مصر القديمة, والفراعنة

[Willi]

مصر القديمة.jpg

من حوالي 10,000 سنة الناس بديو ينتقلو لوادي نهر النيل, بحثا عن الطعام. هالناس كانو بداية حضارة سمية مصر.


نهر النيل:

نهر النيل ينبع من افريقيا, ويصب في البحر الابيض المتوسط. هالنهر يؤمن التنقل والري للوادي بأسرو. طبعا في شي مميز بنهر النيل (غير انو اطول نهر بالعالم). هو فيضانو سنويا, وبنفس الوقت. هالشي ساعد المصريين كتير على انو يعرفو ايمت بدهون يبدو بالزراعة.

وادي النيل كان بشكل مقبول امن من الغزات, لانو حدودو كانت كلها صحرا, وسواحل غير امنة.


مصر القديمة:

حوالي 5,000 سنة ق.م. فلاحي مصر عرفو كيف يستفيدو من طوفان نهر النيل السنوي, ليزرعو. فبلش عدد السكان بالازدياد.

بعد هيك اجتمعت القرى اللي على ضفاف النيل وكونت مملكتين. بحوالي 3100 ق.م. مينا (او ممكن نارمر) حاكم مصر العليا, احتل مصر الدنية. وبدأ سلالة حاكمة, (عدد من الحكام من نفس العيلة).
تاريخ السلاسات الحاكمة بمصر مقسم لتلات فترات: القديمة, الوسطى, و المملكة الحديثة.


المملكة القديمة:

بهالفترة, المصريين شكلو حكومة قوية. وكانو يعتقدو انو حكامون الهة (هلق صارت بكل الوطن العربي هيك.....), وسموه (للحاكم) فرعون. الفرعون كان منظر منو انو يحكم لمصلحة المملكة. الفرعون كان حاكم ذو سلطة كبيرة, ورئيس للكهنة.

عند الفرعون كان في كهنة محليين, هدول الكهنة حكمو المناطق المحلية اللي كانت مصر مقسومة الا.

عصر الاهرامات, المصريين بنو أهرامات عظيمة من صخر. بالاهرامات كانو يحطو جثة الفرعون, مع الاشياء اللي بدو ياخدا معو للحياة التانية. (المملكة القديمة ايضا كانت معروفة بعصر الاهرامات).

سقوط المملكة القديمة, المملكة القديمة كانت فترة من سلم وثروة. حوالي 2300 ق.م الفراعنة بلشو يخسرو يخسرو سلطة. الحكام المحليين صارو يقاتلو بعضهون على السلطة.


المملكة الوسطى:

حوالي 2000 ق.م, حاكم قوي بدي سلالة جديدة. بس فراعنة المملكة الوسطى ما كانو بقوى فراعنة المملكة القديمة.

وكانو فراعنة المملكة يكأفئو الناس على تأييدون باعطائون امتيازات.

خلال هالفترة المصريين بدأو يتاجرو مع حضارات البحر الابيض المتوسط. بسنة 1730 ق.م مصر احتلت من قبل الهكسوس , هالناس كانو محاربين من القسم الغربي للهلال الخصيب.


المملكة الحديثة:

المملكة الحديثة بدأت عندما ابعد المصريين الهكسوس من مصر ب 1580 ق.م. لحماية مملكتن, الفراعنة صارو حكام عسكريين. من 1503 الى 1482 ق.م هاتشبسوت حكمت مصر بنجاح. وكانت اول امرأة بالتاريخ لتصير حاكمة. (طبعا لحد علمنا)

حكم (سلطان) امينحوتب, امينحوتب IV (الرابع) صار حاكم سنة 1379 ق.م. وحاول, من دون نحاح, انو ينشر التوحيد, (الايمان باله واحد) بين المصريين.

حكم رعمسيس, رعمسيسII (الثاني), كان اخر الحكام العظماء بالمملكة الحديثة. قاتل الحثيين. وبنى معابد و تمائيل. بدون ما ننسى نذكر انو هالفرعون حكم 67 سنة, وكان عمرو وقت مات حوالي 82 سنة (البعض بقولو انو مات عن عمر 90 سنة) مع العلم انو الفراعنة كانو يموتو بالتلاتينات, لهيك المصريين فكرو انو هالزلمة ما رح يموت. ورح يضل عايش للابد.

سقوط مصر, بعد 1100 ق.م, فراعنة ضعفاء حكمو مصر, وما قدرو يضبطو الامبراطورية. فبين 715 ق.م. و 332 ق.م., الاشوريين, بدو الصحراء, بعدين الفرس حكمو مصر




يتبع......

