مقالة صباحية في المساء

[Syrian__Angel]

يا رجل من وين اخترعت هالمدبحة تبع "صوت ارتطام دموع بارض سورية" ؟؟؟

اي والله دمعت عيوني وقت قريتها ....



بانتظار البقية ...

[me2]

كاتب النص الأصلي : Syrian__Angel

اي والله دمعت عيوني وقت قريتها ....



بانتظار البقية ...

يا عيوني أنت ... سلامت عيون كل السوريين من الدمع ..

سلام من أعالي جبال الألب اللي بيضاء متل ديارة طفل رضيع سوري الجنسية.

[me2]

غريبة ريحة هالبلد ...؟؟؟ أي شو هيي ؟؟؟؟ مابكون متل العسكري الجبان ؟؟ هههههههه

ما بتضحك .. أنا ناقص مزحك ؟؟؟

هللو ... ما بيردو... ليش ؟؟ هدول سويديين مو انكليز ... وللي .. شلون بدي اخد و أعطي معهم ؟؟ والله يا عيني بدك تتعلم سويدي ؟ أيي و لبين ما أتعلم شلون بدي عيش ؟؟

اللي قبلك كتار .. يلا روح فتلك بشي معهد لغة وانسى العربي .

شو هي الأكلة ؟؟ رز ببزيلة مثلا ؟؟ تضرب شو غبي .. هي فيلية خنزبر مشوية .. دوق ما أطيبها .. ما حبيتها ؟؟ أنا ما باكل خنزبر ... أي ولا هو الخنزير طايقك , كول أحسن ما تجوع.

لا مارح تشايش نفسك .. تضرب شو ألفاظك عربية.

شو مكتوب ؟؟ شو بيعرفني ؟؟ هون كل شي سريع .. معك دقيقتين يا أما بيروح عليك القطار يا ترين .. لازم تقرر أنو منصة و أنو خط و وين النزلة ..

شبك ؟؟ شو بعمرك مو شايف شب وبنت عم يتباوسو بالشارع ؟؟ فضحتنا ..حاجة تبحلق متل العديم .. أي بعرف أنك عديم بس مو شرط يعرف الاتحاد الأوربي كلو.

أنو شب اللي عم يتحركش فيك ؟؟ طنشو ... شو قصتك أنت و الصلعان ؟؟؟

المية مع غاز .. اذا مو عاجبك انقلع على الشام و اشراب مية مجاري على أساس أنها بقين .. أطيب ؟؟ يعدمني ياك بيجوز أنت متعلم على مية المجاري ,,

... يتبع ..

[fady juventus]

حلوة سلسلة الغربة.
الله يعطيك العافية.
بس شو مشاااااااان:

أنو شب اللي عم يتحركش فيك ؟؟ طنشو ... شو قصتك أنت و الصلعان ؟؟؟

[krimbow]

فعلا حلوة هالحلقة ...

فيها صور كتير غريبة، عن بلاد كتير غريبة، عاداتهم كتير غريبة، ... و حريتهم كتير غريبة

دخلك عم تشوف شمس بهالسويد ؟؟؟

و اللا كمان هالشغلة عندهم غريبة ؟

[me2]

كاتب النص الأصلي : krimbow

فعلا حلوة هالحلقة ...

فيها صور كتير غريبة، عن بلاد كتير غريبة، عاداتهم كتير غريبة، ... و حريتهم كتير غريبة

دخلك عم تشوف شمس بهالسويد ؟؟؟

و اللا كمان هالشغلة عندهم غريبة ؟

أي .. فيك تقول أنو مو ناقصها شي ..

[me2]

كاتب النص الأصلي : krimbow

فعلا حلوة هالحلقة ...

فيها صور كتير غريبة، عن بلاد كتير غريبة، عاداتهم كتير غريبة، ... و حريتهم كتير غريبة

دخلك عم تشوف شمس بهالسويد ؟؟؟

و اللا كمان هالشغلة عندهم غريبة ؟

الحلقة مو كتير ظابطة .. بيجوز اقدر دبرلي شي عذر . متل أنو : كتبتها بقطار بين ميلانو و روما و مخي مشغول بالبصبصة على الايطالية الحلوة اللي جنبي....

بس اللي بيهم أنها .. مو ظابطة ... و أنا أعتذر من الأخوية ...

