تزوج وابتسم للحياه

هدوء البحر · 25/01/2009

حوار زوج مع زوجته

هو: بدي اطلب بيتزا .. بدك اشي؟'

هي: 'لا.'

هو: 'اوكي.'

هي: 'و لا اقولك ....؟'

هو: 'ها .. بدك اطلب لك كمان؟'

هي: 'مش عارفة.'

هو: 'مش عارفة اذا بدك اشي؟'

هي: 'لا.'

هو: 'انتي جوعانة؟'

هي: 'يعني ..'

هو: 'شو يعني يعني...؟'

هي: 'يعني معناها مش متأكدة اذا كنت جوعانة او لا.'

هو: 'الواحد لما يكون جوعان بيعرف'

هي:'مهو يمكن اجوع بعدين'

هو: 'معناها اطلب لك بيتزا.'

هي:'طيب و اذا ما كنت جوعانه وقتها..؟'

هو : 'ما تاكلي.'

هي: 'بس هيك بيكون تبذير'

هو: 'طيب . بتاكليها بكرة.'

هي: 'و اذا ما كان الي نفس آكل بيتزا بكرة؟'

هو: هاي
ما بدها نفس .. الواحد بيقدر ياكل البيتزا كل يوم

هي: 'انا لا .. ما باكل بيتزا الا لما يكون عندي نفس للبيتزا.'

هو: 'معناها بطلب لك اشي تاني'

هي: 'بس انا ما بدي اشي تاني'

هو:'يعني بدك بيتزا؟.'

هي:'لا.'

هو:'يعني ما بدك اشي؟.'

هي: 'امبلى.'

هو:'جننتي سماي شو بدك؟'

هي: 'اطلب انت لحالك..'

هو:'اخيرا . ماشي..'

هي: 'بس اطلب بيتزا بالتونا'

هو: 'بس انا ما بحب التونا.'

هي: 'بس انا بحبها.'

هو: 'هو انا بدي اطلب الي و لا الك...؟!'

هي: 'الك طبعا.'

هو:'طيب و ليش بالتونا...؟'

هي: 'يمكن اجوع لما يوصل الاكل'

هو:'و شو يعني؟'

هي:'بالله؟ شو يعني فكرك آكل اشي ما بيعجبني؟'

هو: 'ليش هو انتي بدك تاكلي؟'

هي: 'ليش لا ؟'

هو: ' يا مثبت العقل و الدين .. هسه انا لازم اطلب بيتزا الي , عشان انتي تاكليها اذا كنتي جوعانه؟؟'

هي:'بالضبط.'

هو: 'و انا شو بدي آكل؟'

هي:'مهو يمكن ما أكون جوعانة...'

ملاحظة: محكمة الجنايات قررت الافراج عن الزوج المتهم بتهمة 'قتل الزوجة مع سبق الاصرار و الترصد' و تحويل القضية الى 'قتل الزوجة دفاعا عن النفس

Damask Rose · 25/01/2009

ههههههههههههههههه طلعتلي روحي انا مو هو

عالهامش:::عاش مين شافك

سوا ربينا · 25/01/2009

هههههههههههههههه انو فعلا بتستاهل القتل ... يسلمو هدوء .. والله زمان عنك...

AHMED SHAMS · 25/01/2009

أخي هالموضوع قديم وبعدين مالهم المتزوجين أنا أسمع أنهم الـ24 ساعه عم يتخانقو بس فيه ناس ما بنسمع ألهم صوت حتى وهم عم يحكو مع بعض بس ما توصل يعني أن هاي المرا تأكل زوجها عمزاجها ياك ينقصف عمرها ومايسلم فيها مخز أبرا هاي المبطخه هاي لو مرتي على طول بالصرمايه على راسها