هل توافق على الغاء الخدمة الالزامية؟

[بنفسجة]

الجيش ضمانة وامان لاي بلد
بالنسبة الي على علات جيشنا فهو بيشكل عامل امان كبير كتير بالنسبة الي
وبرفض اي فكرة لحلو

[pivot]

مو ممكن الغاء الخدمة الالزامية
بس يا ريت اعادة النظر بقوانين الخدمة الالزامية

[was616im]

كاتب النص الأصلي : VivaSyria

على هالمنوال بلا ما نتناقش بشي ونضب غراضنا ونمشي.. لأنو بتخيل فيك تعتبر أي نقاش بأخوية مارح يغير شي... فمن قصيرها بلا النقاشات ومنقضيها تسالي وسلامات.

خيو انتو جماعة ما بينفع معكن النقاش اساسا ( بلا مؤاخذة بهالكلمة يعني خدها بروح رياضية يستر عرضك مزح يعني ) او نحنا جماعة ما بينفع معنا النقاش اساسا ( معلش انا ما بواخذ حالي ) اللي بدك ياه اختارو ما عندي مشكلة بنوب ...

بس قصدي انو يا حبيبي في مواضيع ( برايي الشخصي لا اكتر ولا اقل ) خرج الواحد يتناقش فيها و في مواضيع لاء ... و انت بيجو ما بتعرفني بس انو كنت شارك بمواضيع كتير من تبعون الحكومة ولا تبعون المعارضة ...( لا تروح تفكرني شي سياسي و ما سياسي يستر عرضك ها ... انا على قدي انسان بسيط بعطي رايي الشخصي وبس لا كتر ولا اقل) بقى مو القصة قصة انو والله نضب غراضنا و نمشي وبلا ما نتناقش لاء ماننا عم نبيع بطاطا هون ...بس فكر فيها بالعقل شوية يعني ... يا زلمي جماعة المخابرات بس يشوفو هيك موضوع و هيك نقاش مدري ليش حاسن رح يفرطو من الضحك ...

قال بدن يلغو الجيش قال بعد شوية بتقولو بدكن تعطو كل موظف مليون دولار شهريا اذا المعارضة الشريفة تبعتكن( و اللي ما بعرف بمين ممثلة شيت اغلبها حراميي سابقين في النظام الحالي ) اذا استلمت الحكم اذا هيك اي انا بترك الدراسة و برجع على سوريا و بشتغل اذن بشي دائرة حكومية كمان مقابل مليون دولار بالشهر


هلق هو صحي الرد ركيك و فايت ببعضو هيك انا حاسسو بس بدك ما تواخذني من شي صاحي من النوم بعد صاروخ مبارح ... ف لساتني ما عملت ضبط للقنوات و المحطات براسي

[was616im]

خيو روح وحياتك ما رح خجلك ... رح قلك رايي انا : الغاء لا ثم لاء ثم لاء ... بس تعديل بالقوانين اي ...انهاء الفساد و النهب و السرقات طبعا هاد شي كلياتنا منحلم فيه .... تخفيف المدة كمان هاد شي كتير ظريف ... وهكذا اشياء يا ريت لو انو تصير عنا بسوريا ... بس بقلك شغلة زيادة ... انا شخصيا بتمنى انو اذا صارت هالاصلاحات انو تصير ع زمن الدكتور بشار مو ع زمن واحد تاني مين ما كان يكون ...
سلامات خيو

[satoman]

انا مع التخفيض وليس الالغاء مع اني مابخدم

[يمان Rooooonaldo]