[Eh@Ab]

بقولو انو الفراعنة عندهم معرفة كبيرة كانت معقول

[Willi]

ما بعرف شو بتقصد بمعرفة كبيرة.

بس هني بالفعل كانو متقدمين (يمكن من ما نحن هلق)

طبعا متل ما كتبت بالرد القبلو انو في كمالة.

ورح يكون بهالكمالة في شي من الحكي عن معرفتون بالطب والهندسة وهالحكي

[سرسورة]

شكرا جاد ......بس شو هي الاشياء اللي كانوا ياخدوها معون الفراعنة للحياة الثانية؟؟؟؟؟

[Willi]

اكتر الشي دهب.

ممكن اكل ومي. وممكن شغلات عزيزة عليهون.

حتى انو احيانا كانو يقتلو عبيد, مشان ياخدوهون معون.
طبعا ما بدنا ننسى انو كانو يحنطو اجسامهون مشان تبقى محافظة على حالها وما تتغير.

[حمود الردمى]

ماهى اصول الفراعنة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Willi]

متل مو مكتوب ببداية الموضوع.
هدول ناس من اماكن مختلفة انتقلو لوادي النيل.
وبعد فترة عملو هالحضارة

[فلسطيني للأبد]

طيب كيف انتهت دولة الفراعنة؟؟

[سرسورة]

طولو بالكن ع الزلمة..لسا ما خلص الموضوع.....

[Willi]

المجتمع:

تحت الفرعون وعيلتو الحاكمة كان في 4 فئات:

• الفئة الحاكمة, بتتكون من كهنة والنبلاء
• الطبقة المتوسطى, كتاب, تجار, وعمال محترفين
• فلاحين, اغلبون كانو مزارعين
• سجناء الحرب, وكانو عبيد

بالمملكة القديمة, انعمل فئة جديدة وكانت مكونة من الجنود, وكان تصنيفة تحت فئة النبلاء.

الحياة العائلية, النساء متلون متل الرجال, كانو بيقدرو يعملو بزنس, وبيقدرو يملكو ممتلكات. والصبيان كانو يروحو عالمدرسة او يتعلمو شي حرفة. بينما البنات باغلب الاحيان كانو يتعلمو بالبيت.




الديانة:

الديانة كانت جزء مهم من حياة المصريين. المصريين عبدو الهة متعددة. بعض من الحيوانات, متل القطة, التمساح, التور, كان يعتبروهون مميزين, لانو كان يعتقدو انو هالحيوانات بتخدم الالهة.

الايمان بالحياة التالية, المصريين كانو يأمنو انو الكل عندو حياة بعد الموت. لانو كانو يعتقدو انو الروح رح ترجع للجسد, فكانو يحفظو الجسد الميت كمومياء. وكانو يدفنو الميت مع اكل وشغلات بدون ياها بالحياة التانية.




الكتابة:

بحوالي 3000 ق.م., المصريين اخترعو نظام كتابة سموه, الهيروغليفية. الهيروغليفية كانت مؤلفة من صور ورموز لكلمات وافكار. المصريين كتبو على ورق البردى, نوع من الورق مصنوع من الرييد اللي بينبت على ضفاف النيل.

لمزيد من المعلومات فيكون تراجعو هالمواضيع

مسلة رشيد, واللغة الهيروغليفية
لالي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هيروغليفية , لجيدا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وموضوع اللغة الهيروغليفية.... وكيف استطاعو قرائتها
ردود بحنوس بتستحق المراجعة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

انجازات اضافية للمصريين

الحساب, المصريين كانو كتير بارعين بالرياضيات. شهيد على هالشي. انو باحدى المرات بنو هرم
وقبل ما يخلصوه الارض ما قدرت تتحمل وزنو (يبدو انو ما انتبهو وين بنوه) بكل الاحوال, راحو ميلو الزاوية تبع الهرم بزيادة. مشان يخف الوزن عن الجهة اللي نزلت.

علم الفلك, المصريين اكتشفو الوقت اللي بتاخدو الارض لتدور حوالي الشمس (365 يوم). واخترعو تقويم بـ 12-شهر.

الدواء, معرفة الاطباء المصريين كانت معروفة بحوالي البحر الابيض المتوسط كلو.
يقال انو قدرو يعلمو حوالي 50 عملية جراحية. وكانت ناجحة.

[Willi]

طيب كيف انتهت دولة الفراعنة؟؟

هاد السؤال رح احكي عنو لحال بوقت لاحق.

يعني الموضوع تابع.

