اسمعو على هالنهفة

adel · 27/04/2006

الفئران تباع في دمشق

سعرها ما بين 2000 و4000 آلاف والغالي "حقه فيه"
ارتبطت صورة الفأر في عقول الناس منذ القديم بالقذارة والأمراض السارية لأنه يعيش في المجاري والشوارع حيث كانت ربات المنازل مستعدات لدفع ثروات طائلة لإبعاده عن منازلهن

قرفا منه وخوفا من الأمراض التي تنقلها.
اليوم تحولت بعض أنواع الفئران إلى نجوم تظهر على شاشات الفضائيات وبين أيادي الفنانات المشهورات حيث بدأ الأطفال في دمشق بشراء هذا النوع الذي يطلق عليه "هامستر" ويلقى رواجا كبيرا كأنه "موضة" في مجال

الحيوانات الأليفة التي تربى في المنازل ويتراوح سعر الفأر الواحد ما بين 2000 إلى 4000 آلاف ليرة سورية.
دفعنا فضولنا إلى سؤال أحد الأولاد عن المكان الذين يشترون منه هذا الفار بعد أن لاحظنا شهرته الكبيرة بين الأولاد والذين يتبارون بعدد الفئران التي يحصلون عليها.
قصدنا المحل الذي أرشدنا إليه الأولاد والمتخصص ببيع مختلف أنواع الحيوانات الأليفة من قطط وأسماك وسلاحف ومن ضمنها هذه الفأر "الهامستر" حيث كان صاحب المحل "باسل " يحتفظ بعدد منها في حوض زجاجي.

أخبرنا باسل قائلا "أحضرت هذه الفئران من لبنان وهناك نوعين منها أحدها أطول من الآخر وهو أقرب إلى "الجردون" أما هذا الذي نتحدث عنه فهو أصغر ووبره ناعم وكثيف وهو غالي لأن عرقه صافي ونادر وشكله جميل وشهد إقبالا كبيرا بسبب صغر حجمه وألفته وذكائه الفائق فيستطيع القيام بألعاب بهلوانية عديدة".
وحسب قوله فإنه بعد أن يتجاوز عمر "الهامستر" شهرين يجب تلقيحه ضد الطاعون بشكل نظامي وبما انه يأكل طعاما نظيفا ويعيش في بيئة نظيفة فلا يسبب أي أذى ويعيش معظمها قرابة الأربع سنوات.
أخبرنا أحد الأطفال بحزن أنه اشترى فأرين ثمن الواحد 1200 ليرة ولكنهما ماتا في اليوم الثاني.
يقول باسل تعليقا على كلام الصبي الذي "نكب" بموت فئرانه "لذلك فالغالي حقه معه فالولد استرخص الفئران لذلك ماتوا".

يحتفظ أحد الأولاد بفأره في قفص يشبه قفص الطيور وفيه "مرجوحة" حتى يلعب عليها الهامستر ويقول نبيل 10 سنوات "المرجوحة جيدة حتى لا تمل سالي "اسم الفأر" أثناء وجودها وحيدة داخل القفص" ويضيف "أنا نادرا ما أتركها وحيدة فآخذها معي أينما ذهبت وأضعها في جيبي".
الدكتور البيطري هيثم برماوي ولدى سؤالنا له حول إذا ما كان هذا الحيوان يشكل خطرا على الإنسان أجاب: "نحن نفضل ألا يتعامل الناس مباشرة مع هذه الحيوانات إلا بعد التأكد من مراقبتها صحيا بشكل دقيق جدا ومن الممكن أن تنقل بعض الأمراض كالسالمونيلا والأمراض الجلدية كالجرب والطفيليات".
وبرأي الدكتور هيثم أن هذه الفئران لا تشكل خطرا كبيرا بسبب أعدادها المحدودة وحرص مربيها على نظافتها.
منقول عن موقع سيريا نيوز

Syrian__Angel · 27/04/2006

والله وقت اللي قرأت الخبر ما خطر على بالي غير شغلة وحدة ... الهامستر اللي قتلو جارنا

قال هاد يا سيدي كان عند جيرانا ( A ) هامستر .. وفرحانين فيه خيرات الله وبيحبوه وبيلاعبوه وكلشي ...
بيوم من الايام نسيوه برّا .. راح جارنا التاني بالليل ما يسمع الا صوت عند الباب .. فتح ولاّ بيلاقي الهامستر .. قام الفالح فكّرو جردون

... ونزل فيه طاخ طيخ، طاخ طيخ لحد ما فطس

عنجد بينزعل عليه كيف مات ... كان منظرو متل الورقة ..

