المساكنة

[أسير التشرد]

كاتب النص الأصلي : Willi

انو اسير
بالله سؤال يعني
ليش كتبت بردك انك ما بتأيد المساكنة
وصوتت انك بتأيدها ؟؟
في حمصنة بالموضوع
يعني على شوي كنت فكرتك حمصي

عنجد

لكان مشان الرب امسح التأيد ...

ولا تواخذنا اليوم ... دايخ وفايت بالحيط ... ومن جهتي اني حمصي بكرا ببين معي

[COSTA]

يعني هلأ هالسخافة ما رح تخلصو منها

عنجد انو العرب عقلون صغير ما صفي غير المساكنة
طيب والسرقات يلي عم تصير هي حلال والمساكنة حرام
ولا الرشاوي والنصب والاحتيال
هالعقول المعفنة ما بدكون تخلصو منهها

لك شو بدكن بالناس ولا بس المهم انو نثرثر متل الولاد
كل واحد ما عندو غير انو يضرب مثاليات

حاجة جنان

[Willi]

عنجد انو العرب عقلون صغير ما صفي غير المساكنة
طيب والسرقات يلي عم تصير هي حلال والمساكنة حرام
ولا الرشاوي والنصب والاحتيال
هالعقول المعفنة ما بدكون تخلصو منهها

لك شو بدكن بالناس ولا بس المهم انو نثرثر متل الولاد
كل واحد ما عندو غير انو يضرب مثاليات

حبيب مين قال انو هاي المشكلة الوحيدة بمجتمعنا؟؟
في شي رد من الردود قال هيك؟؟

وما حدا قال والله لازم نعدم كل اللي عايشين هيك
ولا حدا قال انو لازم كلهون يتزوجو ويعيشو
هية مجرد رأي بالموضوع
يعني عم تحكي عن العرب وعقلون الصغير
ليكك هاي انت ما بدك انو نعطي رأينا بهالموضوع
مجرد رأي يا حبيب رأي

[أسير التشرد]

أذا بدنا نشتغل جكارة ... لكان ممكن اسكن مع شي ولد حلو وناعم الجسم والخدين ...

طبعاً ما بصير هيك ..

وهاد حكي مجرد حكي فقط

[TheLight]

له يا اسير
يعني الواحد وقت بدو يجاكر
بيجاكر وبيعمل شغلة بيحبها
يعني هلق في ناس بتجاكر وبتساكن ولاد
يعني بدنا نجاكر ونجاكر خلينا نستمتع بالمجاكرة عالقليلة

[COSTA]

كاتب النص الأصلي : Willi

حبيب مين قال انو هاي المشكلة الوحيدة بمجتمعنا؟؟
في شي رد من الردود قال هيك؟؟

وما حدا قال والله لازم نعدم كل اللي عايشين هيك
ولا حدا قال انو لازم كلهون يتزوجو ويعيشو
هية مجرد رأي بالموضوع
يعني عم تحكي عن العرب وعقلون الصغير
ليكك هاي انت ما بدك انو نعطي رأينا بهالموضوع
مجرد رأي يا حبيب رأي

انا معك انو راي

وانا ما بدي انو ما حدا يعطي رأي

بس رح بتصير دار افتاء وكل واحد بدو يعطي مواعظ

[Willi]

بهاي معك حق

[COSTA]

كاتب النص الأصلي : Willi

بهاي معك حق

[أبو النور الحمصي]

كاتب النص الأصلي : gabo

مرحبا أول شي وشكرا كتيرأبو النور على هالموضوع اللي سبقتني عليه وبشكر كتير أعضاء أخويةاللي اسا لهلق ما ضيعوا الموضوع متل عوايدون
أما أنا ضد المساكنة طبعا لأنو أنا شخصيا بما إني إنسان شرقي ما بتجوز وحدة مستعملها واحد قبلي هادا أولا
ثانيا قال السيد المسيح "يترك الرجل أباه وأمه ويتحد مع امرأته ليصبحان جسدا واحدا " يعني المخفي بكون بيناتون ولا حد تالتهون يعني بيتحد مع مرتو روحيا وجسديا أمام الله بعد الزواج وليس قبل الزواج منيحة والله أنا ساكن نص بنات الضيعة
ثالثا شلون وقتها بدنا نميز بين المساكنة والزنا وهل الفرق بينهما أن الزنا يكون بين العاهرات وحسب (هذا غير منطقي ) فالزنى زنى لو كان مع أشرف النساء (إلا في حالة الزواج )
رابعا نحنا الشرقيين شعب متخلف ما عنا شي خاص فينا نحتفظ بشي للمستقبل لازم على طول نقلد الغرب حتى لو كان عالغلط وضد شريعة الله .
وخامسا وأخيرا حتى العلاقات اللزوجية بتوصل لمرحلة من الملل من كل النواحي
فإذا كان هدفنا من الزواج هو الجنس فحسب فعدها لا نعد سوى حيوانات تقودها الغريزة

