منع موائد الرحمن من جديد

[Nay]

* للعام الثاني: وزير الأوقاف يمنع "موائد الرحمن" في المساجد خلال رمضان.. وينفي تدخل الأمن في خطب الجمعة
موقع أخبار الشرق - الجمعة 21 ب/ أغسطس 2009
دمشق – أخبار الشرق
أعلن وزير الأوقاف السوري محمد عبد الستار السيد منع إقامة ما يعرف بـ"موائد الرحمن" في المساجد خلال شهر رمضان، علماً بأنه كان قد منع إقامة هذه الموائد في المسجد الأموي في دمشق العام الماضي.
وانتقد الوزير السوري ما قال إنه تحويل المساجد إلى "مطابخ ومطاعم لا يأكل فيها الفقراء بل الأصدقاء والمقربين من التجار وأصحاب الموائد". كما انتقد ما اعتبره "تحول الموائد إلى دعاية شخصية للتجار وبعض الشخصيات الذين يمكنهم أن يتبرعوا للجمعيات دون هذه الضجة" حسب الوزير السوري.
من جهة أخرى، نفى السيد خلال "الملتقى التوجيهي لأرباب الشعائر الدينية" الذي عقد في حلب بحضور أرباب الشعائر الدينية وأئمة الجوامع ومدراء معاهد الأسد لتحفيظ القرآن في المحافظة؛ أن تكون خطب المساجد خاضعة للأجهزة الأمنية. ورداً على مطالبة أحد الخطباء بوقف تدخل الأجهزة الأمنية في موافقات مطبوعات رجال الدين والخطب أجاب الوزير "الأجهزة الأمنية لا تتدخل في المطبوعات، مسؤولية الرقابة الإعلامية لوزارة الإعلام أما الخطب فهي مسؤولية الخطيب نفسه إذا كان يلقي خطبة غير عقلانية وغير وطنية".
ورغم ذلك، دعا السيد إلى مراقبة الدروس الدينية النسائية ومراقبة المساجد في الأرياف التي يؤم المصلين فيها "تلاميذ المدرسة الكلتاوية" كما ذكر أحد الصحفيين مثيراً غضب بعض رجال الدين الحاضرين، حسب ما أورده أحد المواقع الالكترونية السورية.
وعقد الملتقى الذي امتد حتى ساعة متأخرة من الليل في جامع الإيمان في حلب الجديدة بحضور مفتي الجمهورية أحمد حسون ومفتيا حلب إبراهيم السلقيني ومحمود عكام، ومدير الأوقاف في المحافظة أحمد قدور.
من جهة أخرى، دعا السيد إلى إشراك الهيئة المركزية للرقابة والتفتيش والجهاز المركزي للرقابة المالية لمراقبة موارد المدارس الدينية والتبرعات والصدقات التي يتم جمعها. ونقلت مصادر إعلامية عنه قوله: "طلبنا من الرقابة متابعة ومراقبة مدراء المعاهد والمدارس وجمع التبرعات والصرفيات وذلك تحصينا للسادة العلماء". وأضاف: "الخطيب على المنبر ليس جابياً بل هو معلم وموجه، لا نقبل أن يكون علماؤنا مرتهنين لرجال الجمعيات الخيرية". وقال: "لا أقبل أي إساءة أخلاقية ولا مسلكية ولا مالية من متصدر للمنبر هنالك إجراءات ستتم بحق من أساء أو استغل المقدسات، لا نقبل مقولة نحن من جماعة الشيخ الفلاني أو العلاني، لا انتماءات فيكم إلا للوطن أو الله".
واعتبر السيد أنه لا مذهبية في سورية "نحن في سورية ليس عندنا لا مذاهب ولا أديان متفرقة في سورية حق المواطنة أولاً ثم حرية الانتماء للأديان ثانيا".
ورأى الوزير أن وزارة الأوقاف في سورية كانت مهملة حتى مجيء الرئيس بشار الأسد، وتحدث عن ارتفاع عدد موظفيها إلى 1500 موظفاً بعدما كانوا 103 فقط. كما تحدث عن عزمه تحسين الوضع المعيشي للأئمة.
كما تحدث عن إجراءات لتطوير المعاهد والمدارس الشرعية وتوحيد المناهج الدراسية من خلال إحداث المعهد المتوسط الشرعي والمعهد الدولي للعلوم الشرعية والدينية ومركز تأهيل الدعاة في سورية بهدف تطوير الخطاب الديني.
ورفض الاتهامات بتقليص التعليم الديني في المرحلة الجامعية. وقال إنه "تم تخصيص نسبة 40 % للقبول في كليتي الشريعة بجامعتي دمشق وحلب من الناجحين في الثانويات الشرعية في القطر و75 % من طلاب المعهد المتوسط الشرعي" كما تحدث عن توجيهات من الرئيس السوري لإنشاء معهد متوسط شرعي للطلاب العرب والأجانب.

