شو الصح وشو الغلط...؟؟؟ ومين بيقدر يحكم عليه

[امرأة من ورق]

كاتب النص الأصلي : xena

ما بعرف إذا لاحظتي كلمة " من كل الفئات " انتي هون لما عم تحكي عنانسي و هيفا و غيرن حكيتي عن فئة وحدة بس اللي هيي الطبقة العامة من الشعب اللي ثقافتا محدودة مع احترامي لجميع الأذواق ... بس الوضع مؤسف
المهم ,بس لما منلاقي اتجاه معين قوي بتلاقي فيه أغلبية من الفئات المؤيدة(نوعاً ما كماً) و هادا ما عم قول أنو أكيد رح يكون هالاتجاه صح بس أنو هالإقبال من مختلف الفئات بيخلينا نوقف شوي و نفكر شوي بركي كان هادا أقرب للصح لأنو إلا ما يكون في سبب مقنع بيأدي لوجود هالمؤيدين
طبعا حاليا الناس صايرة مسيرة متل ما قلتي بكل شي تقريبا بس هادا ما يعني أنو نحنا نضيع و نشكك بالمفاهيم الأساسية للصح و الغلط اللي طول عمرنا منعرفا و طول عمرا البشرية بتعرفا ...

اي لاحظت كلمة من كل الفئات..... وخصوصا لهاد السبب عطيت مثل ننوسة وهيوفة لانو بتشوفي في ناس من كل الفئات العمرية وكل الفئات الثقافية والتعليمية ومن كل الاديان والطوائف متفقين على حبون (ولاتستغربي كلامي..... عن جد عم احكي من كل الفئاب في ناس بتحبون كتير يعني الله يخلي هالشلة الفنية اللي خلت الناس شبه تجتمع على شي) يعني ابدا مو متل ماقلتلي انو الفئة اللي ثقافتها قليلة وبس هني اللي بيحبون

وطبعا هاد مثل سخيف بس لانو ماحبيت اتدخل بمواضيع تانية خرج النقاش الحقيقي منشان مانفوت بالنقاش فيون وننسى الموضوع الاساسي

وطيب مثل تاني اقوى شوي...... هلأ بمعظم الدول العربية مثلا في أغلبية كبيرة مؤيدة للرشوة ومن كل الفئات العمرية والثقافية والدراسية والانتماء الديني .......يعني من اصغر صانع بالدائرة واللي يمكن مامعو شهادة ابتدائي لدكتور الجامعة ل..... ل...... هل هالشي بيخلي الرشوة شي صح؟؟؟

هلأ رح تقليلي انو هني مو مقتنعين فيها بس مجبرين لظروف الحياة القاسية!!!! ويمكن هالحكي صح بس بالنهاية اجمعو تقريبا على انها شي صح لانها بتنقذون من وضع صعب وهاد اللي قصدتو بالتسيير

ولذلك انا برفض اني فكر متل الجماعة او انو اخد رأي الجماعة قاعدة لتفكيري

[xena]

كاتب النص الأصلي : امرأة من ورق

اي لاحظت كلمة من كل الفئات..... وخصوصا لهاد السبب عطيت مثل ننوسة وهيوفة لانو بتشوفي في ناس من كل الفئات العمرية وكل الفئات الثقافية والتعليمية ومن كل الاديان والطوائف متفقين على حبون (ولاتستغربي كلامي..... عن جد عم احكي من كل الفئاب في ناس بتحبون كتير يعني الله يخلي هالشلة الفنية اللي خلت الناس شبه تجتمع على شي) يعني ابدا مو متل ماقلتلي انو الفئة اللي ثقافتها قليلة وبس هني اللي بيحبون

وطبعا هاد مثل سخيف بس لانو ماحبيت اتدخل بمواضيع تانية خرج النقاش الحقيقي منشان مانفوت بالنقاش فيون وننسى الموضوع الاساسي

وطيب مثل تاني اقوى شوي...... هلأ بمعظم الدول العربية مثلا في أغلبية كبيرة مؤيدة للرشوة ومن كل الفئات العمرية والثقافية والدراسية والانتماء الديني .......يعني من اصغر صانع بالدائرة واللي يمكن مامعو شهادة ابتدائي لدكتور الجامعة ل..... ل...... هل هالشي بيخلي الرشوة شي صح؟؟؟

