أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 22/07/2009   #1
شب و شيخ الشباب مشلف من المدرسة
عضو
-- أخ لهلوب --
 
الصورة الرمزية لـ مشلف من المدرسة
مشلف من المدرسة is offline
 
نورنا ب:
May 2009
المطرح:
وين ما كان
مشاركات:
267

Thumbs up يا ريتو ما تجوز......


مرحبا....انا ما بتمسخر انا بحكي جد وجد الجد كمان واحكولي غير هيك .....

اخدوا بعض عن حب ، ما خلوا شجرة في الجامعة الا و (عرطوا ) على بعض تحتيها، برنامج الفصل متشابه الى درجة ( التوأمة) ، اتفاق غير طبيعي ، حب ووئام لا متناهي ، سوالف طرمة ، شوية بوس ، على زعل على رضا على كل قرف الفترة اللي أغلبنا بعرفها .

ما علينا ، خلصت الجامعة والسيد بلش شغل ، اول شهرين خنق حاله ووفر اول 400 ليرة ، وهي بتدور على شغل مشان تساعده ويوقفوا على رجلهم ويفتحوا بيت سوا ( هيك اتفقوا بالجامعة ) ، كبست مع صاحبنا وروح على الست الوالدة وقلها بدي أعطيها وأتجوز!!!! أجابت وبكل هدوء ( ماما ، حبيبي ، أعطيها بتعطيك شد عليها بتقلب فيك ) ( شو ؟؟؟؟ سيارة مرسيدس هي !!! ) بدك تطول بالك شوي لساتك ما بلشت تجيب همك !!!!!

صبر كمان شهرين ، وعلى فكرة توظفت بشركة موظفة CALL CENTER ، خنقوا حالهم شهرين صار معهم 1127 ليرة ، طبخوا الموضوع مرة تانية ، روحت البنوتة على امها وحكتلها ماما فؤاد بدو يخطبني ، هالأم ( عبطت البنت ) وأعطتها نظرة خباثة وبينها وبين حالها بتقول ( يلا الريحة ولا العدم أصلا كل هالفؤاد ما هو نازلي من زور بس أهو ضل راجل ولا ضل حيطة ) وبلش العياط والتمخيط والزغاريت ، وخواتها غيبوا ووحده صابها انهيار عصبي ، والخوات صاروا بيعملوا بروفات شو بدهم يلبسوا بالحفلة واخوانها رنو على ابوهم وحكولو بدنا مصاري نشتري ( بدلات ) مشان حفلة الخطبة ، وابوهم صابو شلل نصفي على الطريق بس انا مش عارف هو فرحان ولا زعلان ( الله وأعلم ما هو الزلمة انشل وما سألنا) .






المصيبة انه الشب ما خبر اهله لسا ، ورنت عليه ، حبيبي ماما وافئت وحكت اهلا وسهلا خليهم يتفضلوا وبنتشرف وحكت عنك كتير كلام حلو ( صادقة يا بعيدة ، ولك امك شلت عرضه للشب ) ، شو صار معك خبرت اهلك ؟

الولد ركض على امه وبلش يا ست الحناين ويا تاج الراس ويا اخت الما بعرف ايش وهز الذنب للركب ، وخلص بدي اياكي تروحي تخطبيلي ديدي ( عن ديالا ) انا بحبها ومعي 1127 ليرة وبدي اخطبها وكابسه معي على جيزة وعمري صار 24 سنه ونص وختيرنا وصحابي كلهم تجوزوا اشمعنا انا ؟؟؟؟؟؟

الام ، ولك يا امي يا حبيبي يا ابن الكلب ، ولك مفكر الجيزة سهلة مفكرها بس اخطبني وخدني ووديني وجيبني ؟ ولك يا حبيبي الجيزة مسؤولية وهدة حيل ومصاريف وغلا ، وانت لسا عضمك طري وما بتقدر عليها وبخاف عليك تتورط وووووووو.......( سحل مخه للزلمه ) .






اطلع عليها بطريقة الأسد ، وأجابها مع بعض التشبير ، اسمعي : انا وديدي اتفقنا ونوينا خلص والجماعة بستنوا فينا وانا بحبها وبدي اياها واذا ما بتروحو بتخطبولي اياها بشرب ( رد بول مع برسيل ) وبصيرلي جووووووانح وبطير من ايديكو .

