الزواج من دين آخر .. تعريفه وشرعيته .. سلبياته .. رأي المحتمع به

[Ms. J.A]

انا حطيت الخيار التالت
من ناحية مش عدل نهائيا نمنع 2 راشدين وعندهم عقل من الزواج لأنو دينهم مختلف .. اكيد لما اختاروا يتزوجوا كانو حاطين هيك فكرة براسهم واللي بيميزهم عن اللي بيتزوجوا من نفس الطائفة والدين انو اختيارهم للشريك جاء عن حب وقناعة وايمان بأنو هاد اللي بدي اكمل معو حياتي ..
ومن ناحية تانية أنا ما رح افكر بالزواج من انسان مش من ديني لأنو لو انا ما عندي مشكلة وبتحمل عقاب اهلي وعقاب الناس ما برضى ولادي يتحملوا عقاب المجتمع الهم...
كتير حالات عنا اهل البنت قتلوةها لأنها بدها تتجوز مسلم وكتير بنات كمان اهلهم طلعوهم من البلد كلها عشان يبعدوها عن المسلم اللي حبتوا..
اللي بعرفوا وتعلمتو انو المسلم بيصير يتزوج يهودية او مسيحية (يعني كتابية) بس المرأة المسلمة لأ لأن زوجها بيأثر عليها و ع ولادها وممكن يخليها ترتد عن دينها :S والمسيحية ازا تزوجت مسلم وما غيرت دينها لا ترث (عد مشروعية زواج المسلمة بكتابي وحرمان الزوجة المسيحية من الميراث ال 2 مش عدل )..
المسلم ازا تزوج مسيحية ما بيتعاقب من المجتمع بس المسلمة ازا تزوجت مسيحي زي ما سبق وحكت اهلها بينبذوها وفي اكتر من حالة صارت هون اهلها قتلوها .. ولو هي ما دفعت الثمن ولادها بيدفعوا ..
الموضوع حلو بس ما قدرت أكون رأي ثابت انو انا مش معارضتو ابدا بالعكس مؤيدة الو ومن ناحية تانية مش مستعدة اتزوج حدا مش من ديني عشان ولادي
يعطيكوا العافية d:

[THE_unforgiven]

انا مع wild_angel للعضم ... الله يوفقكن وانشالله بيطلعو ولادك من أحسن الناس ..
انتي تحديتي المجتمع والتقاليد .. وفي كتير رجال ما عندن الجرأة يقدمو على هيك جرأة .. بهنيكي ..

[cornholio]

انا الصراحة صوتت للخيار الاول ل سبب بسيط هوي انو نحنا كلنا بشر و من طينة وحدة و بالنهاية نحنا منعبد الله

[Abu ToNi]

كاتب النص الأصلي : هاكونا متاتا

انا الصراحة صوتت للخيار الاول ل سبب بسيط هوي انو نحنا كلنا بشر و من طينة وحدة و بالنهاية نحنا منعبد الله

واذا كنا ما منعبد الله ما منعود بشر مثلا ؟!؟!

[jano.]

كاتب النص الأصلي : wild_angel

يعني صراحة ... إحنا شعبنا (( العربي )) كلوا هيضل متخلف لحتى يجي اليوم وتنحط الخلافات الدشنية عجنب والكل يصدق أنو في النهاية إحنا عم نؤمن بنفس الرب ...

أنا وزوجي عايشيين وعم نربيون أحسن ترباية .. وعن نعلم أولادنا من عبر قصص الأنبياء كلون ... يعني انا مو فاهمة شو الفرق نعطيون تعاليم مسيحية مثلا ونكرهون بالإسلام او العكس ... لأنو اذا بدنا نحكي الصراحة هاد الي عم يصير ونسيانيين أنو في الأخر الرب واحد .. الله هو نفسو .. وعشان هيك فكرة الزواج من دين أخر مرفوضة ..

إحنا هل الجيل اذا ما فتحنا نخنا شوي فما رح نطلع الدرج ابدا .. رح نضل تحت ..

نحنا لما بنحكي عن مساوئ الزواج المختلط عم نحكي من نظرة عامة ومن ناحية القوانين يلي مانها منصفة...

ما عم ننكر قدرة الزوجين على ترباية اولادن احسن تربية,, هاي شغلة انسانية خاصة فيهن..
حتى لو كانت كل حالات الزواج المختلط مبنية على التفاهم (متل حالتك) رح بيضل قانون الزواج الموجود هو غير منطقي وغير عادل...

[التقرير الجوال]

بخصوص ما ذُكر بهذة المشاركة ..

والمسيحية ازا تزوجت مسلم وما غيرت دينها لا ترث (عد مشروعية زواج المسلمة بكتابي وحرمان الزوجة المسيحية من الميراث ال 2 مش عدل )..

حابب اعطي الكلام المقتبس بعد أكتر ..
المرأة المسلمة لا ترث من كتابي " مسيحي او يهودي " إذا كانت لها صلة قرابة به "كأن تكون إبنة أو شقيقة"و قد أعلنت اسلامها بينما هو بقي على دينه .
كذلك الأمر في كنائس مصر "و لعل هذا القانون موجود في معظم كنائس الشرق" فهي تمنع أيضاً توريث المسلم من زوجته المسيحيه.

