اين تضع اشارة قف لنفسك "الخطوط الحمراء"

[whiterose]

الخطوط الحمراء عندي هية عدك تجاوز حدود الاحترام لنفسي وللآخرين

وكمان خطوطي بتتوقف عند تعاليم ديني اكيد في كتير تجاوزات

بس المهم هالتجاوزات ما تتخطى حدود الاحترام

وبالنسبة لسؤال الرشوة كرمال احصل على الماجستير

بتخيل اني بدفع باعتبار انا بسوريا

[boy freind]

كاتب النص الأصلي : حنين.

قد يرى والداك امرا ما مرفوضا وغير قابل للنقاش
وتراه انت عاديا بل وحقا من حقوقك

فكيف تتصرف؟

بحاول اقنعو طبعا و اذا ما قبل ما بعمل هالأمر لأنو اللي ما بيجي معك تعا معو

اين تضع خطوطك الحمراء؟

قريبة عالاغلب يعني بيكون الخط ورا التصرف مباشرة

ما هي المبادئ التي لا يمكن ان تخالفها مهما حاصرتك الظروف؟

مافي يعني كل شغلة لازم اتأقلم معا و هالشي بيلزم انو قدم تنازلات

ان اضطررت لارتكاب خطا ما كي تنجح
اتفعله بضمير مرتاح؟
ام تتمسك بقناعاتك وتصبر وتثابر اكثر حتى تحققه رغم كل شيء؟

ممممممممم بظن انو بحاول حققو شو ما كانت النتائج

هاد رأيي و شكرا عالموضوع الحلو

[حنين.]

كاتب النص الأصلي : whiterose

الخطوط الحمراء عندي هية عدك تجاوز حدود الاحترام لنفسي وللآخرين

وكمان خطوطي بتتوقف عند تعاليم ديني اكيد في كتير تجاوزات

بس المهم هالتجاوزات ما تتخطى حدود الاحترام

وبالنسبة لسؤال الرشوة كرمال احصل على الماجستير

بتخيل اني بدفع باعتبار انا بسوريا

اهلا وايت روز

شو هي المبادئ اللي ناوية تعلميها لابناءك في المستقبل
وهل تعلميهم ينسوها ويطنشوها احيانا او لا
على اعتبار انهم حيعيشو بسوريا كمان؟

[حنين.]

كاتب النص الأصلي : boy freind

اين تضع خطوطك الحمراء؟

قريبة عالاغلب يعني بيكون الخط ورا التصرف مباشرة

ما هي المبادئ التي لا يمكن ان تخالفها مهما حاصرتك الظروف؟

مافي يعني كل شغلة لازم اتأقلم معا و هالشي بيلزم انو قدم تنازلات

ان اضطررت لارتكاب خطا ما كي تنجح
اتفعله بضمير مرتاح؟
ام تتمسك بقناعاتك وتصبر وتثابر اكثر حتى تحققه رغم كل شيء؟

ممممممممم بظن انو بحاول حققو شو ما كانت النتائج

اهلا نورت
بس كانو ما فهمتك مضبوط
كيف ورا التصرف مباشرة؟ يعني تتصرف بحرية والخط الاحمر ديكور؟

[whiterose]

كاتب النص الأصلي : حنين.

اهلا وايت روز

شو هي المبادئ اللي ناوية تعلميها لابناءك في المستقبل
وهل تعلميهم ينسوها ويطنشوها احيانا او لا
على اعتبار انهم حيعيشو بسوريا كمان؟

اذا كانت رح تأثرعليهم وعلى مستقبلهم سلبي أكيد بخليهم ينسوها
بس كمان طبعا ماتكون تتجاوز الخطوط الحمراء

وهلا

[mhsen77]

كاتب النص الأصلي : حنين.

شو هي المبادئ اللي ناوية تعلميها لابناءك في المستقبل
وهل تعلميهم ينسوها ويطنشوها احيانا او لا
على اعتبار انهم حيعيشو بسوريا كمان؟

رح اسمح لنفسي جاوب على هالسؤال

اهم مبدىء بحب علمو لابني او بنتي انو تكون صادقة
بالاول مع نفسها وبعدين و بدرجة تانية مع الاخرين
لانو يلي بيكذب بيعمل كل شي و ما بتوقع عندو خط احمر ولا اصفر ولا غيرو

[حنين.]

