حزورة : ما الفرق بين الله والتنين والغول ؟

[hope owner]

كاتب النص الأصلي : nisrine

يسلمو ردك كثير حلو بس انا شايفة ان الموضوع مو مستاهل نفكر فيه من شان الله هو اصدق شي في هالكون و اذا دخلنا في هذا التفكير ممكن نكفر فيا اخواني خلو هذا الموضوع كمسلمة و نؤمن بان الله لا يعرف وجها للمقارنة مع اي شي هو الذي خلقه

هو المفروض اني ما رد عليه

لكن هذا اللي صار

[أنا_بذاتو]

مرحبا يا شباب ويا صبايا... كيفكين.
لا تواخذونا يا جماعة على هالتغيب الطارء لأسباب ويكندية.

أما بعد ... فرح أتناول بعض الردود التي حاولت الرد على الحزورة المعضلة.

كاتب النص الأصلي : ابومزيد

هو من جهة في فرق في فروقات
بس بظن انو السؤال هو شو الفرق بوجه التشابه
الكل ما حدا شافون لحد الان
بس فينا نقول
الله بيخلق
التنين بيشوي
الغول بياكول

ماشي، بس ليش برأيك يا رفيق "بو المزيد" فينا نقول ما قلته أنت فوقاه ؟
يعني طالما وحيثما أنو الكل ما حدا شافون، طيب مو ممكن أنو الغول يكون بيشوي وأنو هو والتنين يكونوا بيخلقوا، ولا شو ؟
يعني باختصار، شو رأيك انت بهالقضية ؟

[أنا_بذاتو]

كاتب النص الأصلي : fady juventus

حسب ...
الهندوسي: بيزعل لأنك ما حطيت البقرة بالحزورة
الإغريقي:هاي أول مرة بسمع بهالديانة
اليهودي: بيقلك شفلي بالأول قديش كل واحد بيعطيني مصاري$ مشان حدد موقفي
المسيحي: بيقلك الله هو خالق السماوات
المسلم: بيقلك الله يهديك "وفي ناس ممكن تهدر دمك على هالحزورة "
الشيوعي: بيقلك كلن خيااااااااااااااااااااال

بخصوص الهندوسي معك حق خيو فادي ومنشان نراضيه ونراضي كل من لم ترد ديانته في هذ الفزورة، ها أنا ذا أضيف الكلمة السحرية (....الخ) إلى الديانات الآنفة الذكر.

الديانات الإغريقية القديمة أو ما نسميها الآن أساطير إغريقية كانت يا خيو ملا إنت، ديانات فعلية في عصرها في زمن سقراط وأفلاطون وأرسطو وبقية الشلة (العاطلة). ومن آلهتهم كان زيوس وأفروديت وهرمس وأثينا ...الخ.
يعني مثلاُ بهداك الوقت بدل ما يقول الواحد منن :
"أتعلم يا أبو علي، والله إني مُنخَضٌ على خطيبتي"،
كان يقول :
" أتعلم يا أبو ألي، وزيوس إني قلق على خطيبتي".
بالنسبة لبقية ما ذكرت فلا غبرة كثيرة على كلامك.

[أنا_بذاتو]

كاتب النص الأصلي : بحرسوريا

كلن خيااال

كاتب النص الأصلي : اب حمرا

كلون اساطير

طيب با رفاق لكن ليش برأيكم الناس عندنا بيقولوا إنو الله هو الموجود وأنو البقية هني المخلوقات الخيالية.
شغلة بتخيل مهيك.

تخياتي.

[أنا_بذاتو]

كاتب النص الأصلي : butterfly

أوووووف ...
بظن أنو كاتب الموضوع ...بظن ها مو متأكدة ...
أنو بدو يقارن بين انو الله عنا مخلوق سحري متلو متل التنين ... لهيك بتحسونا منتوقع منو أمور سحرية وتدخلات مدري كيف .. يحول فلا ن لقرد .. ويضرب نار لعلان وهيك

وتاني فكرة أنو الله متل الغول شي مخيف .. بيخوفونا من غضبو ..من عقابو ... من نارو ...
بيعملولنا ياه متل البوبوع اللي واقف عم يسجل كل شي ...

