القذافي يشترط على فرنسا نصب"خيمة" قرب الأليزيه للقاءاته الرسمية

[lord tartous]

دبي- العربية.نت

ينشغل قصر الرئاسة الفرنسية هذه الأيام بالتحضير للزيارة التي يقوم بها الرئيس الليبي معمر القذافي في 10 ديسمبر الجاري، وهي الأولى من نوعها بعد 34 عاماً من الانقطاع، لأسباب أمنية وقضائية وسياسية، وأيضاً بسبب الأحكام التي صدرت بحق أقرب معاونيه في قضية تفجير الطائرة الفرنسية بركابها، فوق صحراء النيجر عام 1988.

إلا أن أكثر ما يميز هذا الزيارة، هو أن الزعيم الليبي اشترط نصب خيمته في حديقة قصر الضيافة في ماريني، المحاذي لقصر الرئاسة الفرنسية الاليزيه. ولن يقيم القذافي في الخيمة، او ينام فيها، لكنه سيستخدمها لاستقبال ضيوفه وممارسة نشاطاته الرسمية.

واستغرقت "مسألة الخيمة" وقتا طويلا في المفاوضات بين كبار المسؤولين في البلدين، ولا سيما سلك البروتوكول للاتفاق على كل التفاصيل، لئلا تنفجر أي مشكلة وتؤدي إلى أزمة دبلوماسية.

في النهاية، خضع الفرنسيون لطلب القذافي، وأسرفت أوساط "الاليزيه" بعرض الحجج على وجود هذا النمط من الضيافة، مستندة في ذلك إلى 5 سوابق، منها اصطحاب ملكة بريطانيا الشاي والماء في رحلاتها إلى الخارج.

إلا أن القذافي سيصطحب معه 400 شخص سيستقلون 5 طائرات، فضلا عن 40 امرأة من الحرس الخاص به، كما سيجلب معه عددا من السيارات المصفحة والشاحنات وخيمته الخاصة. وكان معاونوه نقلوا إلى المسؤولين الفرنسيين رغبته في المجيء إلى فرنسا بسيارته عن طريق اسبانيا، لكنهم اعتبروا ذلك غير عملي نظرا إلى الصعوبات التي يمكن أن يواجهها رجال الأمن في حماية القذافي بسبب طول المسافة.

وقام كبار مساعدي العقيد الليبي خلال الأسبوعين الماضيين بالعديد من الزيارات البعيدة عن الاضواء بغية الاعداد لوصول القذافي، فضلا عن العقود الممكنة التي سيتم التوقيع عليها في ميادين مختلفة وخصوصا التسلح، ذلك أن هناك مفاوضات جارية لشراء 13 طائرة حربية من طراز "رافال" وكذلك مروحيات "تايغر" ومفاعلات نووية مدنية، وفق ما نقلت صحيفة "الجريدة" الكويتية الثلاثاء 4-12-2007.

وتولى مسؤول المخابرات الخارجية موسى كوسى، المحكوم غيابيا من قبل المحاكم الفرنسية في قضية تفجير الطائرة الفرنسية والبشير صالح واحمد قذاف الدم وعبدالرحمن الصيد رئيس دائرة المشتريات العسكرية، الاتصالات التمهيدية والمفاوضات الفعلية بشأن العقود العسكرية المتوقع عقدها، فيما يربط البعض، كوزير الخارجية السابق فيليب دوست بلازي، الافراج عن الممرضات البلغاريات الأربع والطبيب الفلسطيني من السجون الليبية بزيارة القذافي الى باريس "ملمحا" الى انها قد تكون احد الشروط.

في المقابل، ينفي المستشار الدبلوماسي لساركوزي جان دافيد ليفيث هذا الربط، قائلا ان هذه الزيارة لم تكن ابدا مدرجة في إطار المفاوضات التي اسفرت عن اطلاق سراح السجناء الخمسة، مؤكدا ان "لا مبرر لعدم استقبال رئيس دولة تخلى عن برنامج اسلحة الدمار الشامل والارهاب وأبدى رغبة وإرادة للسير في طريق حقوق الانسان رغم ان مسافات شاسعة متبقية أمامه".

