المصافحة بين الشباب والبنات .. وتنامي ظاهرة الامتناع

[روعة1]

هدا الموضوع حرية شخصية بحتة..
في شغلات كتير ممكن تمنع اي حدا من انو يصافح.. ممكن تكون التقاليد,,الدين,,افكارو الشخصية.......الخ..
يعني لفت نظري رد محمد ابراهيم عن الرجال اللي ما بحب يصافح حدا من اجل النضافة..
هدا امر طبيعي جدا و هو حر فيه سواء ان كان صح ام غلط.. المهم انو هو مقتنع فيه.. و هي حريتو..

اما انا عني شخصيا.. فهو امر عادي بالنسبة الي.. بس انو ما ببادر فيه.. لحتى ما سبب احراج للطرف التاني..
و ينجبر بأنو يصافحني و هو داخليا رافض هل الشي..

اما بشكل عام .. انا ما بستغرب من اللي بمتنعوا عن هل الشي.. فهنن حرين.. و حرين ايضا
بالاسباب اللي منعتون من القيام بهل الفعل..


مية وردة..

[مشلف من المدرسة]

برأيي انو المصافحة مو قضية مودة أو احترام أو ما شابه لكن تعتمد على فهم الشب لهذه المصافحة ، يعني اذا كان الشب بعمره ما سمع كلمة مرحبا من بنت رح يقول انه البنت حبته ومع تنامي الوعي تصل الى حد كونها طبيعية

[held]

والله يا شباب لازم الانسان يحترم الشخص التاني
عاداته دينه يعني ما فينا ننتقد حدا كل مين اله عقل
بيفكر فيه واله مبادئ بيمشي عليها
فكل واحد بيعمل اللي بيريحه و الصراحة مو ضروري كل الناس
تكون متل جنابك يعني اذا بتصافح مو كل الناس لازم تصافح
والعكس بالعكس

[بنفسجة]

انو كتير بيكون الموضوع محرج ببعض الاحيان بالنسبة للبنت او الشب
يعني هيي حرية شخصية بحتة
يعني مبارح مرقت احدى الخريجات لتستلم الدرع التقديري من قبل رئيس الجامعة سلمها الدرع ووقفت هيي فمد ايدو ليسلم عليها فامتنعت
كان الوضع كتير محرج بالنسبة الها ولرئيس الجامعة خاصة انو هو ما مد ايدو ليصافحها الا بعد ما وقفت شوي قبالو وعم تطلع فيه
ورغم انو شكل البنت ما بيوحي انو ما بتصافح
بس فعلا شي محرج

[fernanda bachchan kfoury]

انو انا باريي المصافحة بين الشباب والبنات شي عادي ودليل احترام وتقدير ومودة للشخص الاخر
يعني بالمختصر المفيد بيصافحها احسن مايبوسا

[عربي عربي]

طيب اذا شفتو شب ما بصافح لا بنت ولا شب, شو بتقولو عنه ؟

[مشلف من المدرسة]

كاتب النص الأصلي : عربي عربي

طيب اذا شفتو شب ما بصافح لا بنت ولا شب, شو بتقولو عنه ؟

معقد ............... خجول ....................... متكبر ............... مناخيره بالسما زي ما بيحكو

[عربي عربي]

كاتب النص الأصلي : مشلف من المدرسة

معقد ............... خجول ....................... متكبر ............... مناخيره بالسما زي ما بيحكو

مممم بجوز كلامك يكون صح وبجوز يكون غلط , صفة خجول بتتناقد مع الصفات التانيه, لانه المتكبر ولي مناخيرو بالسما مستحيل يكون خجول

[savage garden]

ما بمد ايدي وبسلم عبنت لانو النبي نهانا عن هالاشي
ما فيها تفكير ولا فتوى
وما بظن تجي بنت بيوم وتسلم علي ما بتعملها الا اذا كانت اخدة وجه علي وانا ما رح اعطيها اياه

كاتب النص الأصلي : ابو ريتا

حيث تتعرض العديد من الفتيات في الجامعة أو العمل الى مواقف محرجة
باقدامهن على مد اليد للمصافحة ليفاجئوا بامتناع الطرف الآخر عن ذلك أو العكس.