أما بالنسبة الي الفرق كبير كبير كبير
شو الله ..
الله أب ... وبالنسبة الي بالذات الأبوة هي محبة واحتضان ...

كلامك يا ست فراشة سليم 100 % عن الأبوة.
بس التنين والغول يعني كمان ممكن يكونوا أبوات محبين وحاضنين لعفاريتهم الصغار. ولا شو قوليك.

[أنا_بذاتو]

كاتب النص الأصلي : القلب المنادي

لك انا بتوقع انهن كلياتهون بشتركوا بشي واحد

وهو انو مافي حدا بالدنيا شافهون

اما الفرق انا ما بعرف؟؟

طيب يا عزيزتي "القلب المنادي" فيه ناس متل الزميل toocoolfriend بيقولوا إنهم شافو الله بذاتو سواء في الصحو أو في المنام.
ومنهم من يقول مثل الفرنسي "رائيل" أن الله إجا وأخدو برحلة سماوية ليعرفه على بقية "الأنبياء اللي متلو" موسى وعيسى ومحمد وبودا. وبعدين يقول هالمواطن أنو الله رجّعوا عالأرض كنبي ليبشر بالأطباق الطائرة.
شي خَيلي هالرائيل مهيك.

[أنا_بذاتو]

كاتب النص الأصلي : toocoolfriend

أنا شفتو الله!!!

بس ما شفت لا تنين ولا غول

فيه كتير ناس ما شافو متلك لله ومع ذلك بيؤمنوا فيه بكلّ إخلاص وصدق.
و فيه كتير ناس في شرق آسيا ما شافو التنين بس آمنوا فيه وبقواه الخارقة.
وكمان فيه كتير أطفال ما شافو الغول بس بيضلوا خايفين ومرعوبين منو وكأنو نايم تحت التخت.
نستنتج مما ورد فوقاه أنو عدم الشوف هو سبب غير كاف لنفي ما لم نشفه والعكس صحيح.

[SAM 1]

كاتب النص الأصلي : gabo

بس موضوعك غير مناسب للمناقشة ومو مستاهل المناقشة لأنو موضوع تافه

بالعكس الموضوع حلو كتير.. والجواب سهل كتيير

[أنا_بذاتو]

كاتب النص الأصلي : gabo

مشان الحزورة أنو
الله ياخدك
والغول ياكلك والتنين يحرقك

بس موضوعك غير مناسب للمناقشة ومو مستاهل المناقشة لأنو موضوع تافه كتير أنو نحط الله بالمقارنة مع أي من مخلوقاته
وشكرا

مشكور يا عم gabo على دعواتك الصادقة الصدوق.
بس يعني بلا صغرة، أنا اللي بقرر إذا موضوعي مناسب أو غير مناسب للمناقشة وعلى إساس ذلك بجتمع مع نفسي وبقرر طرحه أو جمعه.
وإذا كنت أنت والأستاذ " عمار المالكي" شايفين الموضوع تافه كتير، فهذا حقكم.
ومن حقكم المصون أيضاُ أن تعبروا عن رأيكن في تفاهته وازدرائكم له، تماماً كما أنو من حق غيركم أن لا يشارككم الرأي وأن يعبر أيضاُ عن رأيو.

هذا ما يُسمّى بالعربية "احترام الرأي الآخر". ... عاشت الأسامي.
على فكرة، الرأي الآخر ممكن يكون رأيكم أيضاً !

يالله، الله ياخذنا جميعاً .................... في رحلة سياحية عالجنّة قبل ما نموت.

[أنا_بذاتو]

كاتب النص الأصلي : silent_storm

كعييييييييييييييييييييت ..... بس بظن انوا تلاتتهن بيخوفوا

صحيح أنو ما قيل لنا عنهم بيخوّف ولكن يا خيي silent_storm أنت أعلم بأن الناس ما شغلتها إلا البقبقة والنمنمة وتناقل القيل والقال عن الآخرين بمن فيهم الـ "التنيين والغول".
يعني مو لازم نصدق كل شي بيقولوه الناس عنن.
فالغول ممكن يكون لطيف وأمّور متلو متل "كاليميرو" أو" Brad Pitt" بفرد شكل.

