صفر على الشماااااااااااااال

[emadiab]

صفر على الشمال
____________
هو شئ موجود ما بيننا
و فى كل حتة بيقابلنا
لكن قيمته بالنسبة لنا
مجرد صفر على الشمال

صحى من نومه و بدأ يومه
فطر عذابه وحلى بهوانه
شال فوق ضهره شنطة همومه
و لعن ابو حظه اللى خانه

خرج يمشى فى الطريق
اعمى مش دارى بشئ
الدنيا تشيله و تحط فيه
و هو فى بحر حياته غريق

جبان سكت صوت ضميره
و ساب صاحبه ينهب ويسرق
و سمعه وهو بيمدح مديره
حس إنه حمار بينهق

قاعد على القهوة ويا صاحبه
يشرب شاب ويشد شيشة
الدنيا وردى و الحال عاجبه
مادام دماغه فى خف الريشة

شاب وعجز قبل الأوان
ضهره انحنى من الأحزان
الدنيا بقت فى عينه ضلمة
ضاعت منها البهجة والألوان

[الكبير]

اللللللللللللللله
حلو كتير
بالمصري حلو قوي

يشرب شاب ويشد شيشة

ارجو منك تصحيح الكلمة
عشان ما حدش يفهم غلط

[عاشق من فلسطين]

والله حلوة ..أنا بحب اللهجة المصرية كتير ....

[emadiab]

اشكرك يا كبير واشكر عاشق من فلسطين وللأسف مش حينفع اعدل الكلمة ابدا بس حكلم المشرف وهو يعدلها
و الحمد لله ان القصيدة نالت اعجابكم واتمنى ان مفيش حد من اعضاء المنتدى تنطبق عليه صفات المذكور اعلاه فى القصيدة