حسن نصرالله ... هل هو رسول بعيون أتباعه ؟

[echosat]

كاتب النص الأصلي : ابو وليم

لولا حسن نصرالله بحياتهون اللبنانبن ما برجع الجنوب

وبحياتك انت كمان .اهلين

[fady juventus]

أول شي شكراً على ردك وإن كان بيحمل شو من الحدية ببعض النقاط يمكن ناتجة عن سوء فهم أو رغبة بسوء الفهم

[quote=Danito]هلق ما اختلفنا على التفاصيل بيضل الموضوع عبارة عن برنامج تلفزيوني عم يقول رايه [/quote]
بحب ضيف على وصفك كلمتين:
برنامج تلفزيوني سخيف و موجَّه

[QUOTE]كمان هون يعني هني بجوز حابوا البعض بس تمسخروا أو عملوا تعليقات فكاهية على كثير ناس و سياسيين اوكي
الملخص يعني البرنامج ما عمل اللي عملوا حصريا مع حسن نصرالله
[/QUOTE]
قلتلك لما بيجيبوا سيرة حدا من طرفن و خصوصي الكتائبيين بيقدموه كإله مع كل الإحترام و التقدير
بينما هون كان في تعمد بالإساءة و في خدمة لتوجه سياسي
و الدليل إنو ما عم يستخدم هالشخصية ليضحك الناس بل ليهين هالشخصية قدام الناس
و على فكرة ... الحركة كتير زكية منن ...
لأنن حتى لو إعتذروا و تضبضب الموضوع و إنتست القصة ، بس هني كسروا حاجز أو جدار جليدي كان موجود من زمان ، وهوي عدم المساس بشخصية بوضع نصرالله

[QUOTE]
هون حطنا الجمال هلق أنتي و بكل أخوية لازم تسمع مزبوط شو رح أحكي و ما تفهمني غلط
أنا شخصيا ما بكره النظام ، يعني النظام هو تركيبة سياسية بقيّم عمله و بنتقد و بقول راي فيه أما الحب و الكره فهي عواطف بتبادلها مع صاحبتي أو رفقاتي ، ممكن حب بلدي و أعشقها بس بس نظام الحكم ما في عواطف ممكن يكون في غضب من الأخطاء بس ما بيهمني أبني أي نوع من العواطف او المشاعر تجاه أي من أشخاصه..
[/QUOTE]
لا داني هيك غيرت المعنى تماماً ، وطالعتني كأني عم قلك بتحب النظام = علاقة غرامية
ما تخليني دقق عالألفاظ مشان ما تكمشني عالحرف ، إنت لما بتقول تحيا سوريا بيكون في عاطفة عم تعيشا بشي من الحب أو الفخر أو الشمم ومدري شو ...
و مو معناتا إنك مغرم بسوريا و بتتمنى تقضي شي ليلة شاعرية معها !!!

[QUOTE]ثانيا أنا ما بفكر بهي الطريقة أبدا و بعرف تماما أنو السياسة برغماتية يعني أنا ما بيعجبني نظام الحكم بأيران أبدا خاصة و أنو نظام حكم ديني و لكن أنا ماني ضد التحالف بين إيران و سوريا لأنه بالنهاية هي قضية مهمة أقليميا و بمواجهة الأميركان بس المهم أنها تنلعب مزبوط، يعني أنا ضد تصرفات الحكومة الإيرانية و حتى السورية في التعاطي مع قضايا الرأي و الحريات بس كمان كل شي لحال .. [/QUOTE]
هلأ هون إنت عم تناقض حالك و أخطأت للمرة التالتة
إنت كشخض مثقف و عندك رؤية سياسية حضارية مفروض تكون ديمقراطية ... ما إلك حق أبداً تعترض على نظام الحكم بإيران ياللي منتخب ديمقراطياً !!!
كان ممكن تقول "ما بيعجبني نظام الحكم لكن بحترم خيار الشعب الإيراني " ... مثلاً
هلأ بدك تقلي مجلس الشورى وآية الله العظمى ... أوكي إلن نفوذ غير ديمقراطي لكن لما بتشوف الشعب الإيراني عم يسجل نسبة تصويت تبلغ 70% فهاد يعني إنو هالنسبة عالأقل راضية عن هالتركيبة الحاكمة .


