اين تضع اشارة قف لنفسك "الخطوط الحمراء"

[حنين.]

كاتب النص الأصلي : أإأبو العبد

خطي الاحمر طموحي

ان شاء الله توصلو بسهولة وما تكون امامك عراقيل حتى نامن على حالنا
بلكي انت كمان مستعد ترمي قتبلة نووية لتحقيق طموحك
انتو ليش هيك بتحكو بشكل عام متقصدين تخوفوني

[أإأبو العبد]

كاتب النص الأصلي : حنين.

ان شاء الله توصلو بسهولة وما تكون امامك عراقيل حتى نامن على حالنا
بلكي انت كمان مستعد ترمي قتبلة نووية لتحقيق طموحك
انتو ليش هيك بتحكو بشكل عام متقصدين تخوفوني

لا ما رح ارمي قنبلة نووية بس مابعرف يمكن اعملا اذا لزم الامر
لا لا جد انا طموحي لازم يتحقق باي ثمن والا رح صير بلا ولا شي

[abo aljoud]

الخط الأحمر كتير موضوع حلو
هلاء البعض بحاول يميع الأمر بس مشان يتسلى بس انا برأي هالموضوع كتير مهم وبدو نقاش جدي .
طبعا برأي ما في انسان ماعندو خطوط حمرا بدل الخط الواحد بس طبعا بتختلف من واحد للتاني ، مثلا اللي بقول ماعندو خطوط حمرا رح اسألو اذا والدك صرخ عليك بتضربو شي ؟؟ اذا لاء معناتا هاد خط أحمر انت حاطو لحالك لأنو ممكن تقدر تضربو وماحدا يحكي أو مافي حدا يحكي معك. هلاء في أمثلة كتيرة الواحد ما رح يحكي كل شي....
ولأنو الحياة بدون هالخطوط الحمرا اللي بتحطا الحكومات أو بحطوا الأشخاص لحالون بتتحول لغابة بلا أخلاق وبلا قوانين .
و برأي هالخطوط متغيرة من موضوع لآخر ومن شخص لآخر يعني ما في خط ثابت بس انو في خط------------------

[حنين.]

ما بظن ان انا وانت متلا نختلف بالاساسيات اللي متفقين عليها كل البشر انها غلط
بس الاختلاف بترتيب اولويات كل واحد منا
عندي متلا راحتي النفسية والضميرية اغلى من كل شيء لاني بشوف سعادتي ما ممكن تكون بلاها
وطموحاتي كمان بلاها انا ولا شيء ومالي لزمة حياتي بس لوحققتها على حساب غيري كمان مارح سامح نفسي

[abo aljoud]

كاتب النص الأصلي : حنين.

ما بظن ان انا وانت متلا نختلف بالاساسيات اللي متفقين عليها كل البشر انها غلط
بس الاختلاف بترتيب اولويات كل واحد منا
عندي متلا راحتي النفسية والضميرية اغلى من كل شيء لاني بشوف سعادتي ما ممكن تكون بلاها
وطموحاتي كمان بلاها انا ولا شيء ومالي لزمة حياتي بس لوحققتها على حساب غيري كمان مارح سامح نفسي

أكيد ما في خلاف بجوهر الأمربس بعتقد ما في خط أحمر متفقين عليه البشرية لأنو لكل مجتمع أو دولة خطوطا الخاصة مثلا بسوريا اللي بيحكي عن حرية الرأي والفساد عند الأشخاص المسؤلين بيتهمو بوهن واضعاف الشعور القومي ..... يعني خط أحمر، بس بباقي دول العالم حكي شو مابدك بدون أي خط أحمر للحكي ؟؟؟؟؟؟
هلاء الطموحات بدون خط أحمر بطريقة الوصول الا بكون غلط كبير( برأي طبعا) بس اذا بحقق طموحي بطريقة صح ولو غيري بيتأذى هالشي ما بهمني .؟؟؟؟؟

[حنين.]