بما يتعلق من الزواج من شريك معتنق لغير ديانة, هو بأنو الموضوع بيصير فقط بحالة وحدة و بينجح كمان لما بيكون الشريكين ديانتهن أو معتقدهن الديني فقط انتماء اسمي .. يعني متل مو صاير بالعالم الغربي .
باسقاط التجربة على عالمنا الشرقي .. في عنّا كتير بالدول العربية من هيك أمثلة! انتماء اسمي " يعني متل لما بتلاقي واحد علماني من خلفية مسلمة أو مسيحية!
هي الخلفية ما كان إلو إيد باختيارها بس خيارو هو كان النهج العلماني.
هيك عيّنات بالمجتمع ما بتلاقيهن جايين من خلفيات متدينة أو حتى محافظة .. يعني أصلاً رح يكون انبثاقهن من خلفية علمانية بيجوز الدين كمسمى هوي فقط انتماء.
بهي الحالة رح يكون الزواج ناجح لأنو كلا الشريكين أصلاً مافي عندهن أفكار متناحرة أو متناقضة و النتيجة رح تكون سلسلة من نفص الفصيل و ما تنسو بانو الزواج من تعريفو و اصول ديمومتو هوي " الإنسجام و التوافق " .
طبعاً مكارم الأخلاق موجودة و لكن الديانات تعمل على تكليلها بالنجاح و الثبات و الاغناء.

[suryoyo]

ابب اعطي الكلام المقتبس بعد أكتر ..
المرأة المسلمة لا ترث من كتابي " مسيحي او يهودي " إذا كانت لها صلة قرابة به "كأن تكون إبنة أو شقيقة"و قد أعلنت اسلامها بينما هو بقي على دينه .
.

ليشنلف و ندور بالموضوع ... ؟؟؟


المرأة المسيحية لا ترث زوجها المسلم اذا مات ...

الزوج المسلم يرث زوجته المسيحية ..... و الابناء يرثون امهم ...


هذه القوانين المعمول بها في القوانين المدنية ......... في محاكم الدول العربية ... على المسلمين و المسيحيين ..


و هذا لا يمكن ان يسمى العدل !

كذلك الأمر في كنائس مصر "و لعل هذا القانون موجود في معظم كنائس الشرق" فهي تمنع أيضاً توريث المسلم من زوجته المسيحيه

ام اسمع بهذه الحالة ابدا ...


لكن الذي اعرفه ... ان المرأة اللي تتزوج مسلم ... تخرج من المسيحية .. حسب الايمان المسيحي .. و ما اعرف شلون يتم القانون في هذه الحالة على اعتبار هي ليست عضوة ...

[habiba2008]

bsaraha mahma fhemna rah idal fi chi mou wadeh bhik masael
hala elwahed ida fakar ba3idan 3an edine rah ikoun ma3a leanou binihaya kelna bachar bes lama benkareb 3adine benlaki enou hachi mamnou3 wa moukayad bichourout
hala had sah am ghalat 3ilmouhou 3inda alah lich tharam bedine el islami had kaman 3ilmouhou 3inda alah
bes bdon enou lama yet3alak el amr bi masihyine 3arab ou mouslimine 3arab fa btejhtelef elkesa leanou etakalid nafsha ou fihoun
ama wahed masihi ghir 3arabi fahik betsir elkissa a3kad biktir
hala metl ma kalet wild_angel el aham enou n3alam elawlad edyanat kelha ou henen yejhtarou hata ikounou mekten3in ou mou majbourine
ou binihaya ezawaj fih 3akl ou kalb ou kel wahed hor ma dam mouktane3
tahyati

[suryoyo]

و لو بصعوبة فهمت الفكرة بس اقلك شي ...

اذا الشي ممنوع بدين معين .. ما لازم يتطبق على ابناء دين آخر ... او على غير المتدينين


لازم القوانين تصير مدنية اكثر !

[habiba2008]

[quote=suryoyo;1074215]

المرأة المسيحية لا ترث زوجها المسلم اذا مات ...

had mou 3adl bnoub fa hya martou ya3ni lich lahata ma ikounelha hak metl elmouslima bel akhas ida kanet 3arabya metlou aw men nafs elbalad

الزوج المسلم يرث زوجته المسيحية ..... و الابناء يرثون امهم ...

hik fi chi mou zabet bnoub bes hey kawanin toutabak bjad

هذه القوانين المعمول بها في القوانين المدنية ......... في محاكم الدول العربية ... على المسلمين و المسيحيين ..

esmahli koul enou houn fi tanakoud kbir
ya3ni elkanoun madani bima3na ma lazem ikoun elou 3alaka bi aa dine
tani chi youtabak bi douwal 3arabya moutanawe3at edyanat
talet chi kif kanou yenhaz ladine mou3ayan youtabak 3ala elmasihi wel mouslim bnafs etarika
kanou madani yatba3 chari3a islamya youtabak 3ala eljami3 mantikyan fi chi mou zabet bnoub

و هذا لا يمكن ان يسمى العدل !