كاتب النص الأصلي : whiterose

اذا كانت رح تأثرعليهم وعلى مستقبلهم سلبي أكيد بخليهم ينسوها
بس كمان طبعا ماتكون تتجاوز الخطوط الحمراء

وهلا

مرسي لمشاركتك وصراحتك

كاتب النص الأصلي : mhsen77

رح اسمح لنفسي جاوب على هالسؤال

اهم مبدىء بحب علمو لابني او بنتي انو تكون صادقة
بالاول مع نفسها وبعدين و بدرجة تانية مع الاخرين
لانو يلي بيكذب بيعمل كل شي و ما بتوقع عندو خط احمر ولا اصفر ولا غيرو

محسن اسمحلي قلك انك رح تظلمهم هيك
الصدق بوقتنا مكلف كتيييييييير فتخيل كيف حيكون على وقت اولادنا؟
صحيح مو نكدب لاخد حقوق غيرنا او كهواية متل بعض الناس او للخداع والتظاهر
بس غالبا اداا مو دائما بكدب على نفسي
واحيانا على غيري وقت الضرورة
ومع هيك ما تتخيل قديش في خطوط حمراء بحياتي
زيادة عن اللي بنشترك فيها كلنا
في اللي انا حاطتها لحالي وللي بتكون معزتهم خاصة عندي


اكيد الموضوع موضوعكم وبيحقلكم تحكو بحرية وتسالو وتجاوبو كمان

[I_Love_Syria]

هلأ أهلي دراستي خطوط حمرا ما ممكن إتجاوزها وما ممكن أعمل أي شي يأثر عليها سلباً مهما كان السبب حتى لو هالشي بدو يأثر على نفسيتي سلباً, بس عندي قناعة تامّة انو بالمستقبل حيكون الوضع أفضل يعني في بصيص أمل صغير
هلأ في أشياء تانية مالها بأهمية أهلي ودراستي وبالنسبة لإلي بالزمانات كانت أشياء ماممكن أعملها خطوط حمراء يعني بس حب التجربة والمغامرة دفعوني لتجاوزها لفترات معينة بس رجعت التزمت فيها بعدين

[حنين.]

كاتب النص الأصلي : I_Love_Syria

هلأ أهلي دراستي خطوط حمرا ما ممكن إتجاوزها وما ممكن أعمل أي شي يأثر عليها سلباً مهما كان السبب حتى لو هالشي بدو يأثر على نفسيتي سلباً, بس عندي قناعة تامّة انو بالمستقبل حيكون الوضع أفضل يعني في بصيص أمل صغير
هلأ في أشياء تانية مالها بأهمية أهلي ودراستي وبالنسبة لإلي بالزمانات كانت أشياء ماممكن أعملها خطوط حمراء يعني بس حب التجربة والمغامرة دفعوني لتجاوزها لفترات معينة بس رجعت التزمت فيها بعدين

ان نعتبر انسان ملتزم بمبادئ مو معناها خلص انو صار معصوم فالخطا والنسيان من طبع الانسان
الفرق انو في واحد يغلط وما بيعتبرو اصلا خطا فبتلاقيه مكمل عليه عادي ومانو مخبي
وواحد تاني يغلط بلحظة طيش او غضب او تسرع او غيرو بس يفيق يندم ويحاول يصلح غلطتو وانو ما يرجع يعملها
والنوع التالت اللي بيغلط وبيعرف انو غلط وما يقدر يتحكم في نفسو ويكملها بغلط افدح واشنع وهو ادعاء الاستقامة والقاء الاحكام على الناس -لانو ما في ولا واحد معصوم على الكرة الارضية-
اهلا وسهلا بيك

[حنين.]

-الاستقامة مفتاح الكرامة
- من سار بالاستقامة, سار بالطمأنينة.
- كثيرون الذين يتغنون بالاستقامة, وقليلون الذين يمارسونها.
- استقامة الانسان شيء جميل, والاجمل ألا نتخلى عنها في أي ظرف.
- من نظّف ثوبه قلّ همه, ومن قلّ همّه زاد عقله, ومن زاد عقله كثر فهمه.