كاتب النص الأصلي : abo aljoud

الخط الأحمر كتير موضوع حلو
هلاء البعض بحاول يميع الأمر بس مشان يتسلى بس انا برأي هالموضوع كتير مهم وبدو نقاش جدي .
طبعا برأي ما في انسان ماعندو خطوط حمرا بدل الخط الواحد بس طبعا بتختلف من واحد للتاني ، مثلا اللي بقول ماعندو خطوط حمرا رح اسألو اذا والدك صرخ عليك بتضربو شي ؟؟ اذا لاء معناتا هاد خط أحمر انت حاطو لحالك لأنو ممكن تقدر تضربو وماحدا يحكي أو مافي حدا يحكي معك. هلاء في أمثلة كتيرة الواحد ما رح يحكي كل شي....
ولأنو الحياة بدون هالخطوط الحمرا اللي بتحطا الحكومات أو بحطوا الأشخاص لحالون بتتحول لغابة بلا أخلاق وبلا قوانين .
و برأي هالخطوط متغيرة من موضوع لآخر ومن شخص لآخر يعني ما في خط ثابت بس انو في خط------------------

مرحبا
برايي اللي بيحاول يميع الامر مو مشان يتسلى فاما انو فعلا ما قعد مع نفسو وحاول يعرف شو اللي بيقدر يعملو وشو اللي ما بيقدر يعملو ورح يعرف خطوطو الحمراء شوي شوي وبكل موقف على حدا
او انو عندو خطوط حمر كتير وتعبتو كتير فمل وقرر يتخلى عنها وحتى بهالحالة مارح يقدر باعتقادي لان الخير مخلوق فالانسان فما يقدر يادي غيرو وما يتع\ب ولو داخليا
فمتلا مسالة الكرامة سؤال لجيمي ولابو العبد من اللي بيقولو انو الغاية تبرر الوسيلة
تقبل تذل نفسك لتحقق خطوة للامام وان عملتها هل ستكون سعيد بما حققت بعد الاذلال؟
شكرا كتير ابو الجود
على اخد الموضوع بجدية اللي ما حطيتو الا للنقاش الجدي لنستفيد من تجارب بعضنا

[هكر المحبة]

مو ضروري يكون خط اخمر انا حطيتو لحالي ومثالك عدم الماخزة غلط لانه الواحد اذا رفع صوتو بوجة ابو لا يطيق ريح النجنة مو انو ما حدى بردو القران الله يحفظو حط خطوط حمرة والواحد الي بحكي انو ما عندو خط احمر هاد واهد ملحد وهاد راي وارجو انو ما اكون ازعجتك.

[abo aljoud]

كاتب النص الأصلي : هكر المحبة

مو ضروري يكون خط اخمر انا حطيتو لحالي ومثالك عدم الماخزة غلط لانه الواحد اذا رفع صوتو بوجة ابو لا يطيق ريح النجنة مو انو ما حدى بردو القران الله يحفظو حط خطوط حمرة والواحد الي بحكي انو ما عندو خط احمر هاد واهد ملحد وهاد راي وارجو انو ما اكون ازعجتك.

هكر المحبة أولا اهلين فيك تانيا ما بعرف ليش مثالي غلط اذا انت قلت انو اللي بيرفع صوتو ما بشم الجنة .وطبعا أنا عم احكي بغض النظر عن الدين لأنو معنا اخوان ما بآمنو بأي دين وفي اخوان مسيحية ما بهمون شو اجا بالقرأن الكريم وفي وفي وفي المهم حكينا عن الأمر بمعزل عن رأي الدين .. يعني الدين حط خطوط حمرا كتير كيف بدي ناقش واحد دينيا اذا كان لايعترف بالاديان .
وشكرا

[حنين.]

كاتب النص الأصلي : هكر المحبة

مو ضروري يكون خط اخمر انا حطيتو لحالي ومثالك عدم الماخزة غلط لانه الواحد اذا رفع صوتو بوجة ابو لا يطيق ريح النجنة مو انو ما حدى بردو القران الله يحفظو حط خطوط حمرة والواحد الي بحكي انو ما عندو خط احمر هاد واهد ملحد وهاد راي وارجو انو ما اكون ازعجتك.

