أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > أدب > أدب ساخر

إضافة موضوع جديد  إضافة رد
 
أدوات الموضوع
قديم 30/06/2009   #1
شب و شيخ الشباب khalkhool
عضو
-- أخ لهلوب --
 
الصورة الرمزية لـ khalkhool
khalkhool is offline
 
نورنا ب:
Dec 2006
المطرح:
للأسف, ببلد بيحكي عربي!
مشاركات:
310

افتراضي ليش هيك؟


هي كمان من أياب حرب غزة...


مبارح, كان الحمدالله, وخزيت العين, عدد القتلى والجرحى الفلسطينيين بمذبحة غزة رققم غولدن (رقم ذهبي - متل تبع الموبايلات) كانو القتلى 888 والجرحى 4080 حلو الرقم ماهيك؟ يعني الواحد مننا قديش ممكن يدفع حق خط موبايل غولدن مثلا؟ 100000؟ مليون؟ عشرة مليون؟
قديش الانسان عنا رخيص؟ يعني 888 قتلى و 4080 جرحى, لهلأ ماحدا اشتراهون بليرة سورية واحدة!!!
مو هون المصيبة, المصيبة أنو أصلن ماحدا مستعد يدفع, يعني, البني آدم صار من أكتر السلع الموجودة على الأرض, 6 مليار نسخة أصلية من منتج واحد, ومافي تنين منهون متل بعض!!!
المشكلو مو بالـ 6 مليار, المشكلة بممليار منهون بس, ومن هالمليار تحديدا: 250 مليون بس! طبعا, ماعم اقصد أميركا, ولا كندا ولا الصين...


مشكلتي مع شلة من المتخلفين عقليا عديمي الشعور, مغسولي الدماغ, البلهاء, ناقصي العقل, مخنثين!

هدول اللي عم احكي هنهون, صارو آكلين نفس القتلة شي 25 مرة! بنفس الطريقة ونفس التفاصيل ونفس كلشي (ماعدا حجم الخسائر عمبيزيد - نشكر ألله) ولساتهون مصرين انهون منتصرين وأصحاب حضارة والغضب الساطع آت! هوه الغضب الساطع آت لامحالة, بس جاية ليفوت بقفاهون, مو لينحط بإيدهون.

طيب قديشو شعور سيئ وحقير انو الواحد يحس حالو جزء من هي الشلة المعتوهة, لسبب بسيط جدا, أنو أبوه وأموه ما قرروا يخلفوه غير هون!!!! والله شي بيجنن! بيخلي الواحد يطلع من تيابو!

يعني والله انو خازوق كبير الواحد يكتشف حالو انو غبي, هلأ عادة الغبي مابيعرف انو غبي, بس لما يكتشف انو غبي, أكيد بيحس حالو متخوزق.... مو؟

طيب انا هلأ اكتشفت اني مو بس غبي, ومعتوه وابله وذو الغفلة وكمان فوقها سفيه!!!! شو اعمل بحالي؟ شق تيابي؟ اطلع من جلدي؟ اقلع عيوني وركب محلهون ويب كام؟ webcam ؟ شو ساوي؟

قررت اني قول: اخي, بدي بلش من حالي, وبدي وجّع راسي وبدي احمل هموم الدنية على كتافي, وبدي اتحمل مسؤولية الفساد والهزائم والأرهاب والحروب والقتلى والجرحى والتخلف والفقر والعنصرية وكل البلاوي يلي الشلة أنفة الذكر عمبيعيشوها ومبسوطين فيها!
وعلى هاد الأساس, حطيت جدول أعمال:
1- بدي بلش بحالي: بالنضافة العامة: ما نكب الزبالة بالشارع, وما اتحيون بالسواقة, وما ادفع رشوة, وما كذب وماخوزق العالم ولا طقلهون براغي
2- بدي جرب دايما اقنع اللي حوليي انو الشغلات اللي عم اعملها مو غباء ولا حيونة ولا بتمنعني كون على طول, بالعكس, هدول هنن الكولنة بذاتها, يعني بتكون لما بتلتزم, مو لما بتختلف!
3- رح اشتغل شغلة بقدر من خلالها اني كون مفيد, (من خلال الشركة اللي بشتغل فيها) لساعد الوطن والقطاع المالي تحديدا.
4- الله يلعن أبي وأمي ويلعنني أنا شخصيا اذا بدفع رشوة أو برطيل أو أي شي تحت الطاولة
5- بكون حمار ابن حمار اذا بخالف قانون أو نظام أو تعليمات أو بنطوط من فوق الأساطيح,

