عطونا رأيكم يا شباب بالدراسة لحساب الجيش

[Nay]

الراتب يا صديقي.. هوي راتب موظف معو بكالوريا لغاية تخرجك ... بعدي بيصير راتب خريج الجامعة ..يعني تقريبا 9000 ليرة وقت التخرج وأقل بشي ألف وخمسمية قبل التخرج..

[يمان Rooooonaldo]

الراتب يا صديقي.. هوي راتب موظف معو بكالوريا لغاية تخرجك ... بعدي بيصير راتب خريج الجامعة ..يعني تقريبا 9000 ليرة وقت التخرج وأقل بشي ألف وخمسمية قبل التخرج..

ناي .. بدو مو بس الظاهري هوة .. كلو كلو ال total يعني مو الهامش ..

[Nay]

كاتب النص الأصلي : يمان Rooooonaldo

ناي .. بدو مو بس الظاهري هوة .. كلو كلو ال total يعني مو الهامش ..

أيوااااااا .. والله التوتال هوي وحظو بقا

[kosayka2]

كاتب النص الأصلي : Nay

الراتب يا صديقي.. هوي راتب موظف معو بكالوريا لغاية تخرجك ... بعدي بيصير راتب خريج الجامعة ..يعني تقريبا 9000 ليرة وقت التخرج وأقل بشي ألف وخمسمية قبل التخرج..

بس !!!!!!!!!!

لا و هي بعد التخرج

[kosayka2]

كاتب النص الأصلي : cornholio

لا والله مو هيك يا ابو شريك
لانو اذا هيك ما في داعي لكن لانو يصرفو عليك بالجامعة
هيي الشغلة لحتى تطلع تقاعد .................. بالمشبرح بدك تضل مربوط فيون





هلق انا ما سألت بشعبة التجنيد بس عالاكيد بيفيدوك هنيك

هيي كل مسابقة الها فرع و انا اللي بزكرو انو كان في فرع

هوي انا ما سألت بس في زلمة ضابط شرحلي الي و ل رفيقي كل هالامور

يعني إذا على هي الحالة فأنا تدمرت يعني

لان أن مستحيل اقتنع بهيك شي و لا أقبل ها الألتزام أبدا

يعني انا قلت أنو ممكن يسولنا عقد 10 سنين و بعدين منتسرح يعني منو منكسب خبرة عشر سنين و منو منكون استفدنا

بس القصة ما طلعت هيك أبدا

مشكور خيو

[kosayka2]

كاتب النص الأصلي : يمان Rooooonaldo

ناي .. بدو مو بس الظاهري هوة .. كلو كلو ال total يعني مو الهامش ..

شو يعني في بخشيش محرز

[ayhamm26]

خليني احكيلك هالقصة اللي الها علاقة بشغلة الالتزام مع الدولة بشكل عام

شب سوري تعرفت علي بالمانيا مخلص بالشام هندسة اجهزة طبية, بعتتو وزارة التعليم العالي بعثة ليعمل ماجستير, ووقع معن عقد التزام مدري كم سنة مقابل انن صرفوا علي بهال 3 سنين ونص اللي قضاهن بالماجستير, الزلمة شوي شوي اتعود على العيشة هون وكل ما ينزل على سوريا يصرع راسي انو ما نو عرفان شلون بدو يقدر يرجع يعيش بسوريا بس يخلص الماجستير

المهم لما خلص الماجستير اجى عرض من الشركة اللي عمل فيها مشروع التخرج, ومتل ما بتعرف بالمانيا سوق الاجهزة الطبية كتير ماشي, الزلمة شطت ريالتو و ماصدق الراتب اللي عرضو علي واللي بيخلي يعيش بمعايير المانيا فوق الريح وخاصة لما قارن هالشي بالمستقبل اللي ناطرو بسوريا , و بغض النظر عن الناحية المادية ممكن كتير يعينو بمحل ما الو علاقة بالشي اللي تعلمو بالماجستير و بعد سنتين بينسى كل شي تعلمو.
وبالاخير قرر انو ما يرجع, وبعد قصص ومشاكل مع اهلو وصراع مع نفسو ما قدر ببساطة انو يرجع

وهلق هو محروم كل عمرو من الفوتة على سوريا لانو صدر بحقو حكم محكمة.