هلا وسهلا هكر المحبة
بالنسبة للي فهمتو منك انو خطوطك الحمراء هي داتها اللي واردة في الدين الاسلامي
وما بعرف ادا في خطوط تانية رسمتها لنفسك ولا اكتفيت؟
صحيح انو اغلب المبادئ والمتل العليا وردت بالاديان بس هي كمان ارث مشترك بين كل الناس على اساس انو مافي انسان بيولد شرير وكل الاطفال بيمتازو بالبراءة يعني في ارضية مشتركة بين كل البشر صح
الاختلاف ان انا وانت نلتزم بيها كدين وعقيدة وغيرنا بيلتزم بيها بقناعات مختلفة

[حنين.]

كاتب النص الأصلي : abo aljoud

أكيد ما في خلاف بجوهر الأمربس بعتقد ما في خط أحمر متفقين عليه البشرية لأنو لكل مجتمع أو دولة خطوطا الخاصة مثلا بسوريا اللي بيحكي عن حرية الرأي والفساد عند الأشخاص المسؤلين بيتهمو بوهن واضعاف الشعور القومي ..... يعني خط أحمر، بس بباقي دول العالم حكي شو مابدك بدون أي خط أحمر للحكي ؟؟؟؟؟؟
هلاء الطموحات بدون خط أحمر بطريقة الوصول الا بكون غلط كبير( برأي طبعا) بس اذا بحقق طموحي بطريقة صح ولو غيري بيتأذى هالشي ما بهمني .؟؟؟؟؟

وانا ان كانت الطريقة صح بكمل طريقي عادي بس بيبقى في منغص
الحكي عن حرية التعبير ومحاربة الفساد لازم المتحدث تكون مبادؤو وشجاعتو كبيرة
برايي ما بينفع نحكي عن الرشوة متلا ونرشي لاتفه سبب
كيف نستنى الاصلاح ادا ما نقدر نتحكم فتصرفاتنا وقراراتنا الشخصية

[حنين.]

قد يرى والداك امرا ما مرفوضا وغير قابل للنقاش
وتراه انت عاديا بل وحقا من حقوقك

فكيف تتصرف؟

اين تضع خطوطك الحمراء ؟
ما هي المبادئ التي لا يمكن ان تخالفها مهما حاصرتك الظروف؟
ام ان المبادئ تفاهة وعراقيل نضعها لانفسنا
تحول بيننا وبين النجاح والسعادة؟

ان اضطررت لارتكاب خطا ما كي تنجح
اتفعله بضمير مرتاح؟
ام تتمسك بقناعاتك وتصبر وتثابر اكثر حتى تحققه رغم كل شيء؟


هل تعتقد ان علينا مواكبة رياح الموضة الهوجاء حتى لا تكسرنا
نكذب ان كذبو نتعدى ان تعدو ونرد بنفس طريقتهم واسلوبهم ولاننا لا نقل قوة ولا ذكاء
والبقاء للاقوى؟
وهل ستبقى الارض صالحة للحياة ان انتهج الكل هاد المنهج؟
هل ترى انا التزامك بقواعد الضمير يجعل منك ضحية وكبش فداء بلا ثمن؟

لكل اللي جاوبو بدفع الرشوة الا تكون بذلك ايدت استمرار الوضع اماساوي الحالي وساهمت ببقاء عقبة امام بناء وطن حقيقي؟
سترد قائلا ان لم ادفعها سيدفعها غيري
فهل ستشعر بالرضا الداخلي وانت تحصل على الشهادة ربما على حساب من هو احق منك؟
وكيف يكون التغيير برايك
ام انه لا امل ولا رجاء؟

[..Jimy]

كاتب النص الأصلي : حنين.

بس ماني زعلانة لانو صراحة ماني مصدقة ومعتبرتها مبالغة كبيرة

انو حئك تتعتبريها مبالغة وحئ غيرك يعتبرها تسلاي أو مياعة..الكل احرار بأرائن...
بس لو خُيّرت انو يكون حلمي ثمنو قنبلي ذرية أنا متأكد جدا انو مارح اتردد لحظة ..

سؤال لجيمي ولابو العبد من اللي بيقولو انو الغاية تبرر الوسيلة
تقبل تذل نفسك لتحقق خطوة للامام وان عملتها هل ستكون سعيد بما حققت بعد الاذلال؟

إذا بطمن انو اذا تخليت عن كرامتي حملي بيتحقق.. اي بكون سعيد ..

