الاثار بدل النفط في سوريا

[phoenixbird]

المدير العام للآثار والمتاحف: نسعى لتكون الآثار بديلا عن النفط

الاخبار المحلية

"لدينا 10 آلاف موقع اثري تحتاج إلى تأهيل وتنظيف وإنارة .. ونعد لطرح مدينة بصرى لتكون من عجائب الدنيا"
قال مدير عام الآثار والمتاحف بسام جاموس لـسيريانيوز إن "الآثار يجب أن تكون بديلا عن النفط كمورد مادي في المستقبل القريب، ولكن هذا الموضوع يحتاج إلى تعاون مؤسساتي كبير".

وأضاف جاموس أن المطلوب في هذا الشأن هو "تعاون مؤسساتي كبير، لأن الجدوى الاقتصادية في كل بلدان العالم تأتي من الآثار وزيارتها، وسورية هي جنة وفردوس العلماء، ومتحف في الهواء الطلق، وتحتوي على 10 آلاف موقع اثري تحتاج إلى تأهيل وتنظيف وإنارة، إضافة إلى توفير مستلزمات السائح".
واعتبر أنه "آن الأوان للتحول بالاقتصاد من النفط إلى الآثار, لكن ذلك يحتاج إلى إمكانات مادية كبيرة ، والإمكانات المادية المتاحة لنا قليلة"، مشيرا إلى أن "قلعة دمشق عندما أصبح هناك تعاون بين وزارة الثقافة ومحافظة دمشق أنجزنا أعمال المرحلة الأولى بوقت قياسي وتم افتتاح هذه القلعة في تموز من عام 2006".

ولفت جاموس إلى أن "هناك اتفاقية بين وزارتي السياحة والثقافة لتأهيل وتنظيف المواقع الأثرية, وهو مشروع يشمل كل المواقع الأثرية في سورية".
وقال إن "وزارة الإدارة المحلية هي التي ستقوم بتنظيف محيط المواقع الأثرية، وتقوم المديرية العامة للآثار والمتاحف بتنظيف وتجهيز الموقع الأثري من الداخل، والإنارة ستكون مسؤولية وزارة السياحة".
وحول الموعد المقرر لدخول المواقع الأثرية التي يجري تأهيلها في الخدمة قال جاموس إن "هناك العديد من المواقع دخلت حيز التنفيذ وأصبحت جاهزة للزيارة، لكن التعاون المؤسساتي هو الهدف المنشود وهو النجاح الأساسي لهذه السياحة".
ونوه المدير العام للآثار والمتاحف أن ذلك يتطلب من وزارة النقل أن توفر الباصات الداخلية لنقل الزوار إلى المواقع الأثرية، وعلى وزارة الصحة أن تعمل على توفير مراكز صحية في كل المواقع الأثرية".
وأكد جاموس "إن هدفنا الأساسي هو السائح ويجب أن نوفر له المستلزمات من استراحات وفنادق مناسبة وسبل الراحة والإقامة الأطول التي تشكل جدوى اقتصادية من خلال القطع الأجنبي".

وأشار جاموس إلى أن مديرية الآثار والمتاحف "تعد ملفا عن مدينة بصرى للمشاركة في اختيار عجائب الدنيا السبع الجديدة ، كما أننا نفكر في ملف عن مدينة تدمر وقلعة صلاح الدين الأيوبي، ولكن حاليا مشروعنا الكبير هو مدينة بصرى".
وكان المخرج برنار ويبر الذي يحمل الجنسيتين الكندية والسويسرية، دعا في عام 2000 إلى استفتاء في جميع أنحاء العالم لاختيار عجائب الدنيا الجديدة عبر التصويت على احد المواقع على شبكة الإنترنت أو عبر رسائل على الهاتف المحمول.

وتناول جاموس في حديثه موضوع المدن المنسية في إدلب وحلب وقال "الآن لدينا مشروع لتأهيل طرق جديدة مع الجانب السويسري، وهناك فكرة لإنشاء مركز بحث في هذه المنطقة للطلاب وطلاب الماجستير والدكتوراه والمشروع قائم ومرصود له مخصصات مالية ومن المتوقع أن ينتهي 90% منه هذا العام".
وكانت المديرية العامة للآثار والمتاحف قامت بالتعاون مع الجانب السويسري بفتح وتأهيل ثلاث طرقات لدروب المشاة وتجهيزها في المدن المنسية، كما أعدت المديرية ملف مشروع لتسجيل ثمانية تجمعات أثرية في هذه المدن لتسليم هذه الملف في شهر شباط من عام 2009 إلى اليونسكو لتسجيلها على لائحة التراث العالمي.