بس خطرتلي هالقصة هلق لقول انو الالتزام مع الدولة ما عم يجر على الطلاب الا المشاكل, لا ان رجع هو خالص ولا ان ما رجع خالص.

برايي الالتزام مع الدولة متل ما قالو الشباب, الشئ الايجابي الوحيد في هو انو الواحد لو كانت دراستو الجامعية بخطر لاسباب مادية فما الو غير هالطريق.

[sheldi]

انا لما كنت بالجامعة في الي كم زميل التزموا بعقود مع الجيش من خلال معرفتي فيون هني الشباب بالنسبة لظروفون كان هادا أفضل خيار يعني التعاقد مع الجيش منحون استقلالية مادية وريحو أهلون وهي النقطة ايجابية باس بالنسبة للمستقبل فهاد الامر بيرجعلك لانو اولا اذا خبروك انو التعاقد لمدة 10 سنين فما معناها انو بعد هالمدة بتتسرح لاء فيون يحتفظوا فيك وعالأغلب مارح تتسرح بعدين الجيش بدو عقلية خاصة بتتقبل الأوامر وبتنفذا بدون نقاش ولا بتتعقد وبتدخلك بمليون مشكلة اذا كنت من اللي بيجادلو وكمان اذا بالفرز بتنفرز حسب حاجة الجيش مو متل مابتريد والشغلة الأخيرة هي انك موظف بدوام رسمي يعني للساعة 4 وبالجيش مومتل الدوائر التانية فيك تطلع قبل الدوام وهاد بيعني أي امكانية لعمل حر غير موجودة وبالأخير بقلك انو سأل كتير منيح عالامر بالاول وخاصة الاشخاص اللي تعاقدوا وخود اكتر من رأي بالسلبيات والايجابيات ولا تتسرع وانا رأيي الشخصي بلالك ياها صحيح هيي بالبداية من الناحية المادية جيدة بس بعد التخرج العمل الحر وفرصوا أحسن و بالأخير انت الأدرى بأمورك والقرار قرارك

[zen]

لك قصي ما عرفتك وانت عم تقلوا للزلمة دمرلك حلمك
انو تتعاقد مع هاد حلم
تضرب شو مافي طمووح

لاتوخذونا شباب بس أخوية بيني وبينو

[kosayka2]

كاتب النص الأصلي : ayhamm26

خليني احكيلك هالقصة اللي الها علاقة بشغلة الالتزام مع الدولة بشكل عام

شب سوري تعرفت علي بالمانيا مخلص بالشام هندسة اجهزة طبية, بعتتو وزارة التعليم العالي بعثة ليعمل ماجستير, ووقع معن عقد التزام مدري كم سنة مقابل انن صرفوا علي بهال 3 سنين ونص اللي قضاهن بالماجستير, الزلمة شوي شوي اتعود على العيشة هون وكل ما ينزل على سوريا يصرع راسي انو ما نو عرفان شلون بدو يقدر يرجع يعيش بسوريا بس يخلص الماجستير

المهم لما خلص الماجستير اجى عرض من الشركة اللي عمل فيها مشروع التخرج, ومتل ما بتعرف بالمانيا سوق الاجهزة الطبية كتير ماشي, الزلمة شطت ريالتو و ماصدق الراتب اللي عرضو علي واللي بيخلي يعيش بمعايير المانيا فوق الريح وخاصة لما قارن هالشي بالمستقبل اللي ناطرو بسوريا , و بغض النظر عن الناحية المادية ممكن كتير يعينو بمحل ما الو علاقة بالشي اللي تعلمو بالماجستير و بعد سنتين بينسى كل شي تعلمو.
وبالاخير قرر انو ما يرجع, وبعد قصص ومشاكل مع اهلو وصراع مع نفسو ما قدر ببساطة انو يرجع

وهلق هو محروم كل عمرو من الفوتة على سوريا لانو صدر بحقو حكم محكمة.

بس خطرتلي هالقصة هلق لقول انو الالتزام مع الدولة ما عم يجر على الطلاب الا المشاكل, لا ان رجع هو خالص ولا ان ما رجع خالص.

برايي الالتزام مع الدولة متل ما قالو الشباب, الشئ الايجابي الوحيد في هو انو الواحد لو كانت دراستو الجامعية بخطر لاسباب مادية فما الو غير هالطريق.