وعلى الرغم من الحراسة المشددة والاجراءات الصارمة التي ستتخذ في اثناء وجود القذافي في العاصمة الفرنسية، فإن المتوقع ان تنشط جمعيات حقوق للانسان ومدافعون عن "ضحايا الارهاب"، للاحتجاج على زيارة العقيد الليبي، لكن القذافي الذي سيمضي عدة أيام، سيستمتع رغم ذلك بزيارة قصر فرساي والبرلمان ومعهد العالم العربي.

[yass]

واحد متخلّف شو راح يطلع منو.......... تارك كل مشاكل الدنيا و معلّقلي على هالخيمة

برأيكون لو عمر المختار كان يعرف أنو هالعينتين راح يحكم ليبيا كان تعّب حالو لهادرجة؟ برأيي لأ

[باشق مجروح]

يعدمني ياه شو معاق بدوي و متخلف
معك حق يااس
ما كان تعب حالو المختار (الله يرحمو)
مسكين

وهي صوره خيمتو

[التقرير الجوال]

كاتب النص الأصلي : yass

واحد متخلّف شو راح يطلع منو.......... تارك كل مشاكل الدنيا و معلّقلي على هالخيمة

برأيكون لو عمر المختار كان يعرف أنو هالعينتين راح يحكم ليبيا كان تعّب حالو لهادرجة؟ برأيي لأ

لا تظلمه للزلمه
أنا بحيي كل انسان قال لأ بصراحه ضد اميركا
الاميركان قصفوه من قبل
كان بيحاول يعمل نووي
وكان فاتح ليبيا لأي دوله عربيه حابه مشروع الاتحاد
الموضوع و مافي , الرجل عندو افكار خاصه في, ليش ما بدنا نتقبله....لأنه زعيم عربي
هلأ لو كان شي زعيم غربي, ما كان الكل رفعلو البرنيطه..؟؟


مع احترامي ارأيك الشخصي يا أخي.

[was616im]

الزلمي بدو يضل محافظ على نهج واحد وين ما راح بالعالم قال ما بيقعد الا بخيمتو قال

[التقرير الجوال]

كاتب النص الأصلي : was616im

الزلمي بدو يضل محافظ على نهج واحد وين ما راح بالعالم قال ما بيقعد الا بخيمتو قال

وسيم بدي ذكرك بانه الشعوب بعمرها ما تخلت عن تقاليد و أزياء قديمه

ليش بس نحن نعيب على بعض

الولاد الزغار بعيد الهلوين بيدقو البواب باميركا باستراليا بانكلترا الهلوين قديم كتير بس لساتو شغال

التنوره السكوتانديه لساتها شغاله
ليش عنا عقده النقص ليش

مع فائق الاحترام لرايك

[yass]

كاتب النص الأصلي : التقرير الجوال

وسيم بدي ذكرك بانه الشعوب بعمرها ما تخلت عن تقاليد و أزياء قديمه

ليش بس نحن نعيب على بعض

الولاد الزغار بعيد الهلوين بيدقو البواب باميركا باستراليا بانكلترا الهلوين قديم كتير بس لساتو شغال

التنوره السكوتانديه لساتها شغاله
ليش عنا عقده النقص ليش

مع فائق الاحترام لرايك

التنورة الاسكتلندية زي وطني, مو خيمة على باب اليزيه؟؟؟!!!!!!

[التقرير الجوال]

كاتب النص الأصلي : yass

التنورة الاسكتلندية زي وطني, مو خيمة على باب اليزيه؟؟؟!!!!!!

انت باسبانيا مو هيك...؟
بدياك تقرأ شوي عن المدارس العربيه يلّي كانت باسبانيا لما كنا حاكميت هنيك, و مين كان بيدرُس فيها من الغرب
أبناء الملوك و الامراء...كانو بيفتخرو بمعرفتهم للعربيه, و كانو كمان بيلبسو الزي العربي احيانا, تقريباً على سبيل التقليد, تقليد الاحسن.
وليش ما مننصب خيمه عربيه و نخلّي الكل بيطّلع و يشوف..؟
شو شغله بتخجل.
هون بدي حيي السعوديين يلّي البعض منن يلعبو بالملايين لعب بس كل بين فتره و التانيه بيطلهو عالبر و يعيشو بالخيام.

