أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 12/08/2007   #1
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي ضلو الخطر .. ضلو المطر .. ضلو شعرا ..


بعتذر .. من اللي حطو معايدة لكريم .. بالتشريفات
بس أنا بشوف انو معايدة كريم .. بتكون .. بالمنبر ..
هون .. بهالزواية بدي أجمع .. كلمات أشخاص .. عم نشتاق لحضورن .. بخوف وقهر ..
هون بدي استبدل دموعنا .. بكلمة تنصفن لهالناس .. مشان ما يطوين النسيان ..

رح أبدا برد كريم . على ضلو شعرا ..

اقتباس:
كاتب النص الأصلي : krimbow عرض المشاركة
هالغنية كتير بتبث فيني اشجان، و بتذكرني باعزاء طواهم ظلام السجن، و ظلم الحكام

الغنية ..

اقتباس:
ضلّوا شُعرا
ضلّوا اطفالْ
ضلوا حصان بلا خيالْ
ضلوا شعرا ومجانينْ
الجرح اللي عاشقْ سكينْ
ضلّوا شعرا ضلّوا اطفالْ

عبّوا حيطان الحارة
كتابة وتصويرْ
بحبر ودمْ ودمعْ ونارْ
هزّوا بصرختكنْ
بوّابة قصر الميرْ
ضلّوا شعرا ومجانينْ

هزّوا هالدنيي الختيارة
هالأرض العدْرا
المشنوقة بشاربْ رجّالْ
ضلّوا شعرا ضلّوا اطفالْ
ضلّوا شعرا ضلّوا اولاد

مرّوا متل البسمة
متل النسمة
عَ شفرة سيف الجلادْ
ضلّوا شعرا ومجانينْ

ضلّوا الخطرْ
ضلّوا المطرْ
وضلّوا العشبْ
ضلّوا الصفحة الممنوعة
بكتاب الحبْ
ضلّوا الوعدْ
وضلّوا الرعدْ
الـ عمْ يقصفْ قرميدْ النومْ
ضلّوا الخمرة الممنوعة
بشهور الصومْ
فوق الناس الضجرانة
فوق الأرض العطشانة
من سابع يَومْ





انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 12/08/2007   #3
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
كاتب النص الأصلي : krimbow عرض المشاركة

في كتير ناس ما بتعرف فعلا هي الحقبات الرائعة من الحرية و الديمقراطية بسوريا
لأنو حكوماتنا الرشيدة مو فاضية تدرسنا هيك امور هامة .... لازم نبصم الاشتراكية اما تاريخ بلدنا فهاد شي بلا طعمة برأيهم

اقتباس:
كاتب النص الأصلي : krimbow عرض المشاركة

بس في نقطة صغيرة ... سوريا بتنكتب سوريا بالالف و هي يللي عم يحكي عنها موضوعك

اما سورية بالتاء المربوطة هي تعريب لكلمة سوريا القديمة قدم سوريا
اقتباس:
كاتب النص الأصلي : krimbow عرض المشاركة
عدد رؤساء سوريا من عام 1932 لعام 1958 بلغ 16 رئيس ... بمعدل رئيس كل 20 شهر

عدد رؤساء سوريا ( بالوكالة و بلا وكالة ) من عام 1961 حتى عام 1963 بلغ 3 رؤساء ... بمعدل رئيس كل 8 شهور

عدد رؤساء سوريا من عام 1963 لعام 1970 بلغ 3 رؤساء ... بمعدل 28 شهر لكل رئيس

عدد رؤساء سوريا ( بالوكالة و بلا وكالة و بفترة انتقالية و بلا فترة انتقالية) من عام 1970 لغاية اليوم بلغ 4 رؤساء .... بمعدل 105 شهور لكل رئيس ( 8.75 سنة )

و دمتم
اقتباس:
كاتب النص الأصلي : krimbow عرض المشاركة
حسني الزعيم حكم سوريا لمدة 128 يوم و من مآثرو (على الرغم انها يمكن الوحيدة ) انو حط القانون المدني يللي تعدل سنة 1974 (طبعا هلأ حاليا هوي مغيب بظل قانون الطوارئ)

حسني الزعيم كان مسلّم انطوان سعادة سلاحو (سلاح العسكري هوي شرفو) و هي اشارة انو عاطيه الامان بسوريا ... يظهر انو نوايا الزعيم اختلفت مع نوايا سعادة ... الزعيم كان ناوي يحتل الاردن بمساعدة القوميين بينما سعادة كان ناوي يعمل انقلاب بلبنان بمساعدة حسني الزعيم، و يقال انو حسني الزعيم بكي بعد ما سلم سعادة و انو سلم سعادة تنفيذا لضغوط دولية ( و ماسونية) و لما برر هالشي قال (لا يجتمع في سوريا زعيمان)

