^^^^^فكرة موضوع جديد^^^^^

[حنين.]

كاتب النص الأصلي : saman

صحيح حنين .. لازم تعطي لكل واحد بيحط فكرة او افكارو بهالموضوع .. براءة افتكار ...
شو الشغلة سايبة

اي اكيد طبعا
مدام رح يطلعلي اكبر عدد من براءات افتكار ماعندي مشكل
وبراءة من السرقة للي بياخد الافكار

[حنين.]

قرصانو
سؤال
ليكون المترجم ناجح ومعترف به مالازم يكون عندو تكون خاص ؟
يعني اي هاوي ترجمة حتى لو كان بعيد عن الادب واللغات ممكن يصير مترجم عن جد؟

[قرصان الأدرياتيك]

كاتب النص الأصلي : حنين.

قرصانو
سؤال
ليكون المترجم ناجح ومعترف به مالازم يكون عندو تكون خاص ؟
يعني اي هاوي ترجمة حتى لو كان بعيد عن الادب واللغات ممكن يصير مترجم عن جد؟

حنّونة ....
جواب: الترجمة يا صديقتي الأعزّ بتعتمد أساساً اللغة، من بابها لمحرابها. يعني قواعد اللغة ونحوها وصرفها وأساليب التعامل معها وفيها، بالإضافة للفنون الأدبيّة الأخرى من بلاغة وبديع وبيان... إلخ!
وبالتأكيد لازم يكون المترجم خبير باللغتين المنقول عنها وإليها. والخبرة هون بمعنى اختبار الشيء أكثر من درسه!
هلا رح تقولي: أف ليكو القرصان الضرسان صعّبها وعقّدها وسكّر كل بوابها...

لأ يا حنّونتي لأ... أنا عم أحكي عن الترجمة السّليمة القويمة يللي بتُقرأ بدون إحساس بأنها ترجمة.
فأمّا ترجمات الأيّام الحاليّة فبصراحة وبكل صدق أقرا فيها كام صفحة وبعدها بحس أنّي رح أستفرغ (بالمعنى الأدبي)! أوّلاً بسبب الأخطاء النحويّة والإملائيّة الكتيرة، وثانياً بسبب عدم معرفة استعمال الأفعال وتعديتها، وثالثاً أخطاء النّقل ذاته، يعني أخطاء في فهم المعنى باللغة الأجنبيّة ويؤدّي إلى أخطاء في كتابته بالعربيّة، ورابعاً الفنون معدومة والتقنيّات تعبانة، وشكل اللغة أدبيّاً مطفّي عالآخر!

من كام يوم كنت عم أقرا بجريدة النهار ترجمة قصّة قصيرة منقولة عن الروسيّة لوضّاح الحلو (ما بذكر الاسم بالضبط) وهو متعوّد يترجم بالجريدة نفسها عن الروسيّة. وشفتو أنّو مستعمل الفعل "رضخ" بمعنى "خضع" وهاد خطأ! لأن الفعل رضخَ ما بيجي بهالمعنى إطلاقاً فمن وين اخترع حضرتو هالاستعمال، هاد اسمو تشويه!

هلا نجي على تسهيل الأمور...
إذا الواحد حابب يشتغل بهالكار، فأكيد بحاجة شوي شوي لممارسة، والممارسة تتطلّب تصليح حتّى تزداد معرفة المبتدئ على قدر خبرة المصلّح. ممكن يبلّش بقصص تاريخيّة قصيرة، أو حكايات أطفال، أو نصوص أدبيّة روائيّة ما فيها تعقيد ومصطلحات وتقنيّات عجيبة غريبة. وهكذا شوي شوي ينتقل لمرحلة تانية وهلمّ جرّا...
يعني برأيي بيقدر الواحد إذا عندو تصميم وإرادة وقدرة عالقراءة والتحليل ودراسة الكتب اللغويّة أنّو يصير مترجم...

بعتذر عالإطالة حنّون، أنا حرّار شوي .

[حنين.]