[الإمبراطور]

كاتب النص الأصلي : Willi

متل مو مكتوب ببداية الموضوع.
هدول ناس من اماكن مختلفة انتقلو لوادي النيل.
وبعد فترة عملو هالحضارة

أصل الفراعنة هم قبائل رعاة رحالة من شمال أفريقيا وصلوا إلى نهر النيل و أستقروا و عملوا بالزراعة ثم أنشأوا الحضارة الفرعونية المعروفة

[الإمبراطور]

كاتب النص الأصلي : Willi

اكتر الشي دهب.

ممكن اكل ومي. وممكن شغلات عزيزة عليهون.

حتى انو احيانا كانو يقتلو عبيد, مشان ياخدوهون معون.
طبعا ما بدنا ننسى انو كانو يحنطو اجسامهون مشان تبقى محافظة على حالها وما تتغير.

كانوا كمان بياخدوا أكل و شرب و ملابس و كل شيء ممكن يحتاجوه في الحياة الأخرى و متل ما قلت كانوا بيقتلوا العبيد و الخدم و يحطوهم في القبر مع المتوفي عشان يخدمهم في الحياة الأخرى بس في الدولة الحديثة بطلوا يعملوا كدة و كانوا بيحطوا بدل العبيد تماثيل صغيرة زرقاء اللون تسمى تماثيل الأوشابتي و كانت بعدد أيام السنة 365 تمثال كل واحد يخدمه يوم من أيام السنة

[Willi]

مشكور امبراطور عالزيادة

شغلة تماثيل الاوشابتي اول مرة بسمعها. يعني ما سبق وقريت عنها.

الف شكر

[Willi]

بالنسبة لسقوط دولة الفراعنة.

هلق بعد ما مات رعمسيس التاني, حكم مصر فراعنة ضعفاء ما قدرو يضبطو الدولة. بهالوقت اجو عالم من البحر دمرو دولة الحثيين (الصديقة لمصر, بحكم انو رعمسيس وقع معون معاهدة) وبعدين اتجهو لمصر. (هون تعتبر مصر سقطت).

بعد هالشي انتقل حكم مصر بين النوبيين والاشوريين والفرس.
بسنة 332 قبل الميلاد, حكم الاسكندر الاعظم مصر ومن بعدو خلفائو حتى سنة 305 قبل الميلاد.
بسنة 305ق.م. استلمت الاسرة البطليمية\. هالاسرة من سلاسة الاسكندر الاعظم,
وكانت نهايتا على ايد الرومان. بسنة 30 ق.م, وقت احتلوا مصر و كليوباترا سممت حالا.

[حمود الردمى]

كاتب النص الأصلي : Willi

متل مو مكتوب ببداية الموضوع.
هدول ناس من اماكن مختلفة انتقلو لوادي النيل.
وبعد فترة عملو هالحضارة

جواب نهائى اخر كلام عندكم ؟؟؟؟؟؟؟؟؟؟؟؟؟؟؟؟؟؟

لازم تطلع اكثر على هذا الامر لانة هذا تاريخ وحضارة امم مش كلام فاضى

[فلسطيني للأبد]

كاتب النص الأصلي : Willi

بالنسبة لسقوط دولة الفراعنة.

هلق بعد ما مات رعمسيس التاني, حكم مصر فراعنة ضعفاء ما قدرو يضبطو الدولة. بهالوقت اجو عالم من البحر دمرو دولة الحثيين (الصديقة لمصر, بحكم انو رعمسيس وقع معون معاهدة) وبعدين اتجهو لمصر. (هون تعتبر مصر سقطت).

بعد هالشي انتقل حكم مصر بين النوبيين والاشوريين والفرس.
بسنة 332 قبل الميلاد, حكم الاسكندر الاعظم مصر ومن بعدو خلفائو حتى سنة 305 قبل الميلاد.
بسنة 305ق.م. استلمت الاسرة البطليمية\. هالاسرة من سلاسة الاسكندر الاعظم,
وكانت نهايتا على ايد الرومان. بسنة 30 ق.م, وقت احتلوا مصر و كليوباترا سممت حالا.

يسلمو عالمعلومات!!

[Willi]

جواب نهائى اخر كلام عندكم ؟؟؟؟؟؟؟؟؟؟؟؟؟؟؟؟؟؟

لازم تطلع اكثر على هذا الامر لانة هذا تاريخ وحضارة امم مش كلام فاضى

افحمنا بغيرو

انا ماني جايب شي من عندي.
هاد الملخص من كتاب اسمو Great Civilizations الكتاب بيحكي عن كتير حضارات. ووحدة منهون حضارة الفراعنة.
هاد الكتاب معتمد بالمدارس باميركا ويدرس فيها.
يعني مانو حايلا كلام


تحياتي