باكتر من تقرير اتهم حسني الزعيم انو بيمارس اللواطة (بالاضافة للقمار و السكر)

من الامور يللي بتنذكر بالتاريخ لحسني الزعيم انو قام بانقلاب ابيض ما نزل فيه اي قطرة دم

تنفيذ حكم الاعدام بحق حسني الزعيم كان اسرع تنفيذ بتاريخ المحاكم العسكرية السورية (بعد محاكمة غير عرفية)
اقتباس:
كاتب النص الأصلي : krimbow;56051
العالم بتعرف انو نحنا مبدعين و مشان هيك بتلاقي نص الشباب السوريين بس يهاجروا بيفتحولون طاقة القدر ببلاد برا
بس بدك يللي عنا يعرفوا هالشي

اقتباس:
كاتب النص الأصلي : krimbow عرض المشاركة

يرحم هديك الايام لما كان في ديمقراطية و زلم عن جد

و الله من بعد الاتاسي بتصور رجع القوتلي و بعدها بلشت عصور الانحطاط و الظلام تسود اروع بلد بالعالم

ومنتابع ..
  رد مع اقتباس
قديم 12/08/2007   #4
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


كريم راح يرجع...معززا مكرما رغم أنف سارقي التاريخ و تجار الظلام

حرية!!!

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 12/08/2007   #5
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اشتقنا لكريم
مع احترامي لكهربجي ومحبتي الو
يعني قديش بدو يضل ؟؟؟؟ وبالاخر رح يرجع غصب عنون
يسلمو ايديك ميمو

سيدي الرئيس ......... تحية وبعد
اتسمع الاحرار حين يسألون.......
امرتين الشهداء يقتلون ...........
اطفالنا في المهد بعد يحلمون....
من ينقذ الاحلام حين ينعسون...
[thread=51430][COLOR=red]تعالي نرتوي الحب لسنا سوى ظلال وغبار[/COLOR][/thread]
[B][COLOR=seagreen]شيطان انا واقف على الباب .................................. هوايتي ان ارقص مع الذئاب[/COLOR][/B]
[B][COLOR=#2e8b57][COLOR=blue]اذا اردت ان تقول الحقيقة بغير وقتها .................... فاعلم انك في نظر الكل خائن[/COLOR] [/COLOR][/B]
  رد مع اقتباس
قديم 12/08/2007   #6
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
كاتب النص الأصلي : krimbow عرض المشاركة
خليها بالقلب تجرح و لا تطلع لبرا و تفضح ...

شو بدنا نساوي ازا شعبنا عم يطبق المتل " ازا ما بتقدر تكسر ايدو ... بوسها ... و ادعي عليها بالكسر " ؟؟؟؟؟

و مع ذلك ما فيك تلوم شعب تلوع بتدمر و صيدنايا و القلعة لما ضل دموع بعيونو

ما فيك تلوم شعب محكوم بمليون عنصر مخابرات ( هاد عدا الشباب الطيبة اصحاب الخط الحلو )

ما فيك تلوم شعب شعارو الاوحد " بدنا نعيش، بدنا ناكل، طالما الفلافل رخيصة كل شي بيهون "