يا عمي نحن عرب و مو لازم نقلد, اي بناخد الشي المناسب, بس ليش بننسى الاصل و التراث و التقاليد.

[yass]

كاتب النص الأصلي : التقرير الجوال

انت باسبانيا مو هيك...؟
بدياك تقرأ شوي عن المدارس العربيه يلّي كانت باسبانيا لما كنا حاكميت هنيك, و مين كان بيدرُس فيها من الغرب
أبناء الملوك و الامراء...كانو بيفتخرو بمعرفتهم للعربيه, و كانو كمان بيلبسو الزي العربي احيانا, تقريباً على سبيل التقليد, تقليد الاحسن.
وليش ما مننصب خيمه عربيه و نخلّي الكل بيطّلع و يشوف..؟
شو شغله بتخجل.
هون بدي حيي السعوديين يلّي البعض منن يلعبو بالملايين لعب بس كل بين فتره و التانيه بيطلهو عالبر و يعيشو بالخيام.

يا عمي نحن عرب و مو لازم نقلد, اي بناخد الشي المناسب, بس ليش بننسى الاصل و التراث و التقاليد.

يا أخي على عيني و راسي الزي الوطني ما اختلفنا. ما حدا حكى عن اني خجلات من كوني عربي. بس يعني حركة ما لها طعمة و لا تعمللي ياها قضية دفاع عن الحضارة و لا تقشّف... ما خيمة المتخلّف هاد سويت امبراطوري بالريتز و أكتر كمان


روح انصب خيم عربية بالمهرجانات و عرّف العالم عنّك, أي جميل, اعمل بعثات تدور الدول و تعمل نشاطات, بس مو تروح تنصب خيمة بالاليزيه بزيارة دولة!!! حركة قرعة متل صاحبها الدجّال الغبي, و لا تقلي هاد وطني و شجاع و ما بعرف شو, جوّع شعبو كرمال حركاتو الغبية, يعني شو ضايعلو بطيارة مدنية لحتى يفجّرها ( و لا يقلي مو هوي, اعترف و دفع تعويضات سخية جدا... و عتبي كمان على الغرب المنافق للي سامحو) و آخرتها باس الصرامي و صار حبيب أثنار و بوش و بلير.


بعز الحصار على ليبيا لما كان مارادونا يلعب بالبارما كانت طيارة خاصة تروح تجيبو منشان ولاد القذافي يلعبو طابة معو...

[التقرير الجوال]

كاتب النص الأصلي : yass

يا أخي على عيني و راسي الزي الوطني ما اختلفنا. ما حدا حكى عن اني خجلات من كوني عربي. بس يعني حركة ما لها طعمة و لا تعمللي ياها قضية دفاع عن الحضارة و لا تقشّف... ما خيمة المتخلّف هاد سويت امبراطوري بالريتز و أكتر كمان


روح انصب خيم عربية بالمهرجانات و عرّف العالم عنّك, أي جميل, اعمل بعثات تدور الدول و تعمل نشاطات, بس مو تروح تنصب خيمة بالاليزيه بزيارة دولة!!! حركة قرعة متل صاحبها الدجّال الغبي, و لا تقلي هاد وطني و شجاع و ما بعرف شو, جوّع شعبو كرمال حركاتو الغبية, يعني شو ضايعلو بطيارة مدنية لحتى يفجّرها ( و لا يقلي مو هوي, اعترف و دفع تعويضات سخية جدا... و عتبي كمان على الغرب المنافق للي سامحو) و آخرتها باس الصرامي و صار حبيب أثنار و بوش و بلير.


بعز الحصار على ليبيا لما كان مارادونا يلعب بالبارما كانت طيارة خاصة تروح تجيبو منشان ولاد القذافي يلعبو طابة معو...

عزيزي انا ما حكيت هيك دفاعاًعنه... أبداً
و ما كان هدفي الترويج لشخصيه القذافي, بس كان القصد النقاش حول نصب "خيمه عربيه" أو مضافه ممكن للرئيس العربي "س" استقبال الضيوف فيها.

