ما هي اغلي اللوحات في العالم ؟ و ما هو سر ولع البعض في دفع الملايين لاقتناء بعض اللوح

[boozy]

والله كلامك صح
ميه بالميه..

[The morning]

كاتب النص الأصلي : mary_55

الصراحة
في لوحات كتير بتعتبر فعاً خرابيش ولاد صغار
وفي لوحات فيها دقة كبيرة فيها تعبير
أحساس منقدر نشعر فيه
الهدف الأساسي من الرسم إيصال فكرة وشعور
مو خربشات وبيعها بألاف الملاين
ومن الارسومات الي بعتبرها خرابيش

بول جاكسون
رقم 5


ووليم دي كوننج
امراة3


وإذا دققتو بالرسمات بتقولو أنو معي حق
لأنو هل رسمتين ماحسيت بأي نوع من الشغور غير بالغرابة وعدم الفهم...
و إذا في حدا حس بشي شعور يقلي لأنو مو واضح عندي غير خرابيش
الله يعينو قليل العقل إلي شتراها

المشكله أنـّو الفن لا تقـدر قيمته من خلال صـعوبته يـعني هو فـيه أكتر من ناحيه بتجعله غالي ولا وحده منهم ممكن تكون صعوبه اتقانه ..
انما كمثال على احدى هلشغلات ممكن يكون غرابته ..
ايضا كمثال تاني فالابتكار اللي باللوحه اله حقه ايضا .. يعني بلوحه جاكسون بولوك اللي انت شفتيها خرابيش هوّ كان أوّل مين أتقن هالتكنيك برسم اللوحات .. استخدم العصايه بدل الفرشايه و القى اللوحات على الارض و رسم عليها و هاد كان اسلوب جديد ما سـبقه اله أحد .. اضافه لطريقه خلط الألوان و سماكتها و انسيابيه الألوان فيها و التخطيط الها مع انها بتبين انو مش مخطط الها و مرسومه عالسريع وهيـك يعني قـصص مش مجرّد انو حلوه اللوحه او لا و صعبه ولا خربشه انما في ابعاد تانيه من خلالها بتم تقدير سـعر اللوحه .. اضافه لشـهره الفنان و اسـمه اللي أيـضا انت عم تشتريه مع شراءك للوحه .. يعني لما بتقولي والله أنا عندي لوحه لـ بيكاسو بالبيت هالجمله لحالها الها ابعاد كبيره بغض النظر عن أي لوحه لبيكاسو انت عندك بالبيت أو قديش هي اللوحه حلوه و بتنال اعجاب الضيوف اضافه للشهره اللي بتاخديها من خلال اقتناءك هاللوحه و العائد المادي اللي بيجيكي من خلال تأجير هاللوحه لصالات العرض .. يعني الشغله أعـقد من مجرّد شـراء ماده معروضه انـما في ابعاد كتير بترتبط مع اقتناء هاللوحه و هالشي كلّو بيرفع من سـعرها ..
و هـكذا واللهـي

[suzaan]

رائعة هاد فن حلو

يسلمن على الملايين قصدي على الصور

[Noah]

أتراهُ حانقٌ على النساء ,.!

[Noah]

كاتب النص الأصلي : boozy

ترى
لو كنّا (كنت) تملك المال اي من اللوحات ستقتني؟؟
وهل - ان كنت تملك المال- تستقتني لوحة بهذه الأرقام الخيالية؟

رائعة لموناليزا تضاهي كل روعة ياصاحبة الذوق الرفيع


لو كنتُ غنيّاً .. سأتعلمُ الرسم ..
فماذا عنكِ ؟

[boozy]

لو كنت غنيا طيب ليش شو دخل المال بالرغبة والموهبة؟
ما انا تعلمت الرسم واحترفته من دخول الجامعة ومن غير فلوس كمان.

[Noah]

ربما سأتعلم الفن على يد رسّام ماهر
محنّكٍ بذوق الأغنياء في إقتناء الصور

أما إن كنت سأدفع ثمناً باهظاّ لأي من هذه اللوحات .. أو تلك الشهيرة الأخرى
فهاذا ما أدعوه بالفسق, والعبث بالأموال
وعدم إحترام جوعِ الفقراء ,, و المتشردين

وهو مايناقض الفن ياصديقتي , والإحساس..

[boozy]

صح الصح
بس ممكن تتعلم من غير الفنان هذا بالممارسة والكتب والمعارض

[Noah]

صحيح ماتقولين أيتها الصديقة,,
فلمَ أصرف مالاً على شيء آحصل عليه بالمجّان

ولكنني أتسائل , كيف أصبح رسّاماً ؟ وماذا أرسٌم ؟

طبيعةُ بلادي ليست بالخضراء
والرسّام عندنا جائعٌ ,, وهزيل
لا بحرَ هنا,, لا طيور السنونو
لا ضباب,, ولا مطر,.

لا وقت عندنا ,, للرسم,, ومثيله من الفنون ,,
فلو عملتَ بجد في بلادنا,, ربما سيأتي اليوم الذي تتمكّن فيه
من إختيار ما تتذوقه,, من طعام, وفن!



إن كنتُ سأرسُم
يجبُ أن أسافرَ لبلادٍ خَضِرَةٍ جميلة
بلادٍ نسيت الجوع, وتقدّمت للفن
هُنا فقط تنبعُ حاجتي للمال ,, لأتذوق .!



هل سمعتي عن لوحة لفنانٍ عربيّ, بيعت بثمن باهظ ياسيدتي؟

[leonardo_dicabreo]

كاتب النص الأصلي : Noah

هل سمعتي عن لوحة لفنانٍ عربيّ, بيعت بثمن باهظ ياسيدتي؟

أكيد لأ ! !
ولا عمرك رح تسمع , بس لا تنسى أنه الميديا حبيب ألها دور كتير كبير , يعني وسائط الأعلام ببلاد الغرب عندهم أستعداد يصرفوا ملايين , بحيث يوصلوا فكرتهم للناس , بس عند العرب من وين يا حسره , ما أنته لسه بتحكي بلاد الجوع و و و .....الخ ! !

[The morning]

كاتب النص الأصلي : Noah

هل سمعتي عن لوحة لفنانٍ عربيّ, بيعت بثمن باهظ ياسيدتي؟

أعتقد هالشي بيرجع لأنو عنا مافي مهتمين بالفن غير المحترفين فيه .. يعني نادرا نادرا ما ستمع انو في شخص رايح يحضر معرض كرمال يشم حوا .. اضافه لانو مافي دعم ولا ايمان بالفنان بالبلاد العربيه ..