أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > عناوين الأخبار

إضافة موضوع جديد  إضافة رد
 
أدوات الموضوع
قديم 28/10/2009   #1
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي صابوني: قرار حجب المواقع الالكترونية في سورية جماعي


أكد وزير الاتصالات السورية عماد صابوني أن قرار حجب المواقع الالكترونية في سورية قرار جماعي يؤخذ من قبل عدد من الجهات, مؤكدا بشكل قطعي أن المؤسسة العامة للاتصالات لا تنفرد به، مشيرا إلى أن سياسة الحجب بشكل أو بآخر موجودة في كل مكان، ولا توجد أية دولة في العالم لا تستخدم الحجب، ومنوها إلى أنه "نعلم ما يحدث في أميركا بما يتعلق بمراقبة البريد الالكتروني من قبل جهات أمنية".

وأشار صابوني إلى أن دوافع الحجب قد تكون مختلفة، وتتراوح ما بين "لأسباب سيادية تمس سيادة الدولة، وهذا موقف، وإلى حجب المواقع الكترونية المسيئة للمجتمع أو للاقتصاد وعلى رأسها المواقع الإباحية التي تنادي بعض الدول بعدم حجبها".

مؤكدا أنه و"بشكل عام الانترنت اليوم فضاء مفتوح لا يمكن لأحد في العالم السيطرة عليه، ولا توجد لدى أحد القدرة على الحجب مائة بالمائة, القضية اليوم مرتبطة أكثر بالتربية والتوعية وتوضيح أسباب الحجب وهذا ما نعمل عليه".

فيما لم ينفي صابوني لملحق جريدة تشرين السورية الاقتصادي "الاتهامات بوجود شبهة فساد في المفاصل التنفيذية المرتبطة بالمواطنين في قطاع الاتصالات" بالقول: "لا يمكن أن أقول لا". مشيرا إلى أن هذا الموضوع يعالج على مستوى الاقتصاد السوري بكامله، أنا لا أظن أن مؤسسة الاتصالات فيها فساد أكثر أو أقل من غيرها فهي بالنهاية تعاني ما تعانيه المؤسسات العامة الأخرى الموجودة في سورية، ولفت إلى أن "هذا هم والحل يكمن في قطع أسبابه وليس الذهاب إلى الأطراف فعندما تكون هناك مثلاً وفرة في خطوط ADSL ستنتهي أسباب الرشوة للحصول على الخط، وعندما نؤتمت أعمالنا ونتجه لحلول كالحكومة الالكترونية نتجه أيضاً إلى الشفافية بعملنا، هناك حلول كثيرة لمعالجة الفساد ونحاول نحن وغيرنا العمل عليها ووضع الحلول المثلى".

وحمّل الوزير صابوني شركتي الخلوي في سورية مسؤولية التأخير في احتساب التسعيرة بأجزاء الدقيقة لأن العرض المقدم منهما لم يكن مقبولاً ولا بد من انتظار عرض آخر جديد, لأنه وفق العقد الموقع مع الشركتين هناك آلية ناظمة للتسعير الذي يتم عن طريق ما يسمى لجنة التنسيق، وقال صابوني: الآلية هذه لا تسمح لنا بفرض تسعيرة معينة على شركات الخليوي, هناك قضايا أخرى سيادة الدولة فيها أوضح, لذلك يجب أخذ قرار التسعير بالاتفاق.

وقال صابوني إن قرار المشغل الثالث للخليوي بيد الحكومة، كاشفاً عن وجود شركة استشارات ألمانية تض

وقال وزير الاتصالات إن هناك 4 ـ 5 ملايين مواطن قادرون على الوصول إلى شبكة الانترنت, وهناك 400 ألف مشترك سيدخلون الحزمة العريضة خلال 3 سنوات، ومشكلة الانترنت ليست البطء ولكن نقص بوابات الحزمة العريضة.

