|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
|
|
أدوات الموضوع |
26/10/2004
|
#1 | ||||||
|
مشرف متقاعد
|
و الله العظيم عيب !!!!!
السلام عليكم جميعاً ...
أول شي بحب قول أنا ماني من المهتمين بهالنوع من المناقشات و الحوارات هاي ... يلي بياخد حتى ولو نظرة سريعة على المواضيع يلي عمتنطرح بهالقسم بيقدر يحصل على معلومات كافية على مستوى المناقشات العالي يلي عمتنطرح هون .. و بحب إشكر الكل على هالشي ... بس بالنسبة إلي ما عاد قدرت ضل ساكت أكتر من هيك .. يعني والله العظيم عيب و ستين عيب .. عيب على الواحد مننا يفكر بهيك شغلات و يروح ساعات من وقتو العظيم مشان يثبت للتاني إنو إنت كذا و كذا .. و التاني مشان يثبت العكس .. و كلو بخصوص الإعتقادات و الديانات .. يعني بشغلات لا تقبل المجادلة عند قسم كبير كتير من الناس !!! يا جماعة نحنا سورين .. بعتقد بتعرفوا شو يعني سوريين .. و كمان بتعرفوا وضع سوريا بين باقي الدول خصوصي العربية .و خليني إحكي بصراحة أنا ما لفتلي نظري الوضوع لحتى إجيت لهون .. خلينا نبسط الأمور على الآخر و نحكي عن صف عادي بمدرسة إبتدائية عادية ...منشوف أولاد من كل الديانات و الطوائف بيحكوا مع بعض .. و بيلعبوا طابي مع بعض ... بيضحكوا مع بعض و بيرجعوا على البيت مع بعض... في أحلى منها ؟؟ الله الوكيل الواحد لما يشوفون بهالحالي بيضل عندو أمل بالمستقبل .. بيضل في عندو حلم إنو هالطفلين يلي هلأ سوا بالمستقبل بدون يضلون سوا و بدو يكون عندون أهداف و طموحات وحدة !!! بس المصيبة لما يوصلو للمرحلة الإعدادية .. ما بدي قول الثانوية أو الجامعة ..شوفوا شو بيصير ... إقرأوا المواضيع و النقاشات هون بتعرفوا شو عميصير .. بيبلش المجتمع الغلط يأثر عليون, بصير جورج ماعاد يحكي مع محمد .. و أحمد ما عاد يعترف إنو عندو رفيق إسموا ميخائيل .. ليش ؟؟؟ ممكن إفهم ليش ؟؟؟ أو حدا فكر شي مرة ليش ؟؟؟ ليش الأخ الخليل السابع (( مع إحترامي طبعاً )) عميكتب و ينزل هيك مواضيع للحوار ؟؟؟ ما بعرف إذا فيها شي أسلس من المنطق ... أخ خليل إنت هدفك بس تشكيك الناس بدينون ؟؟ أخي إسمع . أنا ما بدي حكيك من القرآن و لا من الإنجيل .. أنا و انت منفهم عربي و خليا نحكي من هالمبدأ .. لا أنا شو ديني و لا انت شو دينك .. عند العرب بيقولوا (( من عاشر القوم أربعين يوماً صار منهم )) يا أخي الكريم كيف و الإسلام و المسيحين العرب صرلون مع بعض أكتر من ألف سنة ؟؟؟ يعني كام أربعين يوم بيطلعو هدول ؟؟ و هلأ و بهالوقت يلي نحنا في بحاجة إنو نكون قوم واحدعمنتناقش بهيك مواضيع عقيمة !!!! و لكل اشباب و الصبايا يلي ردوا على مواضيع الأخ الخليل السابع .. (( كمان مع الإحترام )) مشكورين على غيرتم على دينكم و الحماس المنقطع النظير للدفاع عنو .. أنا ما بعتبر هالشي غلط يا عمي معكون حق .. و الله العظيم معكون حق .. بس بس إذا السمكة شافت طعم .. كمان بدا تلحقوا و تاكلو .. ليش لحتا نحنا كمان ناكل الطعم ؟؟ يلي ما بدو يوصلنا بالآخر غير على المصيدة ؟؟؟ هاي الشغلات هي طعم بحد ذلتها .. و نحنا أحلى هدية منقدمها لكلشي ضد العرب إنو ناكل هالطعم .. إذا الواحد أخد نظرة عامة على المجتمع و على الكتابات يلي هون بيشوف بسهولة (( طبعاً الله يعطيون العافي الشباب )) الشب المسلم عميقرأ بالإنجيل و الشب المسيحي عميقرأ بالقرآن .. بس إذا دققنا أكتر منكتشف كمان بسهولة إنو الأغلبية عمتقرأ هالشي بهدف (( إعرف عدوك )) ... ما حدا ضد مبدأ الإطلاع على ديانات الغير .. بس ما بهدف كشف الأخطاء و تكذيب إعتقادات الدين الآخر ... برجع مرة تاني للسؤال (( ليش )) ؟؟؟؟ ليش الواحد ما بيفكر مين العدو الحقيقي؟؟و أنا قلت (( يفكر )) و ليس (( يعرف )) لأنو الشغلة معروفة وواضحة .. بدل الواحد ما يروح هالوقت على المقارنات و إثبات كظريات .. ليش ما بيقرأ عن الوضع بفلسطين يلي ما منقدر نشوفوا على التلفزيونات ؟؟؟ عن الوضع بقطاع غزّة ... عن أفكار إسرائيل المستقبلية ... و لوين ناوي توصل .... عن أفكار أميركا بالعراق ...و كمان لوين ناوي توصل ... هدول إسمون حروب على الأمة العربية ... و ما إسمون حروب على الأمة الإسلامية ... و كلنا لازم يكون عنا موقف من هالمواضيع .. ما و الله أنا عندي موقف ضد الطائفة الفلانية أو ضد الدين الفلاني ... و آخر شي بدي قول إو الحياة هي موقف حق و كرامة ... و بس... لا تأخذوني يمكن حكيت كتير .. بس لأني ما عاد إقدر إسكت علىالشغلات يلي عمبقرأها.. و بتمنا إنو نستفيد شوي من الشغلات يلي قريناها هون .. و نحاول نطبق شوي منها ... و مشكورين ... سلامات ...
أنا أفكر ... إذا الفكر موجود
أنا أتألم .. إذا الحزن موجود أنا أضحك .. إذا فالسعادة موجودة أما (( أنا )) فهي حقيقة قائمة بذاتها بدون إثباتات , و لولاها لما كان كل من الفكر و السعادة و الحزن موجود ....
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
02/11/2004
|
#4 | ||||||
|
مشرف متقاعد
|
لانو في ناس مفكرة حالها من ابطال التحرير
 وبدها بالقوة الخارقة الالهية يلي بتتمتع فيها بسبب اتباعها للدين الحق انها تهزم الباطل والماشيين بالضلال  ومابيفهموا غير يرددوا يلي بيخبروهن ياه رؤساء الدين الحاقدين والاشياء عندهن ثابتة لانو الاساس يلي ماشيين عليه منزل من عندالله بدون ما يحاولو يدوروا على الحقيقة  |
||||||
|
02/11/2004
|
#5 | |||||||
|
مشرف متقاعد
  |
أنا من رأيكم 100 %
اقتباس:
زورونا ...
