لاناقة الشب اصول ! (متجدد)

[قلب المثنى]

مرحبا يالسورية المشتاقة
أنا آسف على التأخير وشكراً كتير عالموضوع الحلو كتير
ويإعتقادي إنو ستايل أي شخص إذا كان نابع من قناعته الشخصية فيه دون التأثر بالمحيط أو الأصدقاء أو الزمان أو المكان
بيعكس الشي إلّي بداخله وربما دل على شخصيته أو أتجاهه بالحياة

أنا بالنسبة إلي كلاسيكي ومابركض وراء الموضة وإذا شغلة ماني مقتع فيها مابساويها
وبدقق كتير على ألوان الملابس وأكتر شي بحب بالملابس اللون الأسود
ومابحب تشبّه الشباب بالصبايا أو العكس

ولاأحب
يكون ستايل الصبية على حساب إنثويتها
أو يكون ستايل الشب علي حساب رجولته
لان جمال الصبية بأنوثتها وجمال الشب بأخلاقه ورجولته

[السورية المشتاقة]

اهلا فيك يا قلب المتنى ... و ستايلك كتير حلو

[السورية المشتاقة]

هاي هلق رح حطلكون ستايلات نضارات شمسية ...
للي بيردو بس مو للي بيفوتو بيتفرجو وبيطلعو

[السورية المشتاقة]

اسفة رح حطهون بعدين مدري ليش علقت عندي الملفات

[whiterose]

أهلين سورية
عتب عليكي مو تفقنا لما تعملي موضوع تعطيني اللينك تبعو بتعرفي بطريق الصدفة شفتو المهم
أنا بحب الشب يكون على الموضة
بس مو يلي طاقق فتشة براسو
ولا يلي قميصو طالع من بنطلونو
ولا يلي كمر البنطلون فلتان ولا يلي مدري كام خاتم وأسوارة بأيدو
يعني بنت 23 سنة أكيد رح تحب الشكل يلي بدل على الرجولة أكثر
بس هاد ما بيمنع أنو بحبو على الموضة
بحب بالتياب أنو يكون في تناسق ألوان كتيير
بحب الألوان المتعددة للجينز الفاتح الغامق مع الديشرتات الفاتحة على شب أسمر
مابحب الشب الأبيض يعني بالمشرمحي مابيجذبني
بحبو كتير بالرسمي
أما بالنسبة للبارفان فيمكن بنظرلو قبل التياب
وبحب دقق بحذاء الرجل وساعة أيدو
وبحبو يكون عم يلمع من بعيد ما تسألوني كيف لأنو بعرف حدا بيلمع من بعيد

[السورية المشتاقة]

نورتي يا عمري يا احلى وردة بيضا باللادقية

بس الشباب الظاهر ما عجبتهن هالشغلة

[محمد ابراهيم]

شكرا على الموضوع.
لكن مافي ستايل اعتقد انو يناسيني .
وانا بميل للكلاسيك او الكلاسيك المطور (يعني البس الكلاسيك اللي به تعديلات بسيطه )
يعني منه كلاسيك ومنه مودرن.
والله وحشتني موضوعاتك .

[بدوي الجبل]

بس بتعرفوا أفضل من الأسود ما في

بكل أنواع الملابس و الأحذية و الساعات

بكل شي إلا الحياة

هيك أنا بشوف

[السورية المشتاقة]

اهلا يا محمد وانتا وحشتني كمان ... وازا بتحب الكلاسيك تكرم عينك ما انا عاملة هالموضوع للبيلكن طلباتكن رح حطلك شويه شغلات كلاسيك انشاء الله تعجبك
الكلاسيك كتير حلو لكن اله عمر معين يعني عالاقل 23 سنه

[ِAbu Alzooz]

وهي كم موديل كمان بس هادا مو ذوقي

وشكرا على الموضوع

[محمد ابراهيم]

الفكره بالكلاسيك مو العمر.
انا من وقت لاخر اجرب بعض الستايلات.
ولكن انا استريح اكثر في الكلاسيك.
وانا عمري تحت 23 سنه.لكن بسنه واحده.

[السورية المشتاقة]

اهلا فيك ابو وليم ...شكرا كتير عالصور الحلوة...وليش ما خبرتني عن ستايلك ...

اهلا يا محمد ابراهيم وهي شويه قمصان كلاسيك
انا بحب الكلاسيك لكن بشرط..انه يكون الحذاء لمااااااااااااااع

[السورية المشتاقة]

هاي ..هلق رح حطلكن يا شباب زي كامل...يعني بينلبس كله مع بعضه
ومعاه اكسسواراته كمان..لبقتهن عزوقي

[whiterose]

انا بحب الكلاسيك بس مو انو يكون بعيد عن الموضة كتير
في شغلات كلاسيكية فيها شي من الموضة بتكون بتسطل بس الموضة اللي طالعة هلىء رهيبة
ومثلاً بحب الشب يلي بيلبس بدلات رسمي بس مابحب الموديلات القديمة يعني هلىء الكرافة مو دارجة كتير دارج الفولار يا اما الكرافة العريضة
هيك بحب كلاسيكي على الموضة

[قطر الندى]

أنا ما بحب الشب اللي عالموضة لأن الموضة بتلبق للبنات وبس أما الشباب حلوين برجولتن وأذا كان محتفظ برجولته وأناقته بكون هذا هو المطلوب

[whiterose]

يمكن كلامك صح يا قطر الندى
بس نحن كا صبايا ما بيجذبنا للشب غير أناقتو صح ؟؟

[suberstart]

الموضوع حلو كتير بس ماشي عجبني بالنسبة للستيال الي في الموضوع بس على كل حال شكرا كتتتتتتتتتتتتتتتتتتتتتتتت تتتتتر على الموضوع

[قلب المثنى]

كاتب النص الأصلي : whiterose_na82

يمكن كلامك صح يا قطر الندى
بس نحن كا صبايا ما بيجذبنا للشب غير أناقتو صح ؟؟

مرحبا whiterose
كلامك صحيح مية بالمية بس مفهوم الأناقة ممكن يختلف من شخص لآخر
ممكن واحد يعمل قصة لشعره عالموضة متل مادارج ( المنفوش يعني) ويلبس كنزة برتقاليةو مرسوم عليها روبن هود وبنطلون مقطع وموصل وبقول هاي هي الموضة والأناقة
أمابالنسبة إلي بعتبر هالشي معيب ومخزي