غابو اسمحلي حييك على هالتحليل الحلو

كاتب النص الأصلي : ameen

بس كأنو هي العبارة فيا أهانة كتير كبيرة بحق المرأة لأنو المرأة أخر شي هي ما سلعة أو سيارة

و المساكنة ما الهدف الوحيد منا هو الجنس
بس في كتير عوامل ممكن تخلي التنين يفضلو أو ينجبرو على هاد الحل

و بتمنى من كل شب بيحب البنت ما يكون ألا علاقات سابقة أنو يطبق مبدأ المعاملة بالمثل

تحياتي

أنا معك للعضم بمبدأ المعاملة بالمثل لأنو هوي أقل شي منعملو إذا منآمن بالمساواة

كاتب النص الأصلي : lolo2_3

شكرا على الموضوع انا بصراحة بعارض هل الشي لعدة اسباب مارح اذكر منها الا واحد وهو اهمها : الدين........

شكراً كتير لولو على مشاركتك بالموضوع و مشاركتك لأعضاء الأخوية برأيك

كاتب النص الأصلي : zahra

و انا كمان ضد المساكنة لهدا السبب بالذات

شكرا على الموضوع

الشكر لألك لمرورك و مشاركتك يا زهرة

كاتب النص الأصلي : gabo

قبل الدين وقبل كلشي ما فينا ننطلق من ذاتنا ما فينا نشوف تصرفاتنا ليش نوجد الدين مو مشان يصححلنا مسيرتنا مو مشان يمشينا على كيفو لأنو الله وقت نزل المسيح ومحمد وموسى خير البشر مو جبرون مشان يتبعوا الدين غصب لإن الإنسان مخير وليس مسير قبل ما نفكر باللي حطوا الله على الكتب لازم نفكر باللي حطوا بعقلنا

وشكرا

كلام حلو و جميل

كاتب النص الأصلي : أسير التشرد

حسب ما تفضلت بشرح المساكنة فهالشي مرفوض بالمجتمعات الشرقية لأسباب دينية... ورأيي هو الرفض لهيك ظواهر...
لأنو بالاصل في الحياة لازم يكون في زواج... زلمة مؤهل ليكون زوج ومرأة مؤهلة لتكون زوجة ... ويذهب الرجل إلى المرأة لتصبح زوجته ليسكن إليها ... وإذا لم تكن المرأة زوجته فمن المستحيل ان تصبح سكناً حقيقاً له (للرجل)...منشان هيك ما بتصح العلاقة بين الرجل والمرأة إلا بالزواج... وليس بإمكان الرجل ان ينعم بالسكن إلا من خلال الزواج الصحيح...
وطبعاً كل الكتب السماوية بتأيد الزواج الصحيح ليكون الطريق الصحيح للسكن ومن بعدو المودة والرحمة بين الزوجين... فأولاً الزواج وبعدين السكن والمودة والرحمة ... فطالما في زواج فلا بد ان يستمر المودة والرحمة وهدول التنتين أهم شي في استقرار حياة الانسان ....