www.TKHOOMA.Net When you look at her Eyes .. & she's looking back in your's you feel stronger & weaker at the same time.. the truth is.. you don't know what you feel.. |
|||||||
|
02/11/2004
|
#6 | ||||||
|
عضو
-- أخ لهلوب --
|
يعني أنا مع النقاش بس ما يكون النقاش هجومي (متل اللي عن يصير)
وهدف النقاش مستحيل. لأن الكل مقتنع بدينه أو بالأحرى غير مقتنع بدين الآخر. يعني كل واحد يطرح اللي عندو بدون حساسيات
بلادي وإن جارت علي عزيزة
وأهلي وإن جاروا علي كرام |
||||||
|
10/11/2004
|
#7 | |||||||
|
عضو
-- أخ لهلوب --
|
اقتباس:
لأنو اللي عم يطلع على ديانات الغير للثقافة بيكون في عندو محبة ولطف بحواره واللي من مبدأ اعرف عدوك ما بيطلع من الحوار معه غير محاولة فاشلة جداً لاقناع الآخرين ان اعتقادهم خاطئ ولا ننسى انه من الممكن جداً ان نلتقي جميعنا - مسيحيين ومسلمين - في جهنم وبئس المصير ويكون الحوار وقتها اكثر حرارة     لأن الله وحده عالم الغيب وفاحص القلوب وكاشف النيات
من أرادَ أن يكونَ فيكم كبيرًا فليكُنْ لكم خادمًا
|
|||||||
|
10/11/2004
|
#8 | ||||||||
|
مشرف متقاعد
|
اقتباس:
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||||
|
10/11/2004
|
#9 | ||||||||
|
مشرف متقاعد
 |
[quote="yass"]
اقتباس:
شكرا لهل المعلومات النيرة بس يلي بدي قلو أنو مافي عدو و صديق بالموضوع يلي بيهجم على بيتك و بدو يمتلك أغراضك و يسبي أهل بيتك بتوقع أنك بتدافع عن بيتك بكل ما الله عطاك من قوة الله عطاك من قوة؟ لا هل الجملة ما نا محلا أنت يلي عطيت حالك القوة هيك اصح بس الميت وردوة يلي بتوزعوها لبعضكن خليها تنفعكن و حابب قول أنو الله بكرا رح يسألنا شو عملنا بحياتنا و دافعنا عن دينا و لا لاء و شكرا لهل الكم الهائل من الأستشارات الفنية و ميت خسة للشباب و ما تواخذنا ديموزي استعرنا هل الجملو منك |
||||||||
|
15/11/2004
|
#10 | ||||||
|
مشرف متقاعد
|
أنا رح قول شغلة
بالنسبة للدفاع عن الدين الله ليس ضعيفا وعاجزا لدرجة أن يوكل الانسان للدفاع عنه وهادا ايماننا نحن المؤمنين المسيحيين أما بالنسبة لانو إذا حدا اعتدى على ديني فبالنسبة إلي هو بيكون عم يعتدي على حريتي الشخصية بانو آمن بالهي اللي أنا بشوفو ولو كان خسة ماحدا الو علاقة لذلك ساعتها بدافع عن حريتي مو عن ديني والهي لانو انا بعتقد انو هدول أسمى من انو حدا يمسن بشي ولو ضل يسب من هون لاخر حياتو ... بالنهاية بدي قول انو لازم تكون ردودنا دائما موجهة للحفاظ على حريتنا وحرية الآخرين وبقول متل ما قال المسيح : "ليضيء نور أعمالكم بين الناس ليعرفوكم " يعني من ثمارهم تعرفونهم وبتمنى انو تكون ثمارنا طيبة لنبرهن للناس انو نحنا طيبين ومافي داعي لنحمل سيوف التكفير و الالحاد ضد بعض وكمان مافي داعي نحمل سيوف الاتهام بالتخلف والعداء للعلم ضد بعض لازم نحمل ورود المحبة والإخاء لانو هيك علمنا المسيح....
