باب الحارة .. كفى !!!! ... بقلم : عبد الحميد شاكر

[حنين.]

بحلقة البارح او اول البارح
اندكر اسم ديغول
يعنس المسلسل صايرة احداثو بالخمسينات او الستينات
كتير واضح ان الاحداث مختلقة مو معقول تكون هي الاحداث اللي من وراها اتحررت سوريا

[I_Love_Syria]

كاتب النص الأصلي : Black Orchid

يعني كانو سبب تقدمنا.....انت شو عم تحكي.

إنت شو عندك دلائل على إنهن سبب تخلفنا غير آخر 50 سنة شو تغير فينا من وقت ما طلعوا لهلأ
عطيني شي العرب فالحين فيه غير الأكل والشرب وال ...
شوفي شي عملناه بعد ماطلعوا لإبصملك بالعشرة وقلك مزبوط هنن سبب تخلفنا والدليل إنهن بس طلعوا من عنا بلشت الإنجازات تطلع والعالم عم ياخد من علمنا والدنيا كلها بدها رضانا

شغلة تانية مو معقول نحكم على دولة استمرت 400 سنة بس من آخر خمسين سنة
مابتوقع في دولة بتقتل الناس وبتكون سبب لتراجعهن وخلافو وبتضل حاكمة 400 سنة خصوصي دولة بهالحجم هاد لهيك حسب رأيي من الغلط نعمم آخر 50 سنة عال 350 سنة التانيات...

شو بتحب تسميهن مثلا (الاخت الفاضله عثمانيا)

بعتقد إني حر بالتسمية إلي بسميها فيها بسميها دولة بسميها إمبراطورية أي إسم بشوفو أنا مناسب من وجهة نظري وقناعاتي

[marochka]

لا ما هني من أد مو تأثيرون قوي ففيك تقول أنو كل شي بيصير بالمنطقة العربية من هون لشي 200 سنة إذا مو أكتر الحق فيه عالعثمانيين.

[Dndoshy]

كاتب النص الأصلي : I_Love_Syria

شوفي شي عملناه بعد ماطلعوا لإبصملك بالعشرة وقلك مزبوط هنن سبب تخلفنا والدليل إنهن بس طلعوا من عنا بلشت الإنجازات تطلع والعالم عم ياخد من علمنا والدنيا كلها بدها رضانا

بعد ما طلعو اجى الاحتلال الفرنسي..بس بتشوف بعد هديك الفترة صار في انقلابات كتير

[I_Love_Syria]

كاتب النص الأصلي : marochka

لا ما هني من أد مو تأثيرون قوي ففيك تقول أنو كل شي بيصير بالمنطقة العربية من هون لشي 200 سنة إذا مو أكتر الحق فيه عالعثمانيين.

والله إذا بنضل عايشين ألف سنة رح تضل ناس تقول الحق عالعثمانيين لأني واثق إنو مالنا رح نتغير ولا بألفين سنة تانيات

[I_Love_Syria]

كاتب النص الأصلي : Dndoshy

بعد ما طلعو اجى الاحتلال الفرنسي..بس بتشوف بعد هديك الفترة صار في انقلابات كتير

لهلأ مافي مبرر واحد بيبرر التخلف إلي عايش فيه الوطن العربي بشكل عام

[MadMax]

هلأ يللي قصدتو أنا الظاهر ما حدا عم يحب يفهمو

أنا قلت لو كان المسلسل بفترة العثمانيين .. كانو القائمين على المسلسل لاقوا حجة يتحججو فيها متل العادة .. إذا حدا سألون عن شي مظهر تخلف بالمسلسل

هادا ما بيعني أني مع هالحكي
الو ما كانو العرب متخلفين أكتر من العثمانيين .... ما كانو ضلو تحت الاحتلال 400 سنة
حتى انو في بعضون كان بيرفض يسميه احتلال .... متل ما في ناس بغير محل كانت تسمي الاحتلال الفرنسي انتداب

