من قاموس الشام

[أحمد العجي]

المصطلح
الشــرح

السقاطة
مصدم مطرقة الباب وتكون من الحديد على شكل الحلقة أو يد الإنسان.

باب خوخة
باب البيت العربي الكبير المزدوج، باب خشبي كبير وبقلبه باب صغير مزين بالمسامير.

باب مصراعين
باب عادي بردفتين.

الدهليز
ممر ضيق بين باب الدار وباحتها.

الديار
باحة البيت العربي، وهي مفتوحة للسماء وسطها بحرة ماء وحولها أحواض الشجر والأزهار

القاعة
غرفة كبيرة في البيت العربي جدرانها وسقفها من الخشب كما يوجد في صدر عتبة القاعة "مصب" من الرخام مزخرف توضع فيه المرآة.

المربع
غرفة مربعة في الديار ولها عتبة وتسمى أيضاً المخدع.

الليوان
القسم المسقوف من باحة الدار، يطل على جمال البيت ويستعمل للجلوس صيفاً لرطوبته.

الصالية
غرفة عالية عن أرض الديار بثلاث أو أربع درجات، والصالية معربة عن الصالون.

الشمسية
شباك صغير لدخول الشمس وهو كالقمرية تماماً إلا أنه مزين بتقاطيع هندسية.

القمرية
شباك صغير في أعلى المربعات زجاجه ملون ولا يفتح للهواء، يدخل منه ضوء القمر.

المندلون
نصف نافذة تفتح لدخول الهواء وتكون في أعلى الغرفة أو القاعة.

الخص
شباك من أصابع الخشب المتقاطعة يحجب النساء في البيوت عن الأنظار.

المشرقة
سطح صغير داخل البيت بين الدرج وغرف النوم.

الممشاية
ممر بين الغرف.

الداور
ممر مغطى من طرفه الواحد بالزجاج، وهو محاذي لغرف النوم.

الرواق
امتداد فوق المربعات والقاعات يمنع المطر عن غرف البيت العربي.

الطوان
سقف الغرفة الداخلي ويستر بالأعمدة الخشبية التي تحمل سقف الغرفة، وهو من القماش الخام المطلي أو من الخشب المزخرف.

اليوك
خزانة داخل جدران الغرف بلا باب تغطيها ستارة، وتطبق في اليوك عادة فرش النوم واللحف والمخدات.

الكتبية
مكتبة برفوف خشبية بلا أبواب في جدار الغرفة العربية الدمشقية لوضع الزبادي الصيني، والشمعدانات، والكازات، والكتب.

الخرستان
كتبية لها باب خشبي مطلي بالزخارف.

دف المربع
أرض خشبية عالية في الغرف السفلى من البيت العربي يوضع فوق الطرز أحيانا ليمنع الرطوبة.

برطوشة الباب
خط رفيع من الرخام أو الحجر الأسود يفصل بارتفاعه سطح أرض الديار عن سطح عتبة القاعة أو الغرفة، وتسمى أسكفة الباب السفلي.

الزعرور
النجران، وهو نجران الباب أو عقب مصراع الباب.

الساقط
مفتاح باب البيت، يقولون في دمشق دشرنا البيت عالساقط ما غيلنا أي تركنا بلا قفل.

الزريقة
قصرمل، وكلس، وكتكت: يدهن بها نصف الجدار وأرض الغرف العلوية.

الكلسة
كلس أبيض وكتكت أي قشر قنب مقطع يطلى بها الجدار.

العدسة
قصرمل وكلس، تمد في أرض ديار البيت العربي وغرفه بدلاً عن البلاط.

القصعة
قصرمل، وصبغة حمراء، ورمل: تمد في الأرض وتصقل ويصير لها لمعة كالبلاط، وتستعمل غالباً في حمامات السوق الشامية.

الطالع
خزان داخل جدار الحارة تجتمع فيه المياه وتتوزع منه إلى بيوت الحارة.

السبيل
طالع مكشوف، بحيرة جدارية في حارة دمشقية يتبرع بها كسبيل عن روحه أحد الأثرياء، فيشتري الماء من كيسه ويقدمه مجاناً لكل عابر سبيل ولغسل الفاكهة وللدواب. وقد يرسل من هذه المياه سواقي للبيوت الفقيرة في الحي.

الكانونة
مدفأة جدارية تستعمل للطبخ في المطبخ العربي، يحرق فيها الحطب أو الفحم.

الوجاق
مجموع عدة كوانين أربع أو خمس كوانين، يستعمل للطبخ وخلافه.

النملية
خزانة خشبية لوضع الأكل فيها لها نوافذ من المنخل المعدني تسمح بالتهوية وعدم فساد الطعام، وتمنع النمل والذباب والحشرات عن الطعام.

__________________
للحديث باقية

[aboalzeik]

السقاطة

انت متاكد انوا هي من قاموس الشام لانوا نفسها مستعملة عنا بحلب

مشكور و بانتظار البقية

[أحمد العجي]

كاتب النص الأصلي : aboalzeik

انت متاكد انوا هي من قاموس الشام لانوا نفسها مستعملة عنا بحلب

مشكور و بانتظار البقية

متاكد مية المية حبوب انته الحلبية وانته نازلين على الشام وطالعين منا بتاخدو كلمات لحلب ولهيك صارو اهل حلب نص حكيين شامي مزبوط يا خاي

[aboalzeik]

انته الحلبية

اولا انا عايش بحلب بس ماني حلبي

نازلين على الشام وطالعين منا بتاخدو كلمات لحلب

ياسيدي الله يخليلنا الشام لانوا انا بحب سوريا كلها من شامها لحلبها

ولهيك صارو اهل حلب نص حكيين شامي

بهي يا سيدي غلطت لانوا في فرق بين الحكي الحلبي و الحكي الشامي 3 ملايين درجة مئوية
لانوا الشوام بيحكوى بطريقة دلوعة لاختلاطهم بجنسيات مختلفة شرقية و غربية اثرت شوي على طريقة حكيهم نوعا ما اما الحلبية فحكيهم تقيل شوي
يعني خود على سبيل المثال
بالعربية الفصحى من قول ( ماذا )
رح ابدى من الجزيرة و انا نازل
الجزراوية بيقولوا /// شكون يا الله
الحلبية بيقولوا /// إشبك خاي /// او إشبك يا بوو
و الادلبية بيقولوا /// أشو
و اهل الساحل // ؟؟؟؟؟ يمكن بيقولوا // شو أو عين /// أو ليك
اهل حمص بيقولوا /// طليع ( ما بعرف بس شلفتها )
و أهل الشام حبايبنا //// شوووووووووووووووووووووووو ية
يعني بيمطوا الحكي

حبيب هاد شي طبيعي لانوا كل واحد بيتأثر ببيئتة و احتكاكة مع الناس
هلا يمكن الحكي اللي فوق يكون غلط بس كل واحد يدخل و يصحح حكي منطقتة

[أحمد العجي]

غلط نووووووووو محرف نووووووووو انا معك انه الحكي الحلبي بيختلف عن الشام بس ما بيمنع انه اهل حلب صار اكترن بيحكي شامي يا خاي تحياتي الك ويسلملي تصحيحك

[Kakabouda]

فريد و بعيد خدلك زاوية لا تقول غدرتك

[zen]

احلى شام بالعالم



شام دقة بالقلب لو تباع كنت اشتريها