.. او تلفزيون فلاترون

adel · 27/04/2006

يا حرام عليه شو مجرم

Syrian__Angel · 27/04/2006

اي .. و احزر شو جنسيتو

شكلو من حزب البعث

.. عرفت من وين ؟

لك انطفى الضو ....

والله مو انا ... مالي علاقة.. ولي

adel · 27/04/2006

اقتباس:

كاتب النص الأصلي : Syrian__Angel

اي .. و احزر شو جنسيتو

شكلو من حزب البعث

.. عرفت من وين ؟

لك انطفى الضو ....

والله مو انا ... مالي علاقة.. ولي

يا جماعة لمين هالبنت حدى بيعرف أهلها
أنا هي أول مرة بحكي معها ومابعرف أنو أسما ديما

صياد الطيور · 27/04/2006

اقتباس:

كاتب النص الأصلي : Syrian__Angel

اي .. و احزر شو جنسيتو

شكلو من حزب البعث

.. عرفت من وين ؟

رد عليك بنفس المستوى ولا ما في داعي ....

Syrian__Angel · 27/04/2006

اقتباس:

يا جماعة لمين هالبنت حدى بيعرف أهلها
أنا هي أول مرة بحكي معها ومابعرف أنو أسما ديما

عم نمزح شباب ... مساعد ما بعرف مين .. مزح ولوووو

صحي .. نفس الحكي لصيّاد ...

أبو الجماجم · 27/04/2006

يعني أجى بو الجماجم و المساعد جميل شكلو في كم واحد هون حابين يزورو بيت خالتهم .!!!!!
أنابالخدمه ............!!!!!!!!!!!!!!!!!!!
همممممممممممممممم

إسلام · 27/04/2006

اقتباس:

كاتب النص الأصلي : Syrian__Angel

اي .. و احزر شو جنسيتو

شكلو من حزب البعث

.. عرفت من وين ؟

لك انطفى الضو ....

والله مو انا ... مالي علاقة.. ولي

لا تخافي شرفي معنا على ...

ملك الهكرز · 27/04/2006

مطوله لتصير الفيران للأكل .............

blue eyes · 27/04/2006

ولي ع هل المصيبة قال هامستر قال..حتى هل الشغلة انا ما ارتحت منها قال شو بدوا يجيبلي هامستر ع البيت,,اي بلكي كشن تنيناتن من البيت..

اميرة الظلام · 27/04/2006

اقتباس:

مطوله لتصير الفيران للأكل .............

الله يغربلك ملك عهالكلام ..... قرف

وووووع ....

آآآآآخـــــــــر زمن والله الناس يربون فيران في بيوتهم

Kakabouda · 27/04/2006

هلأ فار عن فار بيفرق يعني عدم المؤاخذي والله ( هامستر ) بالبيت بجنن ..
تعو احكيلكم هالقصة ..

كان بيوم من الايام كان عندي فار ( مدللو عالآخر يعني كنت جبلو أكل خصوصي متل الكورنفلكس من لبنان و على آخر قيراط ..)
بيوم من الايام اجت صبحية لعند أمي ..
المهم في وحدة غلييييييييييييظة أد ما بدكم و ابنها لسا على أدق رقبة ( يعني كتلة غلاظة التاني كمان ) المهم اتسلحب و دخل على غرفتي شويشوي و طلع بأيدي الهامستر ( هلأ أمي ما أخدت و عطت بالموضوع لأنو ما انتهت شوفي بأيدو )

ولا بعد شوي بقول لأمو بدي انزل عن الجيران .. سألتو أمو ليش يا ( تؤبرني ) ان شاء الله يؤبرها و يئبر حالو كمان

قلها زتيت نينو (اسم الهامستر) لعند الجيران مشان يلعب من بسينتهم ( توم و جيري ) أمي نطت و ما حطّت لأنو نينو المدلل عندي ..

المهم لما أجيت عالبيت خبّرتني أمي القصة و نزلت متل المجنون لقيت ( سن واