شو شاف كتب .... و هاد سر اعجابنا بنضال معلوف اقتباس:
اقتباس:
 بس انو تكون الشغلة اجازة مو اكتر ما حكومتنا العتيدة من مبدأ انو تتأكد انو ما في احتكاريين بدهم يجوا ع البلد قامت حطت قوانين صارمة (رقم عشرة) لحتى تتأكد من وطنيتك يعني تخيل حالك بدك تجي ع البلد و تفتح معمل سيارات .... شو بعرفنا انك مو امبريالي عميل؟؟؟؟؟ حكومتنا الرشيدة عندا اساليب لتكشف كذبك و عمالتك ... لأنو بيدرسك 60 فرع امن ، بعدين بتدوق الويل ع ايد 300 موظف جايي من ورا البقر هلأ في حال ضل براسك عأل و في حال ما نسوك حليب امك و في حال ما لعنت الساعة يللي فكرت فيها مجرد تفكير انك تعمل هيك كفرية (فتح مشروع استثماري اقتصادي بسوريا يعتبر من الكبائر) ساعتا بيعطوك الموافقات اللازمة بس لا تنسى تبوس الايادي ع هالعطية  (طبعا البوسة لازم تجي مبهرة بتقديم الشبحات و فيلل الصبورة و ما شابه)و ازا كنت مفكر انو هيك بتكون خلصت و بريت زمتك ادام الاله البعثي بتكون غلطان كتيييييييييير شو نسيان الضرايب ؟؟؟ (بتوصل لل75%) بعدين واحد راتبو كلو عبعضو ما بيشم ال20000 ل.س كيف بدو يحضر هوي و ولادو و جيرانو حفلة للوسوف يللي ع الراس 5000 ل.س ؟؟ و اللا هوي ما بيطلعلو يعني؟ و لو يا حبيب .... كلك نظر  شعار الاقتصاد السوري : <<< ان لم تكن مخالف ، فأنت ................ مخلوف>>>
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش .. حش الحشائش في حشيش محشش .. حشاش يا أخا الحشيش .. حشش على تحشيش محششنا القديم .. سوريا الله حاميا jesus i trust in you |
|||||||||
|
|
|
11/07/2005
|
#7 | |||||||
|
مشرف
|
اقتباس:
وبن جزيرة بهاوي بختار المصفاية لانو سورية |
|||||||
|
|
|
11/07/2005
|
#8 | |||||||
|
مختار
|
اقتباس:
 و الله انسان كبير و الله انا بسبح مو عند المصفاية بسبح بالمصفاية
"أوقفوا حجب أخوية في سوريا"
------------------- يا نبع المحبه.... عينك عَ وطنا ------------------- فلتحيا سوريا للأبد واكسيرها للخلود سيكون دماء محبيها .. ------------------- ساعدنا في الاشراف... استخدم زر المشاركة العاطلة |
|||||||
|
|
|
11/07/2005
|
#9 | ||||||||
|
مشرف
|
اقتباس:
انت المسؤل الكبير ابن الاكابر بتسبح بالمصفاية صدقتك :P :P :P :P :P :P :P :P |
||||||||
|
|
|
11/07/2005
|
#10 | ||||||||||
|
عضو
-- مستشــــــــــار --
|
اقتباس:
بحب ضيف فقط على كلام كريمبو ... أنك لازم تشارك بالاخير واحد من المسؤلين ( معروفين طبعاً ) و ألا رح يلعنوا سلاف سلاف أبوك على جدك الاكبر ....و يخلوا عقلك يطء بكل خطوة بالمشروع لتلاقي الحل ...أما الشراكة ( طبعاً منك كل شي و منهم الدعم المعنوي ؟!) أو تبيعهم المصاري بتراب المصاري ( منشان الله خلصوني ...بدي أنفد بريشي) أما بالنسبة لمخلوف ...ما بيفوت هيك فوتة ...هاد ابن الست ...لك أبن الخال هاد و له شو مفكرين يا بيسرق الدولة.مع ....( الوطن و المواطن ) عينك كنت عينك ( أربح شغلة !) يا بيسرق الوكالات سرقة ....( مرسيدس مثلاً ...و القصة الي صارت مع "صنقر " معروفة ...مع المعلم ( الرئيس ) لما أشتكا :....ابن خالك يا معلم !!!! طبعاً في كتير قصص و حكايا عن هاد الشب الطموح و المخفي أعظم ... شكراً كريمبو |
||||||||||
|
|
|
12/07/2005
|
#11 | ||||||
|
عضو
-- قبضاي --
|
يا شباب روقو والله كلامكن على عيني وعلى راسي وكلو مظبوط .. ولسا ما حكيتو شي من اللي صار وعم بيصير
بس شو يعني يا بدي اترك اهلي او بدي عيش مفعوس ببلدي شي بيطقق بين هالخيارات في ناس راحت طفش وناس بدها تطفش ومو ملاقية بس يعني بتقعد بالغربة .. وبتحط شي سهرة انت وسهران لحالك ولوحدك ومع ما حدا , بتحط ام كلثوم وبتسرح وشوف عقلك كيف بيطير واذا حطيت فيروز شي صبحية منشان تستقبل نهارك بابتسامة وتفاؤل .. بتشوف الويل وما عاد راسك يحملك يا جماعة سوريا بتبقى وهالوسخ اللي فيها بدو يروح على المزبلة  بس انشالله نحنا وعايشين |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 22:24 (بحسب عمك غرينتش الكبير +3)