بعض أعضاء الأخوية وشوية تعليقات مهضومة عليون ...

THE_unforgiven · 13/09/2007

بنشر : ما بعرف .. ما بحكي عن حالي .. انتو قلولي

بيتي : على أساس انها انسحبت من المنتدى .. بس قلبها هون وبتضل تطل بين يوم وآخر ..ونحنا اشتقنالها ...

حنونة ..ورقيقة ..وعاطفية كتير

ريد روز : صرلي زمان ما سمعت عنها شي ... مدري وين مختفية ... كانت عم تدور على عريس ..ما بعرف شو صار معها بعدين

سارة $$$ : طيوبة .. ما في أحسن منها .... رفيقة وفية ... وبتحب الإطراء كتير .. بتضل بقسم الألعاب

مي : حشاشة كبيرة .. مطلوبة من الإدارة الأمريكية بتهمة تسويق الحشيش في أمريكا .نعومة وأمورة ...ما في بنت متلها ..

بيان : متل مي .. بتحشش كتير .. وين ما ضيعها بتلاقيها ..بسوق الحشيش ...وبقسم الالعاب ..أحيانا بتميل للنزعة العدوانية وتكوين جماعات متطرفة

نسيم : عضو مشكلجي بيحب إثارة المشاكل بالأخوية .. بس هوي درويش و مافي منو ..وبيتميز بتعبير (قنبلة الموسم )

مادماكس : عضو سياسي مرموق بالأخوية ... بيمتاز بتعليقاتو الإستفزازية .. وبيموت على سمايلي غريب ..بيكون مكشر عن سنانو وداحش سيغارة بتمو ... مردي شو القصة بيناتون ...

ما بعرف : بيتو = القسم السياسي بالأخوية ... مركز للأخبار ....ما بيترك سياسي بحالو .. مانو مطول ليروح عالسجن

آشلي : على أساس كمان اسنحبت من المنتدى .. بس صرلها زمان ما طلت ... كنت وين ما ضيعتها بتلاقيها

عم تلعب أهدي غنية أو وردة للعضو اللي بتحبه

سيادة العميد : عضو نورنا جديد ..مستبد من دخلتو ..وواستطو قوية ..وما حدا بيقدر يحكيه ...(والله يا سيدي ما دخلني .. )وبيضلو مدين ربو مصاري ...

ماهر 4×4 : وكيل شركات السيارات بالأخوية ..بيجبلك معلومات ..عن سيارات بحياتك مو سمعان فيها ..

يعني هوي شغل سيارات وشبيحة وأحيانا ... بيميل للمواضيع السياسية ..

ريمي : منسق - بيمتاز بقصر تعليقاتو ... وندرتها .. يعني نادرا ما تلاقيه بشي موضوع .. وإذا علق .. بيكتبلو كلمتين .. بس والله انها مهضومة وخفيفة الدم

البركان : عضو وقت سجل كان متل البركان ..يا لطيف ردود وتعليقات ومتابعة للمواضيع .. بس الهيئة ..كان فاير وانطفا .. بس مين بيعرف البراكين .. وتصرفاتها .
يمكن يرجع ينفجر ما حدا بيعرف.

..

نو هوني نو موني : شكلها هلأ ..مفلسة .. لا هوني ؟...ولا موني ..ولا نت .. ما عم نشوفها

THE LOVER : غير الله ما بيعرف وينو ... بيحب المناطحة ... والمناقشة .. وكمان الألعاب ..

أبو جوزيف : بمحل الموبايلات تبعو ... عم يفقس ويبيع موبايلات .. بيضل مشغول .. اتركوه بحالو ..

ASH : عضو جديد ... بيميل للنزاعات والخلافات ... وتكوين الشلل ... وإذا بيصرلو حشيش ..ما بيقول لأ ..

جند اللاذقية الكول - آل شحاطة ابو اصبع -

معتر ليش ما بعرف : عضو فقير .. ودرويش لأبعد الحدود .. بس بيضل معتر .. وليش .. ما حدا بيعرف ..

HUS : بيضلو شاغلينو هالأعضاء الجداد والطرايا .. بيكونو أول دخلتهون عالمنتدى جحاش .. وبدون استاذ خصوصي .. ليعرفون عالمنتدى ...

والله همو كبير ... الله يعينو ...

كيوتي : عضو رقيق القلب .. عاطفي جدا ... متفائل ..
هاالأيام غرقانة بمدينة الأقنعة ..مدري شو قصة الأقنعة هيدي .. بس كانت مذيعة بأخوية أف أم ..
ومدري ليش تاركة الإذاعة هاليومين ...