لا بس بهي الحالة الحق على الشب و ليس على الالتزام

........

لان الدولة بهي الحالة مفضلة عليه و على مستقبلو كلو

و كان المفروض انو يرجع

[kosayka2]

كاتب النص الأصلي : sheldi

انا لما كنت بالجامعة في الي كم زميل التزموا بعقود مع الجيش من خلال معرفتي فيون هني الشباب بالنسبة لظروفون كان هادا أفضل خيار يعني التعاقد مع الجيش منحون استقلالية مادية وريحو أهلون وهي النقطة ايجابية باس بالنسبة للمستقبل فهاد الامر بيرجعلك لانو اولا اذا خبروك انو التعاقد لمدة 10 سنين فما معناها انو بعد هالمدة بتتسرح لاء فيون يحتفظوا فيك وعالأغلب مارح تتسرح بعدين الجيش بدو عقلية خاصة بتتقبل الأوامر وبتنفذا بدون نقاش ولا بتتعقد وبتدخلك بمليون مشكلة اذا كنت من اللي بيجادلو وكمان اذا بالفرز بتنفرز حسب حاجة الجيش مو متل مابتريد والشغلة الأخيرة هي انك موظف بدوام رسمي يعني للساعة 4 وبالجيش مومتل الدوائر التانية فيك تطلع قبل الدوام وهاد بيعني أي امكانية لعمل حر غير موجودة وبالأخير بقلك انو سأل كتير منيح عالامر بالاول وخاصة الاشخاص اللي تعاقدوا وخود اكتر من رأي بالسلبيات والايجابيات ولا تتسرع وانا رأيي الشخصي بلالك ياها صحيح هيي بالبداية من الناحية المادية جيدة بس بعد التخرج العمل الحر وفرصوا أحسن و بالأخير انت الأدرى بأمورك والقرار قرارك

و الله يا معلم إذا بتحكي عن المجادلة فأنا واحد من أهم روادها

و كل عمري خلافات و نقاشات و فش خلق بهالعالم

---------------------------------------

شكرا خيو على رأيك

[kosayka2]

كاتب النص الأصلي : zen

لك قصي ما عرفتك وانت عم تقلوا للزلمة دمرلك حلمك
انو تتعاقد مع هاد حلم
تضرب شو مافي طمووح

لاتوخذونا شباب بس أخوية بيني وبينو

أتذكرت الضيعة ضايعة لما يجي سلنكو و يوقف تحت شباب عفاف
و يجي أبوها و يخزق عقد القران

و بعدين هو بيقول

دمرتلي حلمي


----------------------------------------

لا خيو بس الفكرة انو كنا مفكرين الشغلة غير شي

يعني انا كنت طمعان روح كفي دراسة ماجيستر و دكتوراه على حساب الجيش

لان هون بالجامعة بيطلبو معدلات و انا و الحمدلله يعني شغل فهم

يعني أنو بيهمني فهم المادة و ليس جيب فيها معدل منشان هيك أنو الجيش ممكن يكون وسيلة لحتى سافر لبرا

و حقق شي كنت بحلم فيه

بس انو طلعت الشغلة ورطة مو بس سيئة

و كمان

ما نحن تنيناتنا بأخوية ما هيك

[فايق ورايق ومدايق]

اي قصي غالي بدك تعريف قديش المعاش حيوتي أذا خالص جامعة حتروح مساعد وحيكون راتبك 8000 ومهمة شي 2000 هي صارو عشرة
وأذا عامل ماجستير حتروح ملازم وحيكون معاشك 10000 ومهمة شغلة 3000 هي 13000 حلوين مهيك واذا اجيت محاضر أو بشي سرية لازم تكون أبن حرام من الئماط عدم المؤاخذة من شان تمشي امورك وتشبح من رب هالعساكر بس كمان شغلة ورطة ومابدك ياها

وكرمال الله تعال لكملك انا دراستك وبلالك ياها يستر اختك لك ليكون أنا عم شوفون يلي كملو دراستون على حساب الجيش معي بنفس الفرقة ملعون الدين تبعهون وبرجع قلك شو بدك أنا خادم للأوادم

[kosayka2]

