ظاهرة الوشم .. تظهر مجددا في حلب ..

[THE_unforgiven]

ألقى عناصر فرع الأمن الجنائي بحلب القبض على شاب لقيامه بوشم الشبان في محل تجميل خاص به في حي السريان القديمة منذ أيام .

وتم القبض على " سربست . أ " البالغ من العمر 27 عاما في حي " بستان الباشا " بعد أن وردت معلومات للفرع عن قيامه بوشم الشبان بأدوات مخبأة في محله الخاص للحلاقة الرجالية، حيث اعترف خلال التحقيق بأنه يقوم بعمل الوشم لفتية صغار مقابل الحصول على المال .

في حين أغلق محل الخاص بـ " سربست " بالشمع الأحمر بعد أن تم توقيفه من قبل عناصر الفرع .

وتعتبر عادة الوشم إحدى العادات الدخيلة على المجتمع العربي والسوري خصوصا لما تحمله من مخاطر نقل أمراض فتاكة جراء استخدام أدواتها بين عدة أشخاص .

واستخدام الوشم ينطوي على مخاطر بحسب أطباء منها: إمكانية الإصابة بسرطان الجلد والصدفية والحساسية التي تحصل في الجلد في بعض الحالات والالتهاب الحاد بسبب التسمم وسوء التعقيم الذي يؤدي إلى انتقال العدوى بأمراض الالتهاب الكبدي وفيروس الإيدز والزهري .

[THE_unforgiven]

طبعا ... اصل هالظاهرة هوي دباغة جلد الحيوانات .. مشان تتميز عن بعضها ..
يعني أنا بعتبر اللي بيوشم .. صار ما بيفرق شي عن الحيوان .. عذرا ولكن هذه هي الحقيقة ..
وكل شي بيكون عامل وشم .. بيكون عندو نقص .. وبدو يحاول يميز حالو .. بالوشم ..
ديرو بالكن .. لاتوقعو هالوقعة ... هادا غير المضار الصحية ..

[طفوله]

.. فــي وشــم غــير دائــم ..


افضــل ولــونو احــلى ع البشــره وبيســمح بالتـغــيير

[sandra]

اي هو الوشم خطر ... بس أوقات بشوفو حلو أنا
منيح صار في شي اسمو رسم بمادة متل الحنا عالجسم بتضل لمدة اسبوع
أو متل لزقات الها اشكال ...
يعني حلو وبيعطي جمالية وهيك الواحد بيغير شكل

[Sarita]

اي وشوفيا
ضروري يتشبه بالحيوان
في تاتوات بتزول بمجرد غسلها بالمي
وانا شخصيا اشتريت منها من شان حطها
بس اكييد ولا يمكن اني حط تاتو صبغة
بس التاتو الارتيفيسيال ليه لاء بحطو وبعدين بشيلو بالمي

عموما يسلمو ابو جعفر

[L.A.]

يعني بفهم من هالخبر إنو الوشم ممنوع بسوريا لأنو شايف محلات كتير شغلتها الوشم و ما حدا مقرب ناحها

[habiba2008]

كاتب النص الأصلي : THE PUNISHER

ألقى عناصر فرع الأمن الجنائي بحلب القبض على شاب لقيامه بوشم الشبان في محل تجميل خاص به في حي السريان القديمة منذ أيام .

وتم القبض على " سربست . أ " البالغ من العمر 27 عاما في حي " بستان الباشا " بعد أن وردت معلومات للفرع عن قيامه بوشم الشبان بأدوات مخبأة في محله الخاص للحلاقة الرجالية، حيث اعترف خلال التحقيق بأنه يقوم بعمل الوشم لفتية صغار مقابل الحصول على المال .

في حين أغلق محل الخاص بـ " سربست " بالشمع الأحمر بعد أن تم توقيفه من قبل عناصر الفرع .

وتعتبر عادة الوشم إحدى العادات الدخيلة على المجتمع العربي والسوري خصوصا لما تحمله من مخاطر نقل أمراض فتاكة جراء استخدام أدواتها بين عدة أشخاص .