انا اي مع .. بس بطريقة معينة .. وهية فلنفرض كالتالي .. انو لو فعلا بيلتغى الجيش .. عن الزلمة .. اللي بكون عم يشتغل .. شغل بفيد البلد .. اكتر ما انك تحبسو عندك سنتين .. مع الشب اللي عم يدرس .. دراسة .. وبدا وقت حرام تسرقلو هالستنيت من عمرو .. بس اكيد اكيد لا .. مو مع هالبشر اللي قاعدة بطالة لا شغلة ولا عملة .. وما عم يطلع معها شي .. هدول حرام فيهم ما يفوتو .. الجيش .. بس هلا لح يجي حدا ويقول صعبة اي صعبة وكتير .. لانو لح يشتغل اللف والدوران عالحكومة .. لزلك ولو بيتوفر .. شوي من هاللي عم يصير بالجيش .. حاليا من مصاريف وعالم عم تروح عالفاضي كل هالسنين .. وبتنحط بدالا .. مشاريع .. للتفكير .. مثلا بكيفية انو يصير نظام يقدر يضبط .. اللي عم يشتغل متابعة .. اللي عم يدرس اللي اللي .. بكون في فرق كتير كبير .. وتقدم كتير كبير ..

بالاخير متل ما اتفق الكل انو اكيد ما ححدا بيقبل بالالغاء .. الكامل .. لانو ما في عدد متطوعين كافي .. ليعملك جيش قادر انو يحمي بلادك .. ما بتوقع .

[رجل من ورق]

مرحبا وسيم انت منيح؟

[ظل جيفارا]

انا عندي شي غير الموجود باللائحة
إنو يابا ما بدنا نلغي الجيش ونقعد دولة ما عندها قدرة مادية تدفع رواتب عالية لمتطوعين وكمان ما بدنا خريج جامعة طويل عريض يقعد سنة وتسع شهور بفترة ضايعة من عمره
انا مع انو تصير عبارة عن دورة مكثفة في استخدام الأسلحة مدتها لا تتجاوز الستة اشهر وست اشهر تانية الإنسان يخدم فيها الوطن بمجال عمله يعني الصحافي يلاقوله طريقة يخدم فيها الوطن بقلمه والمثقف بفكره وهيك قصص يعني
يعني بتصير القصة كلها على بعضها سنة نصها تجييشي والنص التاني وطني بحت
هلأ كمان بهيدا الموضوع لازم يتراعى شي كتير اساسي هو الفساد في وزارة الدفاع اللي يمكن هو سبب لكتير كره من الشعب على الجيش وعلى فكرة الخدمة الوطنية بالمجمل
تحياتي الحارة
ظل جيفارا

[رجل من ورق]

ناسيين شي اسمه دفاع مدني؟

[was616im]

كاتب النص الأصلي : رجل من ورق

مرحبا وسيم انت منيح؟

احسن من هيك بنتزع انا

[Reemi]

كاتب النص الأصلي : رجل من ورق

مرحبا وسيم انت منيح؟

كاتب النص الأصلي : was616im

احسن من هيك بنتزع انا

اهم شي انتو التنين تكونو بخير .. اكتر من هيك ما بدنا ..الله يديملكن الصالون تسلمو ع بعض فيه ..شرفتونا ..!



انا ضد الغاء الخدمة الالزاميه .. بس مع تخفيفها .. والحرص على تغيير تعامل الضباط مع العساكر ..-وهاد هوي المستحيل بعرف-.

[yass]

ثبت علميا انو البني آدم يعمل الشغلات بشكل أفضل لما بياخد مصاري ع هالشي


الخدمة الإلزامية مضيعة للوقت.. و الجهد..

الحل الأمثل هو نظام المتطوعين.. بينعمل الجيش حرفة حتى على مستوى الجندي.. يعني بتضرب عصفورين بحجر واحد

العصفور الأول انك تخلّص الشباب من هالهم اللي مالو طعمة

و العصفور التاني انو يكون عندك جنود أفضل, مدربين بشكل أحسن (لأنو مو نفس الشي واحد بدو يقضّي عسكريتو كيفماكان و واحد حرفتو يكون عسكري) و يعني حتى اسلوب منيح للقضاء على البطالة, انو يكون باب منيح مشان هالناس اللي ما عندا تحصيل علمي يكون عندا طريق للحصول على فرصة عمل بالجيش.. و الميزانية ما رح تتأثر يعني لأنو الجيش ماشالله مصاريو كتار..