لكن الذي اعرفه ... ان المرأة اللي تتزوج مسلم ... تخرج من المسيحية .. حسب الايمان المسيحي .. و ما اعرف شلون يتم القانون في هذه الحالة على اعتبار هي ليست عضوة

ou had kaman mou ma3koul ya3ni hala tatli3 enas men dinhoun limoujarad ijhtyarhoun charik hayat men ghir dinhoun
bes elmasihya lama btetjawaz mouslim tsir fawran mouslima ama el3aks mou sahih bnoub

hata tetghayar elkawanine lazem nejhtar bin nachr kamel lal islam bin el3arab aw enou nefsal edin 3an edoula ou toutabak kawanin 3ama 3alkel bidoun ayata sila bi elmadani ou ayata dyanat ayan kanat
tahyati

[yass]

لكن الذي اعرفه ... ان المرأة اللي تتزوج مسلم ... تخرج من المسيحية .. حسب الايمان المسيحي .. و ما اعرف شلون يتم القانون في هذه الحالة على اعتبار هي ليست عضوة ...

حسب الطائفة..

بالنسبة للكاثوليك على الأقل (كون اعرف هالشي منيح) هالأمر مو هيك.. مالو علاقة أمر بأمر آخر

[suryoyo]

كاتب النص الأصلي : yass

حسب الطائفة..

بالنسبة للكاثوليك على الأقل (كون اعرف هالشي منيح) هالأمر مو هيك.. مالو علاقة أمر بأمر آخر

بالشرق الامور تختلف ...

يعني حتى بالطوائف الشرقية الكاثولكية نشوفهم متحفظين على الموضوع

... (الموارنة بسبب وضعهم الخاص خاضوا تجربة مختلفة بهذا المجال )

[yass]

كاتب النص الأصلي : suryoyo

بالشرق الامور تختلف ...

يعني حتى بالطوائف الشرقية الكاثولكية نشوفهم متحفظين على الموضوع

... (الموارنة بسبب وضعهم الخاص خاضوا تجربة مختلفة بهذا المجال )

كل شي بالشرق مختلف

هلأ دينيا... الفاتيكان بيسمح بالمسيحية من الزواج بغير مسيحي بدون مشكلة (في اجراء زيادة عن الزواج العادي و هو اجتماع رجل دين بالزوج قبل الزواج و هيك دردشة عن انو ما يضغط ع مرتو تغير دينا ازا ما رادت و هيك أمور ) و عم نحكي عن زواج كنسي...

بئا بالشرق شو الحجج اللي يطلعوها ما بعرف

[suryoyo]

كاتب النص الأصلي : habiba2008

ou had kaman mou ma3koul ya3ni hala tatli3 enas men dinhoun limoujarad ijhtyarhoun charik hayat men ghir dinhoun
bes elmasihya lama btetjawaz mouslim tsir fawran mouslima ama el3aks mou sahih bnoub

hata tetghayar elkawanine lazem nejhtar bin nachr kamel lal islam bin el3arab aw enou nefsal edin 3an edoula ou toutabak kawanin 3ama 3alkel bidoun ayata sila bi elmadani ou ayata dyanat ayan kanat
tahyati

ليش مو صحيح النوب ... ؟؟


الحالتين قد ما تكون مقبولة كثير .. بس كل حالة مستقلة بذاتها


بس على الهامش ... عندك برنامج بحوب العربي باللاتيني الى عربي بالحروف العربي

[habiba2008]

hala 3alhamech soual elmasihyine bichark byejhtelfou 3an elgharb ma
ya3ni henen 3arab ma byejhtelfou ila bidine ou bcakl ajhaf men elgharbyine ma

[habiba2008]

كاتب النص الأصلي : suryoyo

ليش مو صحيح النوب ... ؟؟


الحالتين قد ما تكون مقبولة كثير .. بس كل حالة مستقلة بذاتها


بس على الهامش ... عندك برنامج بحوب العربي باللاتيني الى عربي بالحروف العربي

asfa halyan had elmawjoud ethamalouni walaw

[suryoyo]

كاتب النص الأصلي : yass

كل شي بالشرق مختلف

هلأ دينيا... الفاتيكان بيسمح بالمسيحية من الزواج بغير مسيحي بدون مشكلة (في اجراء زيادة عن الزواج العادي و هو اجتماع رجل دين بالزوج قبل الزواج و هيك دردشة عن انو ما يضغط ع مرتو تغير دينا ازا ما رادت و هيك أمور ) و عم نحكي عن زواج كنسي...

بئا بالشرق شو الحجج اللي يطلعوها ما بعرف

بالشرق يقلك ... الشخص الغير معمد شلون يتجوز مسيحيا ...

[suryoyo]

كاتب النص الأصلي : habiba2008

asfa halyan had elmawjoud ethamalouni walaw

لا عادي ... شوية مزح !


بس فعلا ... لازم تصير قوانين مدنية ... قوانين تنصف الجميع ... و تقلل كل المشاكل