|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
13/11/2006
|
#1 | ||||||
|
عضو
-- قبضاي --
|
بياع الكعك2 (قصة الحمار) بدعم من " اصحاب القضية "
 بدي احكيلكم حالحكاية بس بالهجة الفلسطينية واحنا شباب باقيين في الجبال نشوي بطاطا ... وبنتخرف زي أيا خراف فاضي ... والا جاي راعي غنم ... قرّب علينا ... ناديناه يونسنا .. أجا ... فواحد من الشباب المسكعين اللي معنا قالو ... شو يا حج ... شو رأيك في وضعنا في هالبلد ... الشب المجلمط فكر حالو بدو يتسلى وينكش راسو ... استفزني خرافو ... بس الراعي ضحك وسوا حالو مش فاهم.. مع انو حس من طريقة الشب انو بدو يتسلى... هالنظرة يا جماعة الخير ولا عمري بنساها .... فقلّنا بدي اخرفكو هالقصة... فقال: هاظ في مرة زلمة عايش مع مرتو وولادو وحماتو وإمو في نفس الغرفة ... وفي عندو بعيد عنكو – ( واتطلع في اللي سألو ) – حمار... وغنم وجاج ... المهم راح زلمتنا على البلدية وهمة الناس اللي بحكمو وبنهو في البلد وقالّهم يا جماعة الخير بدي أبني غرفة ثانية جنب الغرفة، بدي اوسع شوية ... قالولو البلدية ... دخل هالحمار جوه الغرفة ... قالهم يا عمي شو بتقولو ... قالولو زي ما بنقولك.. وارجع بعد اسبوعين ... المهم هالمسخم رد عليهم.... وبعد اسبوعين رجع ملتعن التاريخ تبعو وقلهم : يا جماعة انا مش كادر .. قالولو دخل الغنمات وبعد اسبوعين راجعنا ... قالهم انا هيك بقدرش .. قالولو اوعك ولا... ممنوع ترفظلنا طلب ... المهم رد عليهم وبعد اسبوعين رجع مش قادر يسند طولو ... قالهم يا عمي ارحموني ... قالولو هالقيت دخل الجاجات ... قالهم ( شوو ) ... قالولو سكر ثمك ودخلهن ... وارجع بعد اسبوعين تنشوف شو بدنا نسويلك... المهم زلمتنا كيف صمد في هالاسبوعين ما بتعرف ... رجع عليهم وقالهم أنا خلص لحد هان وبقدرش... يعني بدكوا تخالفوني...بدكوا تحبسوني... سوو اللي بدكوا اياه ...خلص... قبعت معي... قالولو اسمع اطلع الخرفان ... قالهم متأكدين ؟؟؟ قالولو اه... وبعد اسبوعين ارجع ... رجع زلمتنا بعد اسبوعين... قالهم يا عمي وظعي احسن بس هالحمار دك في الولد..... قالولو اطلع الجاجات وراجعنا بعد اسبوعين... المهم رجع بعد الفترة وقالهم يا عمي هيك ذهب... بس ...... قالولو ابشر... اطلع الحمار... وراجعنا ... اطلع الحمار...رجع قالهم هاي هي العيشة وين باقينا ووين صرنا... يا عمي يخلف عليكوا ويعطيكوا العافية... وراح ونسي الغرفة اللي باقي بدو يبنيها ونسي الغذاب اللي ذاقو ونسي كل شي ثاني... وفي هالجملة خلص الراعي خرافيتو واحنا قعدنا نبحّر في بعظ واحنا ساكتين... والراعي وفا حديثو وقال: وهاي هي قصتنا... بنطلب حق من حقوقنا... وعشان ينسونا اياه بذبحونا وبذيقوا علينا وبقهرونا... وبذلونا... حتى ننخنق... بعدها... بصيروا يرجعونا زي ما باقينا شوية شوية...واقل بكثير.... فبنحس اننا صرنا زي البشر... وبنرتاح وبنكييف ... وفي الآخر بننسى شو اللي باقيين بدنا اياه... واذا اتذكرنا... بنتناسى الموظوع مشان ما يرجعوا ويدخلوا الحمار على الغرفة... هذا الراعي ولا عمري راح انساه... يمكن هو بعرفش لا يقرا ولا يكتب... بس حكمتو اكبر من حكمة المحللين السياسيين الكبار... الله يعطيك العافية يا حجي.... وسلم ثمك... وهذي الخرافية اذا ربطناها في تاريخنا... بنشوف انو كل فترة.. في حمار داخل - طالع – طالع - داخل... على غرفنا... كعييييييييييييييييييييييي ييااااااااااااييييييييييي ييييييك
كتائب الرد السريع