واستخدام الوشم ينطوي على مخاطر بحسب أطباء منها: إمكانية الإصابة بسرطان الجلد والصدفية والحساسية التي تحصل في الجلد في بعض الحالات والالتهاب الحاد بسبب التسمم وسوء التعقيم الذي يؤدي إلى انتقال العدوى بأمراض الالتهاب الكبدي وفيروس الإيدز والزهري .

3ada dajhila
abadan ma el3arab men zaman biwachmou
aslan bdone enou elwachm balach 3ana nehna el3arab

[Marooshe]

افففف ليش حتى الوشم ممنوع بسوريا؟!
بعدين مين قال انو الوشم بس "للحيوانات" وانو يلي بيعملو بيكون "حيوان"
صحيح انا ما كتير بحبو و احيانا بشوفو كتير مقرف بس كمان احيانا بلاقية حلو
ويعني ما بتزعجني شغلة انو حدا عامل وشم

[jano.]

وتم القبض على " سربست . أ " البالغ من العمر 27 عاما في حي " بستان الباشا " بعد أن وردت معلومات للفرع عن قيامه بوشم الشبان بأدوات مخبأة في محله الخاص للحلاقة الرجالية، حيث اعترف خلال التحقيق بأنه يقوم بعمل الوشم لفتية صغار مقابل الحصول على المال .
في حين أغلق محل الخاص بـ " سربست " بالشمع الأحمر بعد أن تم توقيفه من قبل عناصر الفرع .
وتعتبر عادة الوشم إحدى العادات الدخيلة على المجتمع العربي والسوري خصوصا لما تحمله من مخاطر نقل أمراض فتاكة جراء استخدام أدواتها بين عدة أشخاص .
واستخدام الوشم ينطوي على مخاطر بحسب أطباء منها: إمكانية الإصابة بسرطان الجلد والصدفية والحساسية التي تحصل في الجلد في بعض الحالات والالتهاب الحاد بسبب التسمم وسوء التعقيم الذي يؤدي إلى انتقال العدوى بأمراض الالتهاب الكبدي وفيروس الإيدز والزهري .

الافضل انو يكون في محلات مرخصّة تكون خاضعة للمراقبة ولشروط معينة من حيث النضافة والتعقيم والمكنات والخبرة وكمان يتحدد عمر المسموحلن يعملو وشم عجسمون....
وبما انو هالشي شبه مستحيل عنّا والامن ما بيعرف يتعامل مع المشكلة بشكل صحيح متل كتير مشاكل (ما ننسى المحلات يلي بتوشم برضى الامن) فرح يضل كل واحد فاضي ومالو شغلة يعملها رح يجبلو شوية معدّات بدائية ويوشم بالبيت او عالسطوح وما بتهمو لا النضافة ولا كون انو عم يوشم لطفل صغير طالما رح يقبض قرشين نضاف....

وتعتبر عادة الوشم إحدى العادات الدخيلة على المجتمع العربي والسوري خصوصا لما تحمله من مخاطر نقل أمراض فتاكة جراء استخدام أدواتها بين عدة أشخاص .

الوشم موجود من يوم يومو بسوريا ومانو عادة دخيلة... ولما يتم بطريقة صحيحة ونضيفة رح يكون ضررو الوحيد في حالة اذا ندم الواحد لانو عمل وشم وخاصة لما يكون مبالغ فيه كتير, ممكن يسببلو اضرار اجتماعية هو بغنى عنها (مثلاً اذا تقدم لوظيفة او لما تتأثر علاقتو بالناس بسبب الوشم...الخ) وبهالحالة كمان بيضل هو حر بقرارو.... أو انو بعد ما ندم بيجي ليزيل الوشم بطرقة تزيد الطين بلّة.....