كاتب النص الأصلي : abo aljoud

اللي بقول ماعندو خطوط حمرا رح اسألو اذا والدك صرخ عليك بتضربو شي ؟؟ اذا لاء معناتا هاد خط أحمر انت حاطو لحالك لأنو ممكن تقدر تضربو وماحدا يحكي أو مافي حدا يحكي معك. هلاء في أمثلة كتيرة الواحد ما رح يحكي كل شي....

التصرف بدون خطوط حمر بيعني بشكل أو بآخر الغاية تبرر الوسيلي..
يعني أنا مارح نط بالمي وضل ساعتين تحتها..بس ما بيعني هاد انو هالشي خط احمر.. لأن مافي غاية..متل المثال يلي ضربتو انتي.. من دون غاية..
حتى انا اتخلى عن انسانيتي واتعدى عشخص آخر..لازم تكون الغاية من وراها ثميني جدا..بثمن انسانيتي واكتر..

كاتب النص الأصلي : هكر المحبة

هاد واهد ملحد

تسلم اخجلت تواضعي..

[حنين.]

ما بخفيك اني مختلفة معك وكتير جدا وهاد مهما كان هدفك نبيل ومفيد لناس كتار برايي القنبلة النووية بالدات مالها اي مبرر مقبول عندي لا حرية ولا اكبر منها ولا اقل ولو اتقابلت انا وياك بموقف مشابه رح كون عدوتك اكيد
طبعا ما بدي ناقشك لخليك تغير قناعتك --بعرف مو من صلاحياتي وما رح اقدر--
بس حابة افهم كيف وصلت لهالقناعة وصرت تشوفها صح؟ ادا سمحت وقدرت طبعا

[هكر المحبة]

س لو خُيّرت انو يكون حلمي ثمنو قنبلي ذرية أنا متأكد جدا انو مارح اتردد لحظة

بس بصراحة هاي شغلة حلوة انك تكون طموح وبتكون كتمسك بتحقيق حلمك بس طريقة انانية ومن كلامك انا بفهم انو لو اجا حد من اهلك بطريق بتعدى عليه لتوصل للبدك اياه وهاد اكيد بتعد المعقول وبهنبك باصرارك وهاد راي

[abo aljoud]

كاتب النص الأصلي : ..Jimy

انو حئك تتعتبريها مبالغة وحئ غيرك يعتبرها تسلاي أو مياعة..الكل احرار بأرائن...
بس لو خُيّرت انو يكون حلمي ثمنو قنبلي ذرية أنا متأكد جدا انو مارح اتردد لحظة ..


إذا بطمن انو اذا تخليت عن كرامتي حملي بيتحقق.. اي بكون سعيد ..


التصرف بدون خطوط حمر بيعني بشكل أو بآخر الغاية تبرر الوسيلي..
يعني أنا مارح نط بالمي وضل ساعتين تحتها..بس ما بيعني هاد انو هالشي خط احمر.. لأن مافي غاية..متل المثال يلي ضربتو انتي.. من دون غاية..
حتى انا اتخلى عن انسانيتي واتعدى عشخص آخر..لازم تكون الغاية من وراها ثميني جدا..بثمن انسانيتي واكتر..


..

يعتي هون اسمحلي اشكرك كتير لأنواعتبرت سؤالي من دون غاية وهالشي بدل انوانت زلمة حكيييييم بتعرف تتهرب من الأسئلة المحرجة ؟؟؟؟
ما بعرف ليش حاسس انو انت بتحب تعارض كل شي يمكن هيك طبيعتك ...
وحابب اسألك بشكل مباشر ( طالما سؤالي الأول من دون هدف) في سبيل وصولك لطموحك وهدف انت مخططلوا من سنين بس المشكلة انو في شخص بطريقك وقتلو فقط بوصلك لهدفك وبالرغم من انو هالشخص ما سبق انو آذاك ف هل بتقتلو ولا بتعدل عن فكرتك؟؟؟؟؟
يا رب يطلع هاسؤال بهدف ما متل اللي قبلو ...

