أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > درجة تانية > السقيفة

إضافة موضوع جديد  إضافة رد
 
أدوات الموضوع
قديم 29/01/2008   #1
شب و شيخ الشباب Leonardo da vinci
مسجّل
-- اخ طازة --
 
الصورة الرمزية لـ Leonardo da vinci
Leonardo da vinci is offline
 
نورنا ب:
Jan 2008
المطرح:
وين يعني برأيك ، قدام الشاشة شيتي
مشاركات:
13

إرسال خطاب MSN إلى Leonardo da vinci إرسال خطاب Yahoo إلى Leonardo da vinci
Thumbs down شاركنا أفلام الجيش شيتك.....


أي شباب مو صبايا
حبيت أفتح هيك موضوع ليلي بدو يفش خلقو شوي و يحكي
هادا الموضوع يعني هيك فينك تحكي فيه قصصك الي صارت أو يلي عم تصير وانت رايح على شعبة تجنيدك العزيزة الغالية على قلبك من وقت ما بتعمل دفتر الخدمة يلي بفتخر فيه لوقت لمّا بيجي الشرطي على بيتك وبيقلك (حبيب أنت مطلوب وطالعة فيك ورقة شرطية) أو لمّا بتشحطك الشرطة العسكرية من قدام الكراجات و انت مارق بالصدفة من هنيك أو وقت يلي بدك تغير اللوك تبعك و بتحلق عالصفر و تاني نهار بيسألوك الشباب هربان ولا ....

أنا يا شبيحة سوريا الأعزاء رحت لحتى أعمل دفتر الجيش شيتي من شي سنتين و نص ، وبتعرفو هنيك الشباب كتيّبة بيكونو منقايين عالليبرة ،
كل واحد منهن ما معو صف سادس يعني

أجا الأفندي و بلش يخربشلي على هالدفتر ، ولك حتى الدفتر شكلو بيأسي ، قام راح الأفندي بدال ما يكتب شيخضاهر كتب شيخاطر ، شي معلم على كيفكون ، و كل كلمة بدها حلم الله لتفهم شو معناها

قلنالو معلم نحنا معانا عوكة ، يعني عاها ، شو بدنا نسوي قال والله بدك تروح تشوف سيااااااااادة العميد (حسيت رح يقوم يخبط تحية بس يقول هيك)

المهم بلا طول لعي و علاك ، رحنا على مسقط الرأس تبع شيتنا ، شعبة اللاذقية الأولى ، فتنالكون على هالشعبة قمت حسيت حالي بشي بناية يمكن كان صاير جواتها شي حرب أهلية ، عملنا الوراق وما بعرف شو و روح و تعال و خود وجيب و قلو و بيقلك و بصوم و وقع و طلاع و نزول و فتش و بحبش و هيييييييييك لحتى وصلنا للفحص الطبي ، وهنيك كان الإبداع في فن الطب و التشخيص النظامي الحديث.

السؤال الطبي المعروف فقط بسوريا موديل 1945 – 3100 ميلادي وهو
(أبني فيك شي –بلا معنا- ؟؟!!؟!؟!)
هون جوابك بيقلك يا أما أعمال شاقة أو إحتماااااااااال خدمات ثابتة

المهم بلا طول لف و دوران قلنالون معنا عاها
قال والله فحصك الطبي بدك تعملو بطرطوس ، قلت أمري لرب العالمين وضليت عم لف و دور بين اللاذقية و طرطوس هييييييييييك لحتى أنكتب على الدفتر خدمات ثابتة و صدقوني وقت الواحد بياخدها هيك بيحس حالو شي شغلة عظيمة
بس لا حدا يجي و يسألني شلون ظبطت ...... وحياتكون و لا ليرة
بس الشغلة أنو شو صار معي وقت الفحوصات الطبية ....؟؟!!

انشاء هيك يعجبكن الموضوع و هيك يعني يكون قد مقام حضرتكن ولا تبخلو بهالقصص الشيقة


  رد مع اقتباس
قديم 29/01/2008   #2
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


هلا بو طريق .. عراسي يا ورد ..

ولك صاير عم يطلع معك ولاك .. عم تكتب يعني ...


ايه ايه .. شو بدي اكتب لاكتب .. راجعلك شوي تانيية .. فش خلقي .. فش وقت معي هلا شنو


راجعلك

شاورما ©

كمّون ©

Calculater ©

" لو .. رجعت الشام .. لـ حضن الشام .."

2011
  رد مع اقتباس
قديم 29/01/2008   #3
شب و شيخ الشباب Leonardo da vinci
مسجّل
-- اخ طازة --
 
الصورة الرمزية لـ Leonardo da vinci
Leonardo da vinci is offline
 
نورنا ب:
Jan 2008
المطرح:
وين يعني برأيك ، قدام الشاشة شيتي
مشاركات:
13

إرسال خطاب MSN إلى Leonardo da vinci إرسال خطاب Yahoo إلى Leonardo da vinci
افتراضي


فش خلقك فش ، رقابة مفش
فشو نيعك اليوم ما
  رد مع اقتباس
إضافة موضوع جديد  إضافة رد



ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 07:13 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.05090 seconds with 14 queries