[QUOTE]تماما تصرفه كان حكيم بس تصرف العالم و انا حددت بقيام بأعمال شغب هو عبارة عن إساءة لفكر المقاومة يعني أنا أكثر نقطة أعجبتني بحزب الله هو بعد تحرير الجنوب ما قاموا بأعمال انتقامية و تطهير سياسي فليش لحتى برنامج تلفزيوني ساخر يخليهم يعملوا تخريب ببلدهم؟؟ (عم أحكي عن الناس اللي طلعب على الشارع) [/QUOTE]
هاد كلام ما عاد ينفع بالقرن ال 21
هاد لأيام الثورات بمنتصف القرن الماضي
طيب ماشي ... ليش ما بتقول إنو اللي صار هوي رد فعل من الجماهير على إساءة لفكر المقاومة من قبل البرنامج ؟؟؟


[QUOTE]مع أني جاوبتك عليها فوق بحب ضيف: و بدون زعل أنتي عم تعبر عن طريقة استيعابك للأمور بعني كلمة رفقاتك و "معارضين" أنا بعبر عن نفسي و ما بحكي باسم تنظيم بس ما في داعي لتصنيف الناس بخانات يعني يا أما معنا يا علينا.. برجع بقلك قرا تعليقي الأول أنا ما وقفت بصف نصرالله و لا بصف شربل خليل [/QUOTE]
صدقني داني أنا ما بقصد إهانة فيها ولا خطر ببالي حدا
ما في داعي للتشنج أبداً لأني أنا و إنت بالنهاية خسرانين من تحويل النقاش لنقد متبادل.
ما بعرف ليش حسيت إنت بإهانة من كلمة "رفقاتك"؟؟؟ صدقني أنا بكل نية صافية كتبتها ...
أما ليش "معارضين" يعني بين قوسين ...
لأني و بكل صراحة لهلأ ما شفت سوري يستحق هذا الشرف "من دون زعل و بكل حب"
الأشخاص اللي عم يدعوا إنن معارضة بالخارج سقطوا والكل بيعرف ليش ...
أما المعارضة الداخلية فهيي "فايتة بستين حيط" و بتحرق القلب و مثيرة للشفقة
أما المعارضة ضمن أخوية فهي في غالبها للإستعراض و التميز فقط ...
و بتمنى ما تهاجمني على رأيي بما أنك شخص تسعى للديمقراطية ، لأني ما بعرف إكذب أو كولك مشان هيك أنا ما جاملتك و قلت رأيي بصراحة.

بما أنك عم تطلب نشوف و نتعلم ليش أنتي كمان ما بتشوف و بتتعلم يعني التجارب السليمة اللي حكيت عنها (بما أنو مو الكل سليمة طبعا) ما فيها كبير و لا حتى الجمل و ما بيقصروا بالبابا و زعماء اليمين و اليسار بس ما حدا بيكبرها ، هي مشكلة شرقية نحنا عنا دائما شخصيات مقدسة أو شبه مقدسة و فهمنا للأمور ما زال بطريقة مثالية غير واقعية يعني نحنا منعتبر الأشخاص الرموز أشخاص إلهية منزهة لا يجب المساس بها و منفهم الواقع بطريقة مسطحة إما سالب أو موجب أبيض أو أسود يعني فهم غير واقعي لذلك نتعنت بالدفاع عن رموزنا و تشتعل حروب الداحس و الغبراء لاعتبارات غير ملموسة و غير جوهرية

هاهاااااا يا عيني عليك ...
طيب بدي إسألك سؤال و رجاءً تجاوبني ...
لو فرضنا إنك شخص ملحد و كنت مع مجموعة من أصدقاءك الملحدين و إنوجد بالصدفة شخص مؤمن بأيا ديانة كانت ، و قام واحد من أصدقاءك و بدون مبرر و من الباب للطاقة سب ربو للمؤمن شو بتقول؟
أنا بفترض إنك رح تنتقدو لصديقك "إذا كنت إنت شخص حضاري" غير عن إنو نظرتك لهالصديق رح تتزعزع.
هلأ يمكن أنا و إنت ما نكون مؤمنين و بقلبنا منسخر و منسخف من الديانات و المتدينين ، لكن ما بيجوز إنو نتعدى على مقدسات هدول الناس !!!
يعني لازم نراعي الحساسيات و النزعة الشرقية اللي حكيت إنت عنها، يا أما جيب شعب غير هالشعب !
و من هون الخطأ اللي إرتكبو البرنامج ، يعني بما إنو برنامج هزلي فالمفروض إنو يضحكنا لما بيتمسخر على شخصية معينة ، لكن السكيتش كان كتير تافه و سخيف وما بيضحك بالمرة !!!
لأنو سبق وقلتلك إنو الغاية ما كانت إضحاك المشاهد بل كسر جدار الجليد عن نصرالله.

