أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 06/10/2008   #1
شب و شيخ الشباب Syria Man
عضو
-- مستشــــــــــار --
 
الصورة الرمزية لـ Syria Man
Syria Man is offline
 
نورنا ب:
May 2005
المطرح:
بين الزحام أدوب ...................... وارحل بين الدروب
مشاركات:
5,240

إرسال خطاب MSN إلى Syria Man إرسال خطاب Yahoo إلى Syria Man
Lightbulb ما رأيك بالجنس قبل الزواج وما هي أبعاده ؟!


مرحبا ياجماعة الخير
في موضوع كتير خطير بالنسبة لشبابنا المراهقين.. وهوي موضوع الجنس قبل الزواج ...
يعني الشب عنا بيلحق البنت وبيوعدها بشي معين
متل الخطبة أو الزواج وبيعلقها وهييييييك لحتا ياخد الشي يلي بدو اياه
وبعدين بيلحشها لحشة الكلاب وتروح اتدبر راسها .
وبنفس الوقت في شباب أكابر كتير يعني مو كل أصابيعك متل بعضون .
أنا بدي أعرف رأيكون بموضوع الجنس والعلاقة قبل الزواج إذا هوي صح أو خطأ
وأنا أول واحد رح أعطي رأيي :

^
^
^
^
^

أنا برأيي موضوع الجنس قبل الزواج خطير كتير وخطأ 100% ...
من الناحية الأخلاقية والدينية ومن جميع النواحي .
يعني أول شي نحنا السيد المسيح بيقلنا أنو من نظر إلى امرأة ليشتهيها في قلبه فقد زنا
فكيف اذا عمل معها علاقة أو ماشابه قبل ما تتكلل العلاقة بسر الزواج المقدس أو ماشابه ...
وأكيد هاد الشي بظن نفسو بالنسبة للشريعة الاسلامية ...
وبعدين الواحد منا إذا عمل علاقة مع البنت اللي بيحبها قبل مايصير شي رسمي وبعدين تركها
بيكون قتلها وقتل حياتها كلها وهيي بربيع عمرها ..
ومن ناحية تانية .. يعني اذا عمل علاقة معها وخلينا نقول اتزوجها بعدين وهي النسبة القليلة
كمان بيكون قتل خصوصية الحب والزواج قبل وقتو بكتير وعاش مرحلة مبكرة من الحياة
وغالباً بهالحالة بتفشل الحياة الزوجية وبيتم الطلاق بين العروسين اللي فينا انقول عنون المراهقين ..
لأنو رح تكتر الخلافات ليتوصلو للحل الوحيد واللي هوي الطلاق ...
فيا شباب ويا صبايا لازم كل واحد فينا يحترم حالو ويحافظ على كرامتو وكرامة الطرف الآخر حتى الزواج
بعدين أنا شخصياً برأيي أنو اللي بيعمل هيك مع البنت بيكون ما بيحترمها
لأنو لازم يحافظ عليها ويخاف عليها حتى تتكلل العلاقة بالزواج المقدس
(ولازم البنت اتدير بالها من الزواج على ورق)...
ولازم ما نضعف أو يسيطر علينا الشيطان ومانتبع شهواتنا وملذات الحياة ونخلي الله قدامنا على طول

خدني الحنين لعينيكي حبيتو من وقتها
بحلم سنين ألاقيكي و أنسى الجراح بعدها
وبقيتي من قسمتي عشقي ونور دنيتي
ما شافتش قبلك عيوني وعليكي فتّحتها

المسيح يحمينا

jesus i trust in you

أنا هو القيامة والحياة من يتبعني لايمشي في الظلمة
  رد مع اقتباس
قديم 06/10/2008   #2
صبيّة و ست الصبايا بنفسجة
عضو
-- مستشــــــــــار --
 
الصورة الرمزية لـ بنفسجة
بنفسجة is offline
 
نورنا ب:
Jun 2007
المطرح:
ضيعة تشرين
مشاركات:
5,641

افتراضي


انا برايي انو خطير وكتير كمان ونتائجه كتير غير مضمونة
اما انو خطا فهيدا شي نسبي
يعني احيانا الاتفاق بين الشريكين والحب الصادق بيناتون بيعطي ضمان للشريكين ببمارسة الجنس عن قناعة انو رح يتم الزاوج
اما هيك كيف ما كان اي علاقة حب بين شب وبنت يكون الجنس في صلبها فيهدا بيرتب كتير اخطار على الشخصين والمجتمع يلي عايشين فيه
يعني فرضا صارت العلاقة وبعدها تم الانفصال
البنت ليست عذراء بالمعنى الشرقي للكلمة وهاد شي مش مقبول بالجتمع على الاقل حاليا
هاد رح يوقعها بمازق كتير خطير
هاد اذا ما حملت وعلقنا
الوضع النفسي رح يتردى وممكن تنتحر
اذا ما نحروها اهلا
فليش المخاطرة لاحقين اصلا حلاوة ليلة الدخلة انو بتكون اول اتصال جسدي بين الحبيبين وبشكل امن فليش العجلة

