أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > علوم > علوم و تكنولوجيا > أخبار العلوم و التكنولوجيا

إضافة موضوع جديد  إضافة رد
 
أدوات الموضوع
قديم 21/02/2008   #37
شب و شيخ الشباب oliver68
عضو
-- قبضاي --
 
الصورة الرمزية لـ oliver68
oliver68 is offline
 
نورنا ب:
Jun 2006
المطرح:
كللللوا واحد، ما فارئة، بدكن ياني هون... هون، بدك ياني ه
مشاركات:
860

إرسال خطاب MSN إلى oliver68 إرسال خطاب Yahoo إلى oliver68
افتراضي وأخيرا إسقاط القمر الصناعي!!! 20-21/2/2008


هدا الخبر تابع لموضوع القمر الصناعي التجسسي التايه ويللي كانت أميركا مفكرة تضربو، ويوم الأربعاء 20شباط مساءا الساعة 10.26 بتوقيت أميركا، يعني فجر الخميس 21 شباط الساعة 5.26 بتوقيت دمشق، أميركا ضربت القمر الصناعي التجسسي التايه، واعتقد مسؤولين بالبحرية الأميركية إنهن صابوا القمر الصناعي إصابة مباشرة، وعلى ذمة الجنرال جيمس كارترايت قال إنو عندن ثقة عالية إنهن نجحوا بضرب خزان الوقود تبع القمر الصناعي، وهادا أخطر جزء، وظهر بالسماء غيمة كبيرة اتبين إنها للوقود الخطير الهيدرازين "Hydrazine" يللي انفجر بسبب الضربة، وكمان قال كارترايت إنو نتجت أجزاء صغيرة بعد الضربة وأكبر قطعة شافوها لحد هل كانت ما بتزيد عن حجم كرة القدم. الصاروخ يللي صاب هالقمر أطلق من على متن "USS Lake Erie" من المحيط الهادئ غرب هاواي، وقال الجنرال صاحبنا إنو الصاروخ صاب القمر الصناعي يللي بيبعد حوالي 200كم أو 130ميل فوق هي السفينة بعد شي 24 دقيقة من إطلاق الصاروخ، وكمان قال الجنرال إنو هالمحاولة كانت ضرورية بهالوقت وصعب تتأجل لأن الأحوال الجوية رح تسوء وتخفف احتمالية النجاح، كمان ما قدروا يعملوها قبل هيك بسبب عودة مكوك أتلانتس للأرض، لأن إذا صابو القمر الصناعي بوقت جية أتلانتس، كان ممكن أشلاء القمر الصناعي تضرب بأتلانتس، فمشان هيك استنوا لينزل هالمكوك على الأرض وبلشوا بالعملية فورا. وأضاف كارترايت إنو الأشلاء انحرقت بالغلاف الجوي فوق المحيط الهادي والمحيط الأطلسي، ورح تضل توصل بقايا وتحترق بهالكام يوم كمان.

كمان صرح الجنرال معلمنا إنو هالصاروخ يللي أطلقوه ليضرب القمر الصناعي ما كان عليه رؤوس حربية، وإنو هالعملية كلفت حوالي 60مليون دولار كحد أقصى تبعا لتقديرات وحسابات معينة.

طبعا لو ما صارت هالعملية، كان القمر الصناعي رح يوقع على الأرض لحالو ويحترق الوقود الخطر يللي فيه وتقريبا فيه شي 450 كيلو من الوقود، وكانت هالكارثة غطت مساحة تقريبا شي ملعبين كرة قدم أميركية(رغبي) وكان الوقود سبب مشاكل كتيييييييير خطيرة على الرئتين وأنسجة التنفس غير المشاكل البيئية الخطيرة، لأنو الهيدرازين مشابه للكلوين والأمونيا وبالتالي بسبب نفس المشاكل.

وصرح مسؤول بالبنتاغون إنو تشكل فريق من 200 خبير ومهندس وعامل عندهن الخبرة الكافية لتعديل الصاروخ يللي رح يضرب القمر الصناعي، وكان من ضمن التحديات توجيه الصاروخ، لأن متل ما هوي معروف إنو هيك نوعية من الصواريخ بتلحق أهدافها عن طريق الحرارة، والقمر الصناعي بارد، ولحل هالمشكلة، تم توجيه الصاروخ حاسوبيا وزودوه بآلة قتل حركية "kinetic kill vehicle" مشان تخلي الصاروخ يشوف القمر الصناعي ويعدل مسارو باتجاهو إذا كان في داعي.