وا اسفاه على بلاد الحضارة

هاد قدر الشام ... بتبقى ليوم القيامة ... و ما بتنحكم إلا بالسيف
اقتباس:
كاتب النص الأصلي : krimbow عرض المشاركة
هلأ 40 سنة قمع و ارهاب و دعس ع رقاب العباد و لسا ما جلس الشعب ... اي شو الحزب البعث الانتياكا هاد اذا 17 مليون واحد (و كانوا اقل من قبل ) ما عرف يجلسهم
العتب حبيي ع القيادة الفاشلة ...
اذا اكبر ما فينا حرامي ... الشعب شو ممكن يطلع غير نصاب ؟
اذا اكبر ما فينا بايع ذمتو ... ليش عم تعتب ع الشعب ؟؟؟؟
اذا اكبر ما فينا بيزمر باليقطينا .... شو ممكن يطلع من الشعب غير التطبيل ؟؟؟
اخي انا بدي سوريا تصير احسن من سويسرا ... عندك مانع شي؟؟؟؟؟
لكان معقول لبنان طلعت من حرب آكلة الاخضر و اليابس و بعشر سنين تصير احسن من الشام؟
و نحنا يلي ما انضربت رصاصة وحدة عنا بعدنا ورا البقر؟؟
اقتباس:
كاتب النص الأصلي : krimbow عرض المشاركة
والله انا يلي بعرفو انو جامعات دمشق و حلب موجودين ع ايام القيادة الغاشمة (يلي كانت قبل الحكيمة)
و كانوا مجانيين
و بالنسبة للدول العربية فكل الدول الاشتراكية التعليم فيها مجاني اما الدول يلي مانا اشتراكية فما عليها عتب و مع ذلك معظم الدول العربية التعليم فيها مجاني .... و الاتصالات كمان .... و الصحة .....
منرجع للموضوع الاساسي
يلي بهمني انو نحنا نشوف تغيير ع الارض (نحنا يعني السوريين)
و شغلة تعليم مجاني يعني هاي اقل ما يمكن انو تعملو دولة تدعي الاشتراكية و خصوصا انو معظم الدول الراسمالية التعليم عندها مجاني
و كمان الصحة ... مع انو مو زابطة بنوب
و إلا شلون بدها الدولة تفسر وين عم تروح المصاري يلي عم يلطشوها الشباب؟؟؟
ما هيي من غير شي صوفتها حمرا بقصة البترول يلي عم يبلعوا
غير صحيح
اذا كان في صح بشغل الدولة فأما لأنو ما لحأوا يخربوه او لأنو ما بيصير غير بطريقة صحيحة
عموما هوي من مخلفات القيادات الغاشمة
بعدين الدولة عندها تلت جرايد ما شاالله اذا شي مسؤول دعس صرصور بيطبلولو و بيزمرولو كأنو قضى على فصيلة الصراصير كلها
بيجيي لعنا المبعوث الاوروبي لعملية السلام مثلا:
الجرايد السورية بتعملو كاتب كتاب شمس العرب تسطع على الغرب
و الواقع يلي منشوفو بالاعلام الخارجي بيكون تهديد و وعيد و شوي تانية رح يلعن سلسفين ابونا
منحكي انو في اخطاء و تجاوزات ماشي
الاعتقالات التعسفية الكل بيقول انها خطأ و الكل معترف بهالشي
قاموا شو عملوا ؟؟؟ صاروا يعملوا فخاخ لحتى يعتقلوا تعسفيا المزيد من الابرياء

بدكم يانا نقول انو في شي منيح عم يصير بالوقت يلي ما في شي منيح عم يصير؟؟؟

اقتباس:
كاتب النص الأصلي : krimbow عرض المشاركة

نحنا كمان منحب بلدنا و ما عم نقدر نعمل اي اشي

الحرية لنا و لكم
و دمتم


ومنتابع ...



  رد مع اقتباس
قديم 12/08/2007   #8
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
كاتب النص الأصلي : krimbow عرض المشاركة
الحمدلله على نعمة الالحاد
الحمد للعقل على نعمة الله

اما بعد

صديقي دياب، بعد ايام، يختفي قمر رمضان، و يهل عيد الفطر (السعيد) على جميع البلدان

اذكر اننا، و طارق معنا، قد اتفقنا في الفطر الماضي على ان نعايد بعضنا على سبيل "البروتوكول"، على اساس انو "كل شي ببلاش كتر منو"

مبارك مبارك

صديقي دياب
قد طال الغياب
و رحل السنونو عن سمانا
فرادا و اسراب
رحل إلى سماوات اخرى
فبقاء محلق في سنانا
مصيره الوأد في سرداب

اخباري؟
عايشين، و الحمد لهم، كالذباب
آكل كالدواب
أغب كالطين، حتى اسكر من خمر الجباب
و احسد نفسي على نعمة
انت تعرفها ... فأنت محروم منها
نعمتي اني استطيع ان افتح و ان اغلق الباب

ادعيلي ايها الكافر الكريم
فدعوى المظلوم ستلقى الجواب
ألا يزورني احد من الشباب
و ألا يوجه بحقي
اي تهمة تتعلق بالارهاب
و ان يبقي على نعمتي رب الارباب

صديقي الحزين
اتراك ترد المعايدة
في عيد .. اي عيد

حتى لو كان عيد الاحزاب؟
ام ان الحانة ستبقى خاوية
حتى اشعار اخر
او حتى موعد محكمة اخرى
من جميع الاتراب؟

تخيل صديقي!
هناك نعمة احسدك عليها
اعرفها جيدا ... فأنا محروم منها
فحيث تسكن في ذاك الجوف
لا تعرفون معنى الخوف
تخيل انك سبيت ابوه رامي مخلوف
ماذا سيفعلون؟ سيسجنوك؟
انت اصلا تسكن في قبو مسقوف