ياوطني يسعد صباحك
متى الحزن يطلق سراحك
الابتسامة النبيلة هي التي تخرج من قلب يبكي هكذا انا قررت
((((*(*(*(*(*(*(*عصابة الملوك *)*)*)*)*)*)*) ))))
  رد مع اقتباس
قديم 06/10/2008   #3
شب و شيخ الشباب SelavI
عضو
-- قبضاي --
 
الصورة الرمزية لـ SelavI
SelavI is offline
 
نورنا ب:
Sep 2006
المطرح:
ما زلت اتسأل عنه
مشاركات:
946

افتراضي


ما رأيك بالحب قبل الزواج
الجنس هو الحب
الجنس الذي تكلمت عنه انت ليس له صلة بالحب ابدا
انا اتزوج من عشيقتي كل يوم اراها فيه
اعلن ارتباط روحي بها في نفسي

وان كان الزواج لغرض المعاشرة الجنسية والشهوات المؤقتة فقط فاذا لن اتزوج ما حييت

انا سأتزوج عندما اعلن لحبيبتي اني احبها
وعندما تعلن هي لي نفس الشئ

حينها يتم زواجنا على الورق الروحي
وليس على ورق المجتمع

من دواعي سرورك ان تغوص في اعماق صورتك
تمضها بعينيك وذرايعك
وقلبك يلهو احيانا بخفقانه
وبصخب هذه الشكوى الوحشية المتمردة
فانتما تغمضان لا تبوحان
  رد مع اقتباس
قديم 06/10/2008   #4
صبيّة و ست الصبايا Marooshe
عضو
-- زعيـــــــم --
 
الصورة الرمزية لـ Marooshe
Marooshe is offline
 
نورنا ب:
Apr 2008
مشاركات:
1,420

افتراضي


اقتباس:
كاتب النص الأصلي : Syria Man عرض المشاركة
فيا شباب ويا صبايا لازم كل واحد فينا يحترم حالو ويحافظ على كرامتو وكرامة الطرف الآخر حتى الزواج
مع انو مصطلحات الموضوع صارخه وفظيعه
بس هي اكتر جمله لفتتلي نظري
انو شو يعني نحترم حالنا ونحافظ على كرامتنا؟
وشو يلي بيقرر هشي؟
اعمالنا؟ اشيا منقدمها لغيرنا؟ اشيا منعملها كرمال مجتمعنا؟
او شي مخفي ومحصور بفرج صبيه؟

ومين قال انو الجنس عهر وكفر واثم؟
يمكن ممارستو فيها خطوره اجتماعيه
بس
بدون اي شك
الجنس رباط مقدس
واسمى واطهر من اي ارتباط رسمي
لانو الحب... والحب ارقى من انو ينحصر بين كام سطر وشاهد
  رد مع اقتباس
قديم 06/10/2008   #5
صبيّة و ست الصبايا ربيع الأحزان
عضو
-- قبضاي --
 
الصورة الرمزية لـ ربيع الأحزان
ربيع الأحزان is offline
 
نورنا ب:
Sep 2007
المطرح:
أم الدنيا
مشاركات:
621

افتراضي


اقتباس:
كاتب النص الأصلي : Syria Man عرض المشاركة
مرحبا ياجماعة الخير
في موضوع كتير خطير بالنسبة لشبابنا المراهقين.. وهوي موضوع الجنس قبل الزواج ...
يعني الشب عنا بيلحق البنت وبيوعدها بشي معين
متل الخطبة أو الزواج وبيعلقها وهييييييك لحتا ياخد الشي يلي بدو اياه
وبعدين بيلحشها لحشة الكلاب وتروح اتدبر راسها .
وبنفس الوقت في شباب أكابر كتير يعني مو كل أصابيعك متل بعضون .
أنا بدي أعرف رأيكون بموضوع الجنس والعلاقة قبل الزواج إذا هوي صح أو خطأ
وأنا أول واحد رح أعطي رأيي :