[Amo0o0orah]

أول شي بدي أشكر الاخت حنين عالموضوع الرائع يلي شدني لاقرا كل حرف فيه رغم اني نعسااااااااااانة

في كتير حكي بقلبي بس رح حاول اختصر حتى ما تملوا,,,يلي لفت انتباهي اكتر شي شغلتين
1-اكتر يلي ماعندهن خطوط حمرا ومستعدين يعملوا اي شي..ذكور..وهاد طبعا ان دل على شيء دل على انه مجتمعاتنا الظريفة تبيح للذكر مالاتبيحه للأنثى..
طبعا مافي خلاف انو الذكر غير الانثى بس مو معنى هاد انو هو على راسه ريشة وبيخبص على كيفه وبيعمل يلي بده وبعدين المعترة الانثى اذا قالت (أ..) بيقولولها انضبي!!!!

2- في قصة مابعرف اذا بتعرفوها او سمعانين فيها..بس بكل الاحوال رح احكيها..
قال كان يا ما كان في قديم الزمان وسالف العصر والاوان لحتى كان
كان في ملك محبوب ببلده مرض مرض شديد وشارف على الموت...جابوله احسن دكاترة بالبلد وهالاطباء وصفوله وصفة غير شكل...
قالواله انو علاجك انو يحط كل واحد من اهل البلد معلقة عسل من عنده منخلطهن وبتاكلهن وبالعافية..
واعلن الملك انو هو حيحط جرة على راس التلة يلي بنص البلد وكل واحد يروح يحط معلقة عسل (يعني معلقة مارح يخسر فيها شي ولا بتقدم ولا بتأخر)
تاني يوم أخدو الجرة لعند الملك حتى ياكل العسل وقت فتحوها
قام طلعت كلها مي (ماء)
لأن كل واحد يجي بده يحط معلقة عسل..يقول هلأ معلقتي يلي حتخلي الملك يتحسن..يلا هي نقطة هالمي مارح تغيرلوا شي بالعسلات..

ومع الاسف نحن صاير فينا هيك...كل واحد بيغلط وبيقول ماوقفت عليي من بين كل هالبشر..
والحقيقة انو كل واحد فينا لازم يبدا من نفسه بالاصلاح..واهل بيته واحبابه وهيك بنقدر نحن نصلح هالمجتمع بدون ما ننقده بكم كلمة مع انو نحن يلي عايشين فيه...واي نقد للمجتمع هو بالحقيقة تجريح لالنا..

وشكرا لأنكم تحملتوني..(لاحظوا اني نعسانة وكتبت كل هاد!!!الله ستركن اني مو صحيانة)

[mhsen77]

كاتب النص الأصلي : حنين.

محسن اسمحلي قلك انك رح تظلمهم هيك
الصدق بوقتنا مكلف كتيييييييير فتخيل كيف حيكون على وقت اولادنا؟
صحيح مو نكدب لاخد حقوق غيرنا او كهواية متل بعض الناس او للخداع والتظاهر
بس غالبا اداا مو دائما بكدب على نفسي
واحيانا على غيري وقت الضرورة
ومع هيك ما تتخيل قديش في خطوط حمراء بحياتي
زيادة عن اللي بنشترك فيها كلنا
في اللي انا حاطتها لحالي وللي بتكون معزتهم خاصة عندي


اكيد الموضوع موضوعكم وبيحقلكم تحكو بحرية وتسالو وتجاوبو كمان

انا رح اظلمهم لو اسمحلهون يكذبو اكتر بكتير
يعني كون الكذب هوي يلي ماشي بهالايام ما بيعني ابدا انو هو الصح
و قلة عدد الصادقين ابدا ما بيعني انو الصدق غلط
ورح تلاحظي الازدواجية عندك بين الرد يلي فوق و الرد يلي تحت ( اكيد بتوافقيني انو ما في استقامة مع الكذب ولا كرامة بدون صدق )

كاتب النص الأصلي : حنين.

-الاستقامة مفتاح الكرامة
- من سار بالاستقامة, سار بالطمأنينة.
- كثيرون الذين يتغنون بالاستقامة, وقليلون الذين يمارسونها.
- استقامة الانسان شيء جميل, والاجمل ألا نتخلى عنها في أي ظرف.
- من نظّف ثوبه قلّ همه, ومن قلّ همّه زاد عقله, ومن زاد عقله كثر فهمه.

-اكتر يلي ماعندهن خطوط حمرا ومستعدين يعملوا اي شي..ذكور..وهاد طبعا ان دل على شيء دل على انه مجتمعاتنا الظريفة تبيح للذكر مالاتبيحه للأنثى..
طبعا مافي خلاف انو الذكر غير الانثى بس مو معنى هاد انو هو على راسه ريشة وبيخبص على كيفه وبيعمل يلي بده وبعدين المعترة الانثى اذا قالت (أ..) بيقولولها انضبي!!!!

انضبي

وشكرا لأنكم تحملتوني..(لاحظوا اني نعسانة وكتبت كل هاد!!!الله ستركن اني مو صحيانة)

اي عم نحمد ربنا كتير


اهلين امورة نورتي اخوية

ومع الاسف نحن صاير فينا هيك...كل واحد بيغلط وبيقول ماوقفت عليي من بين كل هالبشر..
والحقيقة انو كل واحد فينا لازم يبدا من نفسه بالاصلاح..

يا ريت كل واحد منا ياخد هالعبرة و بس

[جاد81]

في كتير اشيا نحنا منعمل منا خطوط حمر و هي بالحقيقة اشيا اقل من عادية ...يعني الخطوط الحمر بترجع لثقافة الشخص و كيف حدد اهمية الموضوع و واعطاه قيمة لا تقبل التنازل او التراجع عنه...

بالنسبة لألي ما عندي خطوط حمر....لا اعترف بالاشياء الثابتة ...حتى الاشيا يلي عما تقولوا انها ممكن تخالف الأخلاق و الدين ...هيدي برأيي امور نسبية كل انسان بيعطيها من وحي فكروا ...انا احيانا بكزب بس بكره يلي بيكزب عليي... علاقاتي مع الكل تأتي من وحي المعاملة المشتركة ..يعني يلي سخر مني بشي رح اسخر منو بشي تاني بوقت تاني و بمطرح تاني و الخ .................

بس في اشيا ما بقبل اتنازل عنها حاليا بس ما بعرف بعدين

[حنين.]

كاتب النص الأصلي : Amo0o0orah

أول شي بدي أشكر الاخت حنين عالموضوع الرائع يلي شدني لاقرا كل حرف فيه رغم اني نعسااااااااااانة
انا اللي بشكرك من كل قلبي عالتعب
واهلا بيكي

في كتير حكي بقلبي بس رح حاول اختصر حتى ما تملوا,,احكي ولا تاكلي هم طول او قصر مشاركتك نحن هون لنتناقش
,يلي لفت انتباهي اكتر شي شغلتين
1-اكتر يلي ماعندهن خطوط حمرا ومستعدين يعملوا اي شي..ذكور..وهاد طبعا ان دل على شيء دل على انه مجتمعاتنا الظريفة تبيح للذكر مالاتبيحه للأنثى..
طبعا مافي خلاف انو الذكر غير الانثى بس مو معنى هاد انو هو على راسه ريشة وبيخبص على كيفه وبيعمل يلي بده وبعدين المعترة الانثى اذا قالت (أ..) بيقولولها انضبي!!!!- اللي هيك تفكيرو هيك رح يظل وخصوصي انو نحنا بنستسلم بسهولة وما بنطبق عليهم نفس المعايير تخيلي لو بنت اشترطت انو اللي بدها تتزوجو ما يكون له علاقات حب سابقة متلا مو بيقولو عنها مجنونة؟ و البنات قبل الشباب وطبعا حل هالمشكلة بيجي مع الوقت لما نربي اطفالنا الجايين بطريقة مختلفة جدا

2- في قصة مابعرف اذا بتعرفوها او سمعانين فيها..بس بكل الاحوال رح احكيها..
قال كان يا ما كان في قديم الزمان وسالف العصر والاوان لحتى كان
كان في ملك محبوب ببلده مرض مرض شديد وشارف على الموت...جابوله احسن دكاترة بالبلد وهالاطباء وصفوله وصفة غير شكل...
قالواله انو علاجك انو يحط كل واحد من اهل البلد معلقة عسل من عنده منخلطهن وبتاكلهن وبالعافية..
واعلن الملك انو هو حيحط جرة على راس التلة يلي بنص البلد وكل واحد يروح يحط معلقة عسل (يعني معلقة مارح يخسر فيها شي ولا بتقدم ولا بتأخر)
تاني يوم أخدو الجرة لعند الملك حتى ياكل العسل وقت فتحوها
قام طلعت كلها مي (ماء)
لأن كل واحد يجي بده يحط معلقة عسل..يقول هلأ معلقتي يلي حتخلي الملك يتحسن..يلا هي نقطة هالمي مارح تغيرلوا شي بالعسلات..