تحياتي

كلا م رائع يا أسير التشرد
شكراً لمرورك و مشاركتك

كاتب النص الأصلي : TheLight

انا مع المساكنة مو لانو الفكرة مقنعة او لاء
بس جكارة بكل الاديان
ولنشوف ايمتى بدنا نضل نخلي الدين يتحكم فينا ويسوقنا متل الغنم
ودمنا للتخلف
رأي شخصي

بدك تطول بالك شوي


الدين بعمرو ما كان متخلف بس الناس هني المتخلفين

لأنو أي دين من الأديان قعود و تبحر فيه بتلاقيه بيماشي التطور

بس العلة بالبشر يا خيو

كاتب النص الأصلي : كوستا

يعني هلأ هالسخافة ما رح تخلصو منها

عنجد انو العرب عقلون صغير ما صفي غير المساكنة
طيب والسرقات يلي عم تصير هي حلال والمساكنة حرام
ولا الرشاوي والنصب والاحتيال
هالعقول المعفنة ما بدكون تخلصو منهها

لك شو بدكن بالناس ولا بس المهم انو نثرثر متل الولاد
كل واحد ما عندو غير انو يضرب مثاليات

حاجة جنان

معك حق

[abu alameer]

اول شي بدي اسأل كل اللي أيدوا على العمية
لو يوم لقيت اختك مع شب مش منيح والها شهر ساكنة معاه شو راح بتكون ردة فعلك
وبدي اقول للي حكو عن الدين
الدين ما حرم شي في فايدة او في خير او مصلحة للناس
الدين ما حرم الا الشي اللي بضرهم
وهيك شغلة بدمر نفوس الشباب وبتكون بديل عند الشباب عن الزواج اللي هو عنوان للراحة والاستقرار والسكينة

وشغلة اخيرة
انا مش من سوريا، وما بظن انو هاي ظاهرة منتشرة هناك
واذا وجدت بعض الحالات من الشاذين فلا يجوز ان نعمم على المجتمع بأسره
الشعب السوري شعب اصيل
ومثله مثل اي شعب آخر فيه من الحثالات والتي لا تصل لدرجة ان تشكل ظاهرة

[MR.SAMO]

تعقيبا على ردي السابق :
العلاقات الجنسية خارج الزواج او المساكنة متل مابيحب يسميه البعض لا تنطوي على الحب الزوجي او الاسري لأنها علاقة مبنية على الجنس ومن حب غير مسؤول اطلاقا شو ياللي بيجبر الشبت أو البنت انهن يلتزموا بالنتائج المترتبة من ورا هيك علاقة اكيد مافي شي بيجبرهن .
النتائج غير امكانية الحمل لأنه ماشالله صار في وسائل منع حمل كثيرة وعديدة بس النتائج اللي عم نحكي عنها هي النتائج العميقة والنفسية المترتبة من ورا هيك علاقة مبتورة وخاصة بمجتمع متل مجتمعنا يرفض هيك علاقة رفض قاطع ومن ورا هيك رفض الشب والبت بيلجؤا الى أطراف الوديان والغابات والسيارات والعتمة .
متل هيك علاقات بتخلف الحزن والجفاف لأنها غير محصنة وغير مستقرة وبالتالي المتعة من ورا هيك علاقة صحيح انها مغرية بس متعة ناقصة .
يعني ليش يكون الدخول الى علاقة بين الشب والبنت عن طريق الجنس وشو اهمية الفعل الجنسي بهيك مرحلة يعني التعارف الصحيح والسليم مابيصير من دون اتصال جسدي بينهن هل بتكشف العلاقة الجنسية شخصية الشب والبنت .
أكيد لأ
انا برأي الجنس والمساكنة قبل الزواج تبرره الشهوة لا العقل
والشغلة حرية شخصية كل واحد عنده تفكيره ورأيه الشخصي
تحياتي

[Nirvana]

كاتب النص الأصلي : كوستا

انا معك انو راي

وانا ما بدي انو ما حدا يعطي رأي

بس رح بتصير دار افتاء وكل واحد بدو يعطي مواعظ

خصوصا صاير كلو بيفتي!!!
حتى مرّاء الطريق ...

[ameen]