وأن اختناقات الهاتف الثابت ترتبط بقضايا التخطيط والاستثمار, وحوالي 19 بالمائة من السكان يستخدمونه. وهناك 8 ملايين مشترك بالخليوي 85 بالمائة منهم سابق الدفع.ع السيناريوهات ويتوقع أن تنجز عملها في الشهر الأول من العام القادم, ويبقى القرار النهائي لمجلس الوزراء.



المرصد السوري
  رد مع اقتباس
قديم 28/10/2009   #2
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : ayhamm26 عرض المشاركة
أكد وزير الاتصالات السورية عماد صابوني أن قرار حجب المواقع الالكترونية في سورية قرار جماعي يؤخذ من قبل عدد من الجهات, مؤكدا بشكل قطعي أن المؤسسة العامة للاتصالات لا تنفرد به، مشيرا إلى أن سياسة الحجب بشكل أو بآخر موجودة في كل مكان، ولا توجد أية دولة في العالم لا تستخدم الحجب،
كذاب بنص عينك, مافي غير الدول الشمولية الفاشلة متل دولتك اللي بتستخدم الحجب

اما عن المسؤول عن الحجب فهني نفس اللي مسؤولين عن تعيينك في هذا المنصب انت و زملاءك وزراء الغفلة


اقتباس:
كاتب النص الأصلي : ayhamm26 عرض المشاركة

وأشار صابوني إلى أن دوافع الحجب قد تكون مختلفة، وتتراوح ما بين "لأسباب سيادية تمس سيادة الدولة، وهذا موقف، وإلى حجب المواقع الكترونية المسيئة للمجتمع أو للاقتصاد وعلى رأسها المواقع الإباحية التي تنادي بعض الدول بعدم حجبها".
كمان كذاب, مين ايمتى المواقع الاباحية محجوبة بسوريا؟؟ الحجب مركز فقط تجاه اي موقع بينشر اي شي مخالف للبروباغاندا الحكومية


اقتباس:
كاتب النص الأصلي : ayhamm26 عرض المشاركة
مؤكدا أنه و"بشكل عام الانترنت اليوم فضاء مفتوح لا يمكن لأحد في العالم السيطرة عليه، ولا توجد لدى أحد القدرة على الحجب مائة بالمائة, القضية اليوم مرتبطة أكثر بالتربية والتوعية وتوضيح أسباب الحجب وهذا ما نعمل عليه".
مرة تالتة كذااااااب , لانو بعمركن ما بررتو سبب حجب اي شي, مثلا الويكيبيديا ليش محجوبة يا معالي الوزير المسخرة.



اقتباس:
كاتب النص الأصلي : ayhamm26 عرض المشاركة


وقال وزير الاتصالات إن هناك 4 ـ 5 ملايين مواطن قادرون على الوصول إلى شبكة الانترنت
ايوا هدول المواطنين اللي ما بتخلون يستخدمو الانترنت الا لتسجلوا اسم ابون وامن و رقم الهوية و تعرفوا كل شي عنن




انو بيضحكوا هدول الاراكوزات الملقبين وزراء لما بدن يبيضوا واقع اسود متل وجوهن.
  رد مع اقتباس
قديم 28/10/2009   #3
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اي يحجبو عمي يحجبو

.

نحن ننتظر الضياء و لكننا نرى الظلام

---------------------------------------------------------------

ذو العينين البراقتين ......... الذي يقرر المصائر .............