الملخص يعني بشكرك على إطلاق صفة "ثورجي" عليي مع أنو بعرف أنو أنا ماني ثورجي و هادا شرف ما فيني ناله لأنو أنا شوي براغماتي و علماني مادي ..

هلأ أنا مو عم إتغزل فيك ... بس هيك الصورة اللي حسيتك بتحب تقدم حالك فيها
و من هون أنا عم إحترم توجهك و إحترمك بالتالي لما بوصفك بهالصفة
بعدين ما بشوف مشكلة إنو يكون الواحد ذو تفكير ثوري وبراغماتي بنفس الوقت وإن كان زمن الثورات قد ولى و هلأ صارت الثورات بالعصر الحديث بقالب جديد يتعلق و بشكل أساسي برضى البيت الأبيض أو عدمه على نظام الحكم في دولة معينة ، و إنتخابات أميريكا الجنوبية و تقلباتها و إنقلاباتها أفضل دليل على هالشي

بس بدي قلك شغلة إذا في شغلة أو فكرة باعتبرها هم شخصي و هدف مهم ألي على المستوى الوطني فهو الدفاع عن التعددية إن كانت سياسية اجتماعية ثقافية إثنية دينية او أي شكل من أشكال التعددية يعني هادا موضوع مختلف عن الموضوع الحالي ما بتمنى يحرق النقاش بس من باب الملاحظة يعني

بتوقع إننا متفقين هون و بس .

[Danito]

[quote=fady juventus]

أول شي شكراً على ردك وإن كان بيحمل شو من الحدية ببعض النقاط يمكن ناتجة عن سوء فهم أو رغبة بسوء الفهم [/quote]

و شكرا ألك بس أنا قلتلك و بكل أخوية، هلق بدي أرجع قلك أنا ماني مدايق منك أبدا و لا من الحكي اللي حكيتو أبدا بالعكس مبسوط أنو عم نتناقش نقاش بناء
هلق أنا بحب أتطلع على التفاصيل الصغيرة بس كمان بحب شوف الصورة الكبيرة
اسمحلي ناقش بعض الأفكار بعدين أرجع للموضوع الأساسي من شان ما نشط كتير عن الموضوع الأصلي

لا داني هيك غيرت المعنى تماماً ، وطالعتني كأني عم قلك بتحب النظام = علاقة غرامية
ما تخليني دقق عالألفاظ مشان ما تكمشني عالحرف ، إنت لما بتقول تحيا سوريا بيكون في عاطفة عم تعيشا بشي من الحب أو الفخر أو الشمم ومدري شو ...
و مو معناتا إنك مغرم بسوريا و بتتمنى تقضي شي ليلة شاعرية معها !!!

يعني أنا حكيتها بالحرف أنو ما بكره النظام و ما بستعمل عواطف الحب لأنو قضية سياسية ما فيها عواطف من قبيل الحب و الكره يعني لأنو أنا أحيانا ما بحب أو بكره شخص لأنو ما بيعجبني أو ما بينزلي على معدة بس هادا ما بيعني أنو هالشخص مو مليح.. يعني قضية شخصية بتخصني، و لذلك اعترضت على استعمال كلمة بتكره النظام و وضحتلك أنو ما هادا اسلوب تفكيري و تحليلي لقضية حسن نصرالله و علاقته مع الحكومة (و على فكرة أنا مع دعم حزب الله من سوريا للعظم مع تمنياتي أنو ما يتم اساءة استخدام العلاقة) و كمان بردي قلتلك أنا بحب سوريا لأنو وطني و الوطن بيحمل عواطف و أكتر حتى ابناء وطني بمن فيهم "النظام" كمواطنيني أنا بتعاطف معهم و روحي فداهم بس كمواطنين مو كرموز حكم تعسفي

هلأ هون إنت عم تناقض حالك و أخطأت للمرة التالتة
إنت كشخض مثقف و عندك رؤية سياسية حضارية مفروض تكون ديمقراطية ... ما إلك حق أبداً تعترض على نظام الحكم بإيران ياللي منتخب ديمقراطياً !!!
كان ممكن تقول "ما بيعجبني نظام الحكم لكن بحترم خيار الشعب الإيراني " ... مثلاً
هلأ بدك تقلي مجلس الشورى وآية الله العظمى ... أوكي إلن نفوذ غير ديمقراطي لكن لما بتشوف الشعب الإيراني عم يسجل نسبة تصويت تبلغ 70% فهاد يعني إنو هالنسبة عالأقل راضية عن هالتركيبة الحاكمة .