FARBELLA :بتغط غطات طويلة ... وبترجع بتفيق .. بتمتاز بالجرأة والحزم .. وقلبها رقيق وما بتلقى دقرة ..

BUTTERFLY : عضو فعال ... كانت مفكرتني بدي اخطبها .... الظاهركانت مضيعة ..بس مو مشكلة ..بتضل بالمقلاية

طول الوقت مواضيعها حلوي ... وإلها تأثيرها ... ما حلو المنتدى بلاها

..
عاشقة إيوان : بتضل بقسم الفنانين والنجوم ... بركي بتلاقيلها شي صورة جديدة لإيوان ..حلم عمرها ..انها تتزوج إيوان ..

بتضلها ... عم تفكر فيه كل الوقت ...

هجورة : عضو .. بيحب قسم الالعاب كتير .. وبتضل فيه كل الوقت ... حساسة وخجولة كتير ..

ميمو-ب : رقيقة القلب عاطفية كتير ... من أول ما فاتت عالمنتدى .. اعجبنا ببعض .. وبعد يومين خطبنا ..

بهالإيام ما معبرة حدا .. وبتفوت عالساكت بدون ما حدا يعرف بتحط لمساتها بالمواضيع وبتختفي فجأة .. ردودها .. بتدوب القلب ..من كتير حلاوتها ..

سارة -س : مدري شو قصتها هيي وميكي ماوس .. كانت تضل بقسم الألعاب ..مدري وين مختفيه بهالأيام ..بس كانت لمستها بالمواضيع مميزة ..

عاشقة عمرو دياب : بتضل .. مع عمرو ..كل الوقت بعقلها وحواسها ...مدري .. شو بيحببها فيه هالقد ..

*S.O.G*: الخوري شيت الأخوية ..شغلتو الوعظ والإرشاد .. متنسك و زاهد بهالدني .. ما بيحب غير المواضيع الدينية ... على السراط المستقيم

يمان (رونالدو ) : بحب المشاكل .. وبيحب يعلق تعليقات لئيمة .. بس ما شبو شي .. وبينفع بالأخوية

الآلهة : عضو محترم حالو .. بيفرش بساطو على قد رجليه .. ما بحب المشاكل ..بيمشي الحيط الحيط وبيقول يا ربي السترة

SYRIAN-GAY : بيضل عكس السير العالم بتمشي لإدام وهوي بيمشي لورا .. بيئيد الطنطات والمثليين جنسيا .. مدري كيف الله متحملو لهلأ ..

أرسلان : عضو مجاهد في سبيل فلسطين والحرية ... بيقاتل بدياتو بجرياتو .. وبيحب الحكي كتير .. وبيبيع وطنيات .كتير .. بس ماشي حالو ..

WILLI : مشرف متقاعد ... كره الاخوية ومل منا عندو 9 ألاف مشاركة ..يدري الله من وين جابون ... كنت بتأمل يعطيني شوي منون ...

كل فترة بيفوت بيشلحلو رد وبيمشي

أبو طريق : معروف بمواقفه الوطنية القوية .. مواضيعو حلوي .. وصورتو الشخصية حلوي ..

دلوعة سوريا : دلوعة .. وشغل هاي وباي ... بس ما حلوي الأخوية بلاها .... بتدعي أنها دلوعة سوريا .. ما بعرف أديش صحيح هالحكي... بس ردودها روعة .. متلها ..

كهربجي : عضو مشكلجي كتير وبيضل يحرر مخالفات لهاالأعضاء .

. مواضيعو بينقرو .. وخرج انو الواحد يحط فيهون رد ..

NIRVANA :حشيش وبس ...مشترية هالدنيا بليرة ... ومو هاممها حدا ... هيدا تأثير الحشيش .. بس والله عضو لذيذ .. ووجودو إلو تأثير ..

بس لهلأ .. ما صار في تعامل تجاري بيناتنا ..الهيئة ..ما بتعرف اني عم وزع حشيش ... وأنا موزع معتمد ...

إلوار .: عضو وفي ... بيحب الرفقة وتعليقاتو ...ماشي حالها ... مدري شو قصتو هوي وشيغيفارا ..يمكن كانو رفقة بالجيش

أم الجماجم : روح قلبها العضام والجماجم ..شكلها مصاصة دماء ... ما حدا بيسترجي يقرب عليها .. بتحب انو تهديها جمجمة بالإلعاب بدل الوردة

THE MORNING : ساكن بموضوع صباح الخير أخوية ..