[krimbow]

كاتب النص الأصلي : me2

الحلقة مو كتير ظابطة .. بيجوز اقدر دبرلي شي عذر . متل أنو : كتبتها بقطار بين ميلانو و روما و مخي مشغول بالبصبصة على الايطالية الحلوة اللي جنبي....

بس اللي بيهم أنها .. مو ظابطة ... و أنا أعتذر من الأخوية ...

ما بعرف ليش حسيتها كتير زابطة

مدري سرحت بخيالي اكتر من اللازم امت شفتها زابطة

طول عمري بسمع مسرحيات الرحابنة و بعيشها بمجرد اني اغمض عيني، بعيش كل دعسة حمار، بعيش كل خناقة، كل ضربة كف، كل رسالة عشق،...

لما تفرجت على لولو و ميس الريم، و بياع الخواتم و سفربرلك...الخ، لما تفرجت عليهم ع التلفزيون، على الرغم من اعجابي بابداع المخرجين ... بس حسيت انو في مين قيدني، و بالتالي هبطت هالمسرحيات من عالمي المتكامل

لما بشوف صور (فوتوغرافية) من السويد كتير بنبسط، بس بحس حالي عم ادرس جغرافيا و جيو سياسة... بينما لما قريت كلماتك ...
ما بعرف ليش حسيت اني شوي تانية رح البس خوذة الها قرنين و سافر معك على سفينة فايكنغ، على بلاد الحرية عندهم خبز يومي، و ليست كنز مسروق من امير الزمان

[lord_ak]

many thanks to your WONDERFUL words it's touching the right part of the soul

[me2]

كاتب النص الأصلي : lord_ak

many thanks to your WONDERFUL words it's touching the right part of the soul

هيك كانت الغاية ... مع أني بتمنى يكون الجزء الملموس من الروح هو الجزء الأكثر سعادة .. بس من وين ؟؟؟

شكرا لكلمات الحنونة ..

[me2]

[quote=krimbow]ما بعرف ليش حسيتها كتير زابطة



أنا بعرف .. ظابطة للي عقلو متل عقلك ...فقط.

مدري سرحت بخيالي اكتر من اللازم امت شفتها زابطة

طول عمري بسمع مسرحيات الرحابنة و بعيشها بمجرد اني اغمض عيني، بعيش كل دعسة حمار، بعيش كل خناقة، كل ضربة كف، كل رسالة عشق،...

لما تفرجت على لولو و ميس الريم، و بياع الخواتم و سفربرلك...الخ، لما تفرجت عليهم ع التلفزيون، على الرغم من اعجابي بابداع المخرجين ... بس حسيت انو في مين قيدني، و بالتالي هبطت هالمسرحيات من عالمي المتكامل

لما بشوف صور (فوتوغرافية) من السويد كتير بنبسط، بس بحس حالي عم ادرس جغرافيا و جيو سياسة... بينما لما قريت كلماتك ...
ما بعرف ليش حسيت اني شوي تانية رح البس خوذة الها قرنين و سافر معك على سفينة فايكنغ، على بلاد الحرية عندهم خبز يومي، و ليست كنز مسروق من امير الزمان.


ليش كل ما بحكي شي , بتقوم حضرتك بتتذكر الرحابنة ؟؟ معقول أنا متاخد فيون لهالدرجة ؟؟

كلك ذوق يا كريم ...

[me2]

أنا حزين على العرب

لست متأكد بأنهم العرب من أحزن عليهم , ولكن لتوصيف أكثر دقة, أقصد الناس الذين يسكنون سوريا, العراق, فلسطين, ولبنان. من يرغب بتسميتهم "عرب" فله ذلك أما أنا فأفضل تسميتهم "أهلي".

أما الحزن , فهو ذاك الشعور الذي ينتابني بعد كل عودة من بلاد الفرنجة. أما السبب فهو أحساسي بأن العرب فقدو أنسانيتهم.

لماذا و كيف ومن المسؤول و غيرها من الأسئلة المنطقية فهي غائبة من أذهان هؤلاء الناس مثل أنسانيتهم. رغم أن بعضهم يتخبط بأجوبة لهذه الأسئلة من وقت لأخر , دون أي تصور لأي حل.