هلق باختصار أنا ما اتهمت الإيرانيين بديمقراطيتهم و لا قلت بدي سقط نظامهم بالحرف الواحد قلت "ما بيعجبني نظام الحكم" لأنو "ديني" و حددت لاحقا بمجال الرأي بس بالنهاية أنا ما عم قيم النظام و لا قللت من أهمية الديمقراطية بأيران.. ما بعرف ليش شفت رأيي خارج حدود الرؤية السياسية الحضارية؟ على كل حال هادا كان بس من باب التوضيح مرة ثانية لنظرتي للسياسة الخارجية و عدم خلط المفاهيم

صدقني داني أنا ما بقصد إهانة فيها ولا خطر ببالي حدا
ما في داعي للتشنج أبداً لأني أنا و إنت بالنهاية خسرانين من تحويل النقاش لنقد متبادل.

والله مصدقك أنا صحي كنت مباشر بس يعني قلتلك بالبداية بكل أخوية و حتى لما قلتها ما كان قصدي الإهانة هلق توقعت تستفزك بس أنا حاولت وضح من البداية ، و بدون زعل برجع بقلك ، بعتقد أنو لازم تفصل شوي بين الأمور و تقرا كلامي بهدوء لأنو كثير بحاول استخدم كلمات محددة

ما بعرف ليش حسيت إنت بإهانة من كلمة "رفقاتك"؟؟؟ صدقني أنا بكل نية صافية كتبتها ...
أما ليش "معارضين" يعني بين قوسين ...
لأني و بكل صراحة لهلأ ما شفت سوري يستحق هذا الشرف "من دون زعل و بكل حب"
الأشخاص اللي عم يدعوا إنن معارضة بالخارج سقطوا والكل بيعرف ليش ...
أما المعارضة الداخلية فهيي "فايتة بستين حيط" و بتحرق القلب و مثيرة للشفقة
أما المعارضة ضمن أخوية فهي في غالبها للإستعراض و التميز فقط ...
و بتمنى ما تهاجمني على رأيي بما أنك شخص تسعى للديمقراطية ، لأني ما بعرف إكذب أو كولك مشان هيك أنا ما جاملتك و قلت رأيي بصراحة.

ليش لهاجمك على رأيك أبدا؟ هلق ممكن ننتاقش أنقدك و تنقدني و ننقد طرق التفكير و المعالجة بس هذا لا يفسد للود قضية و على كل موضوع المعارضة مو هون مكانه و أنا ما اعترضت على وصفي بالمعارضة بس أنا برجع و بقلك ما برتقي لمستوى معارضة أنا مجرد مواطن من هالبلد عم يحاول يحكي رأيه مثلي مثل كثيريرن بأخوية و غيرها ما بيعني أنو رأيي مقدس و صح و لا بيعني أني بمثل تيار سياسي أو اجتماعي منظم و لكن ربما بتفق مع كثير عالم، الفكرة أنو رأي بيدخل بخانة المعارضة بعرف بس هي الكلمة بالأصل صارت مشوهة لما بتستخدمها بالسياق السوري و صار بدها إعادة تعريف و و على كل هادا موضوع تاني يمكن نكملة بموضوع "نقاش" تبع صياد الطيور

هلأ أنا مو عم إتغزل فيك ... بس هيك الصورة اللي حسيتك بتحب تقدم حالك فيها

و من هون أنا عم إحترم توجهك و إحترمك بالتالي لما بوصفك بهالصفة

أنا شكرتك و بصراحة لاحظت أنو أنا عم برسم حالي بهالصورة اللي هي جدية و شوي مملة .. ما انبسطت كتير لسببين: أنا ما بعتبر حالي "استاذ فهمان" اللي قاري و معبا فكر و فلسفة بالعكس تماما، و ثانيا شخصيا أنا كثير هزلي و على سبيل المثال لا الحصر بالحفلات أنا شاليش يعني هي الصورة مانا حقيقية بالمرة ، هلق هي مو بمعنى أني بوشين و بشخصيتين بس الفكرة و ما فيها أنو أنا أخوية أكثر ما بيجذبني فيها هي المنبر الحر و رغبتي في المشاركة في حوار فعال و خاصة بمواضيع الحرية الشخصية و السياسية و حقوق المرأة و القومية و كل المواضيع الحساسة اللي بتحتاج لجدية و هدوء بس أنا مو مقطب الجبين عريض المنكعين ..