من ناحية سياسية منعرف إنو الصين صنعت سلاح مخصص لضرب الأقمار الصناعية، وبالتالي برزت أسئلة وتكهنات إنو أميركا عمتستعرض عضلاتها بهالمجال كمان، بس هالشي أنكروا السيد جيمس جيفري نائب مستشار الأمن القومي الأميريكي، وصرح إنو هالعملية كان الهدف منها حماية البشر من هالكارثة مو أكتر.

والصين قالت على لسان المتحدث باسم وزارة الخارجية الصينية السيد ليو جانتشاو إنو هيي عمبتابع الحدث بكل حرص مشان تلحق عن قرب المشاكل المحتملة نتيجة هالعمل الأميركي يللي بهدد أمن الفضاء والدول المجاورة والمتأثرة. وكمان قال إنهن طلبوا من أميركا إنو تزود المجتمع الدولي وبأسرع وقت بالمعلومات ذات العلاقة مشان الدول المتأثرة تاخد احتياطاتها.

طبعا أميركا حاولت تركز جهودها مشان بقايا القمر الصناعي تسبب أقل ضرر ممكن، وكمان ما يضرب الأقمار الصناعية الموجودة بالفضاء، هالحكي قالتو الدبلوماسية الأميركية والخبيرة بنزع السلاح كريستينا روكا من خلال تقرير للأمم المتحدة عن المؤتمر الخاص بنزع السلاح ويللي انعقد بجنيف-سويسرا.

وورد كمان بالتقرير نفسو إنو أميركا مستعدة لتقديم المساعدة لأي حكومة مشان تخفيف الأضرار الناتجة عن وقوع شظايا القمر الصناعي ضمن أراضيها.

هادا كان الخبر وهي المصادر:
1)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


2)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

)

عفوا فيروز أقاطعك.. أجراس العودة لن تقرع
خازوق دق بأسفلنا ..
من شرم الشيخ إلى سعسع
من أين العودة والعودة تحتاج المدفع
و المدفع يلزمه كف و الكف يحتاج لإصبع
و الإصبع ملتذ لاهٍ .. في دبر الشعب له مرتع....
  رد مع اقتباس
قديم 21/02/2008   #38
شب و شيخ الشباب Raw
مشرف متقاعد
 
الصورة الرمزية لـ Raw
Raw is offline
 
نورنا ب:
Oct 2006
المطرح:
Green Idleb
مشاركات:
743

إرسال خطاب ICQ إلى Raw إرسال خطاب AIM إلى Raw
افتراضي


اليوم في قلعة حلب ابتداءً من المساء و حتّى فجر الجمعة عرض فضائي افتراضي على شاشات عرض كبيرة
يعرض الخسوف الذي حصل فجر اليوم و بعض الكواكب و المجرّات المجاورة
الدعوة عامّة



®

مهندس هذا الكون العظيم قد بدأ يظهر على أنـّـه عالمٌ رياضيّ بحت.
^
^
المبادئ الرياضيـّـة هي الأبجديـّـة التي كتب بها الله هذا العالم وبدونها سوف يكون صعباً علينا أن نفهم كلمةً واحدةً من كتاب الطبيعة.


®

آخر تعديل Raw يوم 21/02/2008 في 18:28. السبب: خطأ إملائي ®
  رد مع اقتباس
قديم 22/02/2008   #39
شب و شيخ الشباب oliver68
عضو
-- قبضاي --
 
الصورة الرمزية لـ oliver68
oliver68 is offline
 
نورنا ب:
Jun 2006
المطرح:
كللللوا واحد، ما فارئة، بدكن ياني هون... هون، بدك ياني ه
مشاركات:
860

إرسال خطاب MSN إلى oliver68 إرسال خطاب Yahoo إلى oliver68
افتراضي


اقتباس:
كاتب النص الأصلي : Raw عرض المشاركة
اليوم في قلعة حلب ابتداءً من المساء و حتّى فجر الجمعة عرض فضائي افتراضي على شاشات عرض كبيرة
يعرض الخسوف الذي حصل فجر اليوم و بعض الكواكب و المجرّات المجاورة
الدعوة عامّة



®
نيالكن يا أهل حلب!!!! تدللوا!!!!!!
  رد مع اقتباس
قديم 14/03/2008   #40
شب و شيخ الشباب oliver68
عضو
-- قبضاي --
 