استسلمت الأم الثكلى لما رأت اصرار فلذة كبدها وطلبت الأب على الخلوي وحكتلو روًح اليوم بكير ؟؟!!!!!!! ، روح الأب بكير وعايف التنك من التعب ، بلشت الله يعطيك العافية ، الله يخليلنا اياك ، الله يديمك فوق روسنا ، الزلمة قلها خشي بالموضوع عايف الساعة اللي عرفتكو فيها والساعة اللي صرت فيها فوق راسكو

( يلعن ......! )

خشت ام العريس بالموضوع ، واذا بالأب المكلوم يفقد النطق للحظات ، واسترجع زمنا مغبرا من الذكريات ، تذكر نفسه كيف كان مستجوز وكيف امه راحت خطبتله وكيف كانت ايام زمان ، كل شي ببلاش ( انا ما لحقت الأيام اللي بحكي عنها بس دايما بسمع هيك ) ، وتذكر يوم ولادة فؤاد ( أصلا هو كان ناسي انه عندو فؤاد من كتر الغبرة اللي على مخه ) وانه فؤاد صار كبير وبدو يتجوز ، ثم نظر الى زوجته (وفي باله اغنية علواه ) قائلا : معقول يا ام فؤاد احنا كبرنا للدرجه هاي ؟ ، الأم : هسا انا من الصبح وانا خايفه ومرعوبه من موضوع جيزة الولد وانت هكلان هم العمر والشيب ؟؟؟!!!!!!!! ( الله يقطع النسوان شو خويفات ، مثلا ) .








الأب نادى السيد فؤاد وسأله قديش معك مصاري يا ولد ، الولد : كان معي 1127 ليرة بس شحنت اليوم بخمسه ضل معي 1121 ليرة ، الأب ( فقد حاسة السمع والنظر مع بعض وبلش يحسس بإيديه ) طيب بابا حبيبي بكره بنعرض ال 500 متر ارض اللي عنا للبيع وبنشوف شو بجيبو وولا يهمك ، تكرم كله ولا الحب ما هو انا وأمك اخدنا بعض عن حب كمان ( آه ، ماشي ) وبينه وبين حالو بحكي ( يلعن ابو امك على ابو الساعة اللي شوفتكو فيها ) .

ما علينا ، بيعت الارض ، وتأمنوا المصاري والجماعة راحوا عند اهل البنت وتم الاتفاق على كل شيء .

اجا يوم العرس ، خلصت الحفلة ودخلوا العرسان ، خلصوا 4 ايام العسل لأنهم ما قدروا ياخدوا اجازة اكتر من هيك ، اول يوم بالدوام بعد العرس ، السيد خلص شغل ورن على المدام : شو حبيبتي مطولة انا خلصت شغل ؟ ردت المدام : حبيبي عنا ضغط شغل اليوم وشكلي رح اتأخر شويتين تانيين روًح انتا وانا بلحئك ، بيبي TAKE CARE ( دلع العرسان قال )، روح الزلمه فرطان من الجوع وطبعا ما حدا طبخ ولساتهم عرسان استحى يحكي للخانوم اطبخي من الليل ، ما هي رح تضلها 6 اشهر عروس مش هيك ؟ راح اشترى علبة فول الكسيح واتغدى ( صحتين و عافية) .



روحت المدام الساعة 7،30 من شغلها عايفه حالها وجوعانه ونعسانه وتعبانه ، فاتت على المطبخ شربت مي وكان في بالتلاجه علبة لبن زبادي من مبارح سلختها ( صحتين وهنا ) وراحت عليه وحكتله ، بيبي ، انا كتير تعبانه وبدي انام بدك شي ؟ ، الزلمه بقول براسه ( بدي أسب بس بعدنا عرسان عيب ، بكير!! ) رد عليها الله يعطيكي العافية بدي سلامتك ...... كان مفكر الجيزة لعب ومزح وسهر ومناغشه وتنكيت وحب وووووووو ......


هالموضوع أنا ما طرحته لنكتة ولكن للنقاش
يعني هل من الممكن أن نجد أناس مثل هالشاب؟
وهل ممكن الجيزة تكون كارثة زي ما صورت في الموضوع؟

أعطونا رأيكم.......