مرسي ابو القراصنة
يعني في امل بس مشكلتي الاساسية والرئيسية اني اكره الاعادة
يعني بعد ما ترجم النص ماعندي استعداد ارجع اقراه مرة تانية مهما حصل وعليه بس خلص اللي بايدي بشوف ادا رح استمر في المحاولة او
تسلم عالشرح الكافي الوافي

[قرصان الأدرياتيك]

كاتب النص الأصلي : حنين.

مرسي ابو القراصنة
يعني في امل بس مشكلتي الاساسية والرئيسية اني اكره الاعادة
يعني بعد ما ترجم النص ماعندي استعداد ارجع اقراه مرة تانية مهما حصل وعليه بس خلص اللي بايدي بشوف ادا رح استمر في المحاولة او
تسلم عالشرح الكافي الوافي

ولذلك بنصحك تبلشي بنصوص قصيرة جداً، ولعيونك هالرقبة سدادة، أنا مستعد عيد القراءة بدلاً عنّك طبعاً "وكلٌّ على قدرِ طاقتِه" .

[حنين.]

كاتب النص الأصلي : قرصان الأدرياتيك

ولذلك بنصحك تبلشي بنصوص قصيرة جداً، ولعيونك هالرقبة سدادة، أنا مستعد عيد القراءة بدلاً عنّك طبعاً "وكلٌّ على قدرِ طاقتِه" .

والله خجلانة تشوف الاخطاء الفضيعة اللي عاملتها

قرصان اجتني فكرة ما بيقدر عليها غيرك انت او اللامنتمي
موضوع للنقد الادبي
يعني موضوع خاص تشرف عليه انت والاعضاء اللي بتشوف عندهم هيك قدرة
وكل عضو خربشاتي او شاعر او .. بيحب يعرف الاخطاء الموجودة بموضوعو كل اللي عليه يحط الموضوع اما ايديكم
يعني اللي بدو يظل يسمع رائع ومذهل والى الامام وما يشوف النقائص اللي عندو ما حدا رح يجيب موضوعو ويقوم بتشريحو
شو رايك؟

[jovia]

فكرتك حلوة والله يا هدهود يعني بصراحة في كتير ناس قلة فوتتها عالمنتدى بسبب قلة وندر المواضيع اللي بتستاهل انو ينحكى فيها .. انا من بين الناس يلي قلة فوتاتي عالمنتدى واهم سبب هوي مافي افكار جديدة ولا شي بيستاهل النقاش الجاد يعني بستغرب شلون هالمواضيع الغير هادفة او بالاحرى يلي ما من وراها شي تنزل بالمنتدى ..يمكن ما عم بعرف عبر منيح بس اكيد وصلت الفكرة وانا من المؤيدين وبشد على اياديكم

[حنين.]

كاتب النص الأصلي : jovia

فكرتك حلوة والله يا هدهود يعني بصراحة في كتير ناس قلة فوتتها عالمنتدى بسبب قلة وندر المواضيع اللي بتستاهل انو ينحكى فيها .. انا من بين الناس يلي قلة فوتاتي عالمنتدى واهم سبب هوي مافي افكار جديدة ولا شي بيستاهل النقاش الجاد يعني بستغرب شلون هالمواضيع الغير هادفة او بالاحرى يلي ما من وراها شي تنزل بالمنتدى ..يمكن ما عم بعرف عبر منيح بس اكيد وصلت الفكرة وانا من المؤيدين وبشد على اياديكم

هلا جوفيا
المواضيع الحلوة موجودة بس ما بتبين ليش لانو نحنا ما بندور بالاقسام بنكتفي بشوفة صفحة المواضيع الجديدة
ولما بنشوف موضوع حلو يمكن ما نرد عليه بنفس الحماس اللي بنرد بيه وقت يكون موضوع تافه طبعا اغلب الردود بتجي سخرية بس كمان بتخلي الموضوع باول صفحة
ستي الفكرة اللي طرحتها بعيدة عن هالحكي كلو
امنيتي لما تفوتي ويصيبك ملل وما تعرفي شو تعملي بدل ما تطلعي تعملي طلة هون وتنقيلك شيء فكرة وتفتحيلنا موضوع على ذوقك

[jovia]

اكيد انا عم دور على فكرة وموضوع يكون عن جد مثير ومفيد بنفس الوقت وخرج ينحكى فيه بس حاليا ما عم لاقي واكيد اول ما لاقيه وبعد ما فبركو ح نزلو بمكانو

يعطيكي العافية هدووش

[قرصان الأدرياتيك]

كاتب النص الأصلي : حنين.