شعب حزين , فقير , محروم , معقد , مبنج , مستجحش , مستغبى , ويتنقل : إما جائع أو متخوم , إما ظالم أو مظلوم , إما قاتل أو مقتول , إما مواطن أو مسؤول , إما معارض أو معروض , وإما هين أو مسهول.

سألني أحدهم , من بلاد الفرنجة , ما بالكم أيها العرب ؟ أتمنى لو سمعت بعربي حاول أو فكر بتسلق الهملايا . طبعا كان بأمكاني و بسهولة أن أقول : العربي عنده قضية أولويات.

لكنني تداركت نفسي و استسخفت هكذا رد. وحضرني الماغوط "رضي الله عنه" اذ قال : "بدك شي ولد يلعبلك بقضيتك" وأضيف عليها و يلعب بأولوياتك ؟

في إحدى ساحات روما , وعند المساء, و بشكل شبه الهي, اجتمع الناس "غيرنا" من كل دين وعرق حول فرقة موسيقية انكليزية تؤدي بعض الأغاني الشعبية بشوق و اتقان و "ببلاش" ولغاية وحيدة هي اسعاد الناس وأنا من بينهم .. بل أحسست أنني المعني بالمهمة السامية وهي إسعاد الناس, و قد كنت أمر بلحظات ضيق وأنا أفكر أنه يومي الأخير في روما, فأحسست بسعادة فائضة استدعت فيضان دمعتين على خدين شرقيين حزينين. حتى السعادة في صدر الشرق تأتي مترافقة مع دموع كان قد قدر لها أن تترافق مع مشاعر أخرى.

تمنيت لو تنشق السماء من جهة الشرق فقط , وتأتي يأحبابي من سوريا و العراق وفلسطين وبعض لبنان "علهم يتقون" , وأن تسعهم هذه الساحة الصغيرة الغائبة في زوايا روما المقدسة.

سيداتي سادتي: هذه دعوة للهجرة "غير الشرعية" , دعونا نموت في قوارب صغيرة على شواطىء أوربا الجنوبية كما يفعل الأفارقة, أخواننا في الانسانية.

دعونا نركب مراكب الصيد التافهة ونتجه الى تللك المعسكرات المعدة لنا خصيصا والتي يختبرون فيها أهليتنا وصلاحيتنا للعيش في أوربا, و النتائج أضمنها لكم.

دعونا نهجر أوطاننا , فهي ليست لنا , على الأقل مؤقتا. وسنعود يوما و بشكل أفضل.

يحضرني هنا حادثة لصديق قديم لوالدي "طيب الله ثراه". فهذا الصديق عجز عن الحصول على الثانوية العامة حتى لقب ب "الحمار" بلأذن من بريجيت باردو , فما كان منه ألا أن هاجر ألى الأرجنتين. عاد بعد خمسين عام ألى الوطن , وفي المطار خرج عن الطابور العشوائي لختم جواز السفر , فما كان من الموظف المؤهل إلا أن بادره "وقف بالصف يا حمار ".

هذه دعوة للهجرة, فإما أن نقف في تلك الساحة نستمتع بتلك الموسيقا دون التفكير باليوم التالي مثل البشر أو لنوت برصاص حرس الشواطىء الأوربية أو لتغيبنا أمواج المتوسط الحنونة.

كلمة أخيرة لكل الخونة "خونة الرحلة" الذين لا يريدون السفر "يا عيب الشوم عليكم".

[me2]

عفوا ::





أنا حزين على العرب

لست متأكد بأنهم العرب من أحزن عليهم , ولكن لتوصيف أكثر دقة, أقصد الناس الذين يسكنون سوريا, العراق, فلسطين, ولبنان. من يرغب بتسميتهم "عرب" فله ذلك أما أنا فأفضل تسميتهم "أهلي".

أما الحزن , فهو ذاك الشعور الذي ينتابني بعد كل عودة من بلاد الفرنجة. أما السبب فهو أحساسي بأن العرب فقدو أنسانيتهم.

لماذا و كيف ومن المسؤول و غيرها من الأسئلة المنطقية فهي غائبة من أذهان هؤلاء الناس مثل أنسانيتهم. رغم أن بعضهم يتخبط بأجوبة لهذه الأسئلة من وقت لأخر , دون أي تصور لأي حل.