الصورة الرمزية لـ oliver68
oliver68 is offline
 
نورنا ب:
Jun 2006
المطرح:
كللللوا واحد، ما فارئة، بدكن ياني هون... هون، بدك ياني ه
مشاركات:
860

إرسال خطاب MSN إلى oliver68 إرسال خطاب Yahoo إلى oliver68
افتراضي مفيدة حتى بعد تحطمها!!! 13/3/2008


المعروف إنو كلشي بيتكسر ببطل إلو فائدة، فما بالكم بمركبة فضائية متحطمة؟؟ أكيد مافي فايدة منها، بس هالشي ما صار مع مسبار جينيسس "Genesis Probe" يللي أطلقتو ناسا بال2001، ولما وصل للغلاف الجوي فرد هالمسبار ألواحو يللي كلها ألماس وذهب وسيليكون، وحجم كل حجر تقريبا قد دولاب البسكليت. كانت مهمة هالمسبار إنو يجيب عينات من غبار الرياح الشمسية يللي رح تضرب بالألواح وتتجمع بعدين بكبسولة خاصة وهالجسيمات عبارة عن أيونات كهربائية وصلت الأرض من الشمس، وكان المفروض ترجع الكبسولة معها هالكنز الكوني هاد، وفعلا رجعت الكبسولة، لكن عطل صار بالمظلات الخاصة بالهبوط، وما انفتحت، فوقعت المركبة بصحراء يوتاه بأميركا وراحت فراطة عام 2004. هون الكل راهن على إنو المهمة فشلت وما استفدنا منها شي، لكن تفجرت مفاجأة إنو العلماء قدروا يجمعوا أكبر قدر ممكن من الحطام، وفعلا اتوقعوا إنو بالفترة القادمة رح تتلبى معظم الأهداف الرئيسة يللي كانت السبب بإطلاق جينيسس.

طيب شو عرفو العلماء من بقايا الكبسولة؟؟ لما اتحطمت الكبسولة العلماء لقيوا رقائق منها ما صايبها شي، يعني جديدة خلنج، وفعلا اشتغلوا عليها ووصلوا نتيجة حسابات وتحاليل دقيقة وحاسمة لتكوين الأكسجين أثناء ولادة النظام الشمسي، كمان وصلوا لنتيجة إنو الشمس بتحتوي الأكسجين-16 أكثر من الأرض، وهادا الأكسجين-16 هوي نظير الأكسجين الأكثر شيوعا وأكثر انتشارا على الأرض من باقي النظراء متل أكسجين-18 وأكسجين-17، وعلى فكرة نحنا منتنفس الأكسجين-16. طبعا نتيجة إنو الشمس فيها أكسجين-16 أكتر من الأرض كانت مفاجأة، باعتبار كان في اعتقاد علمي سائد إنو الأرض والشمس فيهن تقريبا نفس المحتوى من هاد الأكسجين. طبعا هالاكتشاف أعطى العلماء نقطة مرجعية لدراسة تكوين الأكسجين في بداية النظام الشمسي. هلأ جينيسس جمعت دقائق متأينة مصدرها قشرة الشمس الخارجية الغير مشحونة، وهي الدقائق مفترض إنها تكون حاملة لدقائق أكسجين أولية، يعني من بداية تكوين النظام الشمسي. طبعا العلماء من قبل لاحظوا اختلاف بنسب الأكسجين بين الأرض والقمر والمريخ وحتى المذنبات، يعني كل مكان إلو "بصمة أكسجينية" "oxygen fingerprint" خاصة فيه وصرحوا إنهن وصلوا لخارطة لنظائر الأكسجين، بس المشكلة إنهن مو قادرين يحددوا الاتجاهات بين فوق وتحت ويمين وشمال!!!!!
لازم نعرف إنو بخصوص موضوع الأكسجين بالنظام الشمسي، انقسموا العلماء لفريقين مختلفين بالرأي والنتائج، وطبعا كل نتائجن معتمدة على تحليل تربة القمر باعتبار القمر ما إلو غلاف جوي يحميه من الرياح الشمسية، وطبعا الفريقين متحمسين لمعرفة نتائج تحليل عينات جينيسس لتحديد مين الصح والأدق بين الفريقين.