والتجربة الأولى الحمدالله حكمت أنو العزيز الشرطي قرر يسحبني عالجيش مع اني ورجيتو اني معفى وحيد (قال هنن مابيعترفوا عالدفتر تبع التجنيد!!!!)

وكوني صاحب مبدأ, طبقت جميع النقاط المذكورة أعلاه في مشكلتي مع الشرطي, ومع شعبة التجنيد والشرطة العسكرية...

طبعا بدكون تسالوا عن النتايج,,,

والله أول يوم ماشفت شي,
تاني يوم, ماشفت شي,
تالت يوم كمان ماشفت شي....

اليوم بلشت شوف شوي بعيني اليمين!

تصبحون على وطن!



غير منقول: حقوق الطبع والتوزيع والتأليف والنقل والمسح والقص واللصق والتعليق والتبصيق وووو محفوظة لحضرة جناب الملازم أول.


متل العادة, كتبتها اليوم الصبح مع سيجارة الصباح وفنجان القهوة ومناظر الدم عالتلفزيون.

يا شارب الخمر من القطرميزي.... ان عِشْتَ عِشْتَ,, و إن مُتَّ لـ*ـيزي

Never underestimate stupid people in LARGE GROUPS!

إلى أن يعود معتقلوا الرأي... تصبحون على وطن!
  رد مع اقتباس
قديم 04/07/2009   #2
صبيّة و ست الصبايا من بلاد الشام
مسجّل
-- اخ طازة --
 
الصورة الرمزية لـ من بلاد الشام
من بلاد الشام is offline
 
نورنا ب:
Jul 2009
المطرح:
الأردن <3
مشاركات:
4

Thumbs up


اقتباس:
كاتب النص الأصلي : khalkhool عرض المشاركة
هي كمان من أياب حرب غزة...


مبارح, كان الحمدالله, وخزيت العين, عدد القتلى والجرحى الفلسطينيين بمذبحة غزة رققم غولدن (رقم ذهبي - متل تبع الموبايلات) كانو القتلى 888 والجرحى 4080 حلو الرقم ماهيك؟ يعني الواحد مننا قديش ممكن يدفع حق خط موبايل غولدن مثلا؟ 100000؟ مليون؟ عشرة مليون؟
قديش الانسان عنا رخيص؟ يعني 888 قتلى و 4080 جرحى, لهلأ ماحدا اشتراهون بليرة سورية واحدة!!!
مو هون المصيبة, المصيبة أنو أصلن ماحدا مستعد يدفع, يعني, البني آدم صار من أكتر السلع الموجودة على الأرض, 6 مليار نسخة أصلية من منتج واحد, ومافي تنين منهون متل بعض!!!
المشكلو مو بالـ 6 مليار, المشكلة بممليار منهون بس, ومن هالمليار تحديدا: 250 مليون بس! طبعا, ماعم اقصد أميركا, ولا كندا ولا الصين...


مشكلتي مع شلة من المتخلفين عقليا عديمي الشعور, مغسولي الدماغ, البلهاء, ناقصي العقل, مخنثين!

هدول اللي عم احكي هنهون, صارو آكلين نفس القتلة شي 25 مرة! بنفس الطريقة ونفس التفاصيل ونفس كلشي (ماعدا حجم الخسائر عمبيزيد - نشكر ألله) ولساتهون مصرين انهون منتصرين وأصحاب حضارة والغضب الساطع آت! هوه الغضب الساطع آت لامحالة, بس جاية ليفوت بقفاهون, مو لينحط بإيدهون.

طيب قديشو شعور سيئ وحقير انو الواحد يحس حالو جزء من هي الشلة المعتوهة, لسبب بسيط جدا, أنو أبوه وأموه ما قرروا يخلفوه غير هون!!!! والله شي بيجنن! بيخلي الواحد يطلع من تيابو!