عرين العروبة بيت حرام ..... وعرش الشموس حمىً لا يضام
هادا بلدي سوريا |
||||||
|
15/11/2004
|
#11 | |||||||
|
مشرف متقاعد
|
اقتباس:
|
|||||||
|
28/11/2004
|
#12 | ||||||
|
عضو
-- قبضاي --
|
موضوع 100%
ولكن من هناك بعض الامور التي تذكر للثقافه والنور فأنا لست معك اخي العزيز ببعض الامور ومعك بالاخر اي اني اوافقك بانا اخوان وليس من مفرق بيننا ولكن لا اوفق بأن تتوقف الكتابه بهذه الامور لاني كمتصفح انتر نت اتصفح العديد من المواقع العربيه ولم ارى منتدى واحد دون التلبيخ على ديانتنا الثمينه ومن حقنا كمؤمنين ان نثبت العكس دون تهجم او جرح بل بشرح ما لم يفهم لدى الاخرين لاننا بهذا نثبت ايضا للاجيال الصاعدة اننا على ثقه من ديانتنا وهذا يقوي ايمانهم ويمنع الشك من الاقتراب اليهم لان كثره المواضيع بالمنتديات العربيه كثيره جدا والمنتديات المسيحيه شبه معدومه فهذا هو حوار على الاغلب للمسيحين المتشككين بسبب كثرت الشبوهات المذكوره بالمنتديات الاسلاميه وانا ارحب بكل مسلم كأخ على الرغم من انه لا يقبل كلمه اخ او عزيز لانها محرمه له كما اذكر من حواراتي مع متدينين من الاخوه المسلمين واذكر لك اخي العزيز اني من اشد المعجبين على ما كتبت وانا كنت اخطط لبناء موقع يضم الاديان بمحبة وما اوقفني هو اني لم اجد من الدول العربيه شيئ يدعى اخويه الى ان وجدت موقع اخويه واصبحت معكم اخ ويا هلا بالاخويه
[url]www.members.lycos.co.uk/heartgood[/url]
أنا هو الألف والياء , البداية والنهاية , أنا أعطي العطشان من ينبوع ماء الحياة مجانا لقائي بالسيد المسيح [url]http://www.islameyat.com/arabic/islameyat/nahed_metwali/leka2i/leka2i.htm[/url] |
||||||
|
28/11/2004
|
#13 | ||||||
|
مشرف متقاعد
|
أخي العزيز goodhear
مشكور عالرد ... و مرة تاني أهلا و سهلا بموقعك أخوية ... أنا كتبت هاد الموضوع من وجهة نظر شخصية .. مع إنو ما إطبق شي بنوب بنوب .... يلي كان عمينزل مواضيع تشكيك بالمسيحية ما وقف .. و يلي عمينزل مواضيع تشكيك بالإسلام ما وقف كمان (( بس خففو الشباب المسيحين شوي )) أخي العزيز ... بدي إسألك شلون بدها تصير مناقشة مع شخص بيفكر حالو مجاهد في سبيل الله إذا دخل عالوقع و نزل تلت مواضيع كل واحد منهو شي 100000 لا إله إلا الله محمد رسول الله ... يعني إنو مفكر بدنا نأسلم مثلاُ ... أو كانت فكرتو إنو يزعج الموقع .. أو ما حدا بيعرف شو كان عميفكر .. ولا شي تلت أو أربع شباب بيدخلو بيحطوا الموضوع ضد الدين المسيحي .. و بيتركوا الشباب هون ترد لحالا و هدوليك ما عاد حدا ببين منهون ... لا بيردو على الأسئلة يلي عمتنطرح عليهون ... يعني ليش نحنا لنرد على أسئلتهون ... و هني ولا مرة حدا رد على سؤال واحد من عنا ؟؟؟ أنا ما بعرف بيجوز كون غلطان .. بس برأيي هاد ما إسمو حوار بنوب .. و أبعد ما يكون عن الحوار ... على كلن هاي بتضل و جهة نظر شخصية .. و الله يعطي العافي للكل ... سلامات ... |
||||||
|
28/11/2004
|
#14 | ||||||
|
مشرف متقاعد
|
برافو شباب و الله ما خاب ظني