[المحارب العتيق]

كاتب النص الأصلي : marochka

المسلسل فعلاً اللي نجّحو هو حنين الناس للعلاقات الاجتماعية اللي كانت موجودة بالماضي، ومشان هيك الجزئين الأول والناي كانو حلوين لأنو ركزو على هالنواحي وكانت الخلفية التاريخية كتير خفيفة، بس المشكلة أنو الأجزاء الباقية أو اللي مبين منها لهلأ صارت عم تركز على حوادث تاريخية مهمة، بس عم تحاول تركبا على الشخصيات الموجودة أصلاً بالمسلسل وهون المشكلة، يعني إذا صارت القصة عن تاريخ الشام، فالمسلسل عم يغفل أشيا كتيرة صعب الواحد يبلع تجاهلا، وإذا بدو يستمر بشغلة العلاقات الاجتماعية فهي استهلكت بالأجزاء التلاتة الأولى، مشان هيك مبين في شوية ضياع بالموضوع، بس اللي مخلي المسلسل هو القدرات الإخراجية المميزة عند بسام الملا واللي صعب الواحد ينكرا، وخصوصاً قدرتو على اختيار الممثلين المناسبين، وواضح أنو اللجوء لمنى واصف، هو لإنقاذ المسلسل من نقص القدرات التمثيلية القوية اللي أصابه بعد خروج كتير من نجومو.

معك تماما بهاد الكلام

[المحارب العتيق]

[quote=Black Orchid;1324866]

كاتب النص الأصلي : I_Love_Syria

يعني كانو سبب تقدمنا.....انت شو عم تحكي.

شو بتحب تسميهن مثلا (الاخت الفاضله عثمانيا)

فيكي تتمشي شوي من الحلبوني للجامع الأموي لتشوفي أنو يلي عملوه العثمانيين لهلأ موجود وافضل وأجمل (للأسف ) من يلي عملناه بعد الاستقلال

وفي فرق شاسع بتقبل الناس لعالم عاشو معهم 400 سنة عن عالم استقبلوهممن أول يوم بمعركة ميسلون

هاد غير انو ماعم ندافع عنهم بس عمنفرق بين أنو نلبسهم كلشي . أو أنو نحكي بواقعية ونفرق بين بدايات الدولة وبين نهاياتها

[a7la lolo]

لك هلا كل هالحكي صار .. بس بسبب انتقاد الخيال التاريخي يلي بمسلسل باب الحارة ..
فوق ما تفتخرو بشجاعة اهل الشام و ببطولتهم يلي ظهرت بهالأجزاء الأخيرة.. يلي هلا صعب ويمكن مستحيل نرجع نلاقي متلها لا برجال الشام ولا بشباها حتى .. قاعدين عم تتعمدو انتقاد التفاصيل التاريخية يلي نحنا متأكدين انو عرض هالمسلسلات من هالنوع مو لهدف تغير التاريخ السوري العريق
يعني ما بعرف ليش هيك حاملين السلم بالعرض وماشين .. اي نعم بهداك الوقت كان في سيارات وكان في هالقصص هي كلها .. بس بهالمسلسل ورجونا أبسط الحارات يلي كانت بوقتها
يعني هلا هالحكيم ما كان حيكون اسمو حكيم ولابس هالطقم لو ماكان متعلم بجامعة دمشق وبكلية الطب يعني المسلسل ناجح من كل الجهات إلا جهة وحدة ويلي هي التنسيق التاريخي مابين الفرنسيين أو العثمانين
بس متل ما بيقلو ... لكلن رأيه ...