بس بصراحة
بعدين ما بشوف مشكلة إنو يكون الواحد ذو تفكير ثوري وبراغماتي بنفس الوقت وإن كان زمن الثورات قد ولى و هلأ صارت الثورات بالعصر الحديث بقالب جديد يتعلق و بشكل أساسي برضى البيت الأبيض أو عدمه على نظام الحكم في دولة معينة ، و إنتخابات أميريكا الجنوبية و تقلباتها و إنقلاباتها أفضل دليل على هالشي

هون نقرتني على الوتر الحساس جدا : برغماتي أي بسمو معناتا أنو ما في مبادئ و ما في قيم .. و البيت الأبيض هادا على قائمتي الأشد سوادا بدك تذكر أني "قومي سوري" الهوى يعني مو عالوضع الحالي بس على ما تورثته الأجيال من قصص الخمسينات و البيت الأبيض هادا الأب الحاضن للصهيونية العفنة .. الخ ماني عم اطلب رضى حدا أو عم حاول ابتعد عن "مواطن الشبهة"
بالعكس بقلك ياها أنا مع السلام و ماني ضد بناء علاقات دبلوماسية جيدة مع الأميركان بس مو يعني بيع أرض و أوطان و عمالة لا بس نظرة وطنية متكاملة و إنسانية مع شوية برغماتية (نفعية) للمصلحة الجمعية يعني و شوي من هي الكلمات الكبيرة

بتوقع إننا متفقين هون و بس .

بعتقد متفقين بأكثر من هون و اتفاقنا على هي النقطة بالذات (قبول التعددية) هو المفتاح

هاد كلام ما عاد ينفع بالقرن ال 21
هاد لأيام الثورات بمنتصف القرن الماضي
طيب ماشي ... ليش ما بتقول إنو اللي صار هوي رد فعل من الجماهير على إساءة لفكر المقاومة من قبل البرنامج ؟؟؟
بعتقد أنو فهمت وجهة نظرك أنو اللي صار أكثر من عرض فكاهي و أنو صار كسر لقاعدة ضمنية بعدم المساس بحسن نصرالله
هاهاااااا يا عيني عليك ...
طيب بدي إسألك سؤال و رجاءً تجاوبني ...
لو فرضنا إنك شخص ملحد و كنت مع مجموعة من أصدقاءك الملحدين و إنوجد بالصدفة شخص مؤمن بأيا ديانة كانت ، و قام واحد من أصدقاءك و بدون مبرر و من الباب للطاقة سب ربو للمؤمن شو بتقول؟
أنا بفترض إنك رح تنتقدو لصديقك "إذا كنت إنت شخص حضاري" غير عن إنو نظرتك لهالصديق رح تتزعزع.
هلأ يمكن أنا و إنت ما نكون مؤمنين و بقلبنا منسخر و منسخف من الديانات و المتدينين ، لكن ما بيجوز إنو نتعدى على مقدسات هدول الناس !!!
يعني لازم نراعي الحساسيات و النزعة الشرقية اللي حكيت إنت عنها، يا أما جيب شعب غير هالشعب !
و من هون الخطأ اللي إرتكبو البرنامج ، يعني بما إنو برنامج هزلي فالمفروض إنو يضحكنا لما بيتمسخر على شخصية معينة ، لكن السكيتش كان كتير تافه و سخيف وما بيضحك بالمرة !!!
لأنو سبق وقلتلك إنو الغاية ما كانت إضحاك المشاهد بل كسر جدار الجليد عن نصرالله.
برنامج تلفزيوني سخيف و موجَّه