هلأ رح تقليلي انو هني مو مقتنعين فيها بس مجبرين لظروف الحياة القاسية!!!! ويمكن هالحكي صح بس بالنهاية اجمعو تقريبا على انها شي صح لانها بتنقذون من وضع صعب وهاد اللي قصدتو بالتسيير

ولذلك انا برفض اني فكر متل الجماعة او انو اخد رأي الجماعة قاعدة لتفكيري

ههههه مشان ننوسة و هيوفة إذا هيك متل ما عم تقولي لكن معك حق و تحياتي للشعب العربي
هلأ الرشوة طبعا خطأ و مافي شخص ما بيقول إنا خطأ بس القصة أنو هون في مبرر يعني أنو الشخص لما عم يرتشي بيعرف أنو اللي عم يعملو خطأ بس مضطر و عندو مبرر فهادا ما بيعني أنو معو حق نفس الشي القتل في أحيان بيكون في مبرر لحالة معينة بالقتل بس مفهوم القتل بشكل عام هوي خطأ
طب أنا بدي جبلك مثال حقيقي و بسيط عفكرتي مشان كمان بعد عن الأمثلة التاني, جيبي مثلا غاندي . إنسان هندوسي إجا بعز دين التوترات بسبب الاحتلال و المشاكل بين الهندوس و المسلمين بس دعا لمبادىء صحيحة مية بالمية و هادا السبب اللي خلى عندو شعبية واسعة و مؤيدين من مختلف الفئات سواء كانوا هندوس أو مسلمين و أخد اللي بدو يا و حرر بلدو بمبادؤو الصحيحة و قضى نوعا ما عالأحقاد اللي كانت بين المسلمين و الهندوس ببلدو
أنا ماني مع أنو آخد رأي الجماعة قاعدة لتفكيري بالعكس لأنو مافي جماعة صح مية بالمية بس الواحد بيتبنى المبادىء اللي بيؤمن فيا و بينبذ اللي ما بتناسبوا و متل ما قلت بيدخل بالموضوع الاجتهادات الفردية
ما باخد رأي الجماعة بس بقول أنو ممكن يفيد ببعض الأحيان لما بيكون الشخص بموقف حيرة

[امرأة من ورق]

كاتب النص الأصلي : xena

هلأ الرشوة طبعا خطأ و مافي شخص ما بيقول إنا خطأ بس القصة أنو هون في مبرر يعني أنو الشخص لما عم يرتشي بيعرف أنو اللي عم يعملو خطأ بس مضطر و عندو مبرر فهادا ما بيعني أنو معو حق نفس الشي القتل في أحيان بيكون في مبرر لحالة معينة بالقتل بس مفهوم القتل بشكل عام هوي خطأ

عظيم هلأ اتفقنا انو الرشوة غلط بس الاغلبية عم تمارسها لسبب ما وهاد السبب هوي اللي سميتو انا بالتسيير وطبعا التسيير ممكن يكون باشكال تانية..... بس اللي بيهمني انو الاغلبية اخدت موقف موافق لفكرة مرفوضة اخلاقيا مية بالمية وبالتالي رأي الاغلبية مرفوض اتخاذو مرجع النا بالحكم على اي شي اذا صح او غلط

طب أنا بدي جبلك مثال حقيقي و بسيط عفكرتي مشان كمان بعد عن الأمثلة التاني, جيبي مثلا غاندي . إنسان هندوسي إجا بعز دين التوترات بسبب الاحتلال و المشاكل بين الهندوس و المسلمين بس دعا لمبادىء صحيحة مية بالمية و هادا السبب اللي خلى عندو شعبية واسعة و مؤيدين من مختلف الفئات سواء كانوا هندوس أو مسلمين و أخد اللي بدو يا و حرر بلدو بمبادؤو الصحيحة و قضى نوعا ما عالأحقاد اللي كانت بين المسلمين و الهندوس ببلدو

مابعرف ليش حسيت هاد المثل هوي العكس عن رأي الاغلبية...... يعني هون شخص واحد فرض رأيو عالاغلبية لأنو رأيو كان صح ومو الاغلبية اللي قدرت تقنعو بفكرتها

ومشكورة عالرد والاهتمام