[أنا_بذاتو]

كاتب النص الأصلي : حوراء

مرحبا
برأيي ان الفرق واضح جدا
ومن لا يرى فرقا .... فا الله يعينه
الله وتعالى الله عن مقارنته بخلقه ... هو من تفضل علينا بالحياة وبالوجود
اما الغول و التنين اسطورتان لا وجود ولا اثر لهما الا في الحكايات الخرافية

وشكرا

كاتب النص الأصلي : hope owner

انا راح اقولك الفرق
الغول والتنين قد يكونوا اسطورة وقد يكونوا مخلوقات
وجدوا في احد الازمان ولكنهم غير موجودين في هذا الزمن
لكن الله بالنسبة لاصحاب الديانات السماوية
هو مجود في كل الازمان
وهو الخالق للغول والتنين في حال لم يكونوا اسطورة

يا ست حوراء ويا أخ "hope owner" وجهة نظركم موزونة، بس لو كنتو ولدتو بالهند مثلاً لدى الأغلبية الهندوسية لربما كنتو قلتو أن شيفا والبقرة والقرد هي كائنات مقدسة وأن الله والغول هما من الأساطير.

بناءاً على ذلك، فالإيمان هو من يحدد الحقيقي من الأسطوري.
يعني كلّ من يؤمن بفكرة أو بإله أو بمخلوق آخر بيعتبر أن ما يؤمن به هو الحقيقة وأن ما يؤمن به الآخرون هو خيال وأسطورة.

فهل كلمة "أسطورة" هي كلمة نسبية تعبر عما لا نؤمن به لأننا لم نولد في المكان والزمان حيث يؤمن آخرون بهِ ؟ (الـ"ـهِ" هنا هي ضميرٌ مرتاح يعود على "ما يؤمن به الآخرون").

يالا يا شباب، شدو حيلكين كمان شوي لحل هذا اللغز الغامض الفتّاك

[حوراء]

كاتب النص الأصلي : أنا_بذاتو

يا ست حوراء ويا أخ "hope owner" وجهة نظركم موزونة، بس لو كنتو ولدتو بالهند مثلاً لدى الأغلبية الهندوسية لربما كنتو قلتو أن شيفا والبقرة والقرد هي كائنات مقدسة وأن الله والغول هما من الأساطير.

بناءاً على ذلك، فالإيمان هو من يحدد الحقيقي من الأسطوري.
يعني كلّ من يؤمن بفكرة أو بإله أو بمخلوق آخر بيعتبر أن ما يؤمن به هو الحقيقة وأن ما يؤمن به الآخرون هو خيال وأسطورة.

فهل كلمة "أسطورة" هي كلمة نسبية تعبر عما لا نؤمن به لأننا لم نولد في المكان والزمان حيث يؤمن آخرون بهِ ؟ (الـ"ـهِ" هنا هي ضميرٌ مرتاح يعود على "ما يؤمن به الآخرون").

يالا يا شباب، شدو حيلكين كمان شوي لحل هذا اللغز الغامض الفتّاك

مرحبا

الاخ ( انا بذاتو ) ..
منذ متى كنا نعتمد على الــ(لو) في تحليلاتنا ؟!
حسب علم الجميع فإن مايميز الإنسان عن سائر المخلوقات هو العقل ..
فااينما كنت واينما عشت ولديك عقل ( شغال) ستعلم بوجود الله وتؤمن به ..
فكلنا يعلم ان الله موجود وحتى من لا يعترف بوجود الله فإنه يناجيه في سره حين تصيبه مصيبة ..
أتعلم اخي ..
انه من اكبر المصائب ان يشكك المرء بوجود الله ونحن في هذا العصر ..
لنرى مثلا من يعبدون آلهة من دون الله ... لم عبدوها ؟؟
لانهم يحتاجون للعبادة ! والتوجه لمن يناجونه في حين وقوع المصائب ومن يحسون برعايته ..
فلكونهم جهلة ! ولم يستخدمو عقولهم بل استخدمو العواطف توجهوا لغير الله مع علمهم بوجود من هو اقوى من آلهتهم ... ونتيجة لذلك تربت اجيالهم على تلك العبادات وبالإضافة الى التعصب للديانة تجد سكان الهند مثلا كما ذكرت يعبدون الحيوانات وغيرها ...
الا تظنهم يعلمون بوجود الله ؟؟؟ ..بالطبع يعلمون ولكن انفسهم تأبى ان تعترف بوجوده ..