[I_Love_Syria]

كاتب النص الأصلي : Nay

وانتقد الوزير السوري ما قال إنه تحويل المساجد إلى "مطابخ ومطاعم لا يأكل فيها الفقراء بل الأصدقاء والمقربين من التجار وأصحاب الموائد". كما انتقد ما اعتبره "تحول الموائد إلى دعاية شخصية للتجار وبعض الشخصيات الذين يمكنهم أن يتبرعوا للجمعيات دون هذه الضجة".

حاسس الوزير هاد مو دريان بشي, لأنو موائد الرحمن صح بيساووها تجار بس محدا بيعرف مين الشخص إلي وراها لأنو في جمعيات بتستلمها من ساسها لراسها
وبعدين التاجر أو صاحب العزيمة مارح يعزم الناس عالجامع بياخدن على مطعم أو على فندق مشان البروظة
في ناس كتير محتاجة بتستنى هالشهر هاد استني مشان تدوق اللحمة وغيرها يعني هالموائد كانت تطعمي كتير ناس محتاجة

[whiterose]

كلامي هاد موثوق وصحيح وعلى ذمتي

موائد الرحمن يلي انعملت اول مرة كانت من اروع الافكار و التصرفات الانسانية

وكان الداعم الاساسي لهاالموائد هي هو مشروع حفظ النعمة التابع للشيخ سارية الرفاعي

وكلام تحويل الجوامع لمطابخ مجرد حجج لانو الاكل كان يجي بسيارات فان كبيرة
وينشال بعدها بسرعة لنفس السيارات وكان العمل فيها شبه طوعي اي باجور عادية جدا وكان في ناس ترفض تاخد أجر

أما بالنسبة لظهور التجار وماشابه كمان حجج لانو ماكان ينذكر اسم اي متبرع لها الاكل ابدا

وكانت مؤائد فعلا ضيوفها ناس فقراء

انا مع فكرة منعها لكن مو لها الاسباب التافه
انا مع المنع لانو هي بعد فترة صارت الناس تجي تاكل ويختلط الصايم مع المو صايم
وناس محتاجة مع ناس مش محتاجة

وموائدالرحمن ما نمنعت ومستحيل تنمنع مازالت قائمة لكن بمقر مشروع حفظ النعمة
قبل آذان المغرب بتلاقي تجمع كبير من الناس المحتاجة واقفة وناطرة الاكل

اما بالنسبةلموائد الرحمن التانية ماعندي فكرة عنها

والله يرزق المحتاج ويأكرمنا اجمعين

[ورده بغداد]

لاحول ولا قوة الا بالله

[ورده بغداد]

هذا الخبر يفكرني بالخيمه الرمضانيه الي لحد هلا ماسمحت الاداره بفتحها

[lolo510]

ما صار شي بلا ما يعملوا بالمساجد وخليهن يعملوها بالطرقات يعني بشي ارض فاضية او كراج او ؟؟؟؟
هيك شي
بس والله هي الموائد حرام يمنعوها

[Government]

طبعا هي هية حالة اي مشروع طوعي او مجاني عنا بالبلد .. لانو المشاريع المجانية والخيرية مالا مستقبل عنا او يمكن تكون نزوات شخصية لفترات محدودة وبتزول رأسا .. عنا مافي شي بصير هيك ع حب النبي .. او بدون مقابل وفي حال صار مارح يطول
عنا مافي شي بيمشي غير المؤسسات الربحية واللي بدا تمص دم الشعب بينما هيك شغلات ماكتير بتمشي وحتى لو كان القائمين عليها رجال دين !!
غير متل ما انزكر كمان انو صارت مرتع للرفقة والشلل والسرسرية اللي مالن بحاجة هيك موائد .. بينما المحتاجين الا ماعبصحلن هيك شي ..
نحن بسوريا من اكتر الدول اللي بحاجة لهيك اعمال خيرية وبحاجة ماسة الا .. لانو في عنا ناس بسوريا ماعبتلاقي كسرة خبز .. وهالتجربة لازم تتعمم ع كل المحافظات والارياف لانو في كتير مناطق احوج من الشام
بينما بالعكس ع منلاقي هيك قصص عبتنلغى .. وطبعا طبيعي لانو ماحدا مستعد يتحمل التكاليف السنوية اللي مارح يجي منا شي حتى لو كانت الدولة !!