^
^
^
^
^

أنا برأيي موضوع الجنس قبل الزواج خطير كتير وخطأ 100% ...
من الناحية الأخلاقية والدينية ومن جميع النواحي .
يعني أول شي نحنا السيد المسيح بيقلنا أنو من نظر إلى امرأة ليشتهيها في قلبه فقد زنا
فكيف اذا عمل معها علاقة أو ماشابه قبل ما تتكلل العلاقة بسر الزواج المقدس أو ماشابه ...
وأكيد هاد الشي بظن نفسو بالنسبة للشريعة الاسلامية ...
وبعدين الواحد منا إذا عمل علاقة مع البنت اللي بيحبها قبل مايصير شي رسمي وبعدين تركها
بيكون قتلها وقتل حياتها كلها وهيي بربيع عمرها ..
ومن ناحية تانية .. يعني اذا عمل علاقة معها وخلينا نقول اتزوجها بعدين وهي النسبة القليلة
كمان بيكون قتل خصوصية الحب والزواج قبل وقتو بكتير وعاش مرحلة مبكرة من الحياة
وغالباً بهالحالة بتفشل الحياة الزوجية وبيتم الطلاق بين العروسين اللي فينا انقول عنون المراهقين ..
لأنو رح تكتر الخلافات ليتوصلو للحل الوحيد واللي هوي الطلاق ...
فيا شباب ويا صبايا لازم كل واحد فينا يحترم حالو ويحافظ على كرامتو وكرامة الطرف الآخر حتى الزواج
بعدين أنا شخصياً برأيي أنو اللي بيعمل هيك مع البنت بيكون ما بيحترمها
لأنو لازم يحافظ عليها ويخاف عليها حتى تتكلل العلاقة بالزواج المقدس
(ولازم البنت اتدير بالها من الزواج على ورق)...
ولازم ما نضعف أو يسيطر علينا الشيطان ومانتبع شهواتنا وملذات الحياة ونخلي الله قدامنا على طول



شكرا أخى على الطرح المتوازن لموضوع هام جدا

وبيحصل كتير فى الوطن العربى بين المسلمين والمسيحيين كمان

بس المشكله أنه شباب كثيرا ما تعرف تميز بين الحب والرغبه الجنسيه
فيسطير عليها فكر خاطئ يحاول بكل قوته إحتلالنا

وتدمير هويتنا العربية وخصوصيتنا الشرقيه التى تميل الى الطهر والعفاف بكل
شي وبالحب أكثر شي



موضوعك هام أخى

وأنا معك 100% وموافقه على رأيك
وأنه أكيد شي خطير وخاطئ

عش ألقا وأبتكر قصيدة وأمض



زد سعة الأرض

(أدونيس)
  رد مع اقتباس
قديم 07/10/2008   #6
شب و شيخ الشباب pivot
عضو
-- أخ لهلوب --
 
الصورة الرمزية لـ pivot
pivot is offline
 
نورنا ب:
Oct 2008
المطرح:
under the sky
مشاركات:
195

افتراضي


مساء الخي
الموضوع قيم جدا و مفيد بنفس الوقت
عزيزي سيريا مان الحب الذي تحدثت انت عنه
لا علاقة له بالجنس
هل نحن نتزوج فقط من اجل المعاشرة الجنسيه
و لاشباع غرائز فيزيولوجية يتطلبها جسدنا
سواء كنا ذكورا ام اناث
طبعا لا الزواج شي مقدس و فيه اشياء كثيرة اهم جدا من التقاء جسديي
الجنس في مجتمعاتنا اكيد شي مرفوض لانه حرم من قبل الدين و التقاليد و الاعراف ايضا و لكن لو افترضنا
ان الدين لم يحرمه ماذا كان ردة فعل المجتمع
نحن دائما نربط الزواج بالجنس و هذا هو خطانا القاتل

If you have an apple...and I have an apple .and we exchange these apples ...then you and I will still each have one apple.,, But if you have an idea. and I have an idea.. and we exchange these ideas,,,, then each of us will have two ideas

آخر تعديل Reemi يوم 07/10/2008 في 02:47.
  رد مع اقتباس
قديم 07/10/2008   #7
شب و شيخ الشباب ِAbu Alzooz
عضو
-- مستشــــــــــار --
 
الصورة الرمزية لـ ِAbu Alzooz
ِAbu Alzooz is offline
 
نورنا ب:
Jul 2005
المطرح:
السما السابعة
مشاركات:
3,586

افتراضي


هلق انو انا كلمة و كم قطعة دهب
و كم غنية و كم زمور

لح يخلي الجنس حلال

لا يا خيي الجنس من الاساس حلال
و يلي بحللو شي واحد هوي الحب

هلق اذا انتو مقتنعين انو الجنس هوي تلبية لغريزة متل الاكل

لا انتو غلطانين الجنس هوي اعلى درجات المحبة لما بيلتحموا الجسدين
مع الروحين

_________________
* الجنس : كلمة الجنس فوق هوي مو الجنس يلي بيصير ببيوت الدعارة

*** لنصير مزبلة و بدون تاريخ ***

"محمد الماغوط "

حطم سيفك , تناول فأسك , و اتبعني و ازرع السلام و المحبة في كبد الأرض

"رسالة الرب بعل إلى شعبه السوري "

عالوعد يا كمون


أخوية ... أبو وليام على طول الدرب
  رد مع اقتباس
قديم 07/10/2008   #8
شب و شيخ الشباب الكرواتي
شبه عضو
-- اخ حرٍك --
 
