ماهيَ آخر كلمة تتوقع أن تقولها قبلَ مماتك ؟

[رجل من ورق]

اشهد ان لا اله الا الله

[The morning]

كاتب النص الأصلي : اللامنتمي

هل يموت الميت ؟

لا نهائيّا ..

[ارسلان]

انشالله ما بكون تقّلت عليكم

كان اظبط لو كان الموضوع ما هي آخر كلمة تود ان تقولها قبل مماتك

[أإأبو العبد]

رح قول
اخيييييرا لك جهنم الاخرة ولا العيشة بين البشر

[reeemty]

للي حواليي رح قلن اترحمو علي واتذكروني
بس يا ترى في حدا رح يبقى جنبي لهداك الوقت؟؟

عندي احساس اني رح موت لحالي

[جـدل]

كاتب النص الأصلي : اللامنتمي

شاهدتُ فيلما ً ذات مرة وَ كانت أمنية ُ البطل فيه أن يموت على صوت فرانك سيناترا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

مَن تحبين أن ترين في السماء , من البشر طبعا ً ؟

إجابتـُكِ شاعِرية جداً ,.

صوت محمود درويش
هو الصوت اللي بحب اسمعه
مو صوت اي حدا تاني
"هذا هو اسمك
قالت امرأة وغابت في الممر اللولبي"

وبحب شوف مدينة
مو اشخاص
مدينة بدفع عمري مشان موت فيها
"يا ملح هذا البحر كم أنت شهي"

[جـدل]

كاتب النص الأصلي : اللامنتمي

شهيتني ألعب كرة قدم

جد جد سامر , بتعتقد أنو الميت بغيب عن العالم بموته

يعني

هل يموت الميت ؟

أخاف أن أشتهي الموت بعد الموت
فلا أجده
ولا يجدني
أخاف أن لا تهدأ روحي

[سيجارة]

إني ما موت
برياحة

[sweetangle]

كاتب النص الأصلي : اللامنتمي

قناعة جميلة

أحسده

بتحسدو..
اي انشالله بتحب بنت عندا قناعة اكتر مني..

[flower bomb]

أمي ..خديني اليك..عانقيني
ثم...اتلفظ بالشهاده..اشهد ان لا اله الا الله وان محمدا رسول الله ..

[بنفسجة]

نوار عم تطرح الاسئلة بطريقة حلوة بدي رد عليون حتى لو ماكانو موجهين الي


بالنسبة لاول سؤال
يمكن تكون اخر كلمة بقولا سامحوني



اما انو كيف بدو يكون استقبالي في السماء
فما بعرف ؟ انت بتعرف شي
هلق في ناس بتقول عني ملاك لهيك بتوقع استقبل كملاك
وفي ناس بتقول عني شيطان فكمان بتوقع اني استقبل كشيطان
ويلي بالسما ادرى يمكن



يمكن يلي بدي شوفو قبل ما موت هو اخطائي لان الانسان بيصير يخاف يطلع في عقاب بتعرف انت كل مجهول بالنسبة للانسان بيخوف




اما الخوف من الموت فانا من الناس يلي ما بتخاف لا من موت ولا من مرض لانو مش بس حقيقة انما واقع محتوم
انما يمكن الامور المجهولة فيه هي يلي بتخوف بعض الناس




الخيانة الزوجية بعد الموت؟
انا لا اتقبل الوفاء الزوجي بعد الموت لانه انتحار نفسي




الندم ؟؟ امممممممممم
مابعرف بس يمكن رح ازعل اني ما كنت سبب سعادة لكل الناس يلي مرقو بحياتي




هل سيكون هناك حب في السماء؟
امممممممممم وحق الله ما بعرف
هلق بيقولو بالجنة لكل رجل 77 انثى فانا ما بعرف اذا رح اشتغل بالجنة انثى من بين هال77
وهل هالرجل رح يلحق يحب هال77
اما اذا كنت بالنار فما رح لحق حب شي




من تحبين ان تري في السماء
اذا كنت بالحنة بدي شوف كل الناس يلي بحبون وبيحبوني
واذا كنت بالنار مابدي شوف حدا



هل يموت الميت؟
مابعرف انو بالنار الميت بيموت الف مرة باليوم
بالجنة ما بعرف انت بتعرف؟