لازم نعرف كمان إنو الكبسولة ما كان فيها بس أكسجين، كان فيها غازات نبيلة كمان حللوها العالماء، ومشكلة الأكسجين إنو صعب كتير تحليلو، لأنو بكل بساطة كتير ونشط ومستعد للتفاعل بأي لحظة، مو متل العناصر النبيلة أو الخاملة، واضطروا العلماء إنهن يشيلوا أول 20 نانومتر من العينة، يعني أول 0.0000020 سنتيمتر من سماكة الرقائق عن طريق حزمة من إشعاع أيونات السيزيوم مشان يلغوا أي أثر لتلوث العينة من الأرض واستخدموا جهاز ال"Mass Spectrometer" وعرضوه على مساحة شي 3 ملليمتر من الرقيقة السليكونية، بعدين بغرفة فراغية، يعني خالية تماما من الهواء، حللوا أكسجين الشمس عن طريق إطلاق حزمة أيونية لتحرير الدقائق من رقيقة السليكون، وفعلا لقوا نسبة عالية أكتر من نسبة أكسجين الأرض.

أكيد منعرف إنو العلم مالو نهاية، وإذا جاوبنا على سؤال رح يطلعلنا مليون سؤال غيرو، وهيك صار مع العلماء بمهمة جينيسس، هالنتائج هي فتحت البواب لأسئلة تانية ومهمة كمان، والسؤال البديهي يللي ظهر إنو ليش؟؟ يعني ليش الشمس فيها أكسجين أكتر من الأرض؟ وشو هيي العملية الكيميائية يللي خلت الشمس فيها أكتر أكسجين من الأرض؟؟ هلأ شو ما كانت العملية نتيجتها إنو الأكسجين-16 انسحب من الشمس بالوقت يللي كان فيه غاز النظام الشمسي البدائي متكثف لدقائق صلبة انطلقت باتجاه الكواكب، وهي العملية متوقع إنها من أوائل العمليات يللي صارت بنظامنا الشمسي يللي عمرو حوالي 4.5685 مليار سنة، وكمان العلماء عمبقولوا إنو هالعملية الغامضة تسببت باختفاء بعض من الأكسجين-16 بأول كام مليون سنة من عمر نظامنا الشمسي.

وهي المصادر:

1)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


2)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


3)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 14/07/2008   #41
شب و شيخ الشباب oliver68
عضو
-- قبضاي --
 
الصورة الرمزية لـ oliver68
oliver68 is offline
 
نورنا ب:
Jun 2006
المطرح:
كللللوا واحد، ما فارئة، بدكن ياني هون... هون، بدك ياني ه
مشاركات:
860

إرسال خطاب MSN إلى oliver68 إرسال خطاب Yahoo إلى oliver68
افتراضي 13/7/2008 : فيزيائيون يستعدون لإطلاق أكبر تجربة علمية في تاريخ البشرية


مرحبا شباب، وكالعادة، مافي حدا غيري بحط أخبار!!! المهم آسف عالقطعة بس هلأ انا بمرحلة صناعة المستقبل، فمشان هيك ما بقدر لاحق الأخبار الفضائية وترجمها، وزاد الطين بلة إنو مافي موقع عربي موثوق ومتخصص بعلم الفلك، على أي حال هي موضوع منقول من الجزيرة نت، صحيح هوي فيزيائي أكتر منو فضائي، بس لأن سبب هالموضوع هوي اكتشاف تاريخ الكون وبالتالي دخلنا عالفضاء، وهي الخبر تماما متل ما هوي ماغيرت عليه شي:
فيزيائيون يستعدون لإطلاق أكبر تجربة علمية في تاريخ البشرية
مجسم لجهاز أطلس الذي سيرصد ويحلل البيانات التي سيقدمها المعجل النووي العملاق "هادورن" بعد بداية عمله (الجزيرة نت)


وضع اليوم 350 عالم فيزياء من 35 دولة الخطوط النهائية لعمل جهاز أطلقوا عليه اسم "أطلس" لرصد وتحليل البيانات التي سيقدمها المعجل النووي العملاق "هادورن" بالمركز الأوروبي للأبحاث النووية بجنيف، بعد بداية عمله في غضون أسابيع قليلة.
ويوصف المُعجّل "هادورن" والكاشف "أطلس" بأنهما أعقد جهازين علميين توصل إليها الإنسان إلى اليوم، ليقدما ما يقول عنها العلماء "أكبر تجربة في تاريخ العلوم الطبيعية، تهدف إلى معرفة أسرار نشأة الكون وطبيعة المادة".
وقال رئيس قسم الطاقة الفيزيائية بجامعة برن البروفيسور أنطونيو إريديتاتو للجزيرة نت إن لقاء العلماء في هذا المؤتمر الذي استمر أسبوعا كاملا "كان للتأكد من مراحل عمل برامج التشغيل وأجهزة الحاسوب، وفق المعايير القياسية الدقيقة والخطوات المتبعة لتلقي النتائج وتحليلها، وكيف يمكن التعامل في حالات الطوارئ التي لا نتوقعها في الأساس".