الصورة الرمزية لـ الكرواتي
الكرواتي is offline
 
نورنا ب:
Sep 2008
المطرح:
بيت زغير بكندا
مشاركات:
36

Thumbs up


أوف قديش الموضوع اللي فاتحو خطير وخاصة في المجتمع الشرقي....وطولو بالكون علي لأنو خمسطعش ألف فكرة عم تركض براسي
اولا حتى نتكلم عن الجنس يجب ان نعرف مفهوم الجنس ماهو؟؟ وماهي الثقافة الجنسية المتوفرة عند الأفراد؟؟ وماهي الصورة المرسومة عند كل فرد ذكرا او انثى تجاه الجنس الآخر
لأن هذه الكلمة تحمل كثير من المعاني والدلالات وبحسب موضوعك هنا فهمت اوتوماتيكيا الممارسة الجنسية العملية ....همممممممم
طيب باأخوتي كل واحد فاهم وراسم صورة للجنس بمخيلته ..... انا مع الممارسة الجنسية قبل الزواج!!!! طولوا بالكون ماتبلشو تضربوني لأنو انا مفهوم الجنس عندي لا ولن ينفصل عن مفهوم الحب لذلك الجنس عندي بمعناه الشامل(وهدا رأيي أنا ) يشمل امساك اليد والضمة والقبلة وتختم بالممارسة العملية للجنس طيب لهون منيح ..
يعني بالنسبة لألي لما بمسك ايد حبيبتي هدا جنس ولما اقبل يدها او خدها او حتى فمها هدا جنس .. لأنو بهالعملية عبرت عن حبي لها بطريقة حضارية وسلسة والحب والشهوة والجنس ثلاثة في واحد لايمكن الفصل بينهم ابدا
عرفتو ليش انا مع الجنس قبل الزواج؟؟؟

وكمان في شغلة لازم الكل يعرفها انو قمة الحب هو الممارسة الجنسية والتي تتجسد بالأولاد الذين هم نتاج هذا الشعور المقدس بين شخصين نذر أحدهما نفسه للآخر في هذا الرباط المقدس.

ومن هون انا بفهم القصة انو ممارسة فعلية قبل الزواج مرفوضة عندي لعدة اسباب:
اولا حفاظا على خصوصية الزواج
ثانيا حفاظا على مفهوم الحب في الحياة الزوجية
ثالثا الإبتعاد عن الخوف والقلق (أي احترام مشاعر الحبيبة) قبل الزواج
رابعا التمسك بمفهوم الأشتياق للّقاء الجسدي بالرباط المقدس
خامسا ازدياد الثقة بين الطرفين مهما كانت الشهوة كبيرة(بأنه لايستغلني)
سادسا اتحاد الشخصين معا ليصبحا جسدا واحدا يتألم الأول بتألم الثاني

وكتير أسباب الواحد مابيقدر يتذكرها فرددفعة

لأنو بصراحة ياجماعة وما عم بجيب شي من عندي هون بكرواتيا الجيل الطالع اكيد بيدور على رفيقة او صاحبة بس المشكلة عم يتفاجئوا من حالات الإنفصال والخيانة بعد الزواج لأنو صارت القصة تعويد وبعد الزواج بيصير عندون ملل من الطرفين وبيبلش يدور كل واحد على شخص جديد لأنو مل ولازم يجدد ويجرب مع طرف جديد
وبالمجتمع الشرقي الرجال عندنا بيبرروا بهالجملة (اي شو كل يوم الواحد بدو ياكل مجدرة)
وانا كنت اطق من هالحملة طيب وين حبك راح ياولدي والحبيبة اللي كان ريالك يشط عليها وقاتل حالك لتشوفها وعاندت اهلك كلياتون كرمالها صار اسمها مجدرة؟؟؟ عجبي
يعني مابتعرف انو الجنس هو اندماج ومنح جسدك للطرف الثاني!! فأنت تعطي شي من نفسك

بالمختصر المفيد ياأخوتي الممارسة قبل الزواج فكرة غريبة لأن الطرفين بيقدروا يفرغوا الشحن اللي عندون بمسكة ايد ببوسة اوحتى بمداعبة اذا فهمانين الجنس مظبوط

شكرا لك اخي سيريامان لأنو فعلا موضوع حلو بيخلي الواحد يرجع يعيد حساباتو انو شو بيعرف عن الحب والجنس

الحرف يقتل لكن الروح يحيي
  رد مع اقتباس
قديم 07/10/2008   #9
شب و شيخ الشباب ناصرشكري
عضو
-- زعيـــــــم --
 