و بيظل جندي محترف.. أكثر نفعا من 3 مجندين


التوقيع: وحيد لأمو ما عليه جيش

[i m sam]

أنا مع التطوع بالجيش يعني جعل الجيش النظامي عبارة عن متطوعين
بس بنفس الوقت يكون في دورات تدريبية ولو لست أشهر تعلم الناس كيف يستعمل السلاح لانو ما بيعرف متى الانسان بيحتاج هالشي..طبعا مو مع جارو بدو يحتاجو مع اي تهديد خارجي قد يضطر الانسان للوقوف مع الجيش لحماية البلد.

[ayhamm26]

الغريب انو شلون في عالم ربطت الغاء الخدمة الالزامية بالغاء الجيش؟؟

ما حدا عم يحكي على الغاء الجيش , بس الخدمة الالزامية هي سواء كانت سنتين او ساعتين ما رح تقدم ولا تاخر بوضع الجيش وهي فعلا مضيعة وقت وقوة الجيش مو بعددو وانما بنوعية وتدريب عناصرو

بزمانو باحد معسكرات التدريب الجامعي اللي حضرتها بسوريا اجى واحد من الرفاق اعضاء القيادة القطرية , قام في طالب جرب يسالو سؤال انو نحني الطلاب ليش منجي لهون مننتقع بالشمس اسبوعين من دون ما نعمل اي شي مفيد , لو انو بتعملولنا بدل هالشي دورات لغة انكليزية او كمبيوتر او اي شي تاني
طبعا الرفيق اطلع في هيك وضحك ضحكة صفراء مقيتة وقلو , يا ابني العدو الصهيوني على بعد 35 كم من دمشق وبدك يانا نلغي معسكرات التدريب الجامعي

[قرصان الأدرياتيك]

أنا صوتت بـ "نعم" وبدون قصّة البديل، لأن يا يكون في جيش متل الأوادم بدون ما يعتمد على خدمة أشخاص ما ألون علاقة بالعلاقة، يا أما بلا!
بظنّ أنّو إلغاء الخدمة ورفع المستوى الأكاديمي والمعاشي للجيش رح يكون أفضل بكتير مالحالة الحاليّة المزرية.
قال خدمة قال... كلا عم تنقضي بالجاموقة ومنبطحاً ومن هالحكي!

[lord tartous]

أكيد لاء

[ظل جيفارا]

كاتب النص الأصلي : yass

ثبت علميا انو البني آدم يعمل الشغلات بشكل أفضل لما بياخد مصاري ع هالشي


الخدمة الإلزامية مضيعة للوقت.. و الجهد..

الحل الأمثل هو نظام المتطوعين.. بينعمل الجيش حرفة حتى على مستوى الجندي.. يعني بتضرب عصفورين بحجر واحد

العصفور الأول انك تخلّص الشباب من هالهم اللي مالو طعمة

و العصفور التاني انو يكون عندك جنود أفضل, مدربين بشكل أحسن (لأنو مو نفس الشي واحد بدو يقضّي عسكريتو كيفماكان و واحد حرفتو يكون عسكري) و يعني حتى اسلوب منيح للقضاء على البطالة, انو يكون باب منيح مشان هالناس اللي ما عندا تحصيل علمي يكون عندا طريق للحصول على فرصة عمل بالجيش.. و الميزانية ما رح تتأثر يعني لأنو الجيش ماشالله مصاريو كتار..

و بيظل جندي محترف.. أكثر نفعا من 3 مجندين


التوقيع: وحيد لأمو ما عليه جيش

صديقي بتوقع لتعمل جيش بهيك حالة بدك دولة من دول اوروبا او اميركا ما بتوقع ميزانية سوريا حتى لو ضفنالها النهب والسرقات بتقدر تغطي نفقات جيش لبلد متل اللي حاطينه انا وياك بطموحنا بلد بمنعة وقوة .
وكلامك سيدي صحيح بالحالة المطلقة ولكن لكل حالة خصوصيتها المستمدة من الوضع العام والإقليمي والسياسي .
لهيك بقول المنطقية إنو نبلش خطوة خطوة مبدئيا نبلش بنظام المتطوعين كعنصر اساسي بس مو وحيد يكون في معه أشخاص بخدمة إلزامية بس تكون فترة خدمتهم قليلة ونصها حربي ونصها التاني بالمجال اللي هو من اختصاصهن .
تحياتي الحارة
ظل جيفارا