بسبب كثرة الرشاوي .....السيد الرئيس يصدر مرسوم بتعديل البدل النقدي للخدمة العسكرية

[يمان Rooooonaldo]

لك اخي قصتو قصة .. قبل ما يطلع القرار .. راح وعطوه خدمات ثابتة .. بعتد بشهرين .. طلع القرار وقتا ..

رجعو قررو يعيدو كلشي خدمات ثابتة .. وتحيون وقتا وما حطوه وما حطوه مع انو معو .. كانو بدن يقبضو واخي ما قبل ..

رجع هلا من فترة شهرين حرك الموضوع ودفع يمين وشمال ولحتى بلش ابدا مشي الحال دفع منيح فيا .. رجع طلع هالقرار الخطير .. وطار كلشي عليه قالول ما عاد بأيدنا شي ..

!

[المحارب العتيق]

معناها عرفنا غريمنا كل الحق على أخوك . من كتر مادفع ورشى طلع القرار

[jovia]

انو يا جماعة ما فهمت شو بالضبط ما انزكر اديش صار دفع البدل ولشو ؟؟؟ انا زوجي لسا عليه بدل بس نحنا خارج البلد يعني بيكون تخفضت الدفعة لصالحو ولا ما بيخصو هالقرار ؟؟؟

[ayhamm26]

كاتب النص الأصلي : TheLight

الهيئة في جهات انبعصت كيف انو الرشوة عم تصير على مستوى اللجان الطبية...وعلى مستوى مو كتير عالي...وانطعجت لانها ما قدرت تتنفع من البدل النقدي ولانها ليست من المتنفعين.....فادّعت تغليب المصلحة العامة...وتمت الحركشة حتى تم اصدار المرسوم ع اساس ان الهدف هو محاربة الفساد ومنع الرشوة يللي صارت.....
عم قول هيك لانو من 9 سنين لهلق...من يوم ما استلم الرئيس سدة الحكم...لم يصدر باي مرحلة مرسوم (اضرب واطرح) بهدف محاربة الفساد او منع الرشوة....فليش هالمرة؟؟؟


حوار:
X: لك شايفلي هالعرصات الدكاترة تبع اللجان الطبية...تبع هيدي قصة الخدمات الثابتة...والله نقشت معهن....
Y: اي والله يا حبيب....الله بيبعت اللحم ليلي مالو سنان...ايييييييييييه
X: والحل ؟؟
Y: بسيطة ولو...بنطلع بهالكم يوم لعند المعلم وبننخرلو براسو...خليه يلغي كل قصة دفع البدل...وعليي وعلى اعدائي...
X: بس كيف بدنا نقنعو؟
Y: له له...ولو..شغلتنا...
X: اي ع راسي بس كيف؟؟
Y: بحجة محاربــــــــــة الفساد........وخليها تحبل حبيب....اذا ما تنفعنا نحن...فشو نفعو؟؟؟

تشرب متّــــــــة!!

يا سيدي فعلا ملعوبة كتير

يعني هلق المصاري اللي كانوا هالشباب بدن يدفعوها رشاوي للجان الطبية دفعة وحدة بدها تندفع رسوم تفييش لضباط الجيش على دفعات لمدة سنتين وبهيك فعلا في مافيا رح تكسب على حساب مافيا والخسران هو هالشب اللي كان مفكر حالو رح ينقذ بهالمبلغ سنتين من عمرو.

وتحيا بلد المافيات.