صديقي دياب
قد طال الغياب
و لكنني
و على الرغم من مللي
من انتظار غودو
ما زلت انتظر
كأب ينتظر مولودو
كمؤمن ينتظر يومه المشهود
كإله
متربص بمعبوده
و يؤجل
بكفر
يومه الموعود

فلا اخفيك سرا
ما زلت بالانتظار
لاسمع منك الاخبار
لاقرأ معك
ما كتب حسامنا من اشعار

ما زلت يا دياب
انتظر يوم الاياب
انتظر لقاء الاحباب
انتظر عودة السنونو
ليشق بجناحيه العباب


و في الختام.... عتاب
بعيد ميلاد أبو النسيم ..
  رد مع اقتباس
قديم 12/08/2007   #9
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
كاتب النص الأصلي : krimbow عرض المشاركة
ما اضيق العيش لولا فسحة الامل

و بشكر الجميع على ردودهم و كل عام و انتوا بخير
حاج لليوم .. لأنو ..
بس يتبع ..
  رد مع اقتباس
قديم 12/08/2007   #10
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي




لك اخ....
بجد دمعو عيوني
ما بعرف شو احكي

مافي امل

يلعن ابو التخلف

ضاع الهدف




ابرة ليساعد هلق لصلاح وعدتو
بقى رئيدة زدير, اسيرا فهيم رايح
  رد مع اقتباس
قديم 12/08/2007   #11
صبيّة و ست الصبايا ليندا
مشرف متقاعد
 
الصورة الرمزية لـ ليندا
ليندا is offline
 
نورنا ب:
Sep 2006
مشاركات:
1,130

افتراضي


برافوووووووووووووووووووا مرسيل

انتي ..................

لا تحلموا بعالم جديد
فخلف كل قيصر يموت
قيصر اخر جديد
وخلف كل ثائر يموت
احزان بلا جدوى
ودمعة سدى

،،أمــل دنقل
:
((We ask the Syrian government to stop banning Akhawia ))
  رد مع اقتباس
قديم 12/08/2007   #12
صبيّة و ست الصبايا sweetbaby
مشرف متقاعد
 
الصورة الرمزية لـ sweetbaby
sweetbaby is offline
 
نورنا ب:
Mar 2005
المطرح:
في ذكريات الزمن القادم
مشاركات:
7,725

افتراضي



ميمو عنجد بكيتيني
الله يردك ياكريم ويرجعك بيناتنا
الموضوع بيجننننن ع فكرة

قالت سفيرتي للنجوم الكذبة مش خطية

الصفر اكبر من اي عدد اصغر منو

أنـا لـحـبـيـبـي وحـبـيـبـي إلـي،
فـيـا عـوازل فـلـفـلـو...

لِـ عـيـنـيـك أتـلـو صـلـاتي: أنـتَ ابـتـدائـي وأنـت انـتـهـائـي

بكرا التغيير جاي على ايدنا نحنا جايي...

Baby!! you are like my own personal brand of heroin

  رد مع اقتباس
قديم 12/08/2007   #13
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


فرّت الدموع من عيني ..
وتلعثمت على شفتيّ الكلمات ..
ليس حزناً أو قهراً ..
بل غضباً وكبرياء..
هكذا ..
حراً .. ساخراً .. واثقاً ..
كنت وستبقى ..

كل جنون بينكتب بالدم ..
  رد مع اقتباس
قديم 12/08/2007   #14
شب و شيخ الشباب كهربجي
مشرف متقاعد
 
الصورة الرمزية لـ كهربجي
كهربجي is offline
 
نورنا ب:
Feb 2006
المطرح:
in the dark room
مشاركات:
1,873

افتراضي


اقتباس:
كاتب النص الأصلي : COSTA عرض المشاركة
اشتقنا لكريم
مع احترامي لكهربجي ومحبتي الو
يعني قديش بدو يضل ؟؟؟؟ وبالاخر رح يرجع غصب عنون
يسلمو ايديك ميمو
له شو خص هي بهي.. بتمنى يرجع هلق.. مو بعد 5 دقايق... لأ هلق...