لأنها علاقة مبنية على الجنس ومن حب غير مسؤول اطلاقا شو ياللي بيجبر الشبت أو البنت انهن يلتزموا بالنتائج المترتبة من ورا هيك علاقة اكيد مافي شي بيجبرهن .
النتائج غير امكانية الحمل لأنه ماشالله صار في وسائل منع حمل كثيرة وعديدة بس النتائج اللي عم نحكي عنها هي النتائج العميقة والنفسية المترتبة من ورا هيك علاقة مبتورة وخاصة بمجتمع متل مجتمعنا يرفض هيك علاقة رفض قاطع ومن ورا هيك رفض الشب والبت بيلجؤا الى أطراف الوديان والغابات والسيارات والعتمة .
متل هيك علاقات بتخلف الحزن والجفاف لأنها غير محصنة وغير مستقرة وبالتالي المتعة من ورا هيك علاقة صحيح انها مغرية بس متعة ناقصة .
يعني ليش يكون الدخول الى علاقة بين الشب والبنت عن طريق الجنس وشو اهمية الفعل الجنسي بهيك مرحلة يعني التعارف الصحيح والسليم مابيصير من دون اتصال جسدي بينهن هل بتكشف العلاقة الجنسية شخصية الشب والبنت .
أكيد لأ
انا برأي الجنس والمساكنة قبل الزواج تبرره الشهوة لا العقل
والشغلة حرية شخصية كل واحد عنده تفكيره ورأيه الشخصي
تحياتي

تحياتي يا غالي و مع أحترامي لرأيك بحب ضيف أنو ما أي علاقة بين شب و بنت بلا زواج هدفا الجنس و مو معناتو متى ما أجتمع شب و بنت ببيت واحد فهنن هدفن الوحيد هو الجنس ممكن يصير تلاطف و ما بالضرورة يوصلوا لمرحلة الجنس الكامل و هاد الشي عم بيصير بمساكنة و بلا مساكنة و بكل وقت

abu alameer
اول شي بدي اسأل كل اللي أيدوا على العمية
لو يوم لقيت اختك مع شب مش منيح والها شهر ساكنة معاه شو راح بتكون ردة فعلك

أنو ليش كل المعارضين للفكرة ما عم يطلعوا خارج نطاق أنو الشب مو منيح و البنت عاطلة
ليش محد بيفترض أنو هدول التنين بتجمعن قصة حب كتير حلوة و صادقة و عم تحيط فين ظروف بتجعل زواجن مستحيل فبيلجؤا لهاد الحل

الدين ما حرم شي في فايدة او في خير او مصلحة للناس
الدين ما حرم الا الشي اللي بضرهم
وهيك شغلة بدمر نفوس الشباب وبتكون بديل عند الشباب عن الزواج اللي هو عنوان للراحة والاستقرار والسكينة

أنو خيو تحبو الله طلعولنا شوي من موضوع الدين وهلق بدي أطلب من كل اللي عارضوا الفكرة أنن يرجعو يجاوبو بأفتراض أنو هل التنين فبل ما يسكنو مع بعض تزوجوا بكتاب براني أو زواج عرفي أو ................... يعني أي شي ما بيخالف الدين بفى شو بيكون رأيكن

انا مش من سوريا، وما بظن انو هاي ظاهرة منتشرة هناك
واذا وجدت بعض الحالات من الشاذين فلا يجوز ان نعمم على المجتمع بأسره
الشعب السوري شعب اصيل

تحياتي لألك و لشعب فلسطين الغالي ع قلوبنا كلنا
بس هي الظاهرة ما هي أبدا معيار لتقييم أصاة و رقي أي شعب
أخر شي هي حرية شخصية كل واحد ألو رأيو الشخصي فيا و ما فينا نقول عن حدا
أنو غلط لأنو الشي اللي ع أساسو عم تحكم أنت عل الظاهرة أنو غلط بيجوز يكون مختلف تماما عند طرف أخر
و ياريت نقدر نهتم و نلاقي الشغلات الحقيقية اللي تعبر عن أصالتنا و تحقق لألنا و لو أدنى درجات الرقي و ما تكون أحكامنا بالمطلق




تحياتي للجميع

[Nirvana]

(المساكنة) مسألة شخصية بتخضع لظروف الأشخاص المعنيين بالأمر...
واذا هالشي بناسبهم ليش لأ؟

[MR.SAMO]

تحياتي يا غالي و مع أحترامي لرأيك بحب ضيف أنو ما أي علاقة بين شب و بنت بلا زواج هدفا الجنس و مو معناتو متى ما أجتمع شب و بنت ببيت واحد فهنن هدفن الوحيد هو الجنس ممكن يصير تلاطف و ما بالضرورة يوصلوا لمرحلة الجنس الكامل و هاد الشي عم بيصير بمساكنة و بلا مساكنة و بكل وقت

