أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > استجمام > على الطــــــاير

إضافة موضوع جديد  إضافة رد
 
أدوات الموضوع
قديم 06/08/2008   #1
شب و شيخ الشباب hazim jabali
شبه عضو
-- اخ حرٍك --
 
الصورة الرمزية لـ hazim jabali
hazim jabali is offline
 
نورنا ب:
Jul 2008
المطرح:
J'étais ici
مشاركات:
52

Exclamation ما تؤاخذونا شوية نكت .. يمكن فيها شي يفش الخلق.. بس من غير زعل


شوية نكت جديدة مو جديدة ما بعرف.. شو عرفني إنكن كلياتكن بتعرفوهن وإلا لأ؟.. أو يمكن بعض منكن بيعرفوا منهن شي .. يعني في بعض منكن أكيد بيعرف بعض منهن أو كلهن.. وبعض منكن كمان يمكن ما بيعرف بعض منهن أو ما بيعرف منهن ولا شي أبداً!!.. على كل حال يمكن فيهن شي يفش الخلق.. حتى ولو ما كانوا كلهن جدد منذكركن فيهن.. وذكر فإن الذكرى خير دواء وسلوى.. للقلب العليل المبتلي ببلوى.. أهم شي شوفوهن من دون زعل.. ولا ابتئاس.

- جماعة المخابرات البريطانية تنافسوا مع جماعة المخابرات في سيراليون وراحوا فلتوا أرنب وتباروا مين بيقدر بيجيبوا للأرنب قبل..
طبعاً البريطانيين جابوه بنص ساعة .. واستنوا .. بس جماعة سيراليون ضلوا يومين ثلاثة غاطسين لا حس ولا خبر.. قام البريطانيين راحوا ليشمّوا خبرهن .. شافوهن ماسكين جحش ونازلين ضرب فيه وعم يقولو له: بدك تعترف إنك أرنب .. يعني.. بدك تعترف ما في خواص!

- واحد من جماعة مخابرات سيراليون أيضاً عم يحكي مع معلمه بالموبايل: سيدنا.. أنا ماشي ورا المشبوه بس ما عم اطلع فيه للتمويه.. سيدنا.. المشبوه مشي عالرصيف الأيمن وأنا ماشي عالرصيف الأيسر للتمويه.. سيدنا.. المشبوه وصل لكراج البولمان.. دخل من الباب اليميني وأنا دخلت من الباب الشمالي للتمويه.. سيدنا.. المشبوه طلع بباص دير الزور وأنا طلعت بباص طرطوس للتمويه.

- وبنفس الكراج اتنين من جماعة سيراليون طالعين بباص واحد عم يتخانقوا مع بعض .. بالآخر واحد قال للثاني: ياغالي.. عم أقلك هادا الكرسي رقمه سبعة وأنا بطاقتي للكرسي رقم سبعة.. وإنت قاعد محلي.
أخدها منه الجالس في الكرسي واطلع فيها وقاله: بطاقتك يا حبيب لباص رايح لحلب وهاد الباص رايح لدير الزور..
سمعهن شوفير الباص قام قلهن: تضرب منك إلو.. صرعتونا صارلكن ساعة عم تتخانقوا.. قوم انزل إنت وإياه من الباص .. العمى بقلبكن هادا الباص رايح عاللاذقية.

- أب نصح ابنه الأزعر يلي عامل مشاكل مع بنات الحارة كلها.. قال له: لك ابني .. خليك آدمي .. خليك عاقل .. مو حلوة بحقك وإنت حلو يطلع منك هيك.. بتعرف إنو الغزال وهو أجمل الحيوانات ما بيقرب الذكر على أنثاه كثير.. يا دوب بالسنة كلها مرتين ثلاثة بس؟!
أجابه الإبن البار: منشان هيك طلعلوا قرون!

- ليش المرأة بتفضِّل إنو تكون جميلة بنظر الرجل على أن تكون ذكية فقط؟!
لأنها بتعرف إنو الرجل عندما يرى لا يعود يفكر.

- مجنون قال لرفيقه: بدي اسألك سؤال كثير صعب.. شلون الصوص بيطلع من البيضة؟
قاله رفيقه: إنت خبرني بالأول كيف دخل الصوص لجوات البيضة حتى أقلك شلون بيطلع منها.

