محافظة دمشق.. اعتبارا من الاسبوع القادم وقوف السيارات بجانب الارصفة

[ابو ريتا]

محافظة دمشق.. اعتبارا من الاسبوع القادم وقوف السيارات بجانب الارصفة في اسواق ومركز المدينة مأجور

دمشق..
أعلنت محافظة دمشق ان توقف السيارات بجانب الارصفة في اسواق ومركز المدينة سيكون مأجوراً اعتبارا من الاسبوع القادم علما ان عقد الاستثمار وفق نظامBOT لمدة خمس سنوات بحيث تقدم الشركة كافة تجهيزات المشروع بنهاية الاستثمار للمحافظة اضافة لبدل ايجار سنوي 30 مليون ليرة سورية. وحددت اجرة الوقوف في الساعة الاولى 50 ليرة سورية وكذلك للساعة الثانية وفي حال تخلف السائق عن تحرك السيارة بعد ساعتين تفرض بحقه غرامة 100 ليرة على كل ساعة تأخير عن الساعتين وحجز السيارة.‏
وبين المهندس طارق العاسمي مدير هندسة المرور والنقل في محافظة دمشق ان بدل الايجار على السيارات يطبق صيفا من الساعة 9 صباحا وحتى 10 مساء وشتاء من التاسعة صباحا وحتى التاسعة مساء.‏ ولفت المهندس طارق العاسمي الى ان المواقف المأجورة المحاذية للارصفة تشمل مبدئيا 8 محاور في المدينة وهي محيط سوق وشارع النصر - شارع الفردوس ومحيط فندق الشام- فندق الفور سيزن ومحيطه - شارع البرازيل-ساحة المرجة ومحيطها- شارع الباكستان والارجنتين وميسلون ومحيط حديقة 8 اذار والطلياني - شارع الحمرا بالاتجاهين - شارع 29 ايار وطلعة رامي-ساحة باب توما.‏
واوضح المهندس سامر الملك مدير جهاز الاشراف بالمديرية ان المحافظة تعد حاليا محضر استلام مؤقت لكامل تجهيزات المشروع من حواسب وتجهيزات منوها ان العدادات الالكترونية لمواقف السيارات مربوطة بنظام G.P.R.S ما يمكن الشركة المستثمرة مراقبة الاجهزة الموجودة في المواقع ومعاينتها عبر مكتب الاتصال وخدمة الشركة محملة على شبكة الانترنت ويمكن دفع بدل الايجار مباشرة او عن طريق بطاقات مسبقة الدفع.‏ وابقت المحافظة التوقف في المواقع المذكورة مجانا ايام الجمعة وخلال عطلتي الاضحى والفطر.‏

[ماغنوم56]

وهي مدخول زياده عيشو بهل النعم

[ابو ريتا]

كاتب النص الأصلي : ماغنوم56

وهي مدخول زياده عيشو بهل النعم

قولك ، بيطبق هاد الشي و لا رح يصير تجاوزات ؟ نورت

[المحارب العتيق]

ممكن نعرف مين صاحب الشركة . بس 30 مليون بالسنة . منيح يلي مو مجرد دفتر شروط ب10 ألاف ليرة

[حلبي]

هاد النظام موجود عتا

الله لا يوفئون وين مارحت على تشليح

هاد اللي تعلمو من الغرب

مشكور أخي أبو ريتا على الخبر

[whiterose]

ماعم يعرفوا من وين بدون ياخدو مصاري

بكرى بقلولك وصلت على بيتك سالم بفضلنا هاتلك 100 ورقة

[حلبي]

في البداية كانو أغلبية اللي بشتغلو في مواقف السيارات من المعاقين و حتى كان ألهن منظمة لأجل أستخدام المال في صالح المعوقين و ما يحتاجونه

بس اللي حصل من مدة خمس شهور يعني من بداية السنة الحالية

المحافظة أخدو المشروع لحالون وهيك الله ينتئم منهن كوشو على نص البلد و طبعا أضافو عدة أماكن كانت مجانية هلئ صارت بلدفع

الله يدفعون على شي ما يرجعو منو

و لهل سبب أتوقع أنو الأنتخابات القادمة ما رح الناس تصوت ألهم

بأه في سوريا شلون الناس بدها تعترض أبعرف

[W.E.G.A]

اي شو هاد ما ضل غير الهوا ببلاش

[ابو ريتا]

كاتب النص الأصلي : المحارب العتيق

ممكن نعرف مين صاحب الشركة . بس 30 مليون بالسنة . منيح يلي مو مجرد دفتر شروط ب10 ألاف ليرة

بصراحة مو مذكور ماهية الشركة بالتفصيل ، نورت

[ابو ريتا]

كاتب النص الأصلي : حلبي

مشكور أخي أبو ريتا على الخبر

أهلا أخ حلبي نورت

[ابو ريتا]

كاتب النص الأصلي : whiterose

ماعم يعرفوا من وين بدون ياخدو مصاري

بكرى بقلولك وصلت على بيتك سالم بفضلنا هاتلك 100 ورقة

نورتي يا وايت روز

[ابو ريتا]

كاتب النص الأصلي : ويجا

اي شو هاد ما ضل غير الهوا ببلاش

شي عجيب كيف ماشي ، مخشخش من غير خشخاشةنورت ويجا

[whiterose]

بعدين ولله جد انا عمري ما نزلت على السوق بالسيارة

اولا لأنو بالأصل مافي صفة
تانيا انا مو كتير شاطرة بالصفةا زا مافي مكان مرتب

مافي غير مرآب ساحة عرنوس والساحة ب 75 ليرة
وساعة ودقيقة ارة ساعة ونص

هنن فكرهم يسترزقوا

اي بكرى ماحد بصف

[بنفسجة]

موجود بدول الخليج كمان
وفكرة حلوة
ليش لا

[whiterose]

كاتب النص الأصلي : بنفسجة

موجود بدول الخليج كمان
وفكرة حلوة
ليش لا

حلوة

وين الحلا يا حلوة؟؟؟

يعني قال وطننا قال
شايفتلك حتى الطرقات مو لألنا

[YaSeR]

كاتب النص الأصلي : ابو ريتا

بصراحة مو مذكور ماهية الشركة بالتفصيل

شركة طيف للدعاية والاعلان .. هي يلي اخدة العقد

واذا منعمل عملية حسابية بسيطة بيطلع معنا

صيفا 13 ساعة بـ 1000 موقف بـ 154 يوم(بعد حذف أيام الجمعة والعيدين) بـ 50 ليرة = 100000000 مائة مليون ليرة شتاء: 12 بـ 1000 بـ 154 بـ 50 = 92400000 اثنان وتسعون مليون ليرة يصبح المجموع حوالي مائة وتسعون مليون ليرة 192 - 30 = 162 ربح سنوي صافي لشركة طيف للإعلان بـ 5 سنوات = 810 مليون مقابل 150 مليون فقط للمحافظة !!!

[بنفسجة]

كاتب النص الأصلي : whiterose

حلوة

وين الحلا يا حلوة؟؟؟

يعني قال وطننا قال
شايفتلك حتى الطرقات مو لألنا

الحلو فيها انو بيبطل حدا يصف سيارتو وهيك بتخف الزحمة وبتحسي باتساع المكان
وبيسترزقو شوفيرة بالباصات
وبيقل التلوث نظرا لقلك عدد راكبي السيارات الخاصة

[ابو عمير السوري]

كل شي فهمناه بس الحجز اذا تجاوز مدة الوقوف ساعتين ليش يعني أذى ولا ولادنة حلال