[Black Orchid]

[quote=المحارب العتيق;1325126]

كاتب النص الأصلي : ه,Black Orchid

يكي تتمشي شوي من الحلبوني للجامع الأموي لتشوفي أنو يلي عملوه العثمانيين لهلأ موجود وافضل وأجمل (للأسف ) من يلي عملناه بعد الاستقلال

وفي فرق شاسع بتقبل الناس لعالم عاشو معهم 400 سنة عن عالم استقبلوهممن أول يوم بمعركة ميسلون

هاد غير انو ماعم ندافع عنهم بس عمنفرق بين أنو نلبسهم كلشي . أو أنو نحكي بواقعية ونفرق تبين بدايات الدولة وبين نهاياتها

كل محتل مرء ببلادنا ترك اثره ورا, و400 سنه عشنامعهون كانوا سنين ذل ,
وفقر وتعتير, ومكره أخاك لابطل ,ولو قدروا أخدوا اللي تركوا من الحلبوني للجامع
الاموي واكتر, بعدين شو قصه عشنا معهن هي ؟؟؟؟؟؟؟في ثوابت مالازم تتبدل أوتتلون
كل واحد عمزاحه , اليوم تركيا مو احتلال وفرنسا انتداب, الله وأعلم ولادنا شو بدهن يسموا
اسرائيل بكرى.

[marochka]

ما حدا عم يقول أن الاحتلال العثماني كان منيح أو أنو الفرنسيين كانو عم يقدمولنا خدمة هون، بس المشكلة أنو كمان ما فينا نزت كل مشاكلنا الحالية على نتائج الاحتلالات اللي مرت علينا، اليابان تدمرت بشكل كتير كبير بعد الحرب العالمية التانية والقنابل النووية اللي انرمت عليها، وقدروا يطلعو من تحت الصفر، ويعملو دولة متقدمة من كل النواحي. لو بعدون عم يلومو الأميركان وناطرين الفرج، كانو هلأ آخر الدول تقدماً. بس هني حطو كلشي وراهن وركزو على الشغل وبناء بلدن من جديد.

[DARKNESS]

بالزمانات كنت قاعد مع تنين عتائ و كانو عم يحكو عن الإحتلال العثماني و الفرنسي
و يقولو ادي كانت فرنسا احسن من تركيا بالمعاملة و القوانين

و في واحد منن قال نظرية قال العتمانيين ظلو عنا 300 سنة ما حدا قلن وينكن و كانو ظالمين و متعسفين
و الفرنسيين ما قعدولن كم سنة الا و قامت الدنية عليهن ..... ليش لأنن حاولو يرقونا و يحدثو بلدنا
يعني رضينا نعيش ب 300 سنة من التعسف و ما قدرنا عا كم سنة من الألتزام و التطوير

و بالفعل شوفو كل شي مظبوط بالبلد مخطط من قبل فرنسا شوارعنا نظام المجاري عنا الجسور و المتحلقات

لك حتى في أماكن شجروها بزمان عمرنا ما كنا نفكر بالتشجير نحنا

يعني بجوز في منطق بهالنظرية نوعا ما

.

[شنو لأنو]

مافي احتلال بأي حقبة وبأي دولة بالعالم من مصلحتو انو يكون الشعب المُحتل ( أي اللي تم احتلاله ) عنده انفتاح ان كان ثقافي او سياسي او أي نوع من الانفتاح، وبالتالي كلا الاحتلالين الفرنسي والعثماني أثارهن السلبية لا تعد ولا تُحصى عأرض هالبلد، وإن كان اي شي جيد عملوه مانو مبرر ليتم رمي التهم عالكفة التانية من المحتل ( يعني ازا كان عامل شغلة منيحة العثماني نرميها عالفرنسي والعكس يعني )، ومافي شي بيشفع للاحتلال قد ما كان مساوي منايح لانه بضل اسمو احتلال
بالنسبة لباب الحارة شفت الجزء الأول ، والجزء التاني
التالت ما شفت منو غير مشاهد لا تتعدى الـ 10 مشاهد السنة الماضية ، وكان الأفضل يتم تسميته السنة الماضية بـ أبو البنات مثلاً
مع احترامي لكل مين بيحب باب الحارة من اول جزء ولآخر جزء ، انو اي قيم واخلاق وعادات وتقاليد ، بس سوريا بهديك الفترة مانها بس الشام ، ومانها هالبيوت المغلقة . يعني فيه ثغرات كتير ومتل ما حكو الشباب فوق بالنسبة للسيارات او للجامعات او او او او .. الخ
باب الحارة برايي حالياً هوي تجسيد للمجتمع المنغلق على نفسه بهديك الحقبة، وهالمجتمع المنغلق مانو سلبي ككل عمقول يعني لحالي انو اي فيه شغلات منيحة ، لكنو عميهمش كتير شغلات منيحة كانت عمتصير
وشوبعرفني
سلطة أمور الدراما التاريخية عنا صايرة ، ما وقفت عباب الحارة

