الحياة على الأرض انبثقت من الفضاء

[I_Love_Syria]

تمكن علماء أميركيون من اكتشاف آثار تدل على أن الحياة على كوكب الأرض نشأت من مادة سقطت من الفضاء الكوني.

فقد أظهرت تحاليل جديدة أجريت على ذرات غبار التقطها المسبار "ستاردست" للمرة الأولى وجود آثار لحمض أميني يطلق عليه اسم "غلايسين", وهو أحد المكونات الأساسية للبروتينات التي بدونها لم يكن للحياة التي نعرفها وجود.

وقد اكتشف علماء بمركز غودارد لرحلات الفضاء بولاية ميريلاند القريبة من واشنطن دي سي –وهو أحد المراكز التابعة لوكالة أبحاث الفضاء والطيران الأميركية (ناسا)- آثارا لحمض غلايسين في عينة لذرات غبار من المذنب "وايلد2" التقطها المسبار ستاردست وأسقطها في صحراء يوتاه الأميركية عام 2006.

وقال جيمي إلسيلا -الباحث في مركز غودارد وأحد الذين أعدوا التقرير بشأن هذا الكشف لدورية "علوم النيازك والكواكب"- إنهم تمكنوا بعد التحقق من وجود الغلايسين من معرفة أن المذنبات ربما تكون أطلقت منذ القدم أحماضا أمينية إلى الأرض, ما أسهم في إيجاد العناصر الأساسية التي انبثقت منها الحياة.

وقد ظلت الفكرة القائلة بأن مكونات الحياة الرئيسة انتقلت إلى الأرض من الفضاء ولم تنبجس من مواد الأرض الكيماوية الأصلية قائمة لسنوات.

وسبق أن اكتشفت أحماض أمينية في الشهب, لكنها المرة الأولى التي يقف فيها العلماء على حمض أميني في مادة لأحد المذنبات.

وأشار كارل بيلشر -مدير معهد بيولوجيا الفضاء التابع لناسا الذي أسهم في تمويل البحث- في هذا الصدد إلى أن الاكتشاف يمثل دليلا آخر على أن عناصر الحياة الأساسية موجودة في كل مكان.

ويعد هذا الاكتشاف الأحدث من نوعه في إنجازات المسبار ستاردست غير المأهول الذي أطلق في 2 يناير/كانون الثاني 2004 ليتعقب غلالة الغبار والركام الصخري الذي ينفثه المذنب وايلد 2 وراءه.


الجزيرة

[achelious]

ويبقى التساؤل عن أصل الوجود قائما حيّا غامضا يشغل بال الانسان كلعنته!!

مشكور عالنقل

[memo dark death]

التساؤل عن اصل الوجود وهذا الشي ما بعرفو الا الله سبحانه وتعالى هو الوحيد الي بعرف هذا السر الكوني

[I_Love_Syria]

كاتب النص الأصلي : achelious

ويبقى التساؤل عن أصل الوجود قائما حيّا غامضا يشغل بال الانسان كلعنته!!

مشكور عالنقل

يمكن من أعقد الأشياء إلي ممكن نفكر فيها هو الفضاء يعني مدى إتساعه شو طبيعة الكواكب الموجودة فيه وفي حدا عليها أو لاء
ولو رحنا برّا مجرة درب التبانة شوفي وما بظن إنو كل هالكواكب والكون موجود بس كرمال الناس الساكنة عالأرض
يعني إحتمالية وجود سكان تانيين كتير كبيرة
بتمنى يجي يوم وأعرف شوفي خارج هالكوكب هاد

تحياتي إلك

[Nasserm]

كاتب النص الأصلي : I_Love_Syria

ما بظن إنو كل هالكواكب والكون موجود بس كرمال الناس الساكنة عالأرض
يعني إحتمالية وجود سكان تانيين كتير كبيرة

تماماً.
بس الفكرة المهمة إنو هالـ (سكان التانيين) أكيد مانهن بشر..
هلق الأسهل -نوعاً ما- إنو نتخيّل كائنات بتقوم ع نفس الأساس البيولوجي للحياة ع الأرض (بروتين وتوابعو.. هيدا اللي بيتكوّن من سلاسل الحموض الأمينية اللي موجودة بالفضاء).. بس رغم هيك في احتمالات هائلة
يعني تخيل نلاقي كائنات متطورة هي بالحقيقة شي نوع من أنواع الحشرات!! تاع تفاهم معها بقى
أما الاصعب نتخيل كائنات تانية تركيبها البيولوجي مختلف!! هون بقى في احتمالات إلها أول ما إلها آخر!! وهالشي طبعاً بيزيد من صعوبة التواصل (إذا حصل) ومن ثم التفاهم معها


بالمناسبة.. في فيلم خيال علمي جيد اسمو (مهمة إلى المريخ Mission to Mars) بيحكي بآخرو عن فرضية (زرع الحياة) على الأرض من قبل كائنات غير أرضية. نصيحة شوفو

[I_Love_Syria]

كاتب النص الأصلي : Nasserm

تماماً.
بس الفكرة المهمة إنو هالـ (سكان التانيين) أكيد مانهن بشر..

شو إلي بيمنع إنهن يكونو بشر ليش جزمت إنهن مالن بشر
شو المانع يكونو بشر ويكونو عم يدورو على ناس عايشة برا الكوكب تبعهن متلنا متلهن يعني
بالنسبة إلي ما بستبعد إنهن يكونو بشر بالمرة بيجوز يكونو متطورين أكتر منّا وبيجوز يكونو متخلفين أكتر
بما إنو الكون واسع كتير وفي مناطق فيه لحد الآن ما قدرو يوصللولها لهيك صعب نجزم

[Nasserm]

كاتب النص الأصلي : I_Love_Syria

شو إلي بيمنع إنهن يكونو بشر ليش جزمت إنهن مالن بشر
شو المانع يكونو بشر ويكونو عم يدورو على ناس عايشة برا الكوكب تبعهن متلنا متلهن يعني
بالنسبة إلي ما بستبعد إنهن يكونو بشر بالمرة بيجوز يكونو متطورين أكتر منّا وبيجوز يكونو متخلفين أكتر
بما إنو الكون واسع كتير وفي مناطق فيه لحد الآن ما قدرو يوصللولها لهيك صعب نجزم

ممممممم.. المانع يا سيدي.. إنو البشر متل ما بيقولوا (حالة طارئة ع كوكب الأرض)
عمر الكوكب تقريباً 5 مليار سنة.. بينما وجود البشر ع الأرض 50 ألف سنة فقط (إنسان كرومانيون) وبأحسن الأحوال إذا حسبنا الرئيسيات بشر.. منرجع لـ مليون سنة فقط (الأوسترالوبيثيكوس)..
والبشر هلق فيك تقول ما إلهن مستقبل..
خوش عم يجيبوا آخرة وجودهن ع الكوكب بإيدهن (استهلاك موارد الكوكب، تلوث، احتباس حراري، حرب نووية الخ)

يعني كذا ميت سنة.. عوّضناك البركة من البشر

هيدي أول فكرة (إنو إذا كان وجدت كائنات.. وبدّك تسمّيهن بشر.. فـ لازم يكونوا متلنا.. فـ هيدول.. أكيد انقرضوا.. )

تاني فكرة..

إنو نحنا هيك (بشر) لإنو ظروف كوكب الأرض هيك.. وهي ظروف بالغة الدقة.. يعني من الصعب جداً إنك تلاقي شي بيشبهها..

خود عندك مثلاً:

بنية البشر كـ فقاريات بترجع لـ كتلة كوكب الأرض وقديش بيطبق جذب ثقالي.. فـ لو كان الكوكب كتلتو أصغر.. كان الجذب أقل.. وبالتالي البنية مختلفة (والعكس صحيح لو كان الكوكب أكبر)

البشر كائنات بصرية.. لإنو الغلاف الجوي للأرض ما بيسمح من الطيف الكهرطيسي إلا بدخول أطوال موجية محددة (هي الطيف المرئي).. من هيك تطورت عين البشر حسب الغلاف الجوي الموجود..
فـ لو تغيّرت تركيبة الغلاف الجوي نتفة.. ما كنا كائنات بصرية.. ممكن كنا كائنات شمّية مثلاً.. أو منشوف بالأمواج الحرارية (متل الحية تقريباً)..