ومع الاسف نحن صاير فينا هيك...كل واحد بيغلط وبيقول ماوقفت عليي من بين كل هالبشر..
والحقيقة انو كل واحد فينا لازم يبدا من نفسه بالاصلاح..واهل بيته واحبابه وهيك بنقدر نحن نصلح هالمجتمع بدون ما ننقده بكم كلمة مع انو نحن يلي عايشين فيه...واي نقد للمجتمع هو بالحقيقة تجريح لالنا.. لا كيف ادا اتصلح المجتمع مين بدنا ننتقد ولمين بدنا نرضخ ونقول يا حسرة عليك يا دنيا- اللي ناقصنا فعلا هو الشجاعة بمحلها

وشكرا لأنكم تحملتوني..(لاحظوا اني نعسانة وكتبت كل هاد!!!الله ستركن اني مو صحيانة)

ان شاء الله بترجعي وتمري من هون وانتي صحيانة لنشوف شو بيطلع معك
ومرسي مرة تانية

[حنين.]

كاتب النص الأصلي : mhsen77

انا رح اظلمهم لو اسمحلهون يكذبو اكتر بكتير
يعني كون الكذب هوي يلي ماشي بهالايام ما بيعني ابدا انو هو الصح
و قلة عدد الصادقين ابدا ما بيعني انو الصدق غلط
ورح تلاحظي الازدواجية عندك بين الرد يلي فوق و الرد يلي تحت ( اكيد بتوافقيني انو ما في استقامة مع الكذب ولا كرامة بدون صدق )

يا ريت كل واحد منا ياخد هالعبرة و بس

محسن انا ما قلت الصدق غلط والكدب صح قلت الصدق مكلف ومتعب جدا لصاحبو
والكدب ضروري ببعض المواقف واشترطت ما يكون كدب لاخد حقوق الغير او للتزييف والتصنع
رح اعطيك متل
في انسان مريض مرض خطير ما يستحمل الزعل ولا الصدمات وفي احد من عيلتو اتوفى
المريض سالك عن اللي اتوفى بتقلو الحقيقة انو والله الله يرحمو وتصيرعندك جنازة مزدوجة ولا تكدب عليه ليطب ويصر اقوى؟ وسؤال تاني انت من خلال كلامك فهمت انك ضد الكدب وهو خط احمر بالنسبة الك صح؟
هل يا ترى من يوم ما ابتديت تتكلم لليوم بعمرك ما كدبت؟
الازدواجية اني ادعي الصدق التام وها امر غير صحيح
ومنتظرة

[Amo0o0orah]

كاتب النص الأصلي : جاد81

في كتير اشيا نحنا منعمل منا خطوط حمر و هي بالحقيقة اشيا اقل من عادية ...يعني الخطوط الحمر بترجع لثقافة الشخص و كيف حدد اهمية الموضوع و واعطاه قيمة لا تقبل التنازل او التراجع عنه...

بالنسبة لألي ما عندي خطوط حمر....لا اعترف بالاشياء الثابتة ...حتى الاشيا يلي عما تقولوا انها ممكن تخالف الأخلاق و الدين ...هيدي برأيي امور نسبية كل انسان بيعطيها من وحي فكروا ...انا احيانا بكزب بس بكره يلي بيكزب عليي... علاقاتي مع الكل تأتي من وحي المعاملة المشتركة ..يعني يلي سخر مني بشي رح اسخر منو بشي تاني بوقت تاني و بمطرح تاني و الخ .................