طنش تعش : كرهان هالدنيا وما فيها ... شكلو عم يعاني كتير .. الله يعينو

THE GOD FATHER : شغلو الشاغل المواضيع الإجتماعية ومشاكل البلد الإجتماعية...بيضل مهموم ... وقلبو على هالعالم ...

X52 : اسمو غريب متلو .. تعليقاتو غريبة .. ونادرة .. ما بعرف منين الله شالفو علينا .. بس ما شبو شي ..وبينحمل بالأخوية ..

BLACK : عضو أسود ... بتعجبني أفكارو .. بخصوص الميوزيك .. والسياسة ...

وهوي ... شكلو ..كفو .. وقدها وقدود ...

GOVERMENT :عضو بيحب المجاكرة والمناقرة
... حاطط صورة عافطة .. بتخليك تضل عافط شهر ..بنصحو بتغييرها

...

بنوتة حلب : بنوتة أمورة فرفورة .. دمها خفيف مواضيعها بتجنن ... إلها لمسات سحرية بالمواضيع ,.... ما حدا بيقدر يغبر عليها ..

HERO : اسمو ع كسمو ..بطل خرافي ... عتيق من العصور الحجرية ... هيرو بكل معنى الكلمة

بس ما شبها شي تعليقاتو ..بس أحيانا بتكون سئيلة ..شوي

طبعا وهيدا الموضوع ... فقط للتسلية وبتمنى ما حدا من الأعضاء يزعل مني ... وترقبوا الجزء التاني للأعضاء البقايا بعد فترة انشالله ...

cold vampire · 13/09/2007

اقتباس:

كاتب النص الأصلي : +++ THE PUNISHER +++

ريد روز : صرلي زمان ما سمعت عنها شي ... مدري وين مختفية ... كانت عم تدور على عريس ..ما بعرف شو صار معها بعدين

لك لك لك لك بنشر انا صارلك زمان ما سمعت شي عني كل يوم بفوت على موضوعك تبع الملانين انت وينك وبعدين لقيت عريييييييييس وخطبت الالهه

:clap :

عقبال عندك

يسلمو ايديك بنشر عالموضوع الحلو

ASH · 13/09/2007

وحياة الله موضوع روعه لدينو يا مان ، عن جد جميل جدا جزيلا هل موضوع ...

عجبتني هي تبع ميلا للمنازعات و الخلافات ، نسية شريك انا بحب الفودكا و الوسكي كمان لووول
و شغلة الشلل لعبتي يا معلم

حبيب قلبي كل التعليقات ظريفه ولله

احلا بنشور

+++ THE PUNISHER +++ : الملقب ب بنشر او بنشور او طهمز "هاد مني" ، شب رايق لدينو ، موزع حشيش معتمد باخويه ، نقاشتو حلوه ، بحسو خفيف دم كتير.

هاد راي

cold vampire · 13/09/2007

بنشر : واحد ما بعرف شو معناة اسمه يعليه شو باااااااااااااااااااااااااااايخ وسئيييييييييييييييييييييييييييييييييييييييييي يل

بمزح شب امور ومواضيعه حلوه ووووووووووووو تعرفت عليه اول مره كان ملااااااااااان وزعلان

Roaa · 13/09/2007

اقتباس:

كاتب النص الأصلي : +++ THE PUNISHER +++

دلوعة سوريا : دلوعة .. وشغل هاي وباي ... بس ما حلوي الأخوية بلاها .... بتدعي أنها دلوعة سوريا .. ما بعرف أديش صحيح هالحكي... بس ردودها روعة .. متلها ..

كيف يعني شغل هاي وباي ؟؟؟؟

شكرااا كلك زوووق

بدعي ... على فكره عادي الاسم مو فارق معي بس اتعودت عليه

بس انوو كيف مابتعرف اذا صحيح او لا .... بس ممكن توضح

ومشان الردود عيونك الحلوة يسلمووو

cuty · 13/09/2007

كيوتي : عضو رقيق القلب .. عاطفي جدا ... متفائل ..
هاالأيام غرقانة بمدينة الأقنعة ..مدري شو قصة الأقنعة هيدي .. بس كانت مذيعة بأخوية أف أم ..
ومدري ليش تاركة الإذاعة هاليومين ...