الصورة الرمزية لـ ناصرشكري
ناصرشكري is offline
 
نورنا ب:
Aug 2006
مشاركات:
1,016

إرسال خطاب MSN إلى ناصرشكري
افتراضي



تخيل نفسك أنك تزوجت يوماً ما فلن تعجبك بالتأكيد فكرة أن زوجتك قد مارست الجنس مع شخص آخر قبلك أو أن شخصاً قد قام باستغلالها.ماذا عنك أنت هل تروق لك فكرة أن زوجتك قد كانت على علاقة جنسية مع رجل آخر قام باستغلالها. إذا كانت لديك صديقة الآن وتمارس معها الجنس فماذا سوف يكون شعورك لو كانت زوجتك في المستقبل هي صديقة لشخص آخر الآن.
من الممكن أن تفكر بذلك من وجهة نظر أخرى أن هذه الفتاة التي تقوم أنت باستغلالها هي بكل بساطة أبنة أحدهم ولكن بماذا كنت ستشعر إن قام أحد الشباب باستغلال إبنتك يوماً ما فكر في ذلك ماذا لو حدث ذلك لشقيقتك فهل سوف تسمح لأحدهم بإستغلالها فهؤلاء النساء هن بنات وأخوات وزوجات المستقبل .الجنس من أكبر النعم التي أنعمها الله علينا لكنه سبحانه و تعالى وضع لها قواعد و قوانين يجب التقيد بها.

الرجل بلا امرأة يتيم عاطفيا
  رد مع اقتباس
قديم 07/10/2008   #10
صبيّة و ست الصبايا مايا *
عضو
-- قبضاي --
 
الصورة الرمزية لـ مايا *
مايا * is offline
 
نورنا ب:
Oct 2006
مشاركات:
914

افتراضي


هلا بعيدا شوي عن فكرة الموضوع ..

اقتباس:
كاتب النص الأصلي : ناصرشكري عرض المشاركة
شخصاً قد قام باستغلالها.
رجل آخر قام باستغلالها.

تقوم أنت باستغلالها
الشباب باستغلال إبنتك
لأحدهم بإستغلالها
ليش دائماً منصوّر البنت إنها الحمل الوديعـ و أنو الشب شرحبيلـ الشرير الي بيستغلها .. !

البنت الي بتمارس الجنس مع الشب , بتمارسو برضاهــــــا , يعني خلونا نطلع شوي من فكرة أنو البنوتة كتير يا حرامـ

و إلا منسميه إغتصاب .. !

اقتباس:
قمة الحب هو الممارسة الجنسية والتي تتجسد بالأولاد

هايـ جديرة بالصفن .. !

الناس بتتغير و بتنسى ؛ تخبر بعضها ؛

أنــــــا ّ > °° متل كلـ يلي مرواا ؛ °°
  رد مع اقتباس
قديم 07/10/2008   #11
شب و شيخ الشباب hanny dagher
مشرف متقاعد
 
الصورة الرمزية لـ hanny dagher
hanny dagher is offline
 
نورنا ب:
Aug 2005
المطرح:
وين ما التفتت بتلاقيني
مشاركات:
6,194

افتراضي


همممممممممممممممممممممممم
فكرت كتير قبل ما اكتب بهالموضوع
وكان في براسي كم شغلة بدي اكتبهن ولما بلشت بدي اكتب نسيت شو كان براسي (قديش بكره هالشغلة )

تنبيه من اول الرد رح اسحب يا اخواتي ورح اشطح على مواضيع وقصص وقضايا

اولا : الموضوع ريحني كتير اليوم ورح قول ليش بهالكم سطر التانيات بس اول الشي عندي سؤال

كم واحد بيحب وحدة عنجد وما براسو او مانو مفكر انو يخدعا او يغشها او يلعب عليها عندو الجرأة انو يفتح معها موضوع الجنس ؟ ممكن يكون في عالم عندهن الجرأة وممكن عالم يكون لاء
انا واحد من الناس اللي ما عندي جرأة اني افتح هالموضوع مع حبيبتي مع انو من المواضيع الاساسية اللي بعتقد لازم ينحكى فيها بين الحبيبين وخصوصا اذا في مخطط انو يكفو حياتهن مع بعض
اليوم وبعد ما انطرح هالموضوع فتحت الموضوع مع حبيبتي وحكينا في وخصوصي انو متل ما قلت انا بعتبر هيك موضوع من الضروري انو ينحكى في ويتفق علي وصرلي فترة عم فكر كيف بدي افتح هالموضوع وما كنت لاقي طريقة اجا هالموضوع وساعدني فالموضوع اجا بوقتو

الاسباب اللي بتخليني ما احكي بهيك موضوع مع حبيبتي ( او بتخلي اي حدا ما يحكي مع حبيبتو )
هيي انو البنات عنا تربو على طريقة انو يا بنتي ما تخلي حدا يبوسك او يلمسلك ايدك لانو بتنتزع سمعتك ومعد حدا بيتزوجك (هلأ هيك كانت الحالة قديم بس كيف صارت عن جديد ما بعرف ) طبعا انا عم احكي بغض النظر انو المجتمع بيعارض حالات الحب اللي بتصير بين الشباب والبنات بكل انواعها حتى لو ما صار بين الشب والبنت اي شي جنسي ( بعرف ممكن عالم يعترضو انو ناقضت حالي بين هالجملة هاي وما سيتبع بس انا هون عم احكي مجتمعيا وليس شخصيا ) وبيعتقدو البنات انو اي شخص بدو يفتح معاهن هيك موضوع او انو يلمس ايدهن او يبوسهن مثلا انو هادا ناوي على نية غير صافية او عم يضحك عليهن لهيك بتلاقي الحبيب حتى لو ما بزهنو انو يغدر بحبيبتو بيلاقي صعوبة من طرح هيك موضوع لمجرد النقاش وبدون اهداف اخرى