اي بيستاهلو
ليش لتحط حالها بهاد الموقف من اساسو تئدر حالها

[محمد اشنيور]

على فكرة الامتناع ليس ظاهرة الامتناع عن المصافحة هو الاساس لانه يحرم لمس امرأة من غير المحارم تحريما قطعيا لا بمصافحة ولا غيرها إلا في حالات اضطرارية كحياة او موت يسمح بقدر الضرورة فقط
الظاهرة يلي لازم ندرسها هي ظاهرة ازدياد نسبة المصافحة بين الشباب و الفتيات

[محمد اشنيور]

كاتب النص الأصلي : مشلف من المدرسة

معقد ............... خجول ....................... متكبر ............... مناخيره بالسما زي ما بيحكو

على فكرة انا ما بصافح حد لا شب ولا بنت بس مو لاني خجول او متكبر او معقد او مناخيري بالسماء اصلا شغلة المصافحة هي كلها غلط لانه شو بيعرفني يلي بدي اصافحة ايدو وين كانت قبل المصافحة افرض انه عاطس فيها مثلا وهو مريض انا ممكن انعدي

[هبه الاردن]

انا بالنسبه الي ما بسلم الا على البنات

وعلى المحرمين عليي " اهلي " اجدادي / اعمامي / اخوالي / اولاد عمي او خالي "الصغار"

بسلم عليهم مع بوستين عالخد لاكن غيرهم ما بسلم عليهم غير من بعيد : بدون المصافحه بالايادي

[khaliiiil]

كاتب النص الأصلي : savage garden

ما بمد ايدي وبسلم عبنت لانو النبي نهانا عن هالاشي
ما فيها تفكير ولا فتوى
وما بظن تجي بنت بيوم وتسلم علي ما بتعملها الا اذا كانت اخدة وجه علي وانا ما رح اعطيها اياه

الله يحيي اصلك عا راسي حارتك

[محمد اشنيور]

كاتب النص الأصلي : هبه الاردن

انا بالنسبه الي ما بسلم الا على البنات

وعلى المحرمين عليي " اهلي " اجدادي / اعمامي / اخوالي / اولاد عمي او خالي "الصغار"

بسلم عليهم مع بوستين عالخد لاكن غيرهم ما بسلم عليهم غير من بعيد : بدون المصافحه بالايادي

هي الكلام المزبوط

[savage garden]

كاتب النص الأصلي : khaliiiil

الله يحيي اصلك عا راسي حارتك

[Maher 4x4]

همممم

انو المصافحة اكيد شي مهم ومستحيل يخلا لقائي مع واحد أو وحدة بدون مصافحة ألا أزا رايح لحتا خانق هاد شي تاني

و حتى المصافحة في ألها انواع يعني بحسب العلاقة بينك وبين الشخص أو "الشخصاية " مصطلح جديد سمعتو هون

يعني في مصافحة محترمة كالعادة
وفي مصافحة أهلين بربّك يعني فيها لازم يطلع صوت أنفجار وألا ما بتتسما أهلين بربك هي بين الشباب بكتير من الأحيان
وفي مصافحة مع التبويس هي كتيرة بين القرايب و الأصدقاء البيعرفوا بعض يعني بيكونوا التقو لتاني مرة ع الأقل بس هي أنا آكل منها كتير مقالب بزمناتي أنو لما كنت زغير كنت آكلها مرضة ع كيف كيفكون كل ما بوّس حدا مريض وشوي لما كبرت بس هلأ صار عندي خبرة يعني بتطلع بعيون الواحد قبل البوسة و بعد المصافحة بعرفوا مرضان ولا لأ بئا أحيانا ممكن اللي بدي صافحو ما بوسو بيكون في شك ويمكن يحس أني نقزت فما يستغرب !!

بكون شاكك فيه

بس حلوة المصافحة مع التبويس و وبعدها شي عبطة بتزكرني بأيام استقبالات السفر ، وطبعا العناق مع الحبيبة هي بتكون فيها شئ من اللمس و

[عمار فيكا]

كاتب النص الأصلي : Maher 4x4

همممم

انو المصافحة اكيد شي مهم ومستحيل يخلا لقائي مع واحد أو وحدة بدون مصافحة ألا أزا رايح لحتا خانق هاد شي تاني

و حتى المصافحة في ألها انواع يعني بحسب العلاقة بينك وبين الشخص أو "الشخصاية " مصطلح جديد سمعتو هون

يعني في مصافحة محترمة كالعادة
وفي مصافحة أهلين بربّك يعني فيها لازم يطلع صوت أنفجار وألا ما بتتسما أهلين بربك هي بين الشباب بكتير من الأحيان
وفي مصافحة مع التبويس هي كتيرة بين القرايب و الأصدقاء البيعرفوا بعض يعني بيكونوا التقو لتاني مرة ع الأقل بس هي أنا آكل منها كتير مقالب بزمناتي أنو لما كنت زغير كنت آكلها مرضة ع كيف كيفكون كل ما بوّس حدا مريض وشوي لما كبرت بس هلأ صار عندي خبرة يعني بتطلع بعيون الواحد قبل البوسة و بعد المصافحة بعرفوا مرضان ولا لأ بئا أحيانا ممكن اللي بدي صافحو ما بوسو بيكون في شك ويمكن يحس أني نقزت فما يستغرب !!

بكون شاكك فيه

بس حلوة المصافحة مع التبويس و وبعدها شي عبطة بتزكرني بأيام استقبالات السفر ، وطبعا العناق مع الحبيبة هي بتكون فيها شئ من اللمس و

مهناها ما تجي تعيش معي بتجن الله وكيلك