[whiterose]

كاتب النص الأصلي : ورده بغداد

هذا الخبر يفكرني بالخيمه الرمضانيه الي لحد هلا ماسمحت الاداره بفتحها

لك وما يفتحوها

ولله تسالي مابعرف ليش انتو مدايقين انها ما انفتحت؟؟

وين المشكلة يلي ببالكم تحكو فينكم تحكوا في موضوع بالسقيبفة مميز وشيق

يعني مارح تلالي راية الاسلام اذا انفتحت هالخيمة الجليلة قدس الله سرها

[Nay]

كاتب النص الأصلي : whiterose

لك وما يفتحوها

ولله تسالي مابعرف ليش انتو مدايقين انها ما انفتحت؟؟

وين المشكلة يلي ببالكم تحكو فينكم تحكوا في موضوع بالسقيبفة مميز وشيق

يعني مارح تلالي راية الاسلام اذا انفتحت هالخيمة الجليلة قدس الله سرها

lمن وين هي قدس الله سرها..
ما في بالاسلام شي اسمو قدس الله سره.. الاسلام مو ديانة باطنية لحتى يكون الها أسرار

[I_Love_Syria]

كاتب النص الأصلي : Nay

lمن وين هي قدس الله سرها..
ما في بالاسلام شي اسمو قدس الله سره.. الاسلام مو ديانة باطنية لحتى يكون الها أسرار

إيه واضح إنها عم تمزح مانها عم تحكي جد
الخيمة إلي بدو يتقدس سرها

[whiterose]

لك عم نمزح ولو

صحي ماعاد حدا اتقبل مزح

[عطر سوريا]

يمنعون الفقراء من الافطار
يحاربونهم بحجة تباهي التجار
يحاربون الرب وكل الاديان
يسرقون كل الاموال
يسرقون حتى اسنان الاموات
ويغتالون كل الافكار

[Nay]

وانا .. عم امزح.. بس بالعادة هي الكلمة بتنحكى كتير بالديانات الباطنية واستغربت شوي

[Nay]

الحقيقة انو مو مفهومة الحركة كلها.. وشو سببها.. هي الموائد موجودة من زمان كتير وابي وجدي بيحكو عن الاكل اللي كان يتوزع بجوامع دمشق من زمان كتير ويتوزع على الناس..
مو بس برمضان كمان بمناسبات دينية غير رمضان.. وابي بيحكي انو كانو يروحو على جامع الشيخ محي الدين وياخدو معاهون سطول مشان يجيبو عاشورا.. وهي الاكلة مكونة من مجموعة حبوب طيبة كتير..
وانو كانو هنن ميسورين ماديا مشان هيك كانو يشترو العاشورا من الفقرا اللي اخدو حصتهون من الجامع.. وكان وقتها عيب كتير انو شخص ميسور ياخد اكل من الجامع بشكل مجاني..

[سوا ربينا]

اي لا تظلموه للزلمة بلكي بدو يصير يفطر الفقراء عندو بالبيت تبعو ..

[i m sam]

موائد الرحمن مو بس يلي كانت تصير بالجامع الاموي.
بس يبدو انو في جوامع بالفغت جدا بهالموضوع لتحول الجامع حقيقة لمطبخ

[lion777]

والله يا معلم هو كل ما بيجي وزير او محافظ او رئيس بلدية حتى اول شي بينسف كل شي عمله يلي قبله على اساس انه هداك ما كان فهمان ومشان هيك طار وهو بس الفهمان
بس الحقيقة انه والله هو مو فهمان الله وين حاطه بالدنيا ووين بده يحطه بالاخرة

[lion777]

والله يستر ما يكون في ايدي اسرائيلية صهيونية بالنص لمنع هل الموائد وخاصة انه اليهود بيعرف تماما انه تحرير فلسطين منهم بيكون على ايدي المسلمين يلي بيتجمعوا بالجامع الاموي .......