شو كمان؟

فترة دوران الأرض حول نفسها (تعقاب الليل والنهار خلال 24 ساعة).. هيدي لو تغيرت.. بيطلع عندك كائنات مختلفة (وبالمناسبة.. هي ع الأرض تغيرت.. وعم تتغير.. بس كل قديش؟ كل كذا مية مليون سنة)

ميل محور دوران الأرض حول نفسها عن المحور المعامد للمستوي المداري حول الشمس (هيدا لالأرض 23.5) وهو بيلعب الدور الأساسي بتعاقب الفصول الأربعة..

فـ تغيّروا أيضاً بيفرض وجود كائنات مختلفة (تخيّل لو فقط الدنية صيف حرّاقي كل السنة.. لإنو هالشي رح يفرض تغيير ع كل نمط الحياة ع الكوكب.. ومنهن البشر.. اللي ما رح يكون اسمهن بشر)

شو كمان؟

كتيرة القصص يا صديقي.. أنا عطيتك كام مثل.. بس العوامل اللي اتدخّلت بنشوء الحياة ع الأرض أكتر من مليون!

يعني الظروف الموجودة على كوكب الأرض.. من المستحيل تلاقي متلها مخلق منطق على كوكب تاني..

فـ ممكن نلاقي حياة.. ولكن.. مو بشر.. أكيد

[I_Love_Syria]

كاتب النص الأصلي : Nasserm

ممممممم..

نحنا كوكب الأرض موجود ضمن المجموعة الشمسية إلي هيي بمجرة درب التبانة, كل الرحلات الفضائية إلي طلعت بيقولوا إنهن ما وصلوا برّا المجرة هي بدليل إنو ما إكتشفو شي جديد
هلأ الكون مكوّن من عدّة مجرات مع إنو هاد الشي ما بعتقد أثبتو بس لو فرضنا جدلاً إنو في أكتر من مجرة, إحتمالية وجود نظام شبيه بنظامنا الشمسي إحتمال النص حسب معلوماتي الضحلة بحكم إنو مالنا مأثبتين بنسبة أكبر من هالنص إنو مافي نظام شبيه بالمجموعة الشمسية
إلي فهمتو من حكيك إنو إنت عم تحكي عن مجموعة الكواكب الموجودة بمجموعتنا الشمسية بس للصراحة أنا خيالي عم يشطح أبعد من مجموعتنا الشمسية, لأنو الكواكب الموجودة بهالنظام عدا كوكب الأرض غير مهيأة للحياة للأسباب إلي ذكرتها, بس هاد ما بيمنع من وجود كائنات ممكن تعيش بظروف الكواكب هديك...
مجرتنا فيها كوكب الأرض عايشين عليه بشر كواكب تانية من نفس هالمجموعة عايش عليها كائنات أخرى غير البشر متكيفين ضمن الظروف الموجودة عندهم لهون بظن إنو أنا وياك متفقين على هالشي.

أما لو إجينا على فرضية إنو خارج هالمجرة إلي نحنا فيها في مجرات أخرى الظروف تبعها نحنا ما بنعرفها, بنرجع لإحتمالية الخمسين بالمية إنو هالمجرة ممكن يكون فيها ظروف ملائمة لحياة بشر متلنا متلهن يعني بالمجمل أنا ضد الجزم بعدم إمكانية وجود بشر بمجرة تانية عندهن نفس الظروف إلي موجودة عنّا لأنو مافي شي مثبت بنسبة ولو 51 % تقول إنو خارج هالمجرة هي الظروف غير مناسبة للبشر لحتى يعيشوا فيها...

هامش:
إذا عندك شي معلومات عن موضوع مجرّات تانية وماشابه ما تبخل علينا فيها

[DARKNESS]