بس في اشيا ما بقبل اتنازل عنها حاليا بس ما بعرف بعدين

أخ جاد..في حكمة بتقول..عامل الناس كما تحب أن يعاملوك..
ليش عم تطالب غيرك بشي انت ماعم تقدر تعمله؟؟؟؟ ابسط حقوق الناس عليك انك تعدل بينك وبينهم! بعدين اذا انت ما بتحب حدا يسخر منك ليش حتى تسخر من الاخرين!!اذا بدنا نعيش بمبدأ رد الصاع صاعين بحياتنا ما رح نتفق ونعيش بسلام!

محسن أفندي...شكرا لأنك تحملتني وقريت..

حنين...اسمحيلي قدملك وردة شكر على هالتفكير الحلو والمنطقي يلي عندك...صرلي 3سنين بالمنتدى بقرا وما بحكي
خليتيني انطق ويطلع صوتي

[حنين.]

كاتب النص الأصلي : جاد81

في كتير اشيا نحنا منعمل منا خطوط حمر و هي بالحقيقة اشيا اقل من عادية ...يعني الخطوط الحمر بترجع لثقافة الشخص و كيف حدد اهمية الموضوع و واعطاه قيمة لا تقبل التنازل او التراجع عنه...

بالنسبة لألي ما عندي خطوط حمر....لا اعترف بالاشياء الثابتة ...حتى الاشيا يلي عما تقولوا انها ممكن تخالف الأخلاق و الدين ...هيدي برأيي امور نسبية كل انسان بيعطيها من وحي فكروا ...انا احيانا بكزب بس بكره يلي بيكزب عليي... علاقاتي مع الكل تأتي من وحي المعاملة المشتركة ..يعني يلي سخر مني بشي رح اسخر منو بشي تاني بوقت تاني و بمطرح تاني و الخ .................

بس في اشيا ما بقبل اتنازل عنها حاليا بس ما بعرف بعدين

اهلا جاد نورت
واسفة على التاخير
بتمنى ما يكون عندك مانع تخبرنا مبادءك الحالية من وحي تفكيرك وثقافتك الخاصة الحالية بما انها ممكن تتغير بالنسبة الك
يمكن اسرق منك فكرة او اتنين او اكتر
عن الكدب انك تحللو لنفسك وتحرمو على غيرك بظن لازمها اعادة نظر هالنظرية بحيت انك تحاول تلاقي تبرير للي كدبو عليك من التبريرات الي بتلاقيها لنفسك ان ما ضبطت ولا وحدة ابقى ازعل
وبالنسبة للسخرية برايي الخاص اللي بيستخدم اسلوب السخرية معناها في عندو شوي غرور زيادة وتسفيه للاخرين وهدول قد ما بقدر بتجنبهم
عموما اللي بيزعجني يا اما بوقفو عند حدو بنفس اللحظة يا اما اقلب الصفحة وانسى بس ما بعطيه من وقتي وجهدي لردلو الكف بعد فترة بشوف انو خسارة فيه عالوقت والجهد
ومرسي جاد

[حنين.]

كاتب النص الأصلي : Amo0o0orah

أخ جاد..في حكمة بتقول..عامل الناس كما تحب أن يعاملوك..
ليش عم تطالب غيرك بشي انت ماعم تقدر تعمله؟؟؟؟ ابسط حقوق الناس عليك انك تعدل بينك وبينهم! بعدين اذا انت ما بتحب حدا يسخر منك ليش حتى تسخر من الاخرين!!اذا بدنا نعيش بمبدأ رد الصاع صاعين بحياتنا ما رح نتفق ونعيش بسلام!

محسن أفندي...شكرا لأنك تحملتني وقريت..

حنين...اسمحيلي قدملك وردة شكر على هالتفكير الحلو والمنطقي يلي عندك...صرلي 3سنين بالمنتدى بقرا وما بحكي
خليتيني انطق ويطلع صوتي

اي الحمد لله اللي جابلك الشفاء على ايدي
وهيك سمعينا صوتك احيانا وانا الربحانة اكيد
تفكيري منطقي بنظرك لانو تفكيرنا متقارب بهالخصوص
بس تعرفي في ناس بيعتبروه منتهى السطحية والتفاهة والمبالغة
ادا بدك خلينا نكمل نقاش
ادا تعارض مبدئين من مبادئك مع بعض في موقف ما كيف بتتصرفي؟