مسابقة حرك مخك ... متجددة ..

[يمان Rooooonaldo]

شغلة تانية ... انو سؤال .. وقت حدن بحط جواب ... قلو صح او لا .. دغري ولا اترك ليكون الكل حلو للمسا؟

[ABO SUHAIL]

كاتب النص الأصلي : يمان Rooooonaldo

انو حلو ... الحكي .. بس جوابك غلط ابو شريك ..

هلا شغلة صغيرة .. بفضل انو الواحد يحكلنا بطريقة مبسطة كيف حسب منشان الكل يعرف الطريقة فيما بعد .. ان قلنالكم انو الجواب صح يعني ..

وعراسي اب سهيل هلا جوابك .. مانو صح ..

شبيبة .. فيا شوية فيثا غورس الشغلة .. يعني هية العامود الاساسي بالحل ..

وبدا شوية رموز ترمزوها منشان تنحل معكم ..

حلو .. ولعيونك احلا اسئلة هندسية تكرم خيو ..

عراصي حارتك والله يا باشا

اي والله طلع معك حق وطلعت مخربط شوي بطريقة التفكير

طب خيو شو رأيك ب 10\9 او بما يساوي 1,111

عفكرة كتير حلوي المسألة وقوية العادي
بدا هيك نكشة مخ لحتى يمشي الحالة .. بس كلو بينحل

هلق مشان تقول اذا صح او غلط هاي الشغلة انت بتقررة , يعني اذا انت كل يوم عالخط وفينك كل يوم تحط وحدة فبيكون كتير منيح ... واذا حاسس انو عندك اسالة بتكفي .. فبس حدي يحط جواب الصح قول انو صح .. وحط البعدة .. وبعدين اذا حدي اعترض بيصير فينو الي حل المسالة يوضح للشعب العنيد طريقة الحل

ومرة تاني مشكور يا معلم

[Willi]

1.25 نصف قطر الدويرة الصغيرة

[ABO SUHAIL]

كاتب النص الأصلي : Willi

1.25 نصف قطر الدويرة الصغيرة

استخدمت شي الو علاقة بالدائرة اه؟

[يمان Rooooonaldo]

شبيبة ... هلا انا ما لح حط جواب مين الصح بس في حدن جوابو صح بينكم ..

كرمال ننطر ابو الهن نشوف شو وضعو ..


وعندي وحدة تانية وراها جاهزة لعيونكم ..



عراسي الشبيحة

[ABO SUHAIL]

كاتب النص الأصلي : يمان Rooooonaldo

شبيبة ... هلا انا ما لح حط جواب مين الصح بس في حدن جوابو صح بينكم ..

كرمال ننطر ابو الهن نشوف شو وضعو ..


وعندي وحدة تانية وراها جاهزة لعيونكم ..



عراسي الشبيحة

اذا جوابي غلط رح اعتزل الـ....
اسا ما قررت شو
بس رح اعتزل شي مهم

[يمان Rooooonaldo]

هدي شوي .. ما في داعي للثقة زيادة بالحال .. ما بتعرف شو بصير ..


وناطرين ابو الهن ...

[ABO SUHAIL]

كاتب النص الأصلي : يمان Rooooonaldo

هدي شوي .. ما في داعي للثقة زيادة بالحال .. ما بتعرف شو بصير ..


وناطرين ابو الهن ...

طب بتامر امر خيو

عيطولو لهاني نشوف صار معو

[souriana]

متل متل ما قال ابو سهيل 1.111

[Willi]

برأيي تقول الجواب الصح بس يطلع.

استخدمت شي الو علاقة بالدائرة اه؟

الشي الوحيد اللي استخدمتو والو علاقة بالدائرة بالمسئلة هو القطر ونصف القطر.

كان بودي اشرح حلي. بس المشكلة انو شرحو شوي صعب بدون رسم.
وما الي خلق ارسم

[يمان Rooooonaldo]

شبيبة .. لح حط الجواب مبدئيا .. والحل .. بس يا ريت ابو سهيل تحطلنا كيف حليت .. لحتى نعرف

[يمان Rooooonaldo]

هلا مبدئيا الجواب الصح هوة 1.111 صح متل ما حكا ابو سهيل ..