يعني والله انو خازوق كبير الواحد يكتشف حالو انو غبي, هلأ عادة الغبي مابيعرف انو غبي, بس لما يكتشف انو غبي, أكيد بيحس حالو متخوزق.... مو؟

طيب انا هلأ اكتشفت اني مو بس غبي, ومعتوه وابله وذو الغفلة وكمان فوقها سفيه!!!! شو اعمل بحالي؟ شق تيابي؟ اطلع من جلدي؟ اقلع عيوني وركب محلهون ويب كام؟ webcam ؟ شو ساوي؟

قررت اني قول: اخي, بدي بلش من حالي, وبدي وجّع راسي وبدي احمل هموم الدنية على كتافي, وبدي اتحمل مسؤولية الفساد والهزائم والأرهاب والحروب والقتلى والجرحى والتخلف والفقر والعنصرية وكل البلاوي يلي الشلة أنفة الذكر عمبيعيشوها ومبسوطين فيها!
وعلى هاد الأساس, حطيت جدول أعمال:
1- بدي بلش بحالي: بالنضافة العامة: ما نكب الزبالة بالشارع, وما اتحيون بالسواقة, وما ادفع رشوة, وما كذب وماخوزق العالم ولا طقلهون براغي
2- بدي جرب دايما اقنع اللي حوليي انو الشغلات اللي عم اعملها مو غباء ولا حيونة ولا بتمنعني كون على طول, بالعكس, هدول هنن الكولنة بذاتها, يعني بتكون لما بتلتزم, مو لما بتختلف!
3- رح اشتغل شغلة بقدر من خلالها اني كون مفيد, (من خلال الشركة اللي بشتغل فيها) لساعد الوطن والقطاع المالي تحديدا.
4- الله يلعن أبي وأمي ويلعنني أنا شخصيا اذا بدفع رشوة أو برطيل أو أي شي تحت الطاولة
5- بكون حمار ابن حمار اذا بخالف قانون أو نظام أو تعليمات أو بنطوط من فوق الأساطيح,

والتجربة الأولى الحمدالله حكمت أنو العزيز الشرطي قرر يسحبني عالجيش مع اني ورجيتو اني معفى وحيد (قال هنن مابيعترفوا عالدفتر تبع التجنيد!!!!)

وكوني صاحب مبدأ, طبقت جميع النقاط المذكورة أعلاه في مشكلتي مع الشرطي, ومع شعبة التجنيد والشرطة العسكرية...

طبعا بدكون تسالوا عن النتايج,,,

والله أول يوم ماشفت شي,
تاني يوم, ماشفت شي,
تالت يوم كمان ماشفت شي....

اليوم بلشت شوف شوي بعيني اليمين!

تصبحون على وطن!



غير منقول: حقوق الطبع والتوزيع والتأليف والنقل والمسح والقص واللصق والتعليق والتبصيق وووو محفوظة لحضرة جناب الملازم أول.


متل العادة, كتبتها اليوم الصبح مع سيجارة الصباح وفنجان القهوة ومناظر الدم عالتلفزيون.


السلام عليكم
والله كل اللي قلته صحيح ولو انه يا ريت تخفف لهجتك الحادة شوي !
على فكرة النصر ببلش من عنا و احان (بلاد الشام) أرض الرباط
فلو كل واحد فينا رجع لدينه النصر حيكون النا بدون منازع
أصلا احنا كيف انهزمنا ؟؟ لما دخلوا الغرب فينا البنات وقاموا منا قرآننا اللي كان سلاحنا
فأنا عم بقترح مشروع يا ريت لو اننفزه ،، مثلا نتفق كل يوم نقرأ صفحة قرآن ما بتاخد إشي ، وعيب كتير نستكتر على الله و على أمتنا هالخمس دقايق صح ولا لأ
خلينا كلنا قلب واحد ندعي ربنا
ولا بد الله لما يشوفنا تغيرنا إنو يغيرنا
بالمناسبة ،، أسلوب كتابة رائع
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 11:51 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.05743 seconds with 14 queries