الموضوع مثبت إلى أجل غير مسمى (مو بإيدي التسمية لأنو)

I am you and what I see is me

اللي عم يشتغل مو فاضي يحكي كتير
  رد مع اقتباس
قديم 12/08/2007   #15
صبيّة و ست الصبايا elinde
عضو
-- قبضاي --
 
الصورة الرمزية لـ elinde
elinde is offline
 
نورنا ب:
Jul 2007
مشاركات:
526

افتراضي


خواطر تموزية
غيورغي فاسيلييف


تعصف الأحزان
وتصفر ريح الأشجان
ولا من مكان
ولا من زمان
في عالم الأعراب
في عالم الهوان

2

يا صديقي
غابت سمش الحق
وسرحت جوعى
ذئاب وذئاب
تهوى القتل
تبلع الضحية من رأسها
بدون مضغ
تلهو بجماجم الأحياء
في اقبية مخابراتهم
وحده الكبرياء
يسند السجناء
يرفع قامتهم
وهامتهم
لتصير سماء
لتصير شمس الحرية

3

خرج الهول من وكره
مسلح بكره الحرية
وكره البشرية
والمدنية
والحضارة
والنضارة
مسلح بدين الهمجية


2005
  رد مع اقتباس
قديم 12/08/2007   #16
شب و شيخ الشباب BL@CK
مشرف
 
الصورة الرمزية لـ BL@CK
BL@CK is offline
 
نورنا ب:
Apr 2007
المطرح:
Aleppo-Syria
مشاركات:
4,345

افتراضي


لحظاتٌ ساخطة

ذاكرةٌ ساخطة

وتتوهُ الكلمات

في ذكرى ميلادِكَ

صديقي كريم

هل نتساقى الفرح

أم نُطلقُ الآهات

..

لا بأسَ صديقي

إن فجرنا الغضب

إن غبتَ عنا دهراً

فحضوركَ في القلب

والبعدُ والعذاب

وليسَ يموتُ الحب

يا عاشقاً سوريّة

نحنُ على الدرب

..

ساخطٌ أنا

ويسخطُ الجميع

..

أودِعُ الحبَّ صدري

وأبحثُ بينَ كلماتي

أداري دمعةً تجري

وأبتلعُ آهاتي

فجأة لا أجدُ معنىً لحياتي

..

عد صديقي

أعد للأشجارِ خضرتها

أعد للربيعِ نضرته


عد و أعد للآلهة ثقتها بنفسها

..

BLacK


ويحَ زمَنٍ أصبَحَ فيهِ عاشِقُ الوطَنِ يُهان ..

ويُشطَبُ مِن ذاكرةِ عشقِهِ ..

ومِن قائِمَةِ بني الإنسان !!



.

آخر تعديل BL@CK يوم 12/08/2007 في 16:31.
  رد مع اقتباس
قديم 12/08/2007   #17
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي حبيت حطها هون كمان - اليك كريم اينما كنت ..


حروفٌ مكتوبةٌ بعتمةِ الليل ..
كلماتٌ مصفوفةٌ كقضبانِ السجون ..
أوراقٌ متشحةٌ بالسواد ..
أقلامٌ كُسِرَت بقبضةِ جلاد ..
وكتبٌ أُحرِقَت إلى رماد ..
هكذا أصبحنا ..
وأصبحَ الانسان ..
يُفجّرُ الظلمَ في أجسادِ الأبرياء ..
ويُشيِّدُ عرشَهُ على جثثِ الضعفاء ..
يملأُ أقداحَهُ من خيبَتِنا ..
ويتُخِمُ "كرشَهُ" بأنينِ التعساء ..
لم يتغيرْ شيء في غيابِكَ ..
ولم نغدُ أقوياء ..
مازلنا نبحثُ عن حلمٍ ..
يأوينا فقراءً وأغنياء ..
ضعفاءً وأقوياء ..
عامل .. كاتب .. ثائر .. حر ..
وطن وكبرياء ..
مازلنا نُقدِمُ قرباناً تحت أقدامِ الوُلاةِ ..
ونبكي فوق ترابِ قبورِ الشهداء ..
مازلنا ننتظرُ الفرجَ ..
ولم يأتِ فرج ..!!!
أننتظرهُ بعد يا عزيزي ..
أم ما فاتَ قد مات ..؟!
وبعد ..
ألازلت تؤمنُ بالانسان؟
  رد مع اقتباس
قديم 12/08/2007   #18
شب و شيخ الشباب صياد الطيور
عضو
-- مستشــــــــــار --
 
الصورة الرمزية لـ صياد الطيور
صياد الطيور is offline
 
نورنا ب:
Jun 2005
المطرح:
في قلب حبيبتي
مشاركات:
12,956

إرسال خطاب MSN إلى صياد الطيور
افتراضي


كريم ... ترجع بالسلامة

ســــــــــــــــــوريا قلعة الصمود العربي
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 21:26 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.18549 seconds with 13 queries