"إلا أن أكثر ما يميز هذا الزيارة، هو أن الزعيم الليبي اشترط نصب خيمته في حديقة قصر الضيافة في ماريني، المحاذي لقصر الرئاسة الفرنسية الاليزيه. ولن يقيم القذافي في الخيمة، او ينام فيها، لكنه سيستخدمها لاستقبال ضيوفه وممارسة نشاطاته الرسمية".

هاد مقتطف منقول من أصل الموضوع بيقلّك او بيعبر عن اسباب نصب الخيمه, و انا برايي الغرب فرض علينا سلوكيات كتير و تقاليد كتير صرنا نستخدمها, فليش ما نحاول نعمل شي لهُ طابع شرقي عربي.


بدي ذكرك بالرئيس اليمني لما راح على اميركا بالثوب و فوق منّو الجاكيت الغربي و" الجنبيّه" _الخنجر اليمني_ بخصره
بينما الملك البحريني كان لابس بدله.

منشان هيك الرؤساء لمّا بيخطبو بالامم المتحده ما بيخطبو إلا بلغاتهم.


يعني كان المفروض منّا كعرب نقول : برافو..... لها الحركه بغض النظر عن انها قرعه و الا أي شي.
يعني تقليد لا اكتر و لا اقل.
" وين الغلط"...!؟
بس ما تكون تضايقت من تعليقي

[المحارب العتيق]

فاضحنا الأهبل الله لا يوفقوا
بس مابتحسو أنو كل شي بالدنية ممكن لما واحد متل القذافي وصل لهون كل شي ممكن

[التقرير الجوال]

كاتب النص الأصلي : المحارب العتيق

فاضحنا الأهبل الله لا يوفقوا
بس مابتحسو أنو كل شي بالدنية ممكن لما واحد متل القذافي وصل لهون كل شي ممكن

هاد مهتقد الغرب " كل شي ممكن" و فعلاً عم يشتغلو بدأب منشان هيك
فالمفروض ما بيزعلو من نصب الخيمه

[شـــــام]

كاتب النص الأصلي : yass

واحد متخلّف شو راح يطلع منو.......... تارك كل مشاكل الدنيا و معلّقلي على هالخيمة

برأيكون لو عمر المختار كان يعرف أنو هالعينتين راح يحكم ليبيا كان تعّب حالو لهادرجة؟ برأيي لأ

هههههههههههههه
لا كان ساهم في توطيد أركان الطليان

[yass]

عزيزي انا ما حكيت هيك دفاعاًعنه... أبداً
و ما كان هدفي الترويج لشخصيه القذافي, بس كان القصد النقاش حول نصب "خيمه عربيه" أو مضافه ممكن للرئيس العربي "س" استقبال الضيوف فيها.

يا أخي بكلفة نصب الخيمة تبعيتو لهاد بتعمل مهرجان عربي بفرنسا

"إلا أن أكثر ما يميز هذا الزيارة، هو أن الزعيم الليبي اشترط نصب خيمته في حديقة قصر الضيافة في ماريني، المحاذي لقصر الرئاسة الفرنسية الاليزيه. ولن يقيم القذافي في الخيمة، او ينام فيها، لكنه سيستخدمها لاستقبال ضيوفه وممارسة نشاطاته الرسمية".

هاد واحد علاّك حقو فرنكين. قصة الخيمة بيعملها وين ما يروح لأنو هاد الزلمة مريض نفسي ( بحكي بجد هلأ ما عم بتمسخر ) و روح قلبو لفت الأنظار و بيعرف انو هلأ بعد ما قصة الممرضات انتهت هو مو "مرغوب اعلاميا", يعني ما راح ينعمللو كتير ضجة فبيعمل هيك حركات لأنو روح قلبو لفت الأنظار.... أي ما بتشوفو بالقمم العربية اذا ما عمل مشكلة لحتى الكاميرات تلتفتلو ما يجيه صبر؟؟

هاد مقتطف منقول من أصل الموضوع بيقلّك او بيعبر عن اسباب نصب الخيمه, و انا برايي الغرب فرض علينا سلوكيات كتير و تقاليد كتير صرنا نستخدمها, فليش ما نحاول نعمل شي لهُ طابع شرقي عربي.