DaRkNeSs LoRd

Lord Of DarkneSs

Lord Of The Sweet Sadness
  رد مع اقتباس
قديم 28/10/2009   #4
شب و شيخ الشباب mblue
عضو
-- أخ لهلوب --
 
الصورة الرمزية لـ mblue
mblue is offline
 
نورنا ب:
Mar 2006
المطرح:
بلد المحاشي والكبب
مشاركات:
174

افتراضي


اذا بس وقفت الشغلة عالحجب بسيطة ... ما هي معضلة ما في شي ماله حل .
بس في شغلة ما فهمتها ... يعني كيف لما شركة الموبايلات ما قدمت عرض مناسب اول مرة ... بتاخد كل هالوقت لحتى تقدم عرض تاني ... ولا الشغلة خلصت قدمنا عرض ما مشي معكن بطلنا ...
بعدين لجنة التنسيق هي تابعة لمين؟؟ ... والتسعيرة بالاتفاق مع مين ؟؟ ولمصلحة مين ؟؟؟
مبينة يمكن ما هيك ما بدها جواب

The Saddest Thing in Life Is a Lost Talented Man
----
كلما رحبت بنا الروض قلنا ... حلب قصدنا وأنت السبيل
----
بالمسدس ... تحل كل المشاكل...
  رد مع اقتباس
قديم 28/10/2009   #5
شب و شيخ الشباب شامي للنخاع
عضو
-- قبضاي --
 
الصورة الرمزية لـ شامي للنخاع
شامي للنخاع is offline
 
نورنا ب:
Sep 2008
المطرح:
مضيع جحشت خالتي
مشاركات:
562

افتراضي


يعني يا سعادة الوزير.........بطلي هل الطزمير
مسخرة

أي حبيب..ئعود لئلك كلمتين نضاف.....أحسن من جريدة معفنة........في حيط تنين تلتة أربعة.....وسئف ول الارضية....تم نطاح راسك بي ربون ليمشي حال......شو ستبينا يا معليم؟؟؟؟!!!!
  رد مع اقتباس
قديم 29/10/2009   #6
شب و شيخ الشباب حلبي
عضو
-- مستشــــــــــار --
 
الصورة الرمزية لـ حلبي
حلبي is offline
 
نورنا ب:
Jan 2008
المطرح:
هوووون
مشاركات:
1,985

افتراضي


يا أخي صار الواحد يستحي يعلق على هؤلاء السخيفين من كثرة تكرار التخلف عندنا و كأننا نراوح في مكاننا

اليوم في المداس يستطيع أولياء أمور التلميذ أقول التلميذ أي ليسى الطالب

أن يزورو صفحة التلميذ على النت و معرفة أخر ما وصل أليه التلميذ في العلامات و الوظيفة و سلوكه المدرسي من دون الذهاب الى المدرسة

يعني ما في داعي تسأل الولد هل عندك وظيفة أم لا

و لسى معالي الوزير بقلك و بكل صراحة أني خمس ملايين يستخدمون النت

طيب و السبعة عشر الباقين ماذا عنهم

{ إن في خلق السموات والأرض واختلاف الليل والنهار لآيات لأولي الألباب }
  رد مع اقتباس
قديم 29/10/2009   #7
شب و شيخ الشباب Constant
شبه عضو
-- أخ لهلوب --
 
الصورة الرمزية لـ Constant
Constant is offline
 
نورنا ب:
Oct 2009
المطرح:
ع نيزك
مشاركات:
89

إرسال خطاب MSN إلى Constant
افتراضي


احم

هلا في مواقع ما بعرف ليش محجوبة :s

بس بشرى سارة رجعو فتحو الويكبيديا :]

ءءءءءء

بالنسبة للadsl
بتمنى ما يجيبو سيرتو قدامي
  رد مع اقتباس
قديم 29/10/2009   #8
صبيّة و ست الصبايا Huzun
عضو
-- أخ لهلوب --
 
الصورة الرمزية لـ Huzun
Huzun is offline
 
نورنا ب:
May 2009
المطرح:
بـ أخوية
مشاركات:
335

افتراضي


هالحكي وين ماكان ,,
والحجب عطول بنفكرو بدون داعي
يعني المواقع اللي لازم تنحجب بنلاقيها مفتوحة وذلك للفت الأنظار لإلها ولحتى يلتهو فيها العالم
متل ماعم يصير هون بالخليج
المواقع السياسية كلها محجوبة والمواقع الإباحية أو اللي ممكن تتخللها إباحيات أو دعايات أو شي بتلاقيها مفتوحة عادي




أنا المهم عندي مايحجبو اليوتيوب ولاّ بطق بلاه

وطني .. وحياتك وحياة المحبة
شو بني؟؟ عم إكبر وتكبر بقلبي
  رد مع اقتباس
قديم 29/10/2009   #9
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : Huzun عرض المشاركة
هالحكي وين ماكان ,,
والحجب عطول بنفكرو بدون داعي
مزبوط..

