الشباب في المسنجر والشات ..مش حتئدر تغمض عينك

[زهور المحبه]

الشباب في المسنجر والشات ..مش حتئدر تغمض عينك






المرحلة الأولى : ( الي يا دوبك لسا متعلم يدخل الانترنت )



طبعا العمر يتراوح من 22 وما فوق ... وتلاقيه اول ما يدخل , بصير يقول هاي ممكن نتعرف , انا فلان من البلد الفلانية, وتحسي انه فيه حنفية معلومات انفتحت واي شغلة بتقوليها بصير يقولك شو يعني مش فاهم وبعد كل كلمة بقولك اصلي انا لسا جديد في الانترنت..



وهذه النوعية تقسم الى قسمين :



1- يا اما متحمس وحاطط في راسه موضوع الانترنت وبدو يتعلم



2- يا اما سمع من صحابه عن الانترنت انه فيه بنات وجاي يجرب حظه



المرحلة الثانية: ( الي بيقعد على الانترنت بس مش كثير)



هذا النوع كل كلامه انا مشاغلي كثار وبحبش الانترنت والكلام هذا وبعد ما يحكي شوي بصير يقولك ممكن نكمل كلام في التلفون عشان انا بفوتش على الانترنت كثير ومليش طولة روح اكتب والاشياء الي زي هيك( اه لو عثمك علبة لوزيق!!)..



والنوعية هذه تنقسم الى قسمين:



1- يا اما هو لحوح ويفضل يطلب نفس الطلب وصباح الملل يعني ليل نهار بظل يطلب نفس الطلب ( طلب ايدو للجيزة يا رب يطلع عليه قطار الجيزة اووووف)



2- يا اما فيه عنده عنزة نفس قصدي عزة نفس وما بلح عليك كثير بس بالاخر بتعصبن وبقول اعمليلي بلوك..



المرحلة الثالثة : ( الي قاعد على الانترنت ليل نهار)



وهذا الشرح عنه طويل وينقسم الى عدة انواع..



1- ابو نص نصيص



هذا الي حاطط ايده على زرار الزعل اي اشي بتقوليه بتكوني بتقصديه هو وبتقللي من قيمته وبعد اكم مرة كلام ممكن يقولك اعطيني نمرة تلفونك ولما تعتذري بصير يقولك انا بدي احترم رغبتك ورح يركبلك القناع الخشبي وبين يوم والثاني رح توخذي البلوك بوجهك , فنصيحة من اولها اعطيه بلوك بوجهه قبل ما يصدم بوجهك..



2- ابو دم خفيف



هذا شلل مركب تركيب.. وبتعرفيش مين الي خدعه وقاله ان دمه خفيف وكل حكياته سخافة وضحك والمفروض انك تكوني مجاملة وتضحكي بس بنصحك ما تزوديها معه ليروح مصدق حاله..



3- الي مش عارف حاله



هذا شخصيته بتتنوع كل يوم على حسب المزاج.. ورايحة تشعري انك بتتكلمي مع واحد عنده انفصام بالشخصية.. اليوم رزين وعاقل بكرة لاسع وبعد يومين زنح وبعدها كووووووول وصبابا, طبعا الحكاية مش ناقصة مجانين , الي فيكي مكفيكي..



4- اللزقة



هذا النوع بدو حزم في التعامل معاه.. لان كل كلامه وينك؟ وليش بتتاخري لحد ما تردي؟ انتي بتحكي مع حدا غيري؟ ولك يا عم انت بتحشر حالك باشياء ما الك فيها ليش.. لو قولتيله ثواني رايح يقولك ليش وين رايحة؟ متتاخريش.. شو هاذ انتي لهسا مرجعتيش وينكككككك؟ الله يخرب بيت سيدو هو شو بعنيه فيك... ليكون باله عن حاله جوزك ولا لوزك..



5- ابو نصايح



صباح وجع الراس مع كلمة رايحة تقوليها رايحة تسمعي نصيحة وفيه عرض خاص.. قولي جملتين وخذي اربع نصايح.. العرض مستمر حتى نفاذ الكمية.. ولو حكيتي اشي ما عجبوش رايح يقول , ليش بتحكي هيك بس لازم هيك ولا شو رايك هيك.. هيك كيك روح من وجهي يا بيك.. يلا ارقعيه ديليت او بلوك بنص وجهه خليه يفرجيك عرض كتافه..



6- الحبيب



انا فيا جاذبية وكل البنات بتعجب بيا.. ايام ما كنت في الجامعة كانو يوقفوا الصبايا ع الدور.. وكانوا يتقاتلوا علي.. والمصيبة ان اي جملة رايحة تقوليها رايح يفهم منها انك بتحبيه.. واصلا مش بمزاجك بدك تحبيه يعني بدك تحبيه..







7- حريقة بنات



هذا النوع دايما ناسي حاله وبتلاقيه وين فيه انثى ملزق.. وين في اسم بنت بتلاقيه متربص.. ودايما مفكر حاله مرغوب وناسي انه بالنسبة للبنات زي كمية كراسي..



8- الكذاب



من اول الاسم والسن واي معلومة اخذتيهاعنه ببين كذبه وما بتعرفيش ليش عامل حاله فصح... واحسن شغلة ممكن تعمليها انك تنصحيه يسمي حاله مسيلمة الكذاب..



9- العبيط



هذا رايحة تلاقيه طول الوقت حاطط صورته وكل شوي يقيم صورة ويحط صورة وبتلاقيه فاتح الكاميرا مع نفسه.. اما معتوه صحيح..