وجود الله يااخي لا يعتمد على الإيمان فحسب ..فالله جل وتعالى لا يحتاج لإيماننا به فهو موجود رغما عنا ..بل إن إيماننا يعتمد على وجوده ...فلولاه لكانت حياتنا كبقية المخلوقات بلا هدف بلا عقل بلا اهمية ..

اما قولنا عن الغول و التنين بأنهما اسطورة نظرا لعدم توافر أدلة حسية او دلائل تاريخية موثوقة نستند عليها في اثبات وجودهما ...
لذا انني استغرب جدا من هذا الموضوع بل واستغرب من طريقة تفكير البعض


تحياتي

[Willi]

تعليق صغير لو سمحتو

وحتى من لا يعترف بوجود الله فإنه يناجيه في سره حين تصيبه مصيبة ..

شلون عرفتي هالشي
اذا عم تقولي انو بناجيه بسرو
شلون عرفتي انو بناجيه!!!!!!!!!!!!

الا تظنهم يعلمون بوجود الله ؟؟؟ ..بالطبع يعلمون ولكن انفسهم تأبى ان تعترف بوجوده ..

[حوراء]

لمعرفتي بضرورة الاحتياج لمن يلجأ اليه المخلوق وقت الخطر والمصائب
فإن من لا يعترف بوجود الله لو انه تعرض لموقف مُميت فإن نفسه او قلبه بحركة لا إرادية تتعلق بشي ما للنجاة من هذا الموقف ..

[Willi]

ايوا يعني الشغلة هية شي انت بتعتقدي فيه
طيب معناتها مافيكي تقوليها وكأنها شغلة لا جدل فيها.

لمعرفتي بضرورة الاحتياج لمن يلجأ اليه المخلوق وقت الخطر والمصائب

صحيح
وكتير ممكن يكون اللي بيلجأ الو المخلوق هو مخلوق تاني. يعني صديق/ة , اخ, اخت , اب , ام

[حوراء]

من ناحية لاجدل فيها بالتأكيد لا جدل فيها

والال مارأيك انت ؟

...
لجوء الانسان لمخلوق مثله قد يكون ناجحا وقد يكون العكس ..
لانك في حال شدتك من المفروض ان تلجأ لمن يمتلك القوة على حلها وليس لمخلوق ضعيف مثلك ..

[gabo]

مشكور يا عم gabo على دعواتك الصادقة الصدوق.

مشكور لأنو من قلب صادق ومحروق عليك

بس يعني بلا صغرة، أنا اللي بقرر إذا موضوعي مناسب أو غير مناسب للمناقشة وعلى إساس ذلك بجتمع مع نفسي وبقرر طرحه أو جمعه.

الهيئة انت ما عرفت تقرر منيح لأنو ما بدو نقاش بنوب يعني وقت إنسان بيحط موضوع للمناقشة ومستاهل المناقشة ما بينزل موضوع من 3 كلمات ما الفرق بين الله والغول والتنين ؟ هادا ما صار موضوع هادا صار سؤال لجذب الانتباه
هلق أهلا وسهلا فيك كجديد بأخوية وعندك حق تجذب الانتباه بس مو على حساب الرب

وإذا كنت أنت والأستاذ " عمار المالكي" شايفين الموضوع تافه كتير، فهذا حقكم.