كاتب النص الأصلي : I_Love_Syria

نحنا كوكب الأرض موجود ضمن المجموعة الشمسية إلي هيي بمجرة درب التبانة, كل الرحلات الفضائية إلي طلعت بيقولوا إنهن ما وصلوا برّا المجرة هي بدليل إنو ما إكتشفو شي جديد
هلأ الكون مكوّن من عدّة مجرات مع إنو هاد الشي ما بعتقد أثبتو بس لو فرضنا جدلاً إنو في أكتر من مجرة, إحتمالية وجود نظام شبيه بنظامنا الشمسي إحتمال النص حسب معلوماتي الضحلة بحكم إنو مالنا مأثبتين بنسبة أكبر من هالنص إنو مافي نظام شبيه بالمجموعة الشمسية
إلي فهمتو من حكيك إنو إنت عم تحكي عن مجموعة الكواكب الموجودة بمجموعتنا الشمسية بس للصراحة أنا خيالي عم يشطح أبعد من مجموعتنا الشمسية, لأنو الكواكب الموجودة بهالنظام عدا كوكب الأرض غير مهيأة للحياة للأسباب إلي ذكرتها, بس هاد ما بيمنع من وجود كائنات ممكن تعيش بظروف الكواكب هديك...
مجرتنا فيها كوكب الأرض عايشين عليه بشر كواكب تانية من نفس هالمجموعة عايش عليها كائنات أخرى غير البشر متكيفين ضمن الظروف الموجودة عندهم لهون بظن إنو أنا وياك متفقين على هالشي.

أما لو إجينا على فرضية إنو خارج هالمجرة إلي نحنا فيها في مجرات أخرى الظروف تبعها نحنا ما بنعرفها, بنرجع لإحتمالية الخمسين بالمية إنو هالمجرة ممكن يكون فيها ظروف ملائمة لحياة بشر متلنا متلهن يعني بالمجمل أنا ضد الجزم بعدم إمكانية وجود بشر بمجرة تانية عندهن نفس الظروف إلي موجودة عنّا لأنو مافي شي مثبت بنسبة ولو 51 % تقول إنو خارج هالمجرة هي الظروف غير مناسبة للبشر لحتى يعيشوا فيها...

هامش:
إذا عندك شي معلومات عن موضوع مجرّات تانية وماشابه ما تبخل علينا فيها

ممممم

اولا بحب اشكرك عا تفاعلك و تحمسك للموضوع
تانيا في كم شغلة بس حابب اوضحن اول شغلة الكون مكون من مليارات المجرات مو من عدة مجرات يعني في مليارات المجرات و العدد المكتشف لحد هلق حسب ما بعرف جاوز ال مية بليون مجرة و المجرات منها الصغيرة المكونة من كم مليون نجم

و منها العملاقة المكونة من مليارات النجوم يعني من اجل المثال مجرتنا تعتبر متوسطة فيها تحوي ما بين 200 إلى 400 بليون نجم

بالنسبة للشروط فما رح اضيف شي اكتر من اللي قالو الأخ شام لأنو بصراحة ما تركلي شي لقولو

بس بحسب العلماء الحياة ملزمة بالوجود اذا ما تواجدة كافة شروطها بس نحن لحد هلئ تفكيرنا الحالي ما قدر يستوعب شكل حياة غير متلنا
نحن يعني الوحدات الكربونية و بحسب اتساع هالكون اللا منتهي يمكن يكون في مليارات الأشكال من الحياة اللي تركيبها أعقد من تركيبنا

هاد و لسا ما فتنا بنظرية الأبعاد تبعت كوننا اللي بتخلينا نفتح علينا أبواب ما بتنتهي

و بالنسبة لوجود الحياة فأكيد داخل مجموعتنا الشمسية المتواضعة ما ضل أمل أنو نلاقي حياة بالشكل العاقل لأنو ما ضل وسيلة ما جربناها
و ما مشي الحال معنا (إلا إذا كانت نظرية المؤامرة صح و طلع المريخ مأهول)

فأملنا الوحيد صفا خارج حدود مجموعتنا الشمسية و ما بعتقد من جهتنا رح نقدر نغادر مجموعتنا الشمسية قبل الخمسين سنة الجاي
و المركبتين الوحيدتين اللي غادرو مجموعتنا الشمسية هني الفويجار احد و تنين

و بعتنا معن شوية معلومات عنا بجوز هي الوحيدة اللي رح تضل اذا ما دمرنا حالنا و كوكبنا بشي يوم من الأيام

و للحديث تتمة..