[..Jimy]

كاتب النص الأصلي : abo aljoud

يعتي هون اسمحلي اشكرك كتير لأنواعتبرت سؤالي من دون غاية وهالشي بدل انوانت زلمة حكيييييم بتعرف تتهرب من الأسئلة المحرجة ؟؟؟؟
ما بعرف ليش حاسس انو انت بتحب تعارض كل شي يمكن هيك طبيعتك ...
وحابب اسألك بشكل مباشر ( طالما سؤالي الأول من دون هدف) في سبيل وصولك لطموحك وهدف انت مخططلوا من سنين بس المشكلة انو في شخص بطريقك وقتلو فقط بوصلك لهدفك وبالرغم من انو هالشخص ما سبق انو آذاك ف هل بتقتلو ولا بتعدل عن فكرتك؟؟؟؟؟
يا رب يطلع هاسؤال بهدف ما متل اللي قبلو ...

بعتذر منك كتير عسوء الفهم يلي صار.. بس كتير فهمتني غلط.. عم علق عالمثال نفسو..
كان مثالك أنو إذا ابوك صرخ عليك بتضربو؟؟
وهون انا موقفي لأ.. لأن بنظري أنو مافي دافع أو غاية لأضربو..

حتى انا اتخلى عن انسانيتي واتعدى عشخص آخر..لازم تكون الغاية من وراها ثميني جدا..بثمن انسانيتي واكتر..

يعني ببساطة ما في ثمن محرز رح نالو من ضرب بيي.. ومافي ثمن محرز لأتخلى عن انسانيتي..
بتمنى تكون وصلت فكرتي..
تحية

وهلئ انا عندي سؤال إلك ولحنين.. لو عرفت أنو انتي بتقدر تحقق السعادة وتنهي الشقاء لكل اطفال العالم..مقابل انك تقتل طفل بريء واحد مالو اي ذنب.. بتعملوها؟؟


*هاموش: انا بكلوريا فلذلك مارح اقدر تابعكن.. فعذروني

[حنين.]

كاتب النص الأصلي : ..Jimy

بعتذر منك كتير عسوء الفهم يلي صار.. بس كتير فهمتني غلط.. عم علق عالمثال نفسو..
كان مثالك أنو إذا ابوك صرخ عليك بتضربو؟؟
وهون انا موقفي لأ.. لأن بنظري أنو مافي دافع أو غاية لأضربو..

يعني ببساطة ما في ثمن محرز رح نالو من ضرب بيي.. ومافي ثمن محرز لأتخلى عن انسانيتي..
بتمنى تكون وصلت فكرتي..
تحية

وهلئ انا عندي سؤال إلك ولحنين.. لو عرفت أنو انتي بتقدر تحقق السعادة وتنهي الشقاء لكل اطفال العالم..مقابل انك تقتل طفل بريء واحد مالو اي ذنب.. بتعملوها؟؟


*هاموش: انا بكلوريا فلذلك مارح اقدر تابعكن.. فعذروني

سؤالك خلاني اتردد "في حال صارت هالحالة" اقتل ما بقتل بس كتبرير ممكن اعتبرو مبرر واطلب منك بتواضع تقوم بالمهمة بدالي
النقاش بيننا ما انتهى موفق ان شاء الله بالباكالوريا بس تخلص انكش الموضوع
شكر كبير وتمنياتي بالنجاح

[abo aljoud]

كاتب النص الأصلي : ..Jimy

بعتذر منك كتير عسوء الفهم يلي صار.. بس كتير فهمتني غلط.. عم علق عالمثال نفسو..
كان مثالك أنو إذا ابوك صرخ عليك بتضربو؟؟
وهون انا موقفي لأ.. لأن بنظري أنو مافي دافع أو غاية لأضربو..

يعني ببساطة ما في ثمن محرز رح نالو من ضرب بيي.. ومافي ثمن محرز لأتخلى عن انسانيتي..
بتمنى تكون وصلت فكرتي..
تحية

وهلئ انا عندي سؤال إلك ولحنين.. لو عرفت أنو انتي بتقدر تحقق السعادة وتنهي الشقاء لكل اطفال العالم..مقابل انك تقتل طفل بريء واحد مالو اي ذنب.. بتعملوها؟؟


*هاموش: انا بكلوريا فلذلك مارح اقدر تابعكن.. فعذروني

بكالوريتك اهم من اي نقاش الله يوفقك...