هذه الرسالة الى من نودهم ونحترمهم: الشعب السوري.

[عاشق من فلسطين]

هذه الرسالة الى من نودهم ونحترمهم: الشعب السوري.

رسالة الى الذين نحبهم: محمد الماغوط، أدونيس، عمر اميرالاي، منى الاتاسي، اسامة محمد، محمد ملص، سمير ذكرى، زكريا تامر، رياض الريس، صبحي حديدي، لقمان ديركي، عابد اسماعيل، منذر مصري، صادق جلال العظم، تركي علي الربيعو، عمر كوش، بسام كوسا، ناظم مهنا، صالح علماني، اسامة اسبر، اكرم قطريب، محمد دريوس، حنان قصاب حسن، بندر عبد الحميد، علي الجندي، يوسف عبدلكي، ابرهيم صموئيل، فرج بيرقدار، عادل محمود، نزيه أبو عفش، حازم العظمة، حكم البابا، خليل صويلح، غسان مسعود، شوقي بغدادي.

والى كل الذين سهونا عن ذكرهم.

نحن اصدقاؤكم، زملاؤكم. نتذكركم الآن جميعاً، واشتقنا الى أصواتكم. اشتقنا الى الامسيات الدمشقية والسهرات البيروتية معاً.

نطمئنكم اننا بخير ونود ان نخبركم اننا متفائلون. فما يحصل في لبنان لن يكون الا لخير اهل لبنان وأهل سوريا. ونعلمكم اننا نسعى الى وقف تاريخ الترهيب والتنكيل والخوف.

نؤكد لكم اننا نريد استقلالاً عن سوريا لا قطيعةً مع شعبها. نريد الكرامة للبنانيين لا إذلال الآخرين. نريد الديموقراطية لنا ولكم.

يا اصدقاءنا: نريد عملاً للشغّيل السوري من دون ان تسرقه المافيا "المشتركة". نحلم بتبادل عظيم بين التاجر السوري والتاجر اللبناني من دون خوّة او جزية. نتمنى استثمارات رجل الاعمال السوري وشريكه اللبناني في البلدين من دون رشوة ولا مصادرة. نحلم بتكامل مصالح وعلاقات من دون فساد ولا نهب.

نؤمن بأنكم تشاطروننا طموحاتنا وتطلعاتنا في الحرية والرفاهية والسلام بلا ارهاب ولا استبداد.

زملاءنا وعشرة عمرنا: نريد القارئ السوري للصحافة اللبنانية، نريد الكتاب السوري في بيروت. نريد أكثر الكاتب السوري والممثل السوري والرسام السوري والمفكر السوري في بيروت... من دون رقابة ولا زجر ولا خوف.

نريد صوت فيروز لنستيقظ معاً كل صباح في دمشق وفي بيروت. بل نريد الذاكرة الواحدة مع نزار قباني ويوسف الخال وسعد الله ونوس وفاتح المدرس وانطون مقدسي وممدوح عدوان.

لكن ايضاً نود حدوداً (محترمة جداً) للعبور. نعم، للعبور من دون حواجز ولا مخافر. نريد حوارات في مقهى برازيليا وفي مقهى الويمبي من دون تنصت ولا جزع.

نطمئنكم: اللبنانيون الآن يسعون الى انجاز سيادتهم على ارضهم ومقدّراتهم ودولتهم ومستقبلهم. ونؤمن ان ذلك لن يقوم على عداوة مع أحد.

نؤمن بأن أي عنصرية تظهر هنا او هناك هي عار على اللبنانيين. ونحن ينتابنا الخجل امامكم وامام انفسنا إن سمعتم ان رعاعاً قد تعرّضوا لمواطن سوري في لبنان او شتموا عاملاًً سورياً.

نؤمن بأن لبنان الحر هو الجار الذي سيصير أخاً من دون قسر ايديولوجي ولا وصاية سياسية ولا هيمنة عسكرية.

نؤكد لكم ان فكرة لبنان تموت إن استبدت به كراهية الغير.

نؤمن بأنكم تحبون بيروت وتحبوننا ولا يسعنا سوى مبادلتكم خالص الحب .



ملحق النهار الثقافي

[minime1967]

والله شوية تأخر الموضوع .. وعيي أولا .

أما ثانيا : فالسوريين مو تعرضو لأهانة وحركشة علناعم , السوريين تعرضو وعم يتعرضو للقتل . طبعا في سوريين ترازلو بلبنان وطبعا بسورية , بس مو اللي انقتلوا يا سعادة مفتي الطائفة الهقرابوخغقببثيةتالبة السيد جبران التوييني.

[عاشق من فلسطين]

والله شوية تأخر الموضوع .. وعيي أولا .

ان تصل متأخرا" خير من أن لا تصل .. واذا بدك تضل هيك على مواقفك السلبية ... بدي أزعل منك .. شبك يا رجل .. لك شوبك .. طول بالك .. ورجاع للمعركة .. لا تنهزم ... بعرف أنك تعذبت .. وبعرف أنك التعن دينك .. والله كلنا متلك .. ومافي واحد عم يطلب بالحرية أو عم يحاول يعيشها رغما" عن الديكتاتوريات .. الا ملتعن دينو .. بس كمان لا زم تتذكر انو في عالم صرلها عشرين سنة بالسجن .. ولهلا عم تناضل وهي بالسجن .. شوبنا ولو .. اصحى ..

لك أحلى رفيق ..

[minime1967]

بعدين ولك حبيبي ليش الأذى ؟ هلي كتبت أساميهم كلون رح بيزو بيت خالتون , وتفضل يا حضرة المحترم وخلصون.

بعدين بحب طمنو لحضرتو :

أولا السوريين تبع فندق الشام, اللي بيقرم النهار , رح يضلو يقروها. والا ما بيصيرو "مثقفيين"

تانيا السوريين اللي مشغلين كازينو لبنان, رح يضلوا يروحو.

تالتا السوريين اللي مفطومين عسوبر ماركت الغزالي , رح يضلو يسلخو من عندو معلبات.

رابعا السوريين اللي الله مابيعرف من وين ملايينون , كما مارح يسترجو يسحبو مصاربون من بنوك لبنان.

خامسا السوريين اللي بيحبو بلدون ون زمان "بسلامة راسك" يا هاجرو يا ماتو يا طقو.

فطمن بالك ولاتضيع وقتك فينا, ركز عغيرنا , بلكي تربايتك بتصير عأيد شباب الضاحية.

[عاشق من فلسطين]

بحب قلك أنو السوريين اللي بيحبوا سوريا ولبنان والعروبة .. رح يضلو يحبوها لو ماتو مشان هالشي ..
والسورييين اللي متلك (وطنيين وتعذبوا كتير) مهما حاولو يطلعو برا قدرون أنو يفنوا حياتون مشان هالبلد ..
بقى اصحى وحاج تخويت .. وحاج كذب على حالك .. ما فيك تطلع برى النضال .. مهما حاولت لأنو هادا الطريق بس فتت فيه ما عاد تقدر تطلع ..

خامسا السوريين اللي بيحبو بلدون ون زمان "بسلامة راسك" يا هاجرو يا ماتو يا طقو.

يا اما لسعتهون عم يناضلو .. ولو بالسجن ..

فطمن بالك ولاتضيع وقتك فينا, ركز عغيرنا , بلكي تربايتك بتصير عأيد شباب الضاحية.

شباب الضاحية مانهون أرجل من شباب مخابرات المزة .. يعني ما راح يطلع بأيدهون شي معي .. ولو عملو غسل دماغ لأنو هالشي بيجري بالدم ..

[minime1967]

بالله عليك تتركني ولاتقلي طول باللك . بتعرف ليش ؟ مابتعرف .. طيب رح قلك .

كل ما بتقلي طول بالك , بتذكرني بأنو وين بالي ياترى , وبقعد بدور على هالديوث وبتذكر بشو والى بشو صرفتو.

انا بعرف سبب اهتمامك, وانا بشرفني انو في ناس متلك, بس بالنسبة لحضرتنا , الموضوع منتهي , شوف شلون :


أولا شيوعيا : لازم "للعمال أنو يتحدو" أو لازم "من كل ما يستطيع ولكل ما يلزم" مو ؟ اي لافي عمال ولا من يحزنزن

ولافي ما يستطيع ولا مايلزم.

ثانيا: اسلاميا "لا يغير الله في قوم حتى يغيرو مافي أنفسهم" طبعا الله مهذب ما رضي يقوا أنفسهم الحقيرة أو البنت ستين ألف كلب. بما أنو نحنا مقررين أنو نحنا أحسن شي "اذا مو مصدق تفرج عبرنامج مع الفلاحيين" اي ليش لن نغير ؟

تلاتا : مسيحيا : "اعطنا خبزنا كفاف يومنا" وين هالحكي ؟ بالهونولولو ؟ يأما خبزنا وخبز غيرنا لمدة ستالاف قرن ميلادي أو ولا شي ؟

[minime1967]

اللي بيدافع عن وطنو متل اللي بيقاتل لينهب و يسرق ؟؟؟شو جاب الضاحية للمزة ؟ زعلت منك , أصلا ما ضل غيرك بهلوطن ماني زعلان منو.

[minime1967]

ولك يا غالي يا عاشق : لايكون قصدك ضاحية حرستا ؟ ترى آني كصدي الضاحية الجنوبية ببيروت.

[عاشق من فلسطين]

ابو شريك انا ماني شيوعي وماني مسلم وماني مسيحي .. أنا ملحد سوري انساني ..
يعني سورية بلدي .. وأنت أخي ورفيقي .. وكل سوري شريف (لو كان ساكت) هوي أخي ورفيقي ..

اللي بيدافع عن وطنو متل اللي بيقاتل لينهب و يسرق ؟؟؟شو جاب الضاحية للمزة ؟ زعلت منك , أصلا ما ضل غيرك بهلوطن ماني زعلان منو.

لك على راسي يا غالي ..بس بتعرف شغلة .. أنت انتبهت على حالك شو قلت أنت قلت ما ضل غيرك بهالوطن ماني زعلان منو .. يعني لو أنك يأسان كنت قلت .. ما ضل غيرك بهالوطن ماني كرهانو .. يعني لسعتك .. وطني ومناضل .. بقى انفوض غبار النوم عنك ..
وخلينا نفرح برجعتك ..

[minime1967]

يحبيبي يا عاشق : أولا كلمة "نفوض" بتذكرني بغير نفضة , مما يؤدي الى انو بدني انتفض .

ثانيا انا والله بحب هالدنيا كلها ومارح صغر راسي وعل قولة الشباب بواشنطن sky is the limit