[Nasserm]

كاتب النص الأصلي : DARKNESS

ممممم

اولا بحب اشكرك عا تفاعلك و تحمسك للموضوع
تانيا في كم شغلة بس حابب اوضحن اول شغلة الكون مكون من مليارات المجرات مو من عدة مجرات يعني في مليارات المجرات و العدد المكتشف لحد هلق حسب ما بعرف جاوز ال مية بليون مجرة و المجرات منها الصغيرة المكونة من كم مليون نجم

و منها العملاقة المكونة من مليارات النجوم يعني من اجل المثال مجرتنا تعتبر متوسطة فيها تحوي ما بين 200 إلى 400 بليون نجم

بالنسبة للشروط فما رح اضيف شي اكتر من اللي قالو الأخ شام لأنو بصراحة ما تركلي شي لقولو

بس بحسب العلماء الحياة ملزمة بالوجود اذا ما تواجدة كافة شروطها بس نحن لحد هلئ تفكيرنا الحالي ما قدر يستوعب شكل حياة غير متلنا
نحن يعني الوحدات الكربونية و بحسب اتساع هالكون اللا منتهي يمكن يكون في مليارات الأشكال من الحياة اللي تركيبها أعقد من تركيبنا

هاد و لسا ما فتنا بنظرية الأبعاد تبعت كوننا اللي بتخلينا نفتح علينا أبواب ما بتنتهي

و بالنسبة لوجود الحياة فأكيد داخل مجموعتنا الشمسية المتواضعة ما ضل أمل أنو نلاقي حياة بالشكل العاقل لأنو ما ضل وسيلة ما جربناها
و ما مشي الحال معنا (إلا إذا كانت نظرية المؤامرة صح و طلع المريخ مأهول)

فأملنا الوحيد صفا خارج حدود مجموعتنا الشمسية و ما بعتقد من جهتنا رح نقدر نغادر مجموعتنا الشمسية قبل الخمسين سنة الجاي
و المركبتين الوحيدتين اللي غادرو مجموعتنا الشمسية هني الفويجار احد و تنين

و بعتنا معن شوية معلومات عنا بجوز هي الوحيدة اللي رح تضل اذا ما دمرنا حالنا و كوكبنا بشي يوم من الأيام

و للحديث تتمة..

أبو الليل.. سعيدة

هيك كام فكرة ع السريع (تأييد لحكيك)

1- بدءاً من عشرينات القرن الماضي (1924) بفضل العالم الأميركي إدوين هابل.. توضّحت صورة أو بنية الكون: إنو مكوّن من جزر كونية (مجرات).. أقل مجرّة فيها مية ألف مليون شمس..
هالمجرات بتتواجد بـ تلات أنواع رئيسية: مجرات حلزونية (متل مجرتنا درب التبانة) - مجرات إهليلجية (على شكل مجسّم القطع الناقص، متل البيضة يعني) - مجرات عديمة الشكل (متل المجرتين اللي اسمهن: سحابة ماجلان الصغرى والكبرى، هيدول بينشافوا بالعين المجردة من النصف الجنوبي للكرة الأرضية، وهني مجرات صغيرة تابعة لدرب التبانة).
هلق في نوع رابع فرعي.. بيسمّوه المجرات الحلزونية ذات القضيب.. هيك بتكون مجرّة حلزونية ولكن ممطوطة شوي (بفعل اندماج مجرتين مع بعض.. أو بفعل انفجار سوبر نوفا أخو إختو بقلب هالمجرة)


2- مجرة درب التبانة لحالها (اللي بتضم الشمس).. بتحتوي على 400 ألف مليون شمس تانية. وقطرها (من الطرف للطرف) 100 ألف سنة ضوئية (يعني إذا مشينا بسرعة الضوء.. حتى نقطعها بدنا 100 ألف سنة!!)..
شمسنا بتبعد عن مركز المجرة 30 ألف سنة ضوئية (مركز المجرة هاد اللي منشوفو متل حزام ضو أبيض بالسما.. ومنسمّيه الدرب اللبنية أو نهر المجرة أو درب التبانة)


3- في أربع مركبات فضائية صاروا تقريباً خارج المجموعة الشمسية.. هني بايونير-10 و بايونير-11 (أطلقوا سنة 1972، و 1973).. و مركبات فوياجير-1 و فوياجير-2 (أطلقوا سنة 1977)
هيدول المركبات تم تحميلهن برسائل لـ حضارات غير أرضية..
ولكن.. المشكلة إنو حتى يوصلوا لأقرب نجم من الأرض (وهو النجم المسمّى ألفا سينتوري/الحضّار القريب، واللي بعدو 4.3 سنة ضوئية) بدهن كذا ألف سنة (رغم إنو سرعة مركبة فوياجير هي بتمشي بأكبر سرعة بين المركبات الفضائية اللي انبعتت)