طبعا ... اصل هالظاهرة هوي دباغة جلد الحيوانات .. مشان تتميز عن بعضها ..
يعني أنا بعتبر اللي بيوشم .. صار ما بيفرق شي عن الحيوان .. عذرا ولكن هذه هي الحقيقة ..
وكل شي بيكون عامل وشم .. بيكون عندو نقص .. وبدو يحاول يميز حالو .. بالوشم ..
ديرو بالكن .. لاتوقعو هالوقعة ... هادا غير المضار الصحية ..

أمّا انو نجي بكل بساطة (لأنّنا نملك الحقيقة دائماً!) و نحكم عكل واحد عمل وشم ونعتبرو حيوان
-لأ وفوق هالشي نعتبر حالنا بهيك أسلوب عم نوعّي الناس من ضرر صحّي!-

فيعني.............. أهلاً بنا في بلاد العجائب !!!

[marioma alghzayala]

لك شو محلات وشو رخص ..ومين الحيوان صار ؟ ..
يه .. ههههههه واللهي تسالي شي بضحك ..
انو كتير عادي الوشم ..
هوي بالاخير فن .. بس بالمعقول ..
يعني الواحد يعمل تاتو بمحل ومنظر حلو ..
وع فكرة اغلب التاتو اللي عم يعملوه العالم تجميلي .. بسوريا (متل ما عم تقول حضرتك) ما عنا شي عم يكون اوفر ..وازا كان اوفر عم يكون بحالات خاصة ونادرة جدا جزيلا..

هادا الشب ممكن ياخدوه بس لانو عم يعمل لاولاد صغار متل ما قلت ...لانو متل ما بعرف انا انو لازم يكون فوق ال 17 او 18 ات ليست مشان البشرة تبعيتو وبكون بمرحلة نمو ..يعني مو منيح يعمل تاتو بعمر صغير ... بس التاتو مستحيل يكون ممنوع ..


اي عم ارسم وبرضاة هالشب شو دخلك لعفى ..

[وشم الجمال]

مين اجا فيي انا...لك اقبر قلبو العاطل في احلى من الوشم!!!

لقلكن ما بعرف شو قول بس بالنسبة الي انا بشوف انو الوشم شي مزعج شوي مو كمنظر ولكن يعني ممكن الشخص بعد ما يساويه لفترة يحس قديش انو نفسو يشيلو لانو تغيرت نفسيتو تجاهو

ممكن انو يكون حلو بس يعني فينا نعمل تاتو مؤقت بحيث انو نكون قادرين نشيلو وقت بدنا..بس حرام انو صغار يعملو وشم بوجهة نظري

[jano.]

كاتب النص الأصلي : marioma alghzayala

لك شو محلات وشو رخص ..ومين الحيوان صار ؟ ..
يه .. ههههههه واللهي تسالي شي بضحك ..
انو كتير عادي الوشم ..
هوي بالاخير فن .. بس بالمعقول ..
يعني الواحد يعمل تاتو بمحل ومنظر حلو ..
وع فكرة اغلب التاتو اللي عم يعملوه العالم تجميلي .. بسوريا (متل ما عم تقول حضرتك) ما عنا شي عم يكون اوفر ..وازا كان اوفر عم يكون بحالات خاصة ونادرة جدا جزيلا..

اي معك انا...
بس قصدي انو بدل ما تكون الطاسة ضايعة خلي ينظمو شغلة الوشم بطريقة واعية .... احسن ما تطلعلنا مواقع متل عكس السير (مصدر الخبر) وتبلش تخربط وتفوت الدنية ببعضا...... ويتقارن آخر شي التاتو يلي انا عاملو وبحبو (واستنيت سنين وانا عم زبط الرسمة لصارت عمل فني) بشي بقعة بويا كانو يدهنوها عضهر الخواريف

[THE_unforgiven]

شباب وصبايا روقو ... ووشم الجمال .. بعتذر .. مش قصدي هيك ..
طبعا في وشوم صغيرة حلوي .. ومهضومة .. وممكن تلبق للشخص اللي بيحطها .. بس أنا بقصد الأشخاص اللي بيملو كل جسمن تاتو مشان يبينو بالمجتمع ... عأيدين وضهرن وصدرن .. وحتى على وجهون ... هودي بتوقع مانن بشر ... بس للفت النظر وشكرا ..