10- بابا اوبح



هذا ممكن يكون على الانترنت من سنة 1996 واتخرج واشتغل واتجوز وجاب ولاد وهو لهسا قاعد يتعرف على البنات.. وكل ما يحكي مع وحدة يقنعها انه مش متجوز وبدور على عروس .. ولو جربتي تدخليله كل يوم بايميل ثاني رايحة تسمعي قصة مختلفة..

[زهور المحبه]

شو يا شباب ليكون الموضوع مكرر
يا اما مش عاجبكم

[يمان Rooooonaldo]

اهلين شكرا عالموضوع....

بس مشكلتو انو لهجتو شوي صعبة بس يسلمو حلو

[زهور المحبه]

شو صعبه
شكرا على مرورك الحلو

[شوط ياقمر]

اي والمعنا

[زهور المحبه]

من اي نوع انت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[فلسطيني للأبد]

يسلكو كتير عالموضوع
والله أنا لقيت حالي !! بينهم
هههه

[زهور المحبه]

ههههههههههههه

يسلكو كتير عالموضوع
والله أنا لقيت حالي !! بينهم
هههه

قلنا اي نوع

[فلسطيني للأبد]

كاتب النص الأصلي : زهور المحبه

ههههههههههههه


قلنا اي نوع

يعني أنا بالمرحلة التالته!!

[moh84]

هههههههههههههههههههههههههههههههه
الله يودرك ما اخف دمك
دمك شربات شو هالذكاء الي عندك
.
.
.
.
.

الموضوع حلو يعطيك العافية

على فكرة بجوز اطلع كل هالشباب الي حكيتي عنهم
و انا هي ايميلي للتعرف
ملوخية@بندورة بلبن.com
مرسي كتير الموضوع عجبني
مع انك جرتي علينا
اه

بس سال
اختار الاجابة الصحية : -
البنت ليش بدها تتعرف على الشب من الاساس ؟
أ-عشان يكزب عليها
و لا
ب- عشان تكزب عليه
ولا
ج -عشان تكزب على حالها
باي

هههههههههههههههههههههههههههههه

[زهور المحبه]

على فكرة بجوز اطلع كل هالشباب الي حكيتي عنهم
و انا هي ايميلي للتعرف
ملوخية@بندورة بلبن.com
مرسي كتير الموضوع عجبني
مع انك جرتي علينا
اه

بس سال
اختار الاجابة الصحية : -
البنت ليش بدها تتعرف على الشب من الاساس ؟
أ-عشان يكزب عليها
و لا
ب- عشان تكزب عليه
ولا
ج -عشان تكزب على حالها
باي

هههههههههههههههههههههههههههههه

مشكور على التفاعل المميزmoh84 وعلى فكره ايميلك بجنن ما بخطر ببال حدا
اما اجابتي لسؤالك بطلع لا أ ولا ب ولا ج
حرام عليك

[ryacoub123]

كاتب النص الأصلي : زهور المحبه

الشباب في المسنجر والشات ..مش حتئدر تغمض عينك

بس نسيتي نوعي أنا ....
الشب يلي بيعقد ويلي كل الصبايا بتستنا لحتا يطلع اون لاين...
الكووووول يعني
مشكورة عالموضوع

[moh84]

كاتب النص الأصلي : زهور المحبه

مشكور على التفاعل المميزmoh84 وعلى فكره ايميلك بجنن ما بخطر ببال حدا
اما اجابتي لسؤالك بطلع لا أ ولا ب ولا ج
حرام عليك

شوفي بصراحة انا مش ملاقي جواب لسالي
بس ازا انا جد قسيت عليكم بالاجوبة المحتملة( أ ، ب ، ج )
فبعطيكم خيار "د"
د- جميع الاجابات غير صحيحة

بس المشكلة وين الاجابة
ليش البنات بيضيفو الشباب على المسنجر و هن عارفين انو الشباب هيك انواعهم
بليز زهور المحبة جاوبيني

و ياستي عندك كتير وسائل مساعدة استخدميهم كلهم و ما تقصري

ولو بيوم من الايام ضفتك عندي على المسنجر شو بتحبي يكون نوعي من هالشباب الي انت حاطة انواعهم
باي

[زهور المحبه]

اول اشي مشكور على ردك

وبعدين انا لما بضيف حد عندي اني اضحك على حد او حد يضحك عليي
بس انا بحب يكون عندي اصدقاء من مختلف العالم
لهدف الصداقه مش اكتر
وبحب يكون الكل صادق معي متل ما انا رح اكون صادقه

[فلسطيني للأبد]

طيب انتي "زهور المحبة متل أي نوع؟؟؟

[moh84]

كاتب النص الأصلي : زهور المحبه

اول اشي مشكور على ردك

وبعدين انا لما بضيف حد عندي اني اضحك على حد او حد يضحك عليي
بس انا بحب يكون عندي اصدقاء من مختلف العالم
لهدف الصداقه مش اكتر
وبحب يكون الكل صادق معي متل ما انا رح اكون صادقه

افحمتيني يا بنت بلادي
بس بما انو انت بتبحثي عن اصدقاء من خارج المكان الي انت عايشة فيه معناها انا وانت ما رح نجتمع بيوم على المسنجر لاننا من مدينة وحدة
طبعا كل الاحترام الك خيتي
ما تصدي انا بمزح
انا الي الشرف
ههههههههههههههههههههههههههههه
باي يا بنت جبل النار

[Eh@Ab]

يعني انا ابو دم خفيف يااااااااي

[فلسطيني للأبد]

له يا اخوان
اصلا صداقة أهلا البلد الواحد أحسن من غيرها
عالقليلة بيكونوا بيشتركوا بكتير من الصفات والظروف !! يعني رح يفهموا على بعضهم !!!