4- الحياة بالمجموعة الشمسية..
صح.. ع الأغلب لا توجد حياة متطورة على كواكب المجموعة الشمسية
ولكن..
المريخ.. مالئ الدنيا.. وشاغل الناس (متل صاحبنا أبو الطيب)

تأكدوا العلماء اليوم إنو المريخ ببداية حياتو (من شي 4500 مليون سنة) نشأت عليه حياة (بنفس الفترة اللي نشأت الحياة على الأرض).. حيث وجدوا العلماء سنة 1984 نيزك مريخي بجليد القطب الجنوبي.. وبالتحليل طلع هالنيزك بيضم خلايا حية دقيقة متحجرة.
بس اللي صار.. بسبب صغر كتلة المريخ.. ما قدر يحافظ على غلافو الجوي متل الأرض.. فـ هرب معظم الغلاف الجوي.. وتبخّر المي على سطحو.. ودخلت الأشعة الشمسية القاتلة.. و قتلت الحياة المريخية.
فـ هلق ع سطح المريخ.. نعم.. مؤكد بإنو لا يوجد حياة.

ولكن..

إذا منطلّع ع قطبي المريخ.. منشوف إنو في قلنسوتين قطبيتين من الجليد (متل مو موجود ع الأرض)..
وتحت طبقات هالجليد.. يوجد محيطات من الماء السائل (متل ع الأرض)
طيب.. نحنا منعرف إنو تحت طبقات الجليد بالقطبين ع الأرض فيه حياة..

إذن؟
معقول كتير يكون في حياة مريخية مائية بالقطبين
بس شو شكل هالحياة؟ شو طبيعتها؟ هل معقول تكون متطورة؟
هاد علمو عند ربّك..
بدنا ننطر حتى تصير الرحلة المأهولة للمريخ.. ت نعرف (لإنو الروبوتات اللي بعتوها ع المريخ لحد هلق.. هي مركبات صغيرة.. ما بتقدر تحفر بالجليد كذا متر.. ت توصل للمي وتعرف)


5- واحد من أقمار كوكب المشتري.. إسمو (أوروبا).. هيدا القمر.. كل سطحو جليد.. وتحت هالجليد في محيطات من المي السائل..

يعني وضعو.. متل وضع المريخ.. احتمال يكون فيه حياة


شو كمان؟


حاجتنا هيك هلق..

وللحديث بقية


سلامات

[DARKNESS]

و الله يا عمي شام

أول شي شكرا للتذكير بالرحلتين بايونير انا فكرت اني ذكرتن طلعت مو ذاكرن

بالنسبة للمريخ ما عجبتني بصراحة اخر نظرية طلعت عليه أنو فقد غلافو الجوي و هالنظرية كمان قالوها عن الزهرة انو صار فيها مصيبة لتحولت لهالشكل المشوه من الأرض يعني بعتقد القصة معقدة اكتر من هيك (بجوز متل ما صار بفلم ميشن تو مارس ) ما بتعرف
بس و الله انو يكنلو غلاف جوي و يطير اي ما دخلت عا راسي حسب المبادئ البايولوجية تطور الحياة بيستغرق مليارات السنين
مو معقول و الله حافظ عا غلافو الجوي كم مليار سنة و استنى لصار عليه حياة و بعدين تعب الزلمة و اتخلى عنو
يعني من الناحية المنطقية مرفوض هالحكي

و بالنسبة لقمر اوروبا بالفعل لقو عليه كافة الشروط الواجب توفرها للحياة بس يا صاحبي ما تنسى انو العامل الرئيسي للحياة و اللي هو الحرارة مو موجود

اوروبا بارد جدا حتى انو بشتي نتروجين يا زلمة و عليه محيطات متجمدة بس مو من المي من النتروجين و غازات تانية بحسب معلوماتي
و استبعدو يكون عليه حياة من الشكل اللي منعرفو و اذا فيه رح يكون في حيات من نوع غريب تحت محيطاته
و توقعو العلماء أنو الشروط بتتوافر لأوروبا ليصير عليه حياة بعد ٤ مليارات سنة وقت بتصير الشمس عملاق أحمر بجوز يوضل وجيجها لعندو بديك المرحلة بس دخلك مين وقتها بيكون سائل عالحياة بالمجموعة الشمسية