اخي العزيز انا ماقلت انه بس يجتمع الشب والبنت بدوا يصير علاقة جنسية
انا قلت التعارف والدخول في علاقة حب مثلا ليش لجتى يكون عن طريق الجنس
بتمنى تكون فهمت وجهت نظري
تحياتي لك

[TheLight]

كاتب النص الأصلي : MR.SAMO

تعقيبا على ردي السابق :
العلاقات الجنسية خارج الزواج او المساكنة متل مابيحب يسميه البعض لا تنطوي على الحب الزوجي او الاسري لأنها علاقة مبنية على الجنس ومن حب غير مسؤول اطلاقا شو ياللي بيجبر الشبت أو البنت انهن يلتزموا بالنتائج المترتبة من ورا هيك علاقة اكيد مافي شي بيجبرهن .
النتائج غير امكانية الحمل لأنه ماشالله صار في وسائل منع حمل كثيرة وعديدة بس النتائج اللي عم نحكي عنها هي النتائج العميقة والنفسية المترتبة من ورا هيك علاقة مبتورة وخاصة بمجتمع متل مجتمعنا يرفض هيك علاقة رفض قاطع ومن ورا هيك رفض الشب والبت بيلجؤا الى أطراف الوديان والغابات والسيارات والعتمة .
متل هيك علاقات بتخلف الحزن والجفاف لأنها غير محصنة وغير مستقرة وبالتالي المتعة من ورا هيك علاقة صحيح انها مغرية بس متعة ناقصة .
يعني ليش يكون الدخول الى علاقة بين الشب والبنت عن طريق الجنس وشو اهمية الفعل الجنسي بهيك مرحلة يعني التعارف الصحيح والسليم مابيصير من دون اتصال جسدي بينهن هل بتكشف العلاقة الجنسية شخصية الشب والبنت .
أكيد لأ
انا برأي الجنس والمساكنة قبل الزواج تبرره الشهوة لا العقل
والشغلة حرية شخصية كل واحد عنده تفكيره ورأيه الشخصي
تحياتي

هو الجنس صح هو الدافع الاساسي بس بالعقول والنفسيات المكبوتة جنسيا
لانو الجنس لوحدو غير كافي يجبر شب وبنت انو يعيشوا مع بعض ويتحملو مسؤوليات هن بغنى عنها ولو كان الدافع الجنسي هو الدافع الوحيد للمساكنة فما كانت المساكنة انوجدت بالاساس لانو ما شاء الله بلادنا معباية بالشباب والبنات يللي حابين يتسلو ومو كتير صعبة على اي واحد او وحدة انو يلاقو شخص يقيمو معو علاقة جنسية بدون ما يضطروا يعيشو مع بعض
بالعكس تمام انا يللي بشوفو انوا المساكنة هي شكل من اشكال الارتباط القائم على الحب المتبادل والرغبة بالعيش المشترك وهي مانها شي غلط
هلق بيجي واحد بيقلي اي ليش ما يتجوزو
الجواب بسيط جدا جدا
الزواج ما هو قرار بسيط بيتاخد بين ليلة وتانيه هاد قرار عمر كامل ولما ما بتكون العلاقة مختبرة بشكل جيد فراح تكون نهاية الزواج دراماتيكية
هلق المساكتة وقت بتكون شكل طبيعي ومقبول من اشكال العلاقات بين الشب والبنت بالمجتمع يللي نحن بنكون عايشين فيه فهي علاقة مقبولة بكل المقاييس وانا شخصيا وقتها ما بشوف انو اي واحد فيينا بيقدر يمنع نفسو او حتى اختو انو تساكن شخص تاني (هاد رد ع الاخ يللي فرضلي هي الفرضية المعهودة تبع الاخت وهالقصص)
اما وقت بتكون المساكنة مرفوضة او مستهجنة بالمجتمع يللي نحن عايشين فيه فبهيك حالة بيضطر الواحد يفكر مرارا وتكرارا قبل ما يساكن حدا
بالنهاية المبدأ من ناحية اجتماعية مقبول بالمجتمعات يللي تحررت من النظرة الجنسية للعلاقات وانتقلوا للمستوى التاني من شكل العلاقة بين الشب والبنت يللي هو العيش المشترك
اما المبدأ من ناحية دينية فهو اكيد مرفوض من كل الاديان التلاتة وبالتالي وقت بدنا نرفضوا لازم نرفض حتى ابسط اشكال العلاقات بين الشب والبنت لانو هي كمان محرمة دينيا (مو يعني نقول لحالنا انو البوسة معليش بتمرق ع الله بس المساكنة حرام)
وبالنهاية انا برأي انو الدين اصبح برات اللعبة بهالعصر وانو الدين هو اكبر سبب من اسباب الكبت الجنسي والمشاكل الجنسية والاجتماعية عند الشباب بهاد العصر
يعني لا حدا يقنعني انو في شب بهالعصر بيقدر يتجوز قبل التلاتين الا اذا ابوه غني ولا يقنعني انو راح يضل لهالعمر بدون ما يفكر بعلاقة جنسية واذا رفض هيك علاقة وحياة عيونكن ليتعقد ويلتعن سلافو
كمان مرة رأي شخصي