مخاوف غير مبررة
ونفى رئيس مجموعة تجهيز "أطلس" البروفيسور إريديتاتو أن يكون المؤتمر قد طرح المخاوف التي أثارها من قبل بعض المتشككين في نجاح "هادورن" أو التحذيرات من احتمال وقوع كارثة، لأنها مخاوف "ليست مبنية على أساس علمي سليم".
البروفيسور أنطونيو إريديتاتو (الجزيرة نت)

كما أوضح أن المخاوف من حدوث ما يوصف بثقب أسود سيبتلع الكون إثر انطلاق "هادورن" في العمل غير مبررة، "لأن قوة التصادم المتوقعة داخل الجهاز ليست مثل تلك التي تحدث بين المجرات والنجوم أو داخل الشمس، بل هي أشبه بسقوط قلم رصاص على الأرض من ارتفاع متر واحد".
ولتبسيط التجربة قال إريديتاتو "إن المخاوف التي يتحدثون عنها تكون عند انشطار نواة الذرة وحدوث ما توصف بالتفاعلات الانشطارية المتسلسلة مثل تلك التي تحدث في القنبلة النووية، بينما ما نقوم به هو الخطوة العكسية، أي أننا نسعى لإعادة البروتونات إلى الجزئيات عن طريق التصادم".
وقال إن النتائج المتوقعة من هذا التفاعل العكسي كثيرة، فمن تلك النتائج "يمكن التعرف بشكل عملي على تكوين المادة وكيف نشأ الكون، وسنحاول التعرف على صحة نظريتي التصادم الكبير والانفجار الهائل التي نعتقد أنها أدت إلى ظهور المجموعة الشمسية".


نتائج مفاجئة
لكنه في المقابل يرى أن جميع النتائج التي سيحصل عليها العلماء ستكون مفاجئة بكل المقاييس، "فهي إما ستعزز بقوة صحة النظريات التي لم نتمكن من إثباتها، أو تضع العلم أمام حقائق أخرى لم نكن نعرفها".
وبصفة عامة فإن تحليل البيانات التي سيرصدها "أطلس" ستستغرق وقتا طويلا، ويقول إريديتاتو "سنحصل على البيانات التي يمكن تحليلها بعد أسابيع من تشغيل المعجل "هادورن"، أما النتائج فقد تستغرق شهورا للحصول عليها.
ويبرر إريديتاتو هذا الوقت بحجم البيانات الهائل الناجم عن مليار عملية تصادم بين البروتونات تحدث في الثانية الواحدة داخل المعجل النووي العملاق "هادورن"، وتحتاج لمجموعة كبيرة من أجهزة الحاسوب لتحليلها وصولا إلى النتائج وربطها بعضها ببعض.


أجزاء أطلس
ويزن "أطلس" 7000 طن، ويبلغ محيطه 22 مترا، ويتكون من أربعة أجزاء، أهمها مُولد للمجال المغناطيسي بقوة 2 تسلا، يقوم برصد مراحل تأين الجزيئات وتغيير شحنتها، ثم جهاز تنسيق القوة المغناطيسية الناتجة لتكون متجانسة في تأثيرها على الجزئيات.
ويقوم مقياس الطاقة الحرارية بمتابعة وتحديد مسار الطاقة الناجمة عن المجال الكهرومغناطيسي، ويرصد التغيرات التي يحدثها هذا المجال نتيجة عملية التأين وتصادم البروتونات.
تليها وحدة رصد الجسيمات الناجمة عن مراحل التفاعل المختلفة في المعجل هادورن، التي تقوم بتصنيفها تمهيدا لتحليل كل نوع على انفصال قبل وحدة الربط بين البيانات التي تقوم بها مجموعة من الحواسيب.


المصدر: الجزيرة نت، وهي الرابط: (

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

)

  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 17:07 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.09448 seconds with 13 queries