[وشم الجمال]

كاتب النص الأصلي : THE PUNISHER

شباب وصبايا روقو ... ووشم الجمال .. بعتذر .. مش قصدي هيك ..
طبعا في وشوم صغيرة حلوي .. ومهضومة .. وممكن تلبق للشخص اللي بيحطها .. بس أنا بقصد الأشخاص اللي بيملو كل جسمن تاتو مشان يبينو بالمجتمع ... عأيدين وضهرن وصدرن .. وحتى على وجهون ... هودي بتوقع مانن بشر ... بس للفت النظر وشكرا ..

يا هبول انا مو قصدي بس كنت عم اتخوت وبعرف انو مو قصدك ...

ومعك حق بكل كلمة لانو كلشي بالعقل ممكن ينقبل غير هيك عبث

[Sarita]

اه ايوااه
انا معك بهي لانو مو حلو منوب
الرجال بيفقد رجولتو والمرة بتفقد انوثتها

[BL@CK]

كاتب النص الأصلي : THE PUNISHER

طبعا ... اصل هالظاهرة هوي دباغة جلد الحيوانات .. مشان تتميز عن بعضها ..
يعني أنا بعتبر اللي بيوشم .. صار ما بيفرق شي عن الحيوان .. عذرا ولكن هذه هي الحقيقة ..
وكل شي بيكون عامل وشم .. بيكون عندو نقص .. وبدو يحاول يميز حالو .. بالوشم ..
ديرو بالكن .. لاتوقعو هالوقعة ... هادا غير المضار الصحية ..

أنا إلي واشم أربع سنين ما لاقيت أي مضار صحيّة ؟! ممكن تتفضل تشرحلي شو بيعمل الوشم مضار صحيّة ؟!

و بعدين أخي أزا معتبر اللي بيوشم ما بيفرق عن الحيوان أحتفظ برأيك لنفسك دخيل عيونك ..

[THE_unforgiven]

كاتب النص الأصلي : BL@CK

أنا إلي واشم أربع سنين ما لاقيت أي مضار صحيّة ؟! ممكن تتفضل تشرحلي شو بيعمل الوشم مضار صحيّة ؟!

و بعدين أخي أزا معتبر اللي بيوشم ما بيفرق عن الحيوان أحتفظ برأيك لنفسك دخيل عيونك ..

عذرا منك ... انا وضحت وجهة نظري سابقا .. والأضرار الصحية ذكرتها قبل هلأ ..
مع العلم .. اني سمعت .. انو إذا كان اللي عمل الوشم مش خبير .. ووصلت المواد الي مستعملة بالوشم لطبقة معينة من الجلد .. ممكن تسبب أمراض خبيثة .. فقط لأخذ العلم ..
وبعتذر منك مجددا .. وبرجع بقللك أنا قصدت الفئة من المجتمع اللي بتغطي حالها بالوشم ..

[yass]

هو أنا شخصيا ما بحب الوشم و لا بتسظرفو كتير... لكن ما عندي موقف تجاه اللي بيوشمو.. مجرد رأي شخصي..في ناس تحبو و تستظرفو.. انا ما كتير بحبو

يجوز الدخيل علينا بشكل عام هو التقنيات الحديثة تبع الوشم و الألوان.. لكن الوشم ليس عادة دخيلة أبدا.. فعلى الأقل في منطقتي تجد الغالبية الساحقة من العجزة و كبار السن مليئين الوشوم في الذراع و الأيدي و حتى بالوجه (طبعا وشوم بدائية كان يعتقد قديما انها تقي الأمراض! ) و هناك كذلك عادة وشم عبارات من طراز "رضاكي يا أمي" و " أبو فلان" ... الخ.. هذه عادات قديمة جدا في مناطق كثيرة من سوريا