صحي عطينا رأيك بموضوعي الجديد تبع الكون بقسم العلوم

سلام

[Nasserm]

كاتب النص الأصلي : DARKNESS

و الله يا عمي شام

أول شي شكرا للتذكير بالرحلتين بايونير انا فكرت اني ذكرتن طلعت مو ذاكرن

بالنسبة للمريخ ما عجبتني بصراحة اخر نظرية طلعت عليه أنو فقد غلافو الجوي و هالنظرية كمان قالوها عن الزهرة انو صار فيها مصيبة لتحولت لهالشكل المشوه من الأرض يعني بعتقد القصة معقدة اكتر من هيك (بجوز متل ما صار بفلم ميشن تو مارس ) ما بتعرف
بس و الله انو يكنلو غلاف جوي و يطير اي ما دخلت عا راسي حسب المبادئ البايولوجية تطور الحياة بيستغرق مليارات السنين
مو معقول و الله حافظ عا غلافو الجوي كم مليار سنة و استنى لصار عليه حياة و بعدين تعب الزلمة و اتخلى عنو
يعني من الناحية المنطقية مرفوض هالحكي

و بالنسبة لقمر اوروبا بالفعل لقو عليه كافة الشروط الواجب توفرها للحياة بس يا صاحبي ما تنسى انو العامل الرئيسي للحياة و اللي هو الحرارة مو موجود

اوروبا بارد جدا حتى انو بشتي نتروجين يا زلمة و عليه محيطات متجمدة بس مو من المي من النتروجين و غازات تانية بحسب معلوماتي
و استبعدو يكون عليه حياة من الشكل اللي منعرفو و اذا فيه رح يكون في حيات من نوع غريب تحت محيطاته
و توقعو العلماء أنو الشروط بتتوافر لأوروبا ليصير عليه حياة بعد ٤ مليارات سنة وقت بتصير الشمس عملاق أحمر بجوز يوضل وجيجها لعندو بديك المرحلة بس دخلك مين وقتها بيكون سائل عالحياة بالمجموعة الشمسية


صحي عطينا رأيك بموضوعي الجديد تبع الكون بقسم العلوم

سلام

هلا أبو العتم العزيز

عن صاحبنا المريخ..

اللي قلتلك ياه عن وجود غلاف جوّي للمريخ ببداية نشأتو.. ومن ثم فقدان معظمو.. هيدا شي مؤكد علمياً يا صديقي.. ت قلك ليش؟
بدءاً من مركبة مارينر-9 بسبعينات القرن الماضي.. اكتشفوا العلماء (الأقنية المريخية) اللي حكى عنهن شيباريللي ومن ثم برسيفال لويل بنهاية القرن التاسع عشر ومطلع القرن العشرين (وقتها كانوا عم يقولوا إنو هالأقنية هني أقنية لجر المياة من القطبين.. عملتهن حضارة مريخية زراعية)
شو طلعت قصة هالأقنية؟
هالأقنية يا حبيب ناتجة عن سيلانات مائية صارت ع المريخ ببداية تكوّنو.. وقتها المريخ كان كوكب بيئي.. هطلت عليه الأمطار.. وجرت عليه سيول وفياضانات.
وهالشي أكدتو كل المسابر اللي نزلت ع المريخ بعدين (متل سبيريت وغيرها من كام سنة)
إذن؟
المريخ ولمدة ميتين مليون سنة.. كان كوكب بيئي.. عندو غلاف جوي عليه القدر والقيمة.. حافظ هالغلاف على درجة حرارة للمريخ.. بيناسب تواجد الماء السائل.. وكمان بيناسب نشوء حياة

الغلاف الجوي ع المريخ (متل حالة الأرض) انبثق من باطن المريخ.. من البراكين
وببداية تكوّن المريخ (كمان متل الأرض) كان كوكب نشيط جيولوجياً.. البراكين عليه قايمة قاعدة

ولكن.. شو اللي بيخلّي الغلاف الجوي للأرض موجود اليوم حواليها؟
جذبها الثقالي طبعاً
طيب المريخ شو؟
المريخ اليوم بعد عندو غلاف جوّي.. ولكن مو بسماكة الغلاف الجوي الأرضي (أرق بخمس مرات من الغلاف الجوي الأرضي)
ليش؟
لإنو.. متل ما حكينا.. ما عندو جذب ثقالي ت يقدر يحافظ على هالغلاف الجوي متل ما هو

هلق منجي للحياة المريخية.. وسؤالك إنو كيف قدرت تنشأ دغري بهالفترة الصغيرة؟

شو يعني فترة صغيرة يا صديقي؟

هالفترة الصغيرة دامت كذا مليون سنة.. وهي فترة كافية (عند توفر العناصر الأساسية لنشأة الحياة) إنو هالحياة تنشأ

الفكرة أكيدة يا صديقي..