ماهو اخر فعل احب ان امارسه قبل الموت؟
مممممممممممممممممممم
بدي سلم على رفقاتي كلون
وبوس بابا وماماوحبيبي

[leonardo_dicabreo]

كاتب النص الأصلي : اللامنتمي

كيفَ تتوقع أن يكون استقبالك في السَماء ؟

هههه
لا تخاف رايحيين يستقبلوه بحفاوه , ويجيبوله نانسي عجرم عشان الاسثقبال انته خايف ؟! !!
"اشهد ان لا اله الا الله واشهد ان محمد رسول الله"

[اللامنتمي]

كاتب النص الأصلي : MadMax

يمارسه ..!!!



و بتتوقع أنو يجاوبك ..؟؟

يمارسُ مَوتهُ وَ هوَ حي

كـَ قـُبلةٍ مَسروقة ,.

[اللامنتمي]

كاتب النص الأصلي : leonardo_dicabreo

"اشهد ان لا اله الا الله واشهد ان محمد رسول الله"

قلتُ : آخر " كلِمة " وَ لم أقل آخر جُملة

[saman]

هو :


عندما تنظر الى الذين سبقوك بالرحيل ... واحداً تلو الآخر


تنظر إلى نفسك ... ماذا قدمت لها ! ... ماذا قدمت لانسانيتك !


لا شيئ![/font]


مجرد ..أعمال صغيرة جوفاء![/font]

أحدهم


لم أقدم إلا نفسي التي رفضتها الإنسانية بسخريتها من الإنسانية الكامِنة بي


.


.


نحنُ الفقراء خطيئة ,.

هو:


على هذه الحال .. كلنا خطيئة ... أتذكر قصة آدم وحواء ... !


جاؤوا بنا من خطيئة ... أليس كذلك؟

أحدهم:


أذكرُ أني كنتُ كنزاً مخفيا ً في رحم الظلمات ومازلتُ تائها ً بينَ غروبٍ وشروق ٍ يُصيّرُني نشوانا ً في سكرة ِ الخطيئةِ التي اقترفها آباؤنا العاشقين

هو :


آه من العشق ... فمنه نبكي .. ومنه نضحك .... ومنه نسخر من أنفسنا .. ومن العشق أيضاً تكون خطايانا !

أحدهم:


في العِشق ِ تكمُنُ أجمَلُ خطايانا

هو:


ربّما .. لكنني لم أجرّب هذه الخطيئة بعد !

أحدهم :


مارسنا أعظمَ الذنوب وَ لم نفهم لذة َ الخطيئة الأولى بعد

هو:


أهذه هي أحجية الذنوب إذاً ؟

أحدهم :


أمازلتَ تصدق أحجية َ الذنوب , أما زلتَ يَوما ً بعدَ يوم ٍ تذوب

ما زلت أصدقها مذ آمنت بها !
ربما ستكون آخر كلمة أقولها قبل الموت : سامحوني !

[/font]

[اللامنتمي]

كاتب النص الأصلي : The morning

لا نهائيّا ..

أحبُ الحَياة لكنَ القدر الأزرقَ يُلاحقِني وَ أنا حافي ,.

ماذا لو عرفَ جميعُ المُتعبين أقدارهم ؟

[اللامنتمي]

كاتب النص الأصلي : saman

ما زلت أصدقها مذ آمنت بها !
ربما ستكون آخر كلمة أقولها قبل الموت : سامحوني !

[/font]
[/center]

ثـَمّة َ خطايا


لاتـُغتفر


.

[saman]

كاتب النص الأصلي : اللامنتمي

أحبُ الحَياة لكنَ القدر الأزرقَ يُلاحقِني وَ أنا حافي ,.

ماذا لو عرفَ جميعُ المُتعبين أقدارهم ؟

ما بدي اقلب الموضوع ديني .. بس في آية بالانجيل كتير بحبها زكرتني فيها انت هلأ , وهيي :
"تعالوا إلي يا جميع المتعبين والثقيلي الأحمال وانا أريحكم "

كاتب النص الأصلي : اللامنتمي

ثـَمّة َ خطايا

لاتـُغتفر

.

القنوط ... هو الذي يميتنا وهو الذي لا يُغتفر !