كاتب النص الأصلي : فايق ورايق ومدايق

اي قصي غالي بدك تعريف قديش المعاش حيوتي أذا خالص جامعة حتروح مساعد وحيكون راتبك 8000 ومهمة شي 2000 هي صارو عشرة
وأذا عامل ماجستير حتروح ملازم وحيكون معاشك 10000 ومهمة شغلة 3000 هي 13000 حلوين مهيك واذا اجيت محاضر أو بشي سرية لازم تكون أبن حرام من الئماط عدم المؤاخذة من شان تمشي امورك وتشبح من رب هالعساكر بس كمان شغلة ورطة ومابدك ياها

وكرمال الله تعال لكملك انا دراستك وبلالك ياها يستر اختك لك ليكون أنا عم شوفون يلي كملو دراستون على حساب الجيش معي بنفس الفرقة ملعون الدين تبعهون وبرجع قلك شو بدك أنا خادم للأوادم

يا معلم مشكور على رأيك

يعني بعتقد أنو أي شغل خاص ممكن أربح منو أكتير بتكير من ما كنت أتصور أني رح أخد بالجيش

[يمان Rooooonaldo]

الله يسرلك اللي فيه الخير معليم .. وما بدك ياها جد .. نصيحة يعنوي ..
وان شا الله يتتيسر امورك ..

وهلق هو محروم كل عمرو من الفوتة على سوريا لانو صدر بحقو حكم محكمة.

بكرا بيطلع فيه عفو .. وبيكون عمل زينة العقل ..

[whiterose]

لم اقرأ الموضوع ولا الردود

رح جاوبك على قد عنوان الموضوع


من تجارب اشخاص امامي بنصحك تكفي دراستك لو اخدت معك سنين
لانو عنا الله يكتر خيرون بيشتغلوو وبيتعبو على اصدار القوانين

فما بظن رح تفرح انا سمعت قرار انو الجيش صار سنة وانت كنت متسرح

المهم ماعلينا

في شغلة حلوة انو الشب المتخرج والدارس مابيتعامل معاملة مجند عادي
بيتعامل معاملة ارقى قال يابعدي

ولما تكون الدراسة طب هندسة وماشابه بتون خدمتهم ضمن اختصاصات الدولة بهالمجال
بالخدمة بمشافي العسكرية كــ تشرين

المهم أنا هيك بلاقي وبشوف احسن للشب
يخلص دراستو وتعليمو وكل امورو بعدين يروح ع الجيش
ويلبي نداء الوطن

الحمدلله ياربي ما خلقتني شب

[whiterose]

كاتب النص الأصلي : يمان Rooooonaldo

ا

بكرا بيطلع فيه عفو .. وبيكون عمل زينة العقل ..

تماما هي هية وبعدين يعني شوبدو يجي يعمل بسوريا ؟؟؟
مشتاق لاهلو
يبعتلون يجو لعندو فكرة ما

[kosayka2]

كاتب النص الأصلي : whiterose

لم اقرأ الموضوع ولا الردود

رح جاوبك على قد عنوان الموضوع


من تجارب اشخاص امامي بنصحك تكفي دراستك لو اخدت معك سنين
لانو عنا الله يكتر خيرون بيشتغلوو وبيتعبو على اصدار القوانين

فما بظن رح تفرح انا سمعت قرار انو الجيش صار سنة وانت كنت متسرح

المهم ماعلينا

في شغلة حلوة انو الشب المتخرج والدارس مابيتعامل معاملة مجند عادي
بيتعامل معاملة ارقى قال يابعدي

ولما تكون الدراسة طب هندسة وماشابه بتون خدمتهم ضمن اختصاصات الدولة بهالمجال
بالخدمة بمشافي العسكرية كــ تشرين

المهم أنا هيك بلاقي وبشوف احسن للشب
يخلص دراستو وتعليمو وكل امورو بعدين يروح ع الجيش
ويلبي نداء الوطن

الحمدلله ياربي ما خلقتني شب

شكرا على الرأي

بس مدام بتفرفي كم شغلة

يعني مثلا أنا دارس هندسة كومبيوتر

فأنو وين رح يشغلوني

لان ما لقيت و لا شي بالدولة مختص بالكومبيوتر و تابع للجيش