بحبش بالغوغل عن ALH84001 (اسم النيزك المريخي اللي لاقتو العالمة روبرتا سكور بحقول آلان هيلز بالقطب الجنوبي) وبتلاقي صور عن الخلايا الحية المريخية الدقيقة الموجودة بقلبو (منشورة الصور ع الإنترنت)


أكل؟


بخصوص موضوعك عن الكون.. رايحلو دغري.. بس في عندي مشكلة لهلق.. ما عم بقدر حلها.. ألا وهي إرفاق الصور بالمواضيع والردود.. لو بتزبط.. كان بقدر فيد أكتر.. وإشرح أكتر..

الله بيعين.. بتنحل

سلامة

[marochka]

أنت وياه رح تجيبولي اكتئاب لأنو بحس بغباء شديد نتيجة الجهد اللي بنجبر أبذلو لأقرا مواضيعكن

[DARKNESS]

بصراحة اخ ناصر ما عجبتني هالنظرية مع اني قريانها بكزا محل بس بجوز كل شي وارد

و بعتقد اذا بدنا نرد نعيش المريخ احسن شي نطلع معامل هالتلويث و نخليهن يبثو بهالغازات السامة ليل نهار بالغلاف الجوي تبع المريخ من شان نحافظ عا بيئتو بس و نعمل احتباس حراري صناعي فيه
مو مشان نأذيه و هيك منكون عملنا سابقة بالتاريخ انو التلوث صار من أجل الحفاض عالبيئة و بيصير في معايير تمنع استخدام ما يخفف اصدار ثاني اكسيد الكربون بالجو من شان ما يفرط الغلاف الجوي تبعو

و مشان المشكلة تبعت البروكسي دبرها مع الالترا سورف ياه بدنا ردود مدسمة مع الصور و مواضيع قوية كمان

و منكمل حديثنا

[I_Love_Syria]

الله يعطيكن العافية شباب

[Nasserm]

كاتب النص الأصلي : DARKNESS

و بعتقد اذا بدنا نرد نعيش المريخ احسن شي نطلع معامل هالتلويث و نخليهن يبثو بهالغازات السامة ليل نهار بالغلاف الجوي تبع المريخ من شان نحافظ عا بيئتو بس و نعمل احتباس حراري صناعي فيه
مو مشان نأذيه و هيك منكون عملنا سابقة بالتاريخ انو التلوث صار من أجل الحفاض عالبيئة و بيصير في معايير تمنع استخدام ما يخفف اصدار ثاني اكسيد الكربون بالجو من شان ما يفرط الغلاف الجوي تبعو

سعيدة أبو شريك..
كمان مرة حكيك مزبوط

بتعرف إنو اليابانيين عندهن مشروع جَدي (متل كل مشاريعهن).. قال شو؟

خلال ميتين سنة بس.. رح يكون في نص مليون ياباني عايشين ع المريخ

وهالمشروع بلشان من فترة عندهن..

هلق هلق.. إذا بتروح ع جامعة طوكيو.. بكلية الهندسة المدنية.. بتلاقي في مشاريع تخرّج موضوعها (بناء المستوطنات المريخية)..
يعني هلق باليابان فيك تقول عندهن (مهندسين مدنيين مريخيين)

[Nasserm]

كاتب النص الأصلي : marochka

أنت وياه رح تجيبولي اكتئاب لأنو بحس بغباء شديد نتيجة الجهد اللي بنجبر أبذلو لأقرا مواضيعكن

الحكي إلك يا دارك هه.. أنا ما دخلني


هلا ماروشكا.. يسعدك

اسمك بيذكّرني بـ عاصي الرحباني.. بتعرفي ليش؟

[marochka]

لاء ما بعلاف، يا ريت تقللي، أنا بحب كل شي بيتعلق فيه