[انا مروان]

يا جماعة انا شايف باب الحارة اعلان عن السياحة بالشام
انا والتاريخ مو صحبة زيادة بس ياخيو انا حسب ما درست بمدارس سوريا
انو كان في ثورات متل((ابراهيم هنانو - شيخ صالح العلي - الاطرش)) وللاسف ما درسونا انو ابو شهاب ومعتز وابو حاتم وبنتو الممرضة هني يلي طالعو فرنسا برا سورية
شي مو بس بعيد عن الواقع بعيد عن الخيال حارة وحدة ساوت كل هالشي كنا نضحك على افلام الخيال العلمي بهوليود صار عنا شي ابشع منو

بالنسبة للجزء الرابع حصرا تبينت كل قصتو بعد مرور حوالي 10 حلقات وخاصة انو تغير الكاتب صار في طمعة تانية معكرة على طعمة الاجزاء السابقة
يعني بصراحة العكيد ابو النار يتحول من انسان كاره لحارة الضبع وانسان ما كان يفهم ابعد من انفو ((هيك فهمونا بالاجزاء السابقة)) الى انسان متفكر افلاطوني وبيته جانب بيت افلاطون بالمدينة الفاضلة ومحب للوطن ويلي بدو يقول انو فرنسا هجمت عالحارة مشان هيك ابو النار تحسوس انا برجع بقول مالي صحبة مع التاريخ بس هني فهمونا انو كان في ابو جودت بالاجزاء السابقة((يرمز الى وجود الاحتلال الفرنسي)) يعني ليش ما كان يتحسوس بالاجزاء السابقة
وفاء موصلي ((نسيت شو اسمها بالمسلسل)) تغيرت من انسانة حقودة شريرة ممزوجة بنزعة شيطانية الى ملاك جميل وقلب صافي ونية رائعة.

منيح توفى الادعشري كنت خبرتكم انو بالجزء الخامس الادعشري بدو يصير امام بجامع بني امية الكبير


يا جماعة لا حدا يزعل مني بس انا عم تابعه مو محبة فيه بس لانو البنت يلي حاطط عيني عليها وان شاء الله يصير نصيب هي بنت شامية وعم تابع المسلسل احتراما لمشاعرها .

[abo abdo]

كاتب النص الأصلي : DARKNESS

بالزمانات كنت قاعد مع تنين عتائ و كانو عم يحكو عن الإحتلال العثماني و الفرنسي
و يقولو ادي كانت فرنسا احسن من تركيا بالمعاملة و القوانين

و في واحد منن قال نظرية قال العتمانيين ظلو عنا 300 سنة ما حدا قلن وينكن و كانو ظالمين و متعسفين
و الفرنسيين ما قعدولن كم سنة الا و قامت الدنية عليهن ..... ليش لأنن حاولو يرقونا و يحدثو بلدنا
يعني رضينا نعيش ب 300 سنة من التعسف و ما قدرنا عا كم سنة من الألتزام و التطوير

و بالفعل شوفو كل شي مظبوط بالبلد مخطط من قبل فرنسا شوارعنا نظام المجاري عنا الجسور و المتحلقات

لك حتى في أماكن شجروها بزمان عمرنا ما كنا نفكر بالتشجير نحنا

يعني بجوز في منطق بهالنظرية نوعا ما

.

معك 100% وهي الك