قسم العمليات والمتابعة الفلاشية ابو وليام @@ مسؤول فلاشي شلة أصحاب القضية @@ فلاشات للمقاومة في فلسطين http://www.akhawia.net/showthread.php?t=57320 لترتفع عالياً رايات حَرب الشعب حتى التحرير الكامل |
||||||
|
|
13/11/2006
|
#2 | ||||||
|
عضو
-- قبضاي --
|
يا جماعة وين الردود
شكلو ما عبكم الموضوع خلص ولا يهمكم الموضوع الجاي عن هيفا و عمليات التفجير ........................  سوري و عمليات التجميلالثائر بالضفة ابو وليام |
||||||
|
|
|
13/11/2006
|
#3 | ||||||
|
عضو
-- مستشــــــــــار --
  |
الموضوع كتير حلو أخ محمد
 بس المنتدى هادي هاليومين يسلمو عالموضوع
,,,,,,,,,,,مسؤول ومنسق الأعضاء ,,,,,,,,,,,,,
@@شــــــــــــــــــــلة أصحــــــــــــــاب القضيـــــــــة @@ |
||||||
|
|
|
13/11/2006
|
#4 | ||||||
|
عضو
-- قبضاي --
|
ما فهمت شي
Ceci est ceci chat
Ceci est est chat Ceci est une chat Ceci est de chat Ceci est tenir chat Ceci est un chat Ceci est occupée chat Ceci est pendant chat Ceci est au chat Ceci est moins chat Ceci est 60 chat Ceci est seconde chat |
||||||
|
|
|
13/11/2006
|
#5 | |||||
|
مشرف متقاعد
|
مرحبا اخ محمد...........بدك الصراحة كتير هالقصة حلو والحكمة من عند الله يعني مالها دخل بالشهادات او بالثقافة او شي من هاد ......
كتير شفنا ناس معهن شهادات بس بيفتقروا لحكمة هالراعي  ..........من شان هيك وجودهن متل عدمهع فكرة شو دخل الكعك بالموضوع......؟ اقتباس:
 بس صدقني هاد هدوء ماقبل العاصفة يسلمووووووووووووووووووووو ووو 
لا تحلموا بعالم جديد
فخلف كل قيصر يموت قيصر اخر جديد وخلف كل ثائر يموت احزان بلا جدوى ودمعة سدى ،،أمــل دنقل : ((We ask the Syrian government to stop banning Akhawia )) |
|||||
|
|
|
13/11/2006
|
#6 | |||||||
|
عضو
-- قبضاي --
|
اقتباس:
اما بالنسبة لبياع الكعك فهو جارنا الي بيخرفني هذة الخبريات كلها وكمان انا بكتب الموضوع نقلا عن لسانة وهو بالطبع بياع كعك و انا بنقل احاديثة بتمنى اتكون الامور صارت واضحة الثائر بالضفة ابو وليام |
|||||||
|
|
مشكور ..|
13/11/2006
|
#8 | |||||||
|
عضو
-- قبضاي --
|
اقتباس:
يسلمووووووووووووو على القصة الرائعه والمهمه واخي هادا حالنا وشو بدنا نسوي الي علينا سويناه وما بعد الضيق الا الفرج وما في ليل الا بعده نهار تحياتي Mu$b@hO
~~~~~مسؤوول ومشرف مواضيع الشله ~~~~~~
@@شــــــــــــــــــــلة أصحــــــــــــــاب القضيـــــــــة @@ |
|||||||
|
|
|
13/11/2006
|
#9 | ||||||
|
عضو
-- زعيـــــــم --
|
الموضوع كتير كتير حلو وبيحمل فكره كتير حلووه وخصوصا للشعب الفلسطيني بأنه كنا نطالب بال 48 فالياهود اخدو لل67 فصرنا نطالب بال 67 اخدو منا لاخر انتفاضه هلء صرنا نطالب بما قبل الانتفاضه وهلء ضيقو علينا الوضع اكتر وهلء صرنا نطالب بأنه نعيش والله يستر من الي جاي
مشكور اخي على هالموضوع
ليش ما بتدرس يابي ؟
والله ما في وقت |
||||||
|
|
|
14/11/2006
|
#10 | |||||||
|
عضو
-- مستشــــــــــار --
|
اقتباس:
كلامك صح محمد !!! الله يستر من اللي جاي !! الموقع الرسمي لشلة أصحاب القضية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||
|
|
|
18/11/2006
|
#13 | ||||||
|
عضو
-- أخ لهلوب --
|
موضوع حلو وعالوجع
بس عندي سؤال هاي القصه حقيقيه؟ يعني صارت؟
قدر احمق الخطى سحقت هامتي خطاه,
دمعتي ذاب جفنها, بسمتي ما لها شفاء |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 15:29 (بحسب عمك غرينتش الكبير +3)