الاطرميز واحد ...بس الزيتون كتير و متنوع
|
||||||
|
28/11/2004
|
#15 | ||||||
|
مشرف متقاعد
|
أول شي بحب قللك الله يعطيك العافية على هالمقال الحلو
وتاني شي اذا بتسمحلي ضيف شغلة على مقالك وهالأضافة موجهة لكل شي بالمنتدى ولكل العرب..... الدين شو ماكان نوعو ( مسيحي مسلم يهودي بوذي ) مانو حكي وحفظ يعني أنا كون حافظ القرآن أو الأنجيل و نظر على العالم فيه والدين ما بينشر بالحكي ولا بالاقناع ولا بشي ....الدين بينشر بالعمل الصالح... والمؤمن موجود بالأسلام وبالمسيح وباليهود وبالبوذيين.......والكافر موجود كمان والمؤمن موجود بالأسلام وبالمسيح وباليهود وبالبوذيين.... بس الأنسان المؤمن بيبين بعملوا مو بقولو .....واللي بعنيه أنو أنت لما تسأل على شخص المفروض تسأل عن أخلاقو وعن عملوا وتعرف نظرة المجتمع الو .. بعدين تسأل على دينو اذا بدك مع أني شايفة مو ضرورية السؤال على دينو لأنو مادام هالشخص منيخ وكل العام بتحبو فهو مؤمن بغض النظر عن دينو بس للأ سف نحنا العرب أول شي بنسأل على الدين وبعدين على الطائفة وبعدين على العشيرة.ومن خلالهن من قيم الشخص....وفي بعض المتطوريين شوي بمجتمعنا أول شي بيسألو على الشخص وأخلاقو ومسموعياتو فاذا عجبتهن بيسألو على دينو وطائفتو واذا ما عجبهن الجواب بصير الشخص سيء.......والعكس صحيح فاذا كان الشخص سيء بس من نفس الدين والطائفة بيصير منيح..... خلاصتو يا مسلمين ويا مسيحيين الدفاع عن الدين مو بالحكي أنما بالفعل لأنو اذا كان الواحد سيء التصرف وبيدعي الألتزام بدينو( شو ما كان دينو طبعا") فالعالم بتقول هالشخص سيء وملتزم بدينو معناتها دينو سيء .... ولاننسى كلنا أنو الدين معاملة ..... وبالنهاية آسف على الأزعاج وبعتذر اذا غلطت بالحكي أو تماديت بالحكي ..... وبالنسبة الي أنا شخصيا" مؤمن وديني هو الله و الأنسانية و أرضي ( فلسطين)
..غنــــي قلــــــيلا يـــا عصـــافير فأنــي... كلمـــا فكــــرت في أمــــــر بكـــيت ..
|
||||||
|
29/11/2004
|
#16 | ||||||
|
عضو
-- قبضاي --
|
ميت اهلين
طب انا عندي اقتراح .. شو رأيكن لو يكون عنا قسم جديد بالمنتدى يضم الجميع ومن كل الاديان بلا تفريق او ذكر لاي ديانه بل احترام كل الديانات واحترام البشر على ما هم عليه يعني يكون قسم اخويه بكل معنى الكلمه والي مع هل فكره يحط رد بعد اذن مدير الموقع والمشرفين والاعضاء  |
||||||
|
30/11/2004
|
#18 | ||||||
|
عضو
-- قبضاي --
|
ميت اهلين
انا بقصد لو نعمل قسم خاص للتوعيه ضد العنصريه وشرح المخاطر من وراء العنصريه والي عم تعمله العنصريه بكل العالم وبكل الاديان وموقق كل دين من العنصريه وكيف يصفها وكيفيه التعامل معها وكتابت قصص تجمع بين مسيحي ومسلم ومغزاها الاخوه طبعا يعني بإختصار انا حابب يكون قسم خاص يضم العلاقتين اكثر وبهذا ممكن نتحدى كل عنصري ونثبت العكس من يلي بفكر هو فيه وممكن نغير وجه نظر كثيرين وبالنهاية كلنا بشر |
||||||
«
الموضوع السابق
|
الموضوع التالي
»
|
|
الساعة بإيدك هلق يا سيدي 04:12 (بحسب عمك غرينتش الكبير +3)