شعب حزين , فقير , محروم , معقد , مبنج , مستجحش , مستغبى , ويتنقل : إما جائع أو متخوم , إما ظالم أو مظلوم , إما قاتل أو مقتول , إما مواطن أو مسؤول , إما معارض أو معروض , وإما هين أو مسهول.

سألني أحدهم , من بلاد الفرنجة , ما بالكم أيها العرب ؟ أتمنى لو سمعت بعربي حاول أو فكر بتسلق الهملايا . طبعا كان بأمكاني و بسهولة أن أقول : العربي عنده قضية أولويات.

لكنني تداركت نفسي و استسخفت هكذا رد. وحضرني الماغوط "رضي الله عنه" اذ قال : "بدك شي ولد يلعبلك بقضيتك" وأضيف عليها و يلعب بأولوياتك ؟

في إحدى ساحات روما , وعند المساء, و بشكل شبه الهي, اجتمع الناس "غيرنا" من كل دين وعرق حول فرقة موسيقية انكليزية تؤدي بعض الأغاني الشعبية بشوق و اتقان و "ببلاش" ولغاية وحيدة هي اسعاد الناس وأنا من بينهم .. بل أحسست أنني المعني بالمهمة السامية وهي إسعاد الناس, و قد كنت أمر بلحظات ضيق وأنا أفكر أنه يومي الأخير في روما, فأحسست بسعادة فائضة استدعت فيضان دمعتين على خدين شرقيين حزينين. حتى السعادة في صدر الشرق تأتي مترافقة مع دموع كان قد قدر لها أن تترافق مع مشاعر أخرى.

تمنيت لو تنشق السماء من جهة الشرق فقط , وتأتي يأحبابي من سوريا و العراق وفلسطين وبعض لبنان "علهم يتقون" , وأن تسعهم هذه الساحة الصغيرة الغائبة في زوايا روما المقدسة.

سيداتي سادتي: هذه دعوة للهجرة "غير الشرعية" , دعونا نموت في قوارب صغيرة على شواطىء أوربا الجنوبية كما يفعل الأفارقة, أخواننا في الانسانية.

دعونا نركب مراكب الصيد التافهة ونتجه الى تللك المعسكرات المعدة لنا خصيصا والتي يختبرون فيها أهليتنا وصلاحيتنا للعيش في أوربا, و النتائج أضمنها لكم.

دعونا نهجر أوطاننا , فهي ليست لنا , على الأقل مؤقتا. وسنعود يوما و بشكل أفضل.

يحضرني هنا حادثة لصديق قديم لوالدي "طيب الله ثراه". فهذا الصديق عجز عن الحصول على الثانوية العامة حتى لقب ب "الحمار" بلأذن من بريجيت باردو , فما كان منه ألا أن هاجر ألى الأرجنتين. عاد بعد خمسين عام ألى الوطن , وفي المطار خرج عن الطابور العشوائي لختم جواز السفر , فما كان من الموظف المؤهل إلا أن بادره "وقف بالصف يا حمار ".

هذه دعوة للهجرة, فإما أن نقف في تلك الساحة نستمتع بتلك الموسيقا دون التفكير باليوم التالي مثل البشر أو لنوت برصاص حرس الشواطىء الأوربية أو لتغيبنا أمواج المتوسط الحنونة.

كلمة أخيرة لكل الخونة "خونة الرحلة" الذين لا يريدون السفر "يا عيب الشوم عليكم".

[lord_ak]

thank you for being so honest and truthful

[Syrian__Angel]

دعونا نهجر أوطاننا , فهي ليست لنا , على الأقل مؤقتا..

لايمتى ؟!

عنجد للاسف على وطنّنا الضايع ...

كتير حلوووة الحلقة .. يعطيك العافية مي تو

[me2]

كاتب النص الأصلي : lord_ak

thank you for being so honest and truthful

thank you 2 for being so sensitive and faithfull, its only me and i cant be anything else.

[me2]

كاتب النص الأصلي : Syrian__Angel

لايمتى ؟!

عنجد للاسف على وطنّنا الضايع ...

كتير حلوووة الحلقة .. يعطيك العافية مي تو

عيونك اللي حلوة و روحك اللي جميلة ..


أما وطننا فبرأيي "اليوم" ليس ضايع .. بس نحنا اللي ضايعين .

[MR.SAMO]

كما قال المفكر السوري محمد الماغوط
الغربة بالوطن جوع والجوع بالوطن غربة