ثانيا: سمعت كتير من بنات وشباب انو الحب بينتهي بعد اول ليلة بالزواج (ما بعرف قديش منكن بيتفق مع هالجملة بس بعرف انو اللي ما رح يتفقو رح يخنّقو ويعصبو من هالجملة )
انا كنت اول واحد بيخنّق وبيعصب من هالجملة
هالجملة بتعني انو تنين حبو بعضن شهر شهرين سنة سنتين تلاتة اللي هني وبعدها تزوجو و مارسو الجنس بليلة الدخلة وانتهى الحب صارت علاقتهن رسمية صار المرا الها مسؤوليات منزلية (تنضيف البيت والطبخ والجلي و و و ) طبعا اضافة اذا لشغلها اذا كانت بتشتغل والزلمي الو مسؤولياتو بتأمين حاجات البيت ومتطلباتو بس الحب انتهى مع نهاية اول عملية جنسية
بداية خلينا نعرف شو يعني حب ؟ شو يعني زواج ؟ وشو يعني جنس ؟
من هون رح بلّش احكي كوجهة نظر شخصية و كحالة شخصية عم عيشها
الحب : الحب مو دقة قلب ولا احمرار خدود وقت بتشوف الشخص التاني او تحكي معو
الحب هوي التفاهم الاتفاق الاندماج بكل شي مع الطرف الاخر انو تتقاتلو تتصالحو تتزاعلو تتراضو تبكو تضحكو تختلفو بالرأي تتعايطو الحب انو رغم كل المشاكل اللي بيناتكن بتتاكدو انو هالمشاكل رح تنحل ورح يكون الكن سند تقدرو توقفو علي الحب انو تتاكدو انو في شخص عم يدعمكن عم يوقف معكن الحب انو تفكرو كواحد ما تفكرو كتنين انا بعتقد حاليا انو عايش حالة حب كاملة (ممكن كتير عالم لو بتعرف كيف وضع علاقتي ما تتفق معي ) بس انا بعرف انو انا وحبيبتي متفقين على كل شي ومنفهم على بعض من دون ما نحكي
منتخانق؟ اي منتخانق منتزاعل؟ اي ممكن نتحسس من بعض بس كل مشاكلنا بتنحل قبل ما نقوم عالنوم
ليش؟ لانو انا بعرف مين هيي وشو بدها مني وهيي بتعرف مين انا وشو بدي منها

- الزواج : ورقة بتسمح للبنت انو تروح تسكن مع الشب اللي بتحبو بدون اعتراض من اهلها هههههههه
هل الزواج بيعني حب ؟ ممكن اي ممكن لاء هادا السؤال ما الو جواب معمم يعني كتير بتلاقي شخصين متزوجين بس ما في بيناتن حب وما بيطيقو بعضهن وكتير بتلاقي اشخاص بيحبو بعضهن بس مو متزوجين
هل الزواج بيعني الجنس؟ لاء ولاء ولاء ليش انا ما بقدر روح نام مع بنت ومارس الجنس معاها بدون ما كون متزوجها
طبعا بقدر
من جهة تانية ما في كتير عالم متزوجة وما عم تمارس الجنس ؟ طبعا اكيد في
قريت تعليقين من شوي رح انسخهن لهون

اقتباس:
ومن ناحية تانية .. يعني اذا عمل علاقة معها وخلينا نقول اتزوجها بعدين وهي النسبة القليلة
كمان بيكون قتل خصوصية الحب والزواج قبل وقتو بكتير وعاش مرحلة مبكرة من الحياة
وغالباً بهالحالة بتفشل الحياة الزوجية وبيتم الطلاق بين العروسين اللي فينا انقول عنون المراهقين ..
لأنو رح تكتر الخلافات ليتوصلو للحل الوحيد واللي هوي الطلاق ...
نعم؟
بممارسة الجنس بيكون قتل خاصية الحب والزواج ؟
معناتا انتي بحكيك هاد صرت من جماعة الحب بيموت بعد اول ليلة بالعرس
معناتا اذا مارست الجنس قبل الزواج او بعدو خاصية الحب عندي رح تموت بما انها مرتبطة بالجنس
بعدين كم حالة طلاق صارت لانو الزوجة او الزوج اكتشف العجز الجنسي تبع الطرف التاني بعد الزواج ومن هون بدي اسال سؤال يترك معلقا بدون اجابة هالحالات هاي ما كان الزوجين فيهن يحمو حالهن من الطلاق لو مارسو الجنس قبل الزواج ؟