- واحد أمريكاني طلع من غرفة التواليت وصوبن ايديه وتمه.. ( يعني استخدم الصابون لينظف يديه وفمه بنفس الوقت.. يا ترى ليش شو كان عم يعمل جوا ؟!)
واحد طالب أمريكاني سأله أستاذه: من هو النبي الذي كان يكلم الحيوانات؟!
رد عليه الطالب: سيدنا طرزان.
( طبعاً هم أعرف الناس بأسيادهم.)

- المدرس للتلميذ: ابني أنا بيهمني مستقبلك ومنشان هيك أنا عم أضربك لأني بحبك..
أجابه التلميذ: والله يا أستاذ أنا كمان كثير بحبك بس للأسف عاجز أعبِّر لك عن حبي بنفس الأسلوب.

- بناية سكانها كلهن طنطات قالوا لهن: البناية آيلة للسقوط.. قاموا ثبَّتوا البناية بالسبراي!
( السبراي مثبت للشعر يستخدمه الطنطات كثيراً).

- اثنين حماصنة راحوا ليزوروا معرض سيارات.. فتلوا بين السيارات ثلاث ساعات وبعدين راحوا لعند الحارس على باب المعرض وقالوله: كنو ما في عندكن غير سيارات مستعملة؟!
قالهن: اللي صارلكن ثلاث ساعات عم تتفتلوا فيه هو كراج سيارات الزوار .. أما المعرض فهو بالصالة جوا.

- ( هاي أكيد بتعرفوها بس رح حطها هون للذكرى المحضة لأنها كثير معبّرة عن خصائص الحماصنة)... حمصي دخل على مطعم قعد على طاولة قام شاف عليها كاسة مقلوبة قال لحالو: العمى! ليش هالكاسة مسكرة من فوق؟! مسكها وقلبها.. قام قال: أوف.. ومالها عقب كمان.

- ليش الحمصي بيقطر حليب في عينه كل يوم صبح ومسا؟!
حتى يرضع بوبو عينه.

- ليش النكت كلها على الحماصنة بس؟! .. الحلبية من شو بيشكو؟! ... تلميذ حلبي قال لأبوه: يوب .. الأستاذ بالمدرسة قلي بكره لا تجي عالمدرسة لتجيب أبوك معك.
سأله أبوه: ليش بقى؟
قاله: لأنو سألني بحصة الحساب خمسة بستة شقد؟
رد أبوه: ثلاثين!
قاله: جاوبته ثلاثين.. رجع سألني.. طيب ستة بخمسة شقد؟!
رد أبوه فوراً: إيه نفس الهوا [ فرد خـ.. (باللهجة الحلبية)]
قاله: إيه أنا كمان قلته نفس الهوا ( فرد خـ.. ) قام قلي بكره لا تجي عالمدرسة لتجيب أبوك.

- والشوام كمان ما حالن شي.. بيطلع معهن شي حلو.. شامي قلبو رقيق شاف بياع مازوت عالعرباية عم يضرب بغله بالكرباح بشراسة ويقله: دي .. حا..
قام الشامي صرخ فيه: شو هاد يا زلمة.. حرام عليك.. خطيّ .. ليش عم تضربه هيك كل هالضرب؟!
رد عليه البياع: بحضي ما كنت بعرف إنو بغلي إلو قرايب يدافعوا عنه.

- شو الشبه بين الديك والبيانو؟! ..
كلاهما لا يبيض.

- شو الشبه بين الفيزون والملح؟!
كلاهما يرفع الضغط

- شو الشبه بين الفيزون والكمبيوتر؟!
- كلاهما يعطي معلومات دقيقة.

- من أبرز تضحيات المرأة العصرية أنها ترتدي في الشتاء من الثياب ما يثير البرودة في جسمها ويبعث الدفء في أجسام الرجال... وهذه حال سائر وسائل التدفئة.
  رد مع اقتباس
قديم 06/08/2008   #2
صبيّة و ست الصبايا لنا
مسجّل
-- اخ طازة --
 
الصورة الرمزية لـ لنا
لنا is offline
 
نورنا ب:
Jul 2008
مشاركات:
5

افتراضي


بجننوا يسلمو انا حبيتهم كلهم مشكورر
  رد مع اقتباس
قديم 06/08/2008   #3
شب و شيخ الشباب msalehh
عضو
-- أخ لهلوب --
 
الصورة الرمزية لـ msalehh
msalehh is offline
 
نورنا ب:
May 2007
مشاركات:
239

افتراضي


الله يسلم اللي كتبون والله حلوين

يعطيك العافية

أَنـا الَّـذي نَظَـرَ الأَعمَـى إلـى أَدَبي ...........