هلأ صححلي معلوماتي بس على حد علمي الخيمة بليبيا مانها تراث

بدي ذكرك بالرئيس اليمني لما راح على اميركا بالثوب و فوق منّو الجاكيت الغربي و" الجنبيّه" _الخنجر اليمني_ بخصره

أي علاّك و فوقها مهرقل, يعني يا البس الزي الوطني كامل يا لا تلبسو... لابسلي جاكيت غربي أكيد ماركتو بيير كاردان و حقو بقد ميزانية القات بتعيت كل اليمن.

بينما الملك البحريني كان لابس بدله

في متل اسباني بيقللك القرد لو لبستو حرير بيظل قرد

منشان هيك الرؤساء لمّا بيخطبو بالامم المتحده ما بيخطبو إلا بلغاتهم.

بالأمم المتحدة هاد أمر بروتوكولي مو بكيفهون. تصرفات كبار المسؤولين و الرؤساء و لغتهم و طريقة لبسهون و حركاتهون و حتى طريقة النظر هاي أمو ر بروتوكولية بحتة مو بكيفو. كل شي ألو معنى خاص... يعني لما يجي ملك اسبانيا على سوريا مثلا و يلقي خطاب كامل بالاسباني معناه غير لما يجي و يلقي خطاب بالاسباني و آخرو بيحكيلو جملة صغيرة بالعربي بيكون تعلمها... بروتوكوليا تفسيرها مختلف... لما يجيك رئيس دولة زيارة في فرق انو يلقي خطبة قدام صحفيين و مسؤولين و بين أنك تاخدو يلقي خطاب بالبرلمان, حتى لو أنو الحكي نفسو بالحالتين, لكن معناه غير

يعني كان المفروض منّا كعرب نقول : برافو..... لها الحركه بغض النظر عن انها قرعه و الا أي شي.
يعني تقليد لا اكتر و لا اقل.
" وين الغلط"...!؟

يا سيدي مو برافو... هيك حركات لا بتعبر عنا و لا شي... هاي اسمها أكل هوا و تفسيرها بالغرب راح يكون بالشكل التالي: شوف البدوي هاد ما بيقدر الا بيعمل خيمة... ما بيلبقلو الاليزيه. و مو تقليد هاد... أساسا لبس القذ1افي كلو على بعضو مانو الزي تبع ليبيا... مفكر حالو كاترين دينيف و هو عم يلبسلي هالشالات الملونة ع كتافو..

تخيل يجي رئيس الولايات المتحدة على سوريا زيارة و يشترط ما يجي الا تعمللو روديو بقر بقصر المهاجرين.... شو راح نقول عنو؟؟؟

بس ما تكون تضايقت من تعليقي

ليش لحتى اتضايق؟؟ سبيتني شي؟




تحية

[التقرير الجوال]

نيكيتا خروشوف اذا سمعان في

خطب مرّه بالامم المتحده و لما عصّب شال صباطه و حطو عالمنبر
يا اخي شو بروتوكولات و ما بعرف شو

[التقرير الجوال]

على ذكر اسبانيا و التروبادور و مصارعه الثيران
شو بتسمي هدا
طبعا هن مو بدو
فيك تسمي تخلف
ولا قلك ..... ما رح تسمي بأي اسم سيئ
الغرب منزه يا عزيزي

[yass]

كاتب النص الأصلي : التقرير الجوال

على ذكر اسبانيا و التروبادور و مصارعه الثيران
شو بتسمي هدا
طبعا هن مو بدو
فيك تسمي تخلف
ولا قلك ..... ما رح تسمي بأي اسم سيئ
الغرب منزه يا عزيزي

مصارعة الثيران تراث جزء من اسبانيا, و ليس كل اسبانيا, و على حد علمي ملك اسبانيا ما بيشارط انو يعملولو حلبة ثيران لما يروح زيارات, الا سمعان هيك شي انت؟

[yass]

كاتب النص الأصلي : التقرير الجوال

نيكيتا خروشوف اذا سمعان في

خطب مرّه بالامم المتحده و لما عصّب شال صباطه و حطو عالمنبر
يا اخي شو بروتوكولات و ما بعرف شو

ايمت هالحكي صار؟؟