ثم.. نحنا شو بيعرّفنا!!

الحكومة أدرى بمصلحتنا

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 29/10/2009   #10
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


اقتباس:
وأشار صابوني إلى أن دوافع الحجب قد تكون مختلفة، وتتراوح ما بين "لأسباب سيادية تمس سيادة الدولة، وهذا موقف، وإلى حجب المواقع الكترونية المسيئة للمجتمع أو للاقتصاد وعلى رأسها المواقع الإباحية التي تنادي بعض الدول بعدم حجبها".
اي كزاب بنص عينك ... منشان هيك بيفوتوا عناصر الامن على محلات الانترنت .. وبيقولوا لناس .. بدكن تفتحوا سكس افتحوا سكس .. بس لا تقربوا ع السياسة
اقتباس:
مؤكدا أنه و"بشكل عام الانترنت اليوم فضاء مفتوح لا يمكن لأحد في العالم السيطرة عليه، ولا توجد لدى أحد القدرة على الحجب مائة بالمائة, القضية اليوم مرتبطة أكثر بالتربية والتوعية وتوضيح أسباب الحجب وهذا ما نعمل عليه".
من ايمتا هي يا تقبر حالك ... ما كل ما ينط شي حدا مسؤول ويبرر مثلاً عن حجب الفيس بوك .. بتلاقي انو بيحطلك مليون وطلطعشر حجة غير منطقية وغير واقعية بنوب ... قال توضيح قال
اقتباس:
وحمّل الوزير صابوني شركتي الخلوي في سورية مسؤولية التأخير في احتساب التسعيرة بأجزاء الدقيقة لأن العرض المقدم منهما لم يكن مقبولاً ولا بد من انتظار عرض آخر جديد, لأنه وفق العقد الموقع مع الشركتين هناك آلية ناظمة للتسعير الذي يتم عن طريق ما يسمى لجنة التنسيق، وقال صابوني: الآلية هذه لا تسمح لنا بفرض تسعيرة معينة على شركات الخليوي, هناك قضايا أخرى سيادة الدولة فيها أوضح, لذلك يجب أخذ قرار التسعير بالاتفاق.
الله ياخدكن .
انو قلتلولي سيادة دولة .. اي تقبروا حالكن ... خلوه ياخد راحتو لـ رامي مخلوع بالتفكير ... حرام ... بدو يحسبها بالاول .. معقولة هوي يقل ربحو... والمواطن يترفه شوي .. ما معقولة بنوب


انشالله بعدمك وبعدم يلي علمك هالكلمتين على اهون اتصال

الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
  رد مع اقتباس
قديم 29/10/2009   #11
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : Nasserm عرض المشاركة
مزبوط..

ثم.. نحنا شو بيعرّفنا!!

الحكومة أدرى بمصلحتنا
ما هيك ابو شريك وانا هيك رايي كمان

يعني متل لما بيعتقلو شي واحد نحني فورا منفكر انو اعتقالو بلا داعي بس هو اكيد الو داعي ونحني بعقولنا الصغيرة عاجزين عن تدبر هذا الداعي!!