وأَســمَعَتْ كَلِمـاتي مَـن بِـهِ صَـــمَـمُ
  رد مع اقتباس
قديم 06/08/2008   #4
شب و شيخ الشباب boy freind
عضو
-- مستشــــــــــار --
 
الصورة الرمزية لـ boy freind
boy freind is offline
 
نورنا ب:
Aug 2007
المطرح:
BAD SECTOR
مشاركات:
2,632

افتراضي


شكرا كتير

تبع البناية اللي فيها طنطات احلى وحدة

AVRIL LAVIGNE و الباقي ينتحروووووووووو

It is hard to be alone ....... and nobody know
  رد مع اقتباس
قديم 06/08/2008   #5
شب و شيخ الشباب هدوء البحر
عضو
-- مستشــــــــــار --
 
الصورة الرمزية لـ هدوء البحر
هدوء البحر is offline
 
نورنا ب:
Jan 2008
المطرح:
UAE
مشاركات:
3,984

افتراضي


حلوين كتير يعيطيك العافية هي تبع الغزال شغلة

دمي ولا دمعة أمي
  رد مع اقتباس
قديم 06/08/2008   #6
صبيّة و ست الصبايا fernanda bachchan kfoury
عضو
-- مستشــــــــــار --
 
الصورة الرمزية لـ fernanda bachchan kfoury
fernanda bachchan kfoury is offline
 
نورنا ب:
Jun 2006
المطرح:
بقلب القاموس
مشاركات:
2,143

افتراضي


نايس
يثلمو

لا تحمل هم الغد فقد لا يأتي الغَدُ**فتكون قد ضيّعت سرور اليوم
**ToDaY Is A NeW DaY **☠♥

believe in your dreams so they believe in you too
  رد مع اقتباس
قديم 07/08/2008   #7
صبيّة و ست الصبايا اكليل الورد
عضو
-- أخ لهلوب --
 
الصورة الرمزية لـ اكليل الورد
اكليل الورد is offline
 
نورنا ب:
Apr 2008
مشاركات:
160

افتراضي


عنجد كتير كتير حلوين

أن كــان قلبـي ينبـض ويعيـش... فـ لانهــ يعيـش على ذكراكـ ... ينبض لـ لقيـاكـ يـا أحساس طـال انتظـارهـ في كل الاوقـات..

في حبـك ..تعلمت معنـى الحـب والحــنان ..وفي قلـبك رويتني من مـاء الجنـان ..فأنت حبـي الوحيـد وما بعدك انا بأمان ..
  رد مع اقتباس
قديم 07/08/2008   #8
صبيّة و ست الصبايا بلاك 1
عضو
-- قبضاي --
 
الصورة الرمزية لـ بلاك 1
بلاك 1 is offline
 
نورنا ب:
Mar 2008
مشاركات:
601

افتراضي


رهيبين كتير كلن حلوين يسلمو

في كل زاوية أراك
وفي كل فاصلة.. كتبت
في الطيب.. في غيم السجائر
في الشراب .. اذا شربت
أنت القتيل.. أم أنا
حتى بموتك ما استرحت
حبيبي.. لم أقتلك انت
وانما... نفسي قتلت
  رد مع اقتباس
قديم 07/08/2008   #9
شب و شيخ الشباب hazim jabali
شبه عضو
-- اخ حرٍك --
 