والله خجلانة تشوف الاخطاء الفضيعة اللي عاملتها
قرصان اجتني فكرة ما بيقدر عليها غيرك انت او اللامنتمي
موضوع للنقد الادبي
يعني موضوع خاص تشرف عليه انت والاعضاء اللي بتشوف عندهم هيك قدرة
وكل عضو خربشاتي او شاعر او .. بيحب يعرف الاخطاء الموجودة بموضوعو كل اللي عليه يحط الموضوع اما ايديكم
يعني اللي بدو يظل يسمع رائع ومذهل والى الامام وما يشوف النقائص اللي عندو ما حدا رح يجيب موضوعو ويقوم بتشريحو
شو رايك؟

شونو الأمور؟! .

بالنسبة للأخطاء فهي أمر طبيعي، كلنا عنا ياها... لا تخجلي ولا شي، إذا بدك ابعتيلي النصوص مع اللغة الأصليّة طبعاً، وبوعدك أشتغل عليها شوي شوي...

حلو فكرة موضوع النقد الأدبي بس برأيي وبكل صراحة ما رح ينجح، لأن أنا مجربها أكتر من مرة وللأسف مَ حدا تقبل هيك نقد أو تصليح إلا شخص واحد هو اللامنتمي، ومع أنّو تقبّل النقد بس ما غيّر شيء من الأخطاء المشار إليها... ولذلك قررت أنو ما عيدها وإذا ملاحظة مبطل فوت على قسم الخواطر والأشعار إلا نادراً... والمرات اللي فتن كانوا على طلب من الأشخاص أصحاب المواضيع بس كمان طلعنا إيد من ورا إيد من قدام...

وآخر مثل كان مع السيد ناصر يللي سأل سؤال لغوي ولما بينتلو وين الغلط النحوي قال هو كتابتو النحو . يعني الخطأ بكتابتو بيعتبر صحيح . وبصراحة هالأمر بيعني أنو ما في جديّة... متلن متل غيرن بيكتبوا وبيشلفوا وما عم أفهم شو الغاية.

لذلك أنا مستعد شاركك إلك فقط بأي خاطرة بتحطيها على المحكّ، بس بشرط تتحمّلي كل شي. وكمان حلو الواحد يعترف بمحدوديتو... لأني لا لغوي ولا ناقد ولا دارس أدب عربي، فالموضوع هواية وفينا نتناقش فيه !

[حنين.]

كاتب النص الأصلي : قرصان الأدرياتيك

شونو الأمور؟! .

بالنسبة للأخطاء فهي أمر طبيعي، كلنا عنا ياها... لا تخجلي ولا شي، إذا بدك ابعتيلي النصوص مع اللغة الأصليّة طبعاً، وبوعدك أشتغل عليها شوي شوي...

حلو فكرة موضوع النقد الأدبي بس برأيي وبكل صراحة ما رح ينجح، لأن أنا مجربها أكتر من مرة وللأسف مَ حدا تقبل هيك نقد أو تصليح إلا شخص واحد هو اللامنتمي، ومع أنّو تقبّل النقد بس ما غيّر شيء من الأخطاء المشار إليها.... وبصراحة هالأمر بيعني أنو ما في جديّة... متلن متل غيرن بيكتبوا وبيشلفوا وما عم أفهم شو الغاية.

لذلك أنا مستعد شاركك إلك فقط بأي خاطرة بتحطيها على المحكّ، بس بشرط تتحمّلي كل شي. وكمان حلو الواحد يعترف بمحدوديتو... لأني لا لغوي ولا ناقد ولا دارس أدب عربي، فالموضوع هواية وفينا نتناقش فيه !

شو شايفتك يئست
خلص اتفقنا انت افتح الموضوع وانا اول زبونة عندك
والباقيين احرار الليماعندو شجاعة لا يقرب علينا
بس تفتحو خبرني لصلحهم قبل ما حطهم
لانو انا بكتب وبنشر بسرعة كانو بدي اخلص منهم
وما بدي تعبك كتير