اقتباس:
اي كزاب بنص عينك ... منشان هيك بيفوتوا عناصر الامن على محلات الانترنت .. وبيقولوا لناس .. بدكن تفتحوا سكس افتحوا سكس .. بس لا تقربوا ع السياسة
وانت ليش زعلان ما هني عم يعملو هيك لمصلحة الشباب, يعني اذا جربت تفتح مواقع سياسة رح تضعف نفسيتك و نفسية القاعدين معك ونفسية الأمة كلها معك
بينما لو جربت تفتح مواقع سيكس نفسيتك و نفسية كل الشباب و الأمة معكن رح تصير بالعلالي

اصلا الثقافة الوحيدة المضمونة العواقب في سوريا الاسد هي ثقافة السيكس
  رد مع اقتباس
قديم 29/10/2009   #12
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


اقتباس:
كاتب النص الأصلي : ayhamm26 عرض المشاركة


وانت ليش زعلان ما هني عم يعملو هيك لمصلحة الشباب, يعني اذا جربت تفتح مواقع سياسة رح تضعف نفسيتك و نفسية القاعدين معك ونفسية الأمة كلها معك
بينما لو جربت تفتح مواقع سيكس نفسيتك و نفسية كل الشباب و الأمة معكن رح تصير بالعلالي

اصلا الثقافة الوحيدة المضمونة العواقب في سوريا الاسد هي ثقافة السيكس
قلتلي بالعلالي
اي لكان .. لالي لالي لالي .. يا علمنا لالي بالعالي
  رد مع اقتباس
قديم 30/10/2009   #13
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي


اي طبعا

ما كل القرارات عنا جماعية
فانو شو؟؟؟؟

قلي لي احبك
كي تزيد قناعتي اني امرأة
قلي احبك
كي اصير بلحظة .. شفافة كاللؤلؤة
  رد مع اقتباس
قديم 30/10/2009   #14
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : ayhamm26 عرض المشاركة

وأشار صابوني إلى أن دوافع الحجب قد تكون مختلفة، وتتراوح ما بين "لأسباب سيادية تمس سيادة الدولة، وهذا موقف، وإلى حجب المواقع الكترونية المسيئة للمجتمع أو للاقتصاد وعلى رأسها المواقع الإباحية التي تنادي بعض الدول بعدم حجبها".
بما أنو أخوية مو موقع إباحي





فهل يعني أنو نحنا عم نهدد سيادة الدولة ...!!





تسالي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 30/10/2009   #15
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : ayhamm26 عرض المشاركة
مشيرا إلى أن سياسة الحجب بشكل أو بآخر موجودة في كل مكان، ولا توجد أية دولة في العالم لا تستخدم الحجب، ومنوها إلى أنه "نعلم ما يحدث في أميركا بما يتعلق بمراقبة البريد الالكتروني من قبل جهات أمنية"
بيعجبوني مسؤولينا.. عندهن طريقة بالإقناع فظيعة..

ما بتحكي مع حدا بأي مشكلة.. إلا بيقلّك: "موجودة بكل العالم"

عن شو عم تحكي؟

عن الفساد؟
ليش بأورومبا ما في فساد فكرك؟
أففففففف شو في فساد بأورومبا (ولذتهن أوقات بيحكولك أسماء وأرقام وتفاصيل عن الفساد هونيك.. تقول متابعين المشاكل هونيك أكتر من عندنا!!)


مخابرات وأمن وملاحقة؟

شوف بأميركا قديش في مخابرات.. وتنصّت.. وملاحقة.. وبيقعد بيعدلّك لبكرة عن حوادث قال صارت هونيك.. لدرجة بتحسّو قلبو عم يوجعو ع المتواطنين الأميركان!!


حجب مواقع؟

بكل الدنية موجودة.. (مو هيك يا حزن؟)


ولك مرة كنا عم نحكي عن الطرقات.. عن الحفر بشوارعنا..

طلع مع أخ من لقاليق المسؤولين.. إنو الطرقات بكندا أسوأ من عندنا!!

طولك بالك يا أستاذ.. كندا فرد مرة!! تخينة شوي مو؟

وقعد يحكيلنا خبريات لما كان رايح بسيارتو من فانكوفر لمدري وين.. كام حفرة لقي بالطريق!!

شي متل الكذب..
  رد مع اقتباس
قديم 01/11/2009   #16
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي


اقتباس:
(ولذتهن أوقات بيحكولك أسماء وأرقام وتفاصيل عن الفساد هونيك.. تقول متابعين المشاكل هونيك أكتر من عندنا!!)
لا يا ناصر لما بيحكيلك حدا عن الفساد هونيك وبيجبلك ارقام ما شرط يكون عم يكذب
لانو هونيك بايا نشرة اخبار بتسمع عن الفساد وعن حجمو .. عن الرشاوي وعن حجمها ومسؤوليها
عن القتل ومسببو .. كلو بينحكا .. هلق اكيد برايي ع الاقل ما بيحكو الا يلي بدون ياه .... بس المهم بيحكو .. وبيعملو احصاءات
هلق اذا بدي احكي معك عن الوضع عنا فينا انت او انا نقول انو انذكر بالبرنامج فلاني نقلا عن الاحصائية الفلانية انو معدل الفساد بسورية كذا؟؟ او انو نسبة السرقة والرشاوي كذا ؟؟؟ مستحيل
مستحيل لانو عنا ما حدا بيسترجي يحكي عن هيدا الموضوع

اي انا كمان بقول انو في مشاكل بكل العالم متل ما عنا .. بس يلي بيفقع قلبي انو العالم بتعترف فيها وبتحكي عنها وبتعمل دراسات وبتقيسها .. واحيانا في برامج من شان تخفيفها وقوانين جديدة للحد منها او المعاقبة
الا عنا .. كلو ع السبحانية وانو سورية اله حاميها ( وما رح خصص سورية .. كل الدول يلي ع شاكلتها كمان )
  رد مع اقتباس
قديم 01/11/2009   #17
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي


اقتباس:
فهل يعني أنو نحنا عم نهدد سيادة الدولة ...!!
انو انت مستقل باخوية يعني
لكن شو مفكر .. جايين من عيلة صغيرة
هيبة الامة كلها انوهنت بسبب اخوية
شو لكن
  رد مع اقتباس
قديم 02/11/2009   #18
صبيّة و ست الصبايا Huzun
عضو
-- أخ لهلوب --
 
الصورة الرمزية لـ Huzun
Huzun is offline
 
نورنا ب:
May 2009
المطرح:
بـ أخوية
مشاركات:
335

افتراضي


نـــــــــــــــــاصـــــ ـــر الإقتباس عندي ماعم يشتغل مدري ليش

إيه فعلا حجب المواقع (والأفواه)موجود بكل مكان (ولاتقولولي ببلاد الغرب في حرية مشان الله) ,,
بس هادا مو بيعني إنو يكون هو عذر لإقناع الناس,,
والله لأنو موجود بكل مكان بقى شو عـ راسنا ريشة؟ونحنا كمان بنحجب وعين الله علينا
المضر والغير مضر كمان !(لك مشتهية أعرف شو هددن الويكيبيديا؟)
كل اللي ذكرتو حضرتك أنا معو :هي أعذار أقبح من ذنب وهادا شي مو مختلفين عليها بنوب
وأنا متدايقة من أسلوبهم بتوجيه فئران (قصدي الماوس ) الشباب ليدخلو عصفحات ممنوعة أخلاقيا ولكن مسموحة نتّياً والعكس صحيح..


بس شو بدي قلك روق أخ ناصر ولاتعصب ليش هيك طلع خلقك وعصبت
ليكنا مو فارقة معنا عم نفوت ونطلع ونكتب ونستهجن وماعم نصدق حدا واسم الله حولنا

أما بالنسبة لكندا؟؟؟؟؟؟ له له له نزلت من عيني هالبلد
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 02:33 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.15710 seconds with 14 queries