هلق منرجع للموضوع الأصلي أنا باعتقد فهمت وجهة نظرك أنا ماني ضدها و بعتقد أنو حساسية الموضوع بتجي من الدورين اللي بيلعبهم نصرالله كونه مرجعية سياسية و مرجعية دينية بس أنا كمان بدي أكد أنو حسن نصرالله بالنهاية قائد سياسي لأنو أعلى مرجعية إذا ماني غلطان لشيعة لبنان كان محمد مهدي شمس الدين و بجميع الأحوال الوضع اللبناني معقد و تداخل السياسة بالطوائف أكثر تعقيدا ، المهم أنا حبيت قول من البداية أنو الديمقراطية و الحرية مثل ما أنتي كررتللي أكثر من مرة أنو ما بالضرورة تنتج أراء منتفق معها و يمكن تكون مزعجة جدا لألنا
بس هي القدسية بتبلش من الموقع الديني للشخص و بتداخل مع موقعه السياسي و بتمتد لتغطي الحزب و أعضاءه و مناصريه و و و بالنهاية بيصير في ناس عليها علامة فارقة غير قابلين للمساس بنقد موضوعي أو غير موضوعي و منرجع من محل ما بلشنا

باعتذر أنو مشاركتي كانت طويلة خارج الموضوع و مقتضبة بالموضوع بس بتمنى انوا كون وصلت فكرتي
و شكرا اللك على الحوار الجميل

[me2]

يحرق حريشك ......يا دانيتو شمعون .

[Danito]

كاتب النص الأصلي : me2

يحرق حريشك ......يا دانيتو شمعون .

اي أنا دانيتو شمعون

الوطن في محل لشمعون و مرمطون و زحفطون بس المشكلة بالمعفطون و فهمكون كفايتون (الأخيرة للضرورة الشعرية)

[fady juventus]

كاتب النص الأصلي : Danito

موضوع المعارضة مو هون مكانه و أنا ما اعترضت على وصفي بالمعارضة بس أنا برجع و بقلك ما برتقي لمستوى معارضة أنا مجرد مواطن من هالبلد عم يحاول يحكي رأيه مثلي مثل كثيريرن بأخوية و غيرها ما بيعني أنو رأيي مقدس و صح و لا بيعني أني بمثل تيار سياسي أو اجتماعي منظم و لكن ربما بتفق مع كثير عالم، الفكرة أنو رأي بيدخل بخانة المعارضة بعرف بس هي الكلمة بالأصل صارت مشوهة لما بتستخدمها بالسياق السوري و صار بدها إعادة تعريف و و على كل هادا موضوع تاني يمكن نكملة بموضوع "نقاش" تبع صياد الطيور

أنا من كذا شهر كنت عم فكر بفتح موضوع خاص للحوار الوطني "باعتبار إنو دارجة موضة الحوار الوطني بهالكام يوم" و الحوار لازم يكون راقي و ذو مستوى يليق بجيل مفروض يكون متحضر واللي هوي جيلنا أنا وإنت و باقي الشباب
و لازم نبتعد عن منطق التخوين من جهة وعن منطق المرمطون و الزحفطون من جهة تانية
لأنو مفروض يكون الحوار ساحة للتفاوض و طرح الأفكار بشكل راقي و ليس ساحة لتكرار الإتهامات المتبادلة متل كل مرة ...
هلأ أنا بطلب منك "بعد إذنك إنك تكتب الموضوع إنت ... حددلنا فيه إطار للنقاش، أما ليش مو بنفس الموضوع "نقاش" ؟ لأنو كان يطرح سؤال محدد عن بديل للرئيس ، ونحنا بدنا نناقش الحالة السورية بكل جوانبهاالسياسية والإجتماعية و الثقافية و الإقتصادية و الأمنية .
يعني أنا معترض عالبلد و اللي عم يصير فيه من الألف للياء لكن ما فكرت شي مرة إنو إستقالة بشار الأسد هيي الحل لكل مشاكلنا !!!
أنا مثلاً عندي أولويات قبل الديمقراطية ، بينما إنت ممكن تكون مقتنع إنو الديمقراطية هيي الحل لكل المشاكل ...

هون نقرتني على الوتر الحساس جدا : برغماتي أي بس مو معناتا أنو ما في مبادئ و ما في قيم .. و البيت الأبيض هادا على قائمتي الأشد سوادا بدك تذكر أني "قومي سوري" الهوى يعني مو عالوضع الحالي بس على ما تورثته الأجيال من قصص الخمسينات و البيت الأبيض هادا الأب الحاضن للصهيونية العفنة .. الخ ماني عم اطلب رضى حدا أو عم حاول ابتعد عن "مواطن الشبهة"
بالعكس بقلك ياها أنا مع السلام و ماني ضد بناء علاقات دبلوماسية جيدة مع الأميركان بس مو يعني بيع أرض و أوطان و عمالة لا بس