اقتباس:
لأنو بصراحة ياجماعة وما عم بجيب شي من عندي هون بكرواتيا الجيل الطالع اكيد بيدور على رفيقة او صاحبة بس المشكلة عم يتفاجئوا من حالات الإنفصال والخيانة بعد الزواج لأنو صارت القصة تعويد وبعد الزواج بيصير عندون ملل من الطرفين وبيبلش يدور كل واحد على شخص جديد لأنو مل ولازم يجدد ويجرب مع طرف جديد
وبالمجتمع الشرقي الرجال عندنا بيبرروا بهالجملة (اي شو كل يوم الواحد بدو ياكل مجدرة)
نعم ؟
لنفترض انو ما مارست الجنس لحتى تزوجت
قديش ممكن تضل متزوج ؟
سنة تنتين عشرين سنة تلاتين سنة لو بدك تمل او لو انو براسك انو رح تمل تلاتين سنة زواج و "جنس" مع نفس الشخص ما رح يمللوك ؟
لو انا اكلت المجدرة قبل ما يطلعلي سنان وضليت عم اكلها بعد ما يطلعلي سنان لمدة تلاتين سنة
او لو ما بلشت اكلها لحتى طلعلي سنان وضليت عم اكلها لمدة تلاتين سنة
بالحالتين رح مل (انا ما عم برر حالة الملل الجنسي بهالمثال لاء بالعكس الملل الجنسي بيرجع للشخصين وقديش هني قادرين يتمتعو في )
الملل الجنسي بين الزوجين ما الو علاقة بايمت مارسو الجنس قبل الزواج او بعدو

- الجنس : تكملة للحب
الحب هو اتحاد روحي وعقلي ونفسي وبيكملو الاتحاد الجسدي
ايمت بيصير هالاتحاد ؟ وقت بيوصل الاتحاد الروحي والعقلي والنفسي لاعلى درجاتو وبتعرف انو مستحيل تفرق بين هالشخص وهالشخصاية
هل وصول هالاتحادات لاعلى درجاتها متعلق بالزواج ؟ لاء لانو الشي الوحيد اللي صار قبل الزواج وبعدو هوي شقفة ورقة بيني وبين مرتي وانو صارت بتقدر تجي تنام عندي بدون ما حدا يقلها وين رايحة غير هيك لاء ما تغير شي

انو كان في حكي كتير (بعد كل هالحكي واسا في حكي )
بس رح انطر بلكي شي حدا بيرد وبيرفرشلي زاكرتي

بس رح قول رأيي الشخصي
انا مع ممارسة الجنس قبل الزواج لانو ما رح تفرق عن بعد الزواج
بس لازم نكون واصلين لمرحلة محددة من الحب انا وحبيبتي ولازم تكون مع رضاها وموافقتها


رح اختمها بسؤال
شو اللي بيجبرني انا وحبيبتي على ممارسة الجنس بعد الزواج ؟ بمعنى تاني هل كلمة "انا تزوجت" بتعني انو اجباري عليي مارس الجنس مع حبيبتي ؟


قد اكون سرحت عن الموضوع كتير بس حبيت وضح مفاهيم اساسية انطرحت بهالموضوع من وجهة نظر شخصية بحتة

هاموش:

بقص ايدي اذا حدا بيقرا ردي

انا بحبك وانتي بتحبيني وفخار يطبش بعضو
بحموشك انا بحموشك
  رد مع اقتباس
قديم 07/10/2008   #12
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

افتراضي


بالزمانات انحكا جدا بهالموضوع هون ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



شو هالعمر اللي مش باقي شي
لولا الوقت الولا خلى شي
خلالي طريقي و رح أمشيه


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 07/10/2008   #13
صبيّة و ست الصبايا وشم الجمال
عضو
-- مستشــــــــــار --
 
الصورة الرمزية لـ وشم الجمال
وشم الجمال is offline
 
نورنا ب:
Aug 2007
المطرح:
جبين الشمس
مشاركات:
4,561

افتراضي


اقتباس:
كاتب النص الأصلي : hanny dagher عرض المشاركة
هاموش:

بقص ايدي اذا حدا بيقرا ردي
قصها لاني قريتو من اول كلمة لاخر كلمة,,,,

انا معك هاني بكل حرف وبدي عالماشي احكي رأيي لانو خمس دقايق وبتبلش المحاضرة ,,,
انا بشوف انو اي تنين بحبو بعض وصادقين في الحب الا انو يصير في جواتهن رغبة في الاتحاد الجسدي لانو همو متحدين روحيا ونحنا روح وجسد فكيف بدنا نفصل بين التنين لمجرد تقاليد او دين او غيرو؟؟؟
يعني الجنس شي اسمى بكتير من نظرة كتار الو هوي انعتاق للجسد من قيودو هوي الحب لما يكون تملك الانسان وفيني كفي بس بعد المحاضرة ما بدي انطرد منها لأنو,,,,

وعجبني تلات اراء وانا معهن
سياف وهاني وابو وليام وطبعا مع احترامي لباقي الردود

تباً إننا جيل كامل من الانتظار .. متى نفرغ من الصبر .. و من مضغ الهواء ..