انا عندي الرسمة تبع الحل ولكشي بس حابب شوف ابو سهيل كيف حل وعشو اعتمد

[hanny dagher]

انا مقرطش شباب
ما كان عندي وقت فكر فيها بنوب بنوب

طالما انكشف الجواب الصح معناتا ما في داعي بس حطو الطريقة



شغلة تانية مشان مسائل تانية وقت الواحد يحط الجواب دغري يحط الشرح مشان اذا في شي غلط يصير في مناقشة في وهيك قصص

هات مسألة تانية لنشوف

[يمان Rooooonaldo]

اوك نطرو بس 5 دقايق وبكون الحل هون والمسالة التانية كمان

[ABO SUHAIL]

يلعن ديبو الشرح بيدوخ ولو
طب هلق بالمختصر المفيد
من الدائرة بي وسي فينا نشوف نصف قطر الدائرة سي
من الدائرتين سي و دي و الدائرتين دي و اه فينا نطلع معادلتين منحلون مع بعض بيطلع معنا نصف قطر ال دي

هادا الحل الكتير مختصر .. وباقي الحل بدو صور وما الي خلاق كمان ارسم


عما نستنا الباقي

[يمان Rooooonaldo]

حيو ابو سهيل والله ... وطلعت معك صح ..


هلا خيو متل ما حكينا قبل الحل عبارة بيعتمد على نظرية واللي هية نظرية عمو فيثا .. وبطريقة سهلة شوي .. بس بدا تفكير

هلا شوفو كيف .. اول شي

الحل بشكل مبسط اول شي لنشرح الالية العامة ..

انو شوفو هالصورة ..






هلا الصورة بتمثر عبارة عن الدائرة الكبيرة B والدائرة C

ومشكلين مثلث قائم نحنا هون واصل ما بين مركز الكرة الصغيرة .. ومركز الكرة الكبيرة .. وعمود مرسوم من مركز الكرة الصغيرة .. على نصف القطر .. تبع الدائرة الكبيرة ..

المهم فكرة الحل بدا تكون بتشكيل هيك مثلثات .. لحتى نستخدم فيثا غورس للحل فيا ..

هلا منجي للصورة تبع المسالة تبعنا .. بدا تصير على الشكل التالي ..




تمام .. ملاحظين انو صاير عنا هون .. 3 مثلثات قائمة ..

1-هلا .. اول شي .. منروح منحسب نصف قطر الدائرة C :

هلا ازا اخدنا المثلث اليميني اول شي .. اللي قائم عند نقطة تقاطع h1 ع نصف قطر الدائرة B

من هون ... فينا نطبق علاقة فيثا غورس ..

فلنفرض طول نص القطر تبع الدائرة B بيساوي R
وطول نصف قطر الدائرة C بيساوي r
حلو ..

هلا عنا مركز الدائرة c بيبعد عن الدائرة B وعن الدائرة A بعد متساوي .. ( لانو الدائرة C ماسة للدائرتين السابقتين المزكورين ... لزلك فينا نقول انو h1=10 ( لانو نص قطر الدائرة A,B = 10)
وكمان h1+h2=10

هلا لزلك .. منرجع .. منطبق فيثا غورس ب المثلث .. الاول اليميني .. بيطلع معنا .. انو

(R+r)(مربع) = h1 (مربع) + (R-r)(مربع)

عندك h1 =10
R=10
وقت بتعوض وبتفك الاقواس هون .. فينك تستنتج انو r=2.5

واللي هوة بمثل نصف قطر الدائرة C

هلا بعدين .. منرجع مناخد .. المثلثين التانيات .. خيو

ومنعمل بنفس الطريقة بدنا نطلع منهم .. معادلتين .. بمجهولين ..

وبصير بدهم حل مشترك ...

بالتعاون مع المعادلة h2+h3 =10

وبيطلع معك بالاخر انو ..

نص قطر الدائرة D

Rd=10/9=1.111


بتمنى تكون وضحت الفكرة تمام .. وعنجد هية بسيطة .. بس بدا شوية تجميع .. بين بعضا ..

ازا في شي ما انفهم قلولي ..

[was616im]

لك راسي عم يوجعني و مريض و مانتك جاي تقلي رسم و هندسة و فراغية وما بعرف شو

[يمان Rooooonaldo]

هلا هي هون المسالة التانية ..


الرسمة اللي بدي حطا هلا .. حتوضحلكم كلشي .. شوفو




حلو .. هلا المعطيات .. :

A نقطة خارج الدائرة .. قمنا برسم من A مماسين للدائرة ..

نقطتين التماس متل مانا شايفين هنن B و D

BC عبارة عن قطر للدويرة الموجودة قدامنا ..

المستقيم DE عمودي على القطر BC

المطلوب .. :

بدك تاثبت انو القطعة المستقيمة المرسومة من A الى C
يعني القطعة {AC} بتنصف القطعة المستقيمة .. {DE}

يعني بالمختصر .. بدك تاثبت انو ..

{FD} = {FE}



لح ضل حاطط المسالة لحدن يحلا ... وروحو لنشوف ..