إي يلعن سماك يا زلمة هلكتني و ما كنت إلقط وترك الحساس
أنا مقتنع إنو ما في مواطن سوري و شريف ممكن يكون غير مؤمن بهالمبادىء الأولية البسيطة
مشان هيك بتوقع إنو الخلاف بين أشد موالي و أكبر معارض ممكن ينحل بالنقاش
المفروض الخلاف بين الطرفين يكون خلاف أسلوب ... هيك بتوقع

نظرة وطنية متكاملة و إنسانية مع شوية برغماتية (نفعية) للمصلحة الجمعية يعني و شوي من هي الكلمات الكبيرة

كيف الجو عندكن ؟؟ شوب مو ؟شوب

بعتقد أنو حساسية الموضوع بتجي من الدورين اللي بيلعبهم نصرالله كونه مرجعية سياسية و مرجعية دينية بس أنا كمان بدي أكد أنو حسن نصرالله بالنهاية قائد سياسي لأنو أعلى مرجعية إذا ماني غلطان لشيعة لبنان كان محمد مهدي شمس الدين و بجميع الأحوال الوضع اللبناني معقد و تداخل السياسة بالطوائف أكثر تعقيدا ، المهم أنا حبيت قول من البداية أنو الديمقراطية و الحرية مثل ما أنتي كررتللي أكثر من مرة أنو ما بالضرورة تنتج أراء منتفق معها و يمكن تكون مزعجة جدا لألنا
بس هي القدسية بتبلش من الموقع الديني للشخص و بتداخل مع موقعه السياسي و بتمتد لتغطي الحزب و أعضاءه و مناصريه و و و بالنهاية بيصير في ناس عليها علامة فارقة غير قابلين للمساس بنقد موضوعي أو غير موضوعي و منرجع من محل ما بلشنا

طبعاً هاد الكلام متفقين عليه ، و نحنا عم نعبر عن مدى وعينا من خلال مدى مراعاة الحساسيات اللي حكينا عنها ، يعني الإدارة الأميركية "الماكرة" بتعرف كيف تعامل الدول ذات التوجه الإسلامي و الشيوعي و الإشتراكي و المحافظ و العنصري في سبيل مصلحتها القومية ، طيب ليش نحنا ما منتعلم شوية مكر ؟؟؟ وين الغلط ؟؟ الغلط هوي الإستفزاز بلا طعمة بمرحلة دقيقة وحساسة ...
مشان هيك بكرر رأيي بإنو الحادثة كانت خدمة لهدف مو أكتر .

باعتذر أنو مشاركتي كانت طويلة خارج الموضوع و مقتضبة بالموضوع بس بتمنى انوا كون وصلت فكرتي
و شكرا اللك على الحوار الجميل

يمكن الموضوع إنتهى و الحكي فيه رح يصير مكرر
لكن في حكي كتير و مهم كتير لازم نكمله أنا و إنت وباقي الشباب بالموضوع اللي بتمنى إنك تنزلو و بتمنى إنك ما تتأخر و أنا جاهز للمساعدة
و شكراً لحوارك الأجمل

[Danito]

كاتب النص الأصلي : fady juventus

بنفس الموضوع "نقاش" ؟ لأنو كان يطرح سؤال محدد عن بديل للرئيس ، ونحنا بدنا نناقش الحالة السورية بكل جوانبهاالسياسية والإجتماعية و الثقافية و الإقتصادية و الأمنية .

بهادا الموضوع بموضوع جديد ولا يهمك بس بصراحة أنا ما خرج افتح الموضوع اصلا بجوز غطلي اسبوعين زمان أو أكثر ظروفي مو واضحة حاليا.. بس البركة فيك و بالشباب بتكفو و بتوفو

أنا مثلاً عندي أولويات قبل الديمقراطية ، بينما إنت ممكن تكون مقتنع إنو الديمقراطية هيي الحل لكل المشاكل ...

يعني كل شي أولوية .. الأولوية هي للعمل على جميع المحاور بعني بس خلينا نعمل بشكل طبيعي و نحاول بطرق منطقية.. خلي التتمة للنقاش إذا انفتح

إي يلعن سماك يا زلمة هلكتني و ما كنت إلقط وترك الحساس

أنا بصراحة الوتر الخامس و الوتر تسعو تحسين و أربعوسماعين كثير حساسين عندي
أول عشرطعشر وتر هدول .......... حشاشين

بتوقع إنو الخلاف بين أشد موالي و أكبر معارض ممكن ينحل بالنقاش
المفروض الخلاف بين الطرفين يكون خلاف أسلوب ... هيك بتوقع

تماما الأسلوب مختلف بس الحوار بشكل عام مفيد و التواصل بيغطي الفجوات و أهم شي هو فهمنا لبعض ما رح يأدي أنو نتفق على كثير شغلات لكن هو مهم ليخلينا أكثر تجانس (مو بالرأي بالضرورة) و ليفصل الخلاف عن الود

يمكن الموضوع إنتهى و الحكي فيه رح يصير مكرر
لكن في حكي كتير و مهم كتير لازم نكمله أنا و إنت وباقي الشباب بالموضوع اللي بتمنى إنك تنزلو و بتمنى إنك ما تتأخر و أنا جاهز للمساعدة
و شكراً لحوارك الأجمل

قولتك الموضوع اشبع بس ما بيمنع نتناقش بالفكرة بمجال ثاني

[سعيد_محمد]

لعنه الله عليه هذا الشيعي اللعين لعنه الله وعلي كل الشيعه الذين يبغضون الخليفه الاول ابو بكر الصديق وامير المؤمنين عمر بن الخطاب والذين هم يتهمون امنا عائشه ام المؤمنين بالزني لعنه الله عليه وعلي امثاله من الشيعه

[Danito]

كاتب النص الأصلي : سعيد_محمد

لعنه الله عليه هذا الشيعي اللعين لعنه الله وعلي كل الشيعه الذين يبغضون الخليفه الاول ابو بكر الصديق وامير المؤمنين عمر بن الخطاب والذين هم يتهمون امنا عائشه ام المؤمنين بالزني لعنه الله عليه وعلي امثاله من الشيعه

لعنة الله على الطائفية البغيضة رائحتها من رائحة الجيف العفنة المتفسخة
لا تدعها تعبث بعقلك و روحك

فلسطين الجريحة لا يكفكف جراحها شخص يتكلم بهذا الكلام

[butterfly]

كاتب النص الأصلي : Danito

لعنة الله على الطائفية البغيضة رائحتها من رائحة الجيف العفنة المتفسخة
لا تدعها تعبث بعقلك و روحك

فلسطين الجريحة لا يكفكف جراحها شخص يتكلم بهذا الكلام

[fady juventus]

كاتب النص الأصلي : سعيد_محمد

لعنه الله عليه هذا الشيعي اللعين لعنه الله وعلي كل الشيعه الذين يبغضون الخليفه الاول ابو بكر الصديق وامير المؤمنين عمر بن الخطاب والذين هم يتهمون امنا عائشه ام المؤمنين بالزني لعنه الله عليه وعلي امثاله من الشيعه

ما في كلام بعد داني بس بحب ضيف عليه طلب صغير
يا ريت تصفي قلبك تجاه أخوك الشيعي و توجه حقدك لجلادك الإسرائيلي بيكون أحسن و أنفع

[رماح]

كاتب النص الأصلي : سعيد_محمد

لعنه الله عليه هذا الشيعي اللعين لعنه الله وعلي كل الشيعه الذين يبغضون الخليفه الاول ابو بكر الصديق وامير المؤمنين عمر بن الخطاب والذين هم يتهمون امنا عائشه ام المؤمنين بالزني لعنه الله عليه وعلي امثاله من الشيعه

لعنة الله على المتعفنين البالين القابعين في سراديب الأولين. عقبال ما تاكلكن الجرادين
ولك اي من وين بدكن تصيرو بشر وترفعو اسم دينكم اللي كل مانكم عم تهبطو
بشرفي بعد ما سمعت خطاب الشيخ نصرالله بعيد التحرير قلت رح يجي ابو خنزير هيدا اللي مات ويبوس اجريه لنصرالله ويعتذر. وانو ترجعو تتوحدو وتحكمو العالم

بس دنب الكلب ما بيجلس.. والعقول الزبالة ما بتروح ريحتها. وانتو سايرين بالعالم نحو الخراب
اهلين عائشة وميتة وخطّاب وزوّاج وصديق وزنديق روح التفت لحياتك حاجي عايش بالجاهلية بشرفي بس ناقصك خيمة

[Danito]

كاتب النص الأصلي : butterfly

كاتب النص الأصلي : fady juventus

ما في كلام بعد داني بس بحب ضيف عليه طلب صغير
يا ريت تصفي قلبك تجاه أخوك الشيعي و توجه حقدك لجلادك الإسرائيلي بيكون أحسن و أنفع

على راسي الصبايا و الشباب