اتعرى من الجميع كي أجدني,,,,
فأضيع !!!!

حاولتُ أن أغرق أحزاني في الكحول، لكنها، تلك اللعينة، تعلَّمَت كيف تسبح!
  رد مع اقتباس
قديم 07/10/2008   #14
شب و شيخ الشباب SelavI
عضو
-- قبضاي --
 
الصورة الرمزية لـ SelavI
SelavI is offline
 
نورنا ب:
Sep 2006
المطرح:
ما زلت اتسأل عنه
مشاركات:
946

افتراضي


الجنس لا كلمات لا تفسيرات لا قوانين ولا حدود


الجنس اغماض صمت وسفر
  رد مع اقتباس
قديم 07/10/2008   #15
شب و شيخ الشباب أبو حـلب
عضو
-- أخ لهلوب --
 
الصورة الرمزية لـ أبو حـلب
أبو حـلب is offline
 
نورنا ب:
Mar 2008
المطرح:
MYL
مشاركات:
167

افتراضي




أنا رأيي ضد أنو الواحد يمارس الجنس قبل الزواج ..
أولاً: أنو إش بكون خليت لبعد ما أتجوز؟ كل شي بوقته حلو .. كل شي بوقته حلو
ثانياً: من الناحية الدينية .. كمان هالشي محرّم

و أعتقد البنت الشريفه و المحترمة ، ما بترضى ع حالها تعمل هالشي مع أي شب قبل الزواج
و أنـا شخصياً .. ما عندي إستعداد أفتح هالباب (إن كان بالكلام أو بالفعل) مع أي بنت ..
بضل عندي خوف أنو بمجرد ما أفتح هالباب .. ثقة البنت فيني رح تنهز .. وهاد شي ما برضاه ،


حلو موضوعك .. و أنـا رح ضل متابع حتى شوف بقية الردود و الآراء

I'm NOT only perfect .. I'm Syrian Too
SYRIA | شعـب واحد • وطن واحد
**أبو حــلــب**
>>
  رد مع اقتباس
قديم 07/10/2008   #16
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

افتراضي


اقتباس:
كاتب النص الأصلي : أبو حـلب عرض المشاركة
أنا رأيي ضد أنو الواحد يمارس الجنس قبل الزواج ..
أولاً: أنو إش بكون خليت لبعد ما أتجوز؟ كل شي بوقته حلو .. كل شي بوقته حلو
ثانياً: من الناحية الدينية .. كمان هالشي محرّم
طيب وتجوزو ومارسو الجنس وبعدين؟؟

انو الواحد ما بيتجوز غير ليشبع رغباتو الجنسيه!
  رد مع اقتباس
قديم 07/10/2008   #17
شب و شيخ الشباب أبو حـلب
عضو
-- أخ لهلوب --
 
الصورة الرمزية لـ أبو حـلب
أبو حـلب is offline
 
نورنا ب:
Mar 2008
المطرح:
MYL
مشاركات:
167

افتراضي


اقتباس:
كاتب النص الأصلي : Reemi عرض المشاركة
طيب وتجوزو ومارسو الجنس وبعدين؟؟

انو الواحد ما بيتجوز غير ليشبع رغباتو الجنسيه!


لأ مو هاد القصد ، الواحد ما بيتجوز كرمال رغبة جنسية فقط ..
(ولو أنو الجنس هوه سبب كمان من أسباب الجواز وما حدا بينكر هالشي)
بس لـ هالموضوع بالذات إله خصوصية ، و خصوصيته بتجي بعد الزواج
و صدقيني كل شي بوقته حلو .. هيك أحلى
  رد مع اقتباس
قديم 07/10/2008   #18
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


اقتباس:
ما رأيك بالجنس قبل الزواج وما هي أبعاده ؟!
شو بدك برأيي !!..يعني إذا عطيتك رأيي شو بتستفيد ؟

اذا هو في تنين بدن يعملو جنس قبل الزواج بيعملوا برأيي و بونو و برأيك و بدونو ..و إذا ما كانو بدن يعملوا فما رح يعملوا ...ان أخدو رأيي أو أخدو رأيك !

شغلة بين تنين ..شخصين يعني ..هني بقرروا سوا شو بدهن يعملوا ..إي لا أنا و لا أنت و لا المنتدى كلو فارق معهن ..و ع الحالتين. يعني !

J.S: Death is the solution to all problems. No man = No problem.
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 13:19 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.18919 seconds with 12 queries