طبعا هادا حقي 100% وأنت اللي معتدي على هادا الحق لأنك منزل الموضوع بالثالون وقت بيصير حكي عن اللع روح عالمنتديات الروحية بأخوية وهذه المنتديات خاصة بهيك شغلات

ومن حقكم المصون أيضاُ أن تعبروا عن رأيكن في تفاهته وازدرائكم له، تماماً كما أنو من حق غيركم أن لا يشارككم الرأي وأن يعبر أيضاُ عن رأيو.

أنا ما اعتديت على حق غيري أن بكل بساطة قلت أنو موضوعك تافه ومو خرج المناقشة أنا ما قلت انو يا شباب موضوعو تافه لا تناقشو

هذا ما يُسمّى بالعربية "احترام الرأي الآخر". ... عاشت الأسامي.
على فكرة، الرأي الآخر ممكن يكون رأيكم أيضاً !

منيح إنك بتفهم بالعربية لأنك ما بحقلك تتهجم على راي غيرك إذا مو عاجبك وهادا الرأي اللي عم تحكي عليه انو الرأي الآخر لو طالع عن قناعة شخصية الله يلعن أبو اللي بيزعل بس أنت استخدمت اسمه تعالى للمتاجرة باسمك كجديد باخوية

يالله، الله ياخذنا جميعاً .................... في رحلة سياحية عالجنّة قبل ما نموت.

أنا برأي تغير هالدعوة فبدال ما تدعي ل الله ادعي للغول أو للتنين بلكي بستجيبولك
وشكرا

[أنا_بذاتو]

شكراً لك يا حوراء لتعبيرك بصدق وعفوية عن قناعتك وعن رأيك الذي أحترمه وأقدره لأنه أيضاً رأي الكثير من الناس الطيبين الذين أحب.

كاتب النص الأصلي : حوراء

فلولاه لكانت حياتنا كبقية المخلوقات بلا هدف بلا عقل بلا اهمية ..

هذا الكلام سليم إلى حد كبير لكن هناك أيضاً إمكانية أن الإنسان هو من يخلق الأهداف لحياته وهو الذي يعمل ليعطيها الأهمية التي يظن أنها تستحقها.

كاتب النص الأصلي : حوراء

اما قولنا عن الغول و التنين بأنهما اسطورة نظرا لعدم توافر أدلة حسية او دلائل تاريخية موثوقة نستند عليها في اثبات وجودهما ...

"الأدلة" الحسية بمعنى الإحساس يمكن أن تفسر بشكل مختلق من بيئة لأخرى ومن إنسان لآخر لذلك لا نستطيع أن نقول أنها أدلة لكونها مجرد آراء وتفاسير لأحاسيس شخصية.
يعني شخص قد تدفعه أحاسيسه للإيمان بالتنين في بيئة ما ونفس الأحاسيس يمكن أن تدفع شخص آخر للإيمان بالله في بيئة أخرى وشخص ثالث قد تدفعه هذه الأحاسيس للبحث في أصلها وفصلها ليتفهم مدى تأثير مجتمه في تكوينها وذلك دون الإيمان بأي فكرة إلهيه.

أما "الأدلة" التاريخية فهي تستند إلى الكثير من القيل والقال المتناقل بين البشر الذين لهم مشاعر وأحاسيس ومصالح تؤثر في طريقة نقلهم وتناولهم للأحداث التاريخية.
فمثلاً لو قرأنا ما كتبه العرب وما كتبه الفرنجة عن الحروب الصليبية في ذلك الوقت لوجدنا اختلاف شاسع في طريقة نقل وتناول الأحداث لأن كل طرف يسعى للسرد والتفسير بما يتماشى مع دينه ومجتمعه وما يظن أنه حق.

كاتب النص الأصلي : حوراء

لذا انني استغرب جدا من هذا الموضوع بل واستغرب من طريقة تفكير البعض

بها الدنيا فيه طرق تفكير لا حصر لها ولاستغراب هو بداية طيبة لتفهم أن هناك ناس لا يفكرون مثلنا مما يسهل علينا وعليهم العيش بسلام وود بعيداً عما حدث ويحدث من عراك وتناطح وحروب والتي تنتج من انغلاق الناس على أنفسهم وعدم سعيهم لتفهم طرق تفكير الآخرين وتقبل وجودها.

تحياتي