الصورة الرمزية لـ hazim jabali
hazim jabali is offline
 
نورنا ب:
Jul 2008
المطرح:
J'étais ici
مشاركات:
52

افتراضي


تحياتي لجميع المارين من هنا .. المارين بين هذه الكلمات العابرة.. وأقول أهلاً بكم وسهلاً ونورتونا ضعوا ما شئتم واستوطنوا هنا ولا تنصرفوا..
( مع اعتذاري من قصيدة محمود درويش الشهيرة.. أيها المارون بين الكلمات العابرة.. بس هيك أجت القفلة معي ولو أنها معارضة لقصيدته فالشعب هون غير الشعب اللي كتب قصيدته منشانهن)
اقتباس:
fernanda bachchan kfoury
نايس
يثلمو
بحسب الزمخشري أنا بعرف تصريف فعل ثلم يثلم تثليماً .. فالسكينة المثلمة تثلم ما نريد قطعه وقصه بها.. ويقال: سكينة مثلمة لا تقطع باللبن...
أوعي يكون هيك قصدك.. ها .. فيكون معنى تعليقك إنو النكت يثلمو..
بس لأني أنا شخص تحليلي.. أظن.. وليس كل الظن إثم.. أقول أظن إنو يمكن معك لثغة يعني تلثغين بحرف السين أحياناً فقط!! .. لأن السين في كلمة نايس ( Nice ) ظهرت معك سليمة بينما في الكلمة التالية لها ظهرت ملثوغة .. أم أنك تلثغين السين فقط باللغة العربية .. ولا تلثغين السين إذا كانت باللغة الإنكليزية؟!
بس لا تخافي أنا كمان كان معي لثغة مثلها وراحت معها معها بالغثيل..
وثلامات ياثهرانة تحت الثجرة ..
  رد مع اقتباس
قديم 07/08/2008   #10
شب و شيخ الشباب كشووك
مسجّل
-- اخ طازة --
 
الصورة الرمزية لـ كشووك
كشووك is offline
 
نورنا ب:
Aug 2008
مشاركات:
3

افتراضي


نكت حلوة وطكع ومن الأخر يا أبو شريك.............


  رد مع اقتباس
قديم 07/08/2008   #11
شب و شيخ الشباب blakvenus
شبه عضو
-- أخ لهلوب --
 
الصورة الرمزية لـ blakvenus
blakvenus is offline
 
نورنا ب:
Jan 2008
المطرح:
في طي النسيان
مشاركات:
93

إرسال خطاب ICQ إلى blakvenus إرسال خطاب AIM إلى blakvenus إرسال خطاب MSN إلى blakvenus إرسال خطاب Yahoo إلى blakvenus بعات رسالي عبر Skype™ ل  blakvenus
افتراضي


مشكور ياغالي نكت حلوة كتير تسلم ايدك

الابواب كذبة وجدت لنتعلم الرحيل
BLAcK VENUS
  رد مع اقتباس
قديم 12/08/2008   #12
شب و شيخ الشباب gay..
عضو
-- أخ لهلوب --
 
الصورة الرمزية لـ gay..
gay.. is offline
 
نورنا ب:
Jul 2008
المطرح:
سورية - داماسكوس
مشاركات:
122

افتراضي


ولله كلو شي حلو
  رد مع اقتباس
قديم 13/08/2008   #13
شب و شيخ الشباب نعمة
عضو
-- مستشــــــــــار --
 
الصورة الرمزية لـ نعمة
نعمة is offline
 
نورنا ب:
Sep 2006
المطرح:
في عالم تاني
مشاركات:
3,053

افتراضي


ههههههههههههههههههههههههه هههههههههههههههه

جلست اشرب الخمر كي انساك فوجدت في الخمر عيناك
  رد مع اقتباس
قديم 15/08/2008   #14
شب و شيخ الشباب passerby_intime
عضو
-- قبضاي --
 
الصورة الرمزية لـ passerby_intime
passerby_intime is offline
 
نورنا ب:
Aug 2008
المطرح:
ترانزيت على طول.. عابر سبيل
مشاركات:
447

إرسال خطاب Yahoo إلى passerby_intime
افتراضي


اقتباس:
كاتب النص الأصلي : hazim jabali عرض المشاركة
- جماعة المخابرات البريطانية تنافسوا مع جماعة المخابرات في سيراليون وراحوا فلتوا أرنب وتباروا مين بيقدر بيجيبوا للأرنب قبل..
طبعاً البريطانيين جابوه بنص ساعة .. واستنوا .. بس جماعة سيراليون ضلوا يومين ثلاثة غاطسين لا حس ولا خبر.. قام البريطانيين راحوا ليشمّوا خبرهن .. شافوهن ماسكين جحش ونازلين ضرب فيه وعم يقولو له: بدك تعترف إنك أرنب .. يعني.. بدك تعترف ما في خواص!

أخي ليش عم تعطي عالجماعة؟ الشبه كبير كثير بين الجحش والأرنب فيه تشابه بالأذنين بالأسنان والدقن وبالعيون أما منشان الحجم يمكن الجحش نافخ حالو عالدولاب للتمويه
عادية بتصير هنن بيعرفو هالشي


اقتباس:
كاتب النص الأصلي : hazim jabali عرض المشاركة
-- شو الشبه بين الفيزون والكمبيوتر؟!
- كلاهما يعطي معلومات دقيقة.