[MR.SAMO]

كاتب النص الأصلي : TheLight

هو الجنس صح هو الدافع الاساسي بس بالعقول والنفسيات المكبوتة جنسيا
لانو الجنس لوحدو غير كافي يجبر شب وبنت انو يعيشوا مع بعض ويتحملو مسؤوليات هن بغنى عنها ولو كان الدافع الجنسي هو الدافع الوحيد للمساكنة فما كانت المساكنة انوجدت بالاساس لانو ما شاء الله بلادنا معباية بالشباب والبنات يللي حابين يتسلو ومو كتير صعبة على اي واحد او وحدة انو يلاقو شخص يقيمو معو علاقة جنسية بدون ما يضطروا يعيشو مع بعض
بالعكس تمام انا يللي بشوفو انوا المساكنة هي شكل من اشكال الارتباط القائم على الحب المتبادل والرغبة بالعيش المشترك وهي مانها شي غلط
هلق بيجي واحد بيقلي اي ليش ما يتجوزو
الجواب بسيط جدا جدا
الزواج ما هو قرار بسيط بيتاخد بين ليلة وتانيه هاد قرار عمر كامل ولما ما بتكون العلاقة مختبرة بشكل جيد فراح تكون نهاية الزواج دراماتيكية
هلق المساكتة وقت بتكون شكل طبيعي ومقبول من اشكال العلاقات بين الشب والبنت بالمجتمع يللي نحن بنكون عايشين فيه فهي علاقة مقبولة بكل المقاييس وانا شخصيا وقتها ما بشوف انو اي واحد فيينا بيقدر يمنع نفسو او حتى اختو انو تساكن شخص تاني (هاد رد ع الاخ يللي فرضلي هي الفرضية المعهودة تبع الاخت وهالقصص)
اما وقت بتكون المساكنة مرفوضة او مستهجنة بالمجتمع يللي نحن عايشين فيه فبهيك حالة بيضطر الواحد يفكر مرارا وتكرارا قبل ما يساكن حدا
بالنهاية المبدأ من ناحية اجتماعية مقبول بالمجتمعات يللي تحررت من النظرة الجنسية للعلاقات وانتقلوا للمستوى التاني من شكل العلاقة بين الشب والبنت يللي هو العيش المشترك
اما المبدأ من ناحية دينية فهو اكيد مرفوض من كل الاديان التلاتة وبالتالي وقت بدنا نرفضوا لازم نرفض حتى ابسط اشكال العلاقات بين الشب والبنت لانو هي كمان محرمة دينيا (مو يعني نقول لحالنا انو البوسة معليش بتمرق ع الله بس المساكنة حرام)
وبالنهاية انا برأي انو الدين اصبح برات اللعبة بهالعصر وانو الدين هو اكبر سبب من اسباب الكبت الجنسي والمشاكل الجنسية والاجتماعية عند الشباب بهاد العصر
يعني لا حدا يقنعني انو في شب بهالعصر بيقدر يتجوز قبل التلاتين الا اذا ابوه غني ولا يقنعني انو راح يضل لهالعمر بدون ما يفكر بعلاقة جنسية واذا رفض هيك علاقة وحياة عيونكن ليتعقد ويلتعن سلافو
كمان مرة رأي شخصي

هيدا رأيك وانا بحترمه
ورأي انا مقتنع ومؤمن فيه
تحياتي لك ياابن صافيتا

[TheLight]

ع راسي يا حبيب وبالنهاية القناعة كنز لا يُغني
تسلم يا سامو