ثانكس بانشر

قصة الاقنعة...قصة طويلة

و تركنا الاذاعة لانو رمضان..يعني

Reemi · 13/09/2007

اقتباس:

كاتب النص الأصلي : +++ THE PUNISHER +++

ريمي : منسق - بيمتاز بقصر تعليقاتو ... وندرتها .. يعني نادرا ما تلاقيه بشي موضوع .. وإذا علق .. بيكتبلو كلمتين .. بس والله انها مهضومة وخفيفة الدم

هوي انا نادرة الوجود

مجنووووووونة ايوان · 13/09/2007

عاشقة إيوان : بتضل بقسم الفنانين والنجوم ... بركي بتلاقيلها شي صورة جديدة لإيوان ..حلم عمرها ..انها تتزوج إيوان ..

بتضلها ... عم تفكر فيه كل الوقت ...

اول شي ما شا لله عليك شو متابعون كلون

والحكي يللي كتبتو عني مظبوط بس اكيد بفكر بكتير شغلات كمان

THE_unforgiven · 13/09/2007

ههه .... شكرا للكل على الردود ... وانشاللله ما يكون حدا زعل مني

**Government** · 13/09/2007

اقتباس:

GOVERMENT :عضو بيحب المجاكرة والمناقرة
... حاطط صورة عافطة .. بتخليك تضل عافط شهر ..بنصحو بتغييرها

...

هلأ انا هيك ؟

بعدين شبا صورتي

mey · 13/09/2007

بنشو شو بدى قلك غير

................................. يسلمو على هالموضوع

و بعدين تعا لهون

مين قلك انى مطلوبة...................

ما قالولك ايمتا بدهم ياخدونى

بنشر----->عضو محشش من دون تحشيش ......يعنى خلقة الله....يميل الى التكشير بعض الاوقات....يمول الاخوية يجميح انواع الممنوعات من الحشيش
و بعدين لو يحللو دمو بيلاقو زمرتو مهضوم +و مزوء كتييييييييييير

THE_unforgiven · 13/09/2007

يعني يا غوفيرمنت ... ما بعرف هيك حسيت ..ما تزعل ها ..عم نمزح ..بس عن جد الصورة عافطة ..
ومي كلك زوء شكرا كتير ... روحي شوفي محل الحشيش ... رح ننكسر إذا ما رح تدبريلنا زباين ...

**MadMax** · 13/09/2007

اقتباس:

كاتب النص الأصلي : Reemi

هوي انا نادرة الوجود

اقتباس:

ريمي : منسق - بيمتاز بقصر تعليقاتو ... وندرتها

ندرتها ...!!!

مع أكتر من 7000 مشاركة ....و أكتر من 3000 طاروا من العداد

hajoora · 13/09/2007

اقتباس:

كاتب النص الأصلي : +++ THE PUNISHER +++

هجورة : عضو .. بيحب قسم الالعاب كتير .. وبتضل فيه كل الوقت ... حساسة وخجولة كتير ..

يا سلام جبتها

THE_unforgiven · 13/09/2007

تسلمي ... يا هجورة ...

بس يا ماد ماكس .. قصدي انو ريمي ..يمكن عندها مشاركات كتير ... بس هلأ مو مبينة عالساحة ..ونادرا ماشوف لإلها مشاركة ... مو كل المنسقين .هيك ... والأعضاء الكبار ... ..
بيصيروا بعدين كبار والمواضيع مو على مستواهون ..أو بيكونو ..مللوا .. وكرهوا حالون ..

بس ما بتقللي شو قصتك انت والسمايلي اللي مبين سنانو ..وداحش مدخنة بتمو ز.

**MadMax** · 13/09/2007

اقتباس:

كاتب النص الأصلي : +++ THE PUNISHER +++

مادماكس : .. وبيموت على سمايلي غريب ..بيكون مكشر عن سنانو وداحش سيغارة بتمو ... مردي شو القصة بيناتون ...

SAD_EMO · 13/09/2007

اقتباس:

كاتب النص الأصلي : +++ THE PUNISHER +++

أم الجماجم : روح قلبها العضام والجماجم ..شكلها مصاصة دماء ... ما حدا بيسترجي يقرب عليها .. بتحب انو تهديها جمجمة بالإلعاب بدل الوردة

اي صحيح انو روح قلبي الجماجم والعضام

بس انو شو شكلي مصاصة دمااااااااااااااااااء؟؟؟؟ ؟؟؟؟؟؟

وكمانة ما في حد بيسترجي يقرب مني

اووك خيوو بنشر

الله يسامحك

THE_unforgiven · 13/09/2007

فيك تقللي منين بتجيبوا لهاد ..رح تجنني ... انت وياه
كيف فيك تحططو بقلب المواضيع ما عم ينزل معي ..