المصدر:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[ماغنوم56]

نشالله يكون الحكي صحيح
لأن تخرمت دنينا من هل احلام
بركه صار وقت تحقيقها
ويصير بلدنا الو وجه حضاري
مرغوب من كل العالم

[sandra]

أنو لازم نهتم بالآثار أكتر
حرام سوريا بلد غنية بالآثار والحضارات ما يهتموا فيها وتلاقي الغنم والمعز عم ترعى بهالمحلات

على فكرة أول السنة اضطريت أنزل لسوريا و بليلة من الليالي قلت روح على قلعة حلب ما في أحلى من منظرها بالليل والإضاءة مسلطة عليها
اتفاجأ أنو الأضوية مطفية والقلعة سودا مو باين شي منها... وبعدين عرفت أنو صرلها فترة هيك
تأمل ليرعاك الله

[سهراااان]

نحنه على طول ماشاطرين لا بالتصريحات الناريه بس نجي نفز عيب بعدين بيضحكو علينا الاجانب ؟؟؟؟؟؟؟؟؟؟؟؟؟

[معرف]

الوطن مافي منو
بس نحن نغير حالنا شوي

[VivaSyria]

يعني مافهمت... خلص البلد رح تعيش على الأثار و رامي مخلوف رح ياخد كل النفط؟؟

[souriana]

كاتب النص الأصلي : VivaSyria

يعني مافهمت... خلص البلد رح تعيش على الأثار و رامي مخلوف رح ياخد كل النفط؟؟

الاثار بتضل بس النفط بيخلص
بس خوفي يلفو عالاثار

[VivaSyria]

كاتب النص الأصلي : souriana

الاثار بتضل بس النفط بيخلص
بس خوفي يلفو عالاثار

مهنن سرقوها من زمان و يلي بقيان منا يا منحمل معهن يعني متل تدمر و بصرى يا مالو قيمه

[سهراااان]

ياشباب نحنه مادخلنا والله بعدين يلبسونا فلين تبع البندوره برجلينا ؟ ولا تخافو على الاثار تقيله عليهن مبحبو يتعبو حلون
؟عفكره انا نمرت اجري 42 وعاجبتني

[المحارب العتيق]

كاتب النص الأصلي : VivaSyria

يعني مافهمت... خلص البلد رح تعيش على الأثار و رامي مخلوف رح ياخد كل النفط؟؟

لأ لا تخاف لأنو رح ياخد تدمر ويعمل منها منتجعات سياحية وصالات قمار . على ستايل لاس فيغاس

[المحارب العتيق]

أنا برأيي أنو الكلام المنشور هو وجهة نظر السيد جاموس ومو توجه بالوقت الحالي من الحكومة

[VivaSyria]

كاتب النص الأصلي : المحارب العتيق

لأ لا تخاف لأنو رح ياخد تدمر ويعمل منها منتجعات سياحية وصالات قمار . على ستايل لاس فيغاس

اكتشفلك اكتشاف بس طولت لاكتشفتو.... خالصه ياحبيب

[المحارب العتيق]

كاتب النص الأصلي : VivaSyria

اكتشفلك اكتشاف بس طولت لاكتشفتو.... خالصه ياحبيب

بوكرة من خبرون عن أكتشافك بلكي بيضموه للأثار يلي عم يحكو عنها

[VivaSyria]

كاتب النص الأصلي : المحارب العتيق

بوكرة من خبرون عن أكتشافك بلكي بيضموه للأثار يلي عم يحكو عنها

وبياخد رامي وكيل اكتشافي الحصري

[saman]

اي منقول انشالله
على سيرة الآثار ....قدام بيتنا في منطقة اسمها الآثار (شنّو فيها قوس وكم عامود أثري ) الله وكيلكن قايمينها فوقاني تحتاني ...مافي قرنة تحط رجلك فيها ...من كتر الحفر ....
تحولت لطرزان من كتر النطوطة فوق الحفر
صرلهن عم يحفروا فيهام من شي شهرين لهلأ وما كانوا يخلصوا ........على اساس اول شي لـ 1/3 بعدين غيروا الليوحة وصارت لـ 1/4 ...ولساتها اللوحة متل ما هيي وما كانوا يخلصو شغل العمى ضربهن ضرب شو باردين .....قال يد عاملة قال .....

[Abu ToNi]

من فترة حضرت محاضرة لاحد المسؤولين بقطاع السياحة بحلب حكى فيها عن طرق تشجيع السياحة للاستفادة من الآثار وحكى شوي عن ضرورة الالتجاء لهاد النوع من المدخول المادي لأن ما بيحتاج لتكاليف وما ممكن ينضب بيوم من الايام طالما عمنهتم بالآثار او بأقل تقدير عمنحافظ على الجزء اللي عندنا .

بس بدي اقول شغلة انه حكى بالمحاضرة بالارقام عن قدرة الأوتيلات بحلب على استيعاب السياح وللاسف الرقم ما كان بيتجاوز ال 400 تخت معروض للآجار في الفنادق وكتير حسيته مستاء من الوضع كون الرقم هاد بيقتل كافة الجهود اللي ممكن تنبزل لاستقطاب السياحي يعني كيف فيني روّج لفكر تستهوي عالم وما عندي القدرة اني احتضنهم بالمدينة .

بالأخير كل شي بيلقح بعضه ومافي شي بيجي بالهين هال كام حجرة اللي السوريين مطنشينها وما عاطين الها اهمية وبتلاقي مكتوب عليها ( بحبك ) ( اهداء من فلان إلى علتان ) للاسف الأجانب كتير بيهتموا فيها لكن ما عنا القدرة اننا نهتم فيهم ونستقبلهم

بالاخير كل شي بدور حول فكرة عوجاااااا كيف ما فتلت حوليها وطلعت عليها بتشوفها عوجا

[VivaSyria]

يلي ماعم افهمو يعني تدمر و بصرى و هالأثار يلي عم يحكو عليها جديد للقوها؟؟ لعما بيقلبن اثمها أثار هلأ لتزكرو يزبطوها