وكمان اتنيناتن بيطالعو خلق الواحد أحيانا لحد ما تفقع مرارته يعني هنن حلوين بس بالبيت مو ظريفين لما مين ما كان بيتفرج عليهن شنو فيهن شغلات شخصية كثير ما لازم يشوفها إلا صاحب العلاقة مو اسمه كمبيوتر شخصي؟

يسلمو بعضها فيه تطور
وهي نكتة من عند أخوك باسرباي تحية لموضوعك
ديناصور لحق ديناصوراية وحط ايدو على خصرا قالتله شيل ايدك من عني أحسن ما اكسرلك ياها قاللها ايه من حيونة أمثالك انقرضنا


  رد مع اقتباس
قديم 15/08/2008   #15
شب و شيخ الشباب passerby_intime
عضو
-- قبضاي --
 
الصورة الرمزية لـ passerby_intime
passerby_intime is offline
 
نورنا ب:
Aug 2008
المطرح:
ترانزيت على طول.. عابر سبيل
مشاركات:
447

إرسال خطاب Yahoo إلى passerby_intime
افتراضي


اقتباس:
كاتب النص الأصلي : hazim jabali عرض المشاركة
- أب نصح ابنه الأزعر يلي عامل مشاكل مع بنات الحارة كلها.. قال له: لك ابني .. خليك آدمي .. خليك عاقل .. مو حلوة بحقك وإنت حلو يطلع منك هيك.. بتعرف إنو الغزال وهو أجمل الحيوانات ما بيقرب الذكر على أنثاه كثير.. يا دوب بالسنة كلها مرتين ثلاثة بس؟!
أجابه الإبن البار: منشان هيك طلعلوا قرون!

.


يا ألطاف الله يعني حتى الغزالة ممكن تروح مشوار من ورا الغزال مع الأيل أو الثور مثلا؟
يولي عالقطة طلع الغزال شغلتو بتأسي خليتو ينزل من عيننا صار الثور أحسن منه

بس بتعرف بالجيش ما بينادو للعسكري إلا يا غزال يمكن عرفانين شو قصته هالغزال ما؟ لأنو الكافور شغال بأكل العساكر في دورة الأغرار على طول
  رد مع اقتباس
قديم 19/08/2008   #16
شب و شيخ الشباب hazim jabali
شبه عضو
-- اخ حرٍك --
 
الصورة الرمزية لـ hazim jabali
hazim jabali is offline
 
نورنا ب:
Jul 2008
المطرح:
J'étais ici
مشاركات:
52

افتراضي


عجبك على هالشغلة يا أبو شريك
حتى حظ البغال والثيران فيها أحسن من حظ الغزلان
لك مو شي بيحط العقل بالكف؟
يلعن طوماز شو معتر حظو هالغزال.. محروم وفوق المنها لاحقينو ليأكلوه ويشووا نعمته ..
لأ وفيه ناس كمان عم تأرق عليه !
ربك حميد إنو البشر ما كانو متلو كانت راحت علينا


تسلم ايدين كل من مرق بالموضوع وشارك ولو بكلمة
  رد مع اقتباس
قديم 26/08/2008   #17
شب و شيخ الشباب M_R
مسجّل
-- اخ حرٍك --
 
الصورة الرمزية لـ M_R
M_R is offline
 
نورنا ب:
Aug 2008
مشاركات:
20

افتراضي


مجنون قال لرفيقه: بدي اسألك سؤال كثير صعب.. شلون الصوص بيطلع من البيضة؟
قاله رفيقه: إنت خبرني بالأول كيف دخل الصوص لجوات البيضة حتى أقلك شلون بيطلع منها.


هههههههههههههههههههه راجلة
الله يقويك
  رد مع اقتباس
قديم 27/08/2008   #18
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


واحد اتجوز وحدة ...وبعد أربع شهور ونص خلفت ولد


سألها هالولد كيف أجه ونحنا متزوجين من أربع شهور ونص ؟؟؟


قالت له أنت متزوجني من ايمتا ؟؟


قال من أربع شهور ونص


قالت له وأنا متزوجتك من ايمتا ؟؟


قال من أربع شهور ونص


قالتله هيك بيصيرو 9 شهور


قال الزوج....أخ هلا ارتحت ..خليتيني شك فيكي





J.S: Death is the solution to all problems. No man = No problem.
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 17:49 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13213 seconds with 14 queries