لو أن دموعا قد نزلت منك وسببها ايماني
لعشقت جهنم تأويني وكفرت بكل الأديان
يا حبي الأوحد لا تبكي فدموعك تحفر وجداني
يا صيفي الأخضر يا شمسي يا أجمل أجمل ألواني
هل أرحل حنك وقصتنا أحلى من عودة نيسان
  رد مع اقتباس
قديم 22/07/2009   #2
شب و شيخ الشباب savage garden
عضو
-- أخ لهلوب --
 
الصورة الرمزية لـ savage garden
savage garden is offline
 
نورنا ب:
Jun 2009
مشاركات:
318

افتراضي


منيح وصلت انهم تجوزو
مش حاسس انو غريبة ئصتك يارجل؟
ما صار ولا مشكلة ئبل الزواج؟!
المصاري توفرت والاهل موافئين
وفوئ هيك
ما حدا ترك التاني او خانو

هناك في فلسطين..حيث الموت ليس موسميا كالامطار: هو يطل عليك من الآبار الجافة, من النوافذ الباكية, من المنابر المحطمة,من الطرقات المختنقة بالدم, من لعب الأطفال المتناثرة..
الموت في فلسطين ليس فجائيا أبدا..بل الحياة هناك تأتي فجأة!
  رد مع اقتباس
قديم 22/07/2009   #3
صبيّة و ست الصبايا Black Orchid
عضو
-- قبضاي --
 
الصورة الرمزية لـ Black Orchid
Black Orchid is offline
 
نورنا ب:
Apr 2009
المطرح:
غيرتو
مشاركات:
419

افتراضي


صار لازم ينتحروا بعد هالمرحله لانها اسلم طريقه,

يا الهي كتير صعبه................... هونها..............
  رد مع اقتباس
قديم 22/07/2009   #4
شب و شيخ الشباب مشلف من المدرسة
عضو
-- أخ لهلوب --
 
الصورة الرمزية لـ مشلف من المدرسة
مشلف من المدرسة is offline
 
نورنا ب:
May 2009
المطرح:
وين ما كان
مشاركات:
267

افتراضي


اقتباس:
كاتب النص الأصلي : savage garden عرض المشاركة
منيح وصلت انهم تجوزو
مش حاسس انو غريبة ئصتك يارجل؟
ما صار ولا مشكلة ئبل الزواج؟!
المصاري توفرت والاهل موافئين
وفوئ هيك
ما حدا ترك التاني او خانو
أنا حاسس انو ال( ئصة ) واقعية جدا
  رد مع اقتباس
قديم 22/07/2009   #5
صبيّة و ست الصبايا fernanda bachchan kfoury
عضو
-- مستشــــــــــار --
 
الصورة الرمزية لـ fernanda bachchan kfoury
fernanda bachchan kfoury is offline
 
نورنا ب:
Jun 2006
المطرح:
بقلب القاموس
مشاركات:
2,143

افتراضي


اقتباس:
كاتب النص الأصلي : مشلف من المدرسة عرض المشاركة
أنا حاسس انو ال( ئصة ) واقعية جدا
يا عيني الئصة واقعية كتيييييييير
وفي حدا بعرفو قريب كتير الي صار معو هيك بس هوي لسا ماتجوز ناوي عالعرس بعد شي 4 شهور
بقا وازا حكينا كلمة او قلنا نطور لتتمركز بشغلك منسمع مالا يرضينا بقا يصطفلو
وكل واحد يعيش ع مزاجو

لا تحمل هم الغد فقد لا يأتي الغَدُ**فتكون قد ضيّعت سرور اليوم
**ToDaY Is A NeW DaY **☠♥

believe in your dreams so they believe in you too
  رد مع اقتباس
قديم 22/07/2009   #6
صبيّة و ست الصبايا اسبيرانزا
عضو
-- مستشــــــــــار --
 
الصورة الرمزية لـ اسبيرانزا
اسبيرانزا is offline
 
نورنا ب:
Jun 2007
المطرح:
مصر ام الدنيا
مشاركات:
2,585

إرسال خطاب MSN إلى اسبيرانزا
افتراضي



ظريف كتير الاسلوب
بس مضمونا هو الواقعى
بس كيف الدنيا بتمشى بدون هيك
لازم كتير تنازلات لتمشى المركب
لازم كل طرف يجى على نفسو شوى برغم الظروف ليلحق الحب وشوية السعادة
اجمالا الحياة قاسية هالايام ما فى مفر

شُذَّ، شُذَّ بكل قواك عن القاعدة
لا تضع نجمتين على لفظة واحدة
وضع الهامشيّ إلى جانب الجوهريّ
لتكتمل النشوة الصاعدة
  رد مع اقتباس
قديم 22/07/2009   #7
شب و شيخ الشباب مشلف من المدرسة
عضو
-- أخ لهلوب --
 
الصورة الرمزية لـ مشلف من المدرسة
مشلف من المدرسة is offline
 
نورنا ب:
May 2009
المطرح:
وين ما كان
مشاركات:
267

افتراضي


اقتباس:
كاتب النص الأصلي : اسبيرانزا عرض المشاركة

ظريف كتير الاسلوب
بس مضمونا هو الواقعى
بس كيف الدنيا بتمشى بدون هيك
لازم كتير تنازلات لتمشى المركب
لازم كل طرف يجى على نفسو شوى برغم الظروف ليلحق الحب وشوية السعادة
اجمالا الحياة قاسية هالايام ما فى مفر
شكرا على الاطراء الحلو كتييييييييييييييييييييييي ييييييييير
بس التنازلات يلي بتحكي عنها ما بتوصل لحد العدم
  رد مع اقتباس
قديم 22/07/2009   #8
شب و شيخ الشباب leonardo_dicabreo
عضو
 
الصورة الرمزية لـ leonardo_dicabreo
leonardo_dicabreo is offline
 
نورنا ب:
Sep 2008
المطرح:
Chicago
مشاركات:
1,965

إرسال خطاب ICQ إلى leonardo_dicabreo إرسال خطاب AIM إلى leonardo_dicabreo إرسال خطاب MSN إلى leonardo_dicabreo إرسال خطاب Yahoo إلى leonardo_dicabreo بعات رسالي عبر Skype™ ل  leonardo_dicabreo
افتراضي


الموضوع طويل جدا جزيلاً , فيك تختصره بأقل من 4 سطر ؟
  رد مع اقتباس
قديم 22/07/2009   #9
شب و شيخ الشباب مشلف من المدرسة
عضو
-- أخ لهلوب --
 
الصورة الرمزية لـ مشلف من المدرسة
مشلف من المدرسة is offline
 
نورنا ب:
May 2009
المطرح:
وين ما كان
مشاركات:
267

افتراضي


اقتباس:
كاتب النص الأصلي : leonardo_dicabreo عرض المشاركة
الموضوع طويل جدا جزيلاً , فيك تختصره بأقل من 4 سطر ؟
لما تكتبه اختصر مثل ما بدك
أنا ما عندي مانع
  رد مع اقتباس
قديم 22/07/2009   #10
صبيّة و ست الصبايا اسبيرانزا
عضو
-- مستشــــــــــار --
 
الصورة الرمزية لـ اسبيرانزا
اسبيرانزا is offline
 
نورنا ب:
Jun 2007
المطرح:
مصر ام الدنيا
مشاركات:
2,585

إرسال خطاب MSN إلى اسبيرانزا
افتراضي


اذا الموضوع بقسم القصة كنت بعلق انو اكتر من رائع كمان
بس كونوا بالصالون فبنركز ع الافكار
هلافيك مشلف
  رد مع اقتباس
قديم 24/07/2009   #11
شب و شيخ الشباب توم و جيري
عضو
-- زعيـــــــم --
 
الصورة الرمزية لـ توم و جيري
توم و جيري is offline
 
نورنا ب:
Nov 2008
المطرح:
syria
مشاركات:
1,309

إرسال خطاب MSN إلى توم و جيري
افتراضي


الحياة صعبة وبدها
مين يوقف بوشها ..

أحتاج إلى عاصفة...
تنسيني آثار السكون...
وأنتِ يا سمراءُ عاصفتي
...معذبتي .. قاتلتي..
يا جميلة العيون
  رد مع اقتباس
قديم 24/07/2009   #12
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


يعني ان ماعرفت شو هي القضية اللي خرج نناقشها هون......

متل اللي عمبتقلّو لواحد الشمس عمتطلع من الشرق .....
ف عطيني رأيك ...

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 24/07/2009   #13
صبيّة و ست الصبايا marochka
عضو
-- قبضاي --
 
الصورة الرمزية لـ marochka
marochka is offline
 
نورنا ب:
Apr 2009
المطرح:
بلبنان، مجبرٌ أخاك لا بطل
مشاركات:
915

إرسال خطاب MSN إلى marochka
افتراضي


بحكيلكون قصة أحلى؟ واحد خاطب صرلو تلات سنين والعروس رح تطق بدا تتجوز وتنينون مخّون بفتلة، وما معون ليرة؟ بتعرفوا شو صار؟
أخوه للعريس بيشتغل برّا، ربح 3 ملايين يورو باللوتو، وبعت لأخوه 500 ألف (دولار) والعرس بآب.
(القصة حقيقية مية بالمية)
مو شي بيجاكر....؟!!!!؟

إبحث أنت عن المعرفة فالمعرفة لا تبحث عن أحد

Whether humanity will consciously follow the law of love, I do not know. But
that need not disturb me. The law will work just as the law of gravitation
works, whether we accept it or not

Ghandi
  رد مع اقتباس
قديم 25/07/2009   #14
شب و شيخ الشباب مشلف من المدرسة
عضو
-- أخ لهلوب --
 
الصورة الرمزية لـ مشلف من المدرسة
مشلف من المدرسة is offline
 
نورنا ب:
May 2009
المطرح:
وين ما كان
مشاركات:
267

افتراضي


بس عنجد القصة جدية ولا لأ؟؟؟؟؟؟
  رد مع اقتباس
قديم 25/07/2009   #15
شب و شيخ الشباب الحر الشامي
مسجّل
-- اخ حرٍك --
 
الصورة الرمزية لـ الحر الشامي
الحر الشامي is offline
 
نورنا ب:
Jul 2009
مشاركات:
23

افتراضي


رح احكيلكم عن قصه عمرها خمس شهور

(م)حب (ن) بنت ابن عمه من 11سنه وكانت رافضته وانخطبت لغيره وماصار نصيب

رجع (م)وخطبها وصار نصيب كل فتره الخطبه والزواج كانت شهر لانه ع قوله من العيله مافي داعي الخطبه تطول لانه بيعفوا بعض مافي داعي للتعارف

وهون الفاجئه بأنه (ن) حامل ومالها مرتحه مع زوجها لدجه انه مفكره تنفصل
ولما بشوفها عم تبكي يقلها (أبكي ياما بكيت منشانك أنا)
هي قصه حقيقيه عمرها خمس شهور
  رد مع اقتباس
قديم 27/07/2009   #16
شب و شيخ الشباب محمد اشنيور
شبه عضو
-- اخ حرٍك --
 
الصورة الرمزية لـ محمد اشنيور
محمد اشنيور is offline
 
نورنا ب:
Dec 2008
مشاركات:
46

افتراضي


بصراحة ومن الاخر اذا بيحبو بعض بجد فكل شي لعيون الحب بيهون
كل بيت حيكون في مشاكل بس اذا في حب حقيقي جنب هي المشاكل فالحب حينتصر عليها اكيد

أنا وبعدي الطوفان
  رد مع اقتباس
قديم 27/07/2009   #17
شب و شيخ الشباب مشلف من المدرسة
عضو
-- أخ لهلوب --
 
الصورة الرمزية لـ مشلف من المدرسة
مشلف من المدرسة is offline
 
نورنا ب:
May 2009
المطرح:
وين ما كان
مشاركات:
267

افتراضي


اقتباس:
كاتب النص الأصلي : محمد اشنيور عرض المشاركة
بصراحة ومن الاخر اذا بيحبو بعض بجد فكل شي لعيون الحب بيهون
كل بيت حيكون في مشاكل بس اذا في حب حقيقي جنب هي المشاكل فالحب حينتصر عليها اكيد
كبييييييييييييييييييييييي ييييييييييييييييييييييييي يييييييييييييييييييير
  رد مع اقتباس
قديم 27/07/2009   #18
شب و شيخ الشباب محمد اشنيور
شبه عضو
-- اخ حرٍك --
 
الصورة الرمزية لـ محمد اشنيور
محمد اشنيور is offline
 
نورنا ب:
Dec 2008
مشاركات:
46

افتراضي


حبيبو لقلبي
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:23 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.08737 seconds with 12 queries