احذر!!!!!!!

[جينو]

احذر
هو انذاري الأخير
فبعد اليوم لن أسمح........ أن تفضح عيوني مشاعري
و لن أقبل....... أن تقتل حلمي الشاعري
احذر..... فهذا القلب بعد اليوم لن يصفح

بعد اليوم.....
لن أكون ذلك الأليف الذي تجده عندما تناديه
و يبتسم لك رغم اشتعال مآسيه
انتهى عصرك و ماتت أمانيه

بعد اليوم....سترى
كيف يدور الكون على دخان
كيف سينتصر الحق و تندحر الأحزان
بعد اليوم ........سترى
كيف ستهاجمك قوة الأشجان

[yass]

مين هادا اللي زعلك؟؟؟ بس قوليلي مين هوي عشان اروح اصرخ عليه
لأ عن جد حلوة كتير شريكة, 100% مشاعر

[جينو]

خجلتني شريك يمكن حلوة لأنها طالعة من القلب بس المكسور

[yass]

باطل!!!!!!!!!!!لا عاش مين كسرو... هي أكيد مزح.. أكيد هي انتي اللي نازلة كسر بقلوب الشباب المساكين, وهلأ جاية تعملي حالك مسكينة!!!!! جينو جينو... أكيد كل جلطات القلب هالأيام بسببك..وللا غلطان؟؟

[SABE]

حلوييييي .... بس معصبي شوي زيادي .. روقي يا شيخة... ما في شي بيستاهل ...

[SABE]

حلوييييي .... بس معصبي شوي زيادي .. روقي يا شيخة... ما في شي بيستاهل ...

[جينو]

كاتب النص الأصلي : yass

باطل!!!!!!!!!!!لا عاش مين كسرو... هي أكيد مزح.. أكيد هي انتي اللي نازلة كسر بقلوب الشباب المساكين, وهلأ جاية تعملي حالك مسكينة!!!!! جينو جينو... أكيد كل جلطات القلب هالأيام بسببك..وللا غلطان؟؟

الله يخليلي إياك يا شريك رفعت معنوياتي

[NEDAL-S]

كتير حلوة

مين هادا اللي زعلك؟؟؟ بس قوليلي مين هوي عشان اروح اصرخ عليه
لأ عن جد حلوة كتير شريكة, 100% مشاعر

شايف نفعت الحكاي معك وعم تستخدما كتير

[Geeny]

حلوة يا جينو و الأحلى أنو اسمك مشتق من اسمي جيني :P

[جينو]

كاتب النص الأصلي : Geeny

حلوة يا جينو و الأحلى أنو اسمك مشتق من اسمي جيني :P

هلق بالعادة يا جيني أنا لما بيقولولي اسمك مشتق من الجنان( بما إنو اسمي جين) بقول فشر!!! الجنان مشتق من اسمي :P

[yass]

كاتب النص الأصلي : NEDAL-S

كتير حلوة

شايف نفعت الحكاي معك وعم تستخدما كتير

خايف شي يوم تبطل تنفع الشغلة و ساعتها باكل هوا

[جينو]

كاتب النص الأصلي : saeed

حلوييييي .... بس معصبي شوي زيادي .. روقي يا شيخة... ما في شي بيستاهل ...

القصة ما قصة تعصيب يا أخ سعيد بس الواحد لما بيحس إنو اللي معو عم يستغل طيبة قلبو و كل ما عطاه بيصير بدو أكتر هيك بيصير فيه!!!

يعني الواحد او الوحدة بالأحرى (لأنو هالقصص بتصير مع البنات أكتر من الشباب) بتوصل لحد ما بقا فيها تتحمل بتنفجر متل ما انا صار فيي !!!!! و الحمدالله إنوو انفجاراتي كلها بتجي يا شعر يا رسم :P

[yass]

كاتب النص الأصلي : جينو

القصة ما قصة تعصيب يا أخ سعيد بس الواحد لما بيحس إنو اللي معو عم يستغل طيبة قلبو و كل ما عطاه بيصير بدو أكتر هيك بيصير فيه!!!

يعني الواحد او الوحدة بالأحرى (لأنو هالقصص بتصير مع البنات أكتر من الشباب) بتوصل لحد ما بقا فيها تتحمل بتنفجر متل ما انا صار فيي !!!!! و الحمدالله إنوو انفجاراتي كلها بتجي يا شعر يا رسم :P

اسمعي مني!!! أنا تعلمت أنو ما أعطي اذا ما اخذ بدال اللي عطيتو.. سميها أنانية اذا بدك , بس اعيقد انو هي افضل طريقة للتعامل , هيك ما حدا بينظلم..

[dimozi]

جينو و ياس زعلتوني منكن ..........لك ليش هيك عم يصير معكن

شو هاي اخد و اعطي و مدري شو ؟؟؟؟ يا جماعة الحب ما هيك .......ما بعرف بس زعلت .......
هلاء اذا الحب موجود من الطرفين فما لازم يصير ها الحكي.
نقطة انتهت الإملا .

[yass]

كاتب النص الأصلي : dimozi

جينو و ياس زعلتوني منكن ..........لك ليش هيك عم يصير معكن

شو هاي اخد و اعطي و مدري شو ؟؟؟؟ يا جماعة الحب ما هيك .......ما بعرف بس زعلت .......
هلاء اذا الحب موجود من الطرفين فما لازم يصير ها الحكي.
نقطة انتهت الإملا .

و الله يا شيخ هيدي نظريتي أنا , الحب أخد و عطى . بظن أنو اللي بس بدو ياخد بدون ما يعطي أناني و مالو علاقة بالحب , و اللي بس يعطي وما بدو شي بالمقابل بيكون غشيم بعيد عنكون, و بعتقد انو اي علاقة ( على فكرة موبس عاطفية) تكون قائمة على هالمبدأ هي العلاقة الناجحة..

[dimozi]

و الله فيها وجهة نظر ............ على كل انا رومنسي زيادي عن اللزوم

[HashtNasht]

و الله يا شيخ هيدي نظريتي أنا , الحب أخد و عطى

أنا كمان هيك بعتقد أخد وعطا يعني انو مثلاً أنا أخد و الشخص اللي بحبني يعطيني
على كل حال هالخربوشة بتوضح كلشي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[جينو]

كاتب النص الأصلي : dimozi

و الله فيها وجهة نظر ............ على كل انا رومنسي زيادي عن اللزوم

المشكلة إنو أنا كمان رومنسية كتير

بس الرومنسية بأيامنا عم تتفسر عأساس إنها ضعف و هادا اللي بيصدم و صدقني يا ديموزي كل ما كنت رومنسي أكتر كل ما كانت صدمتك أكبر !!!!! هلق هيك فيك تعرف ليش أنا مصدومة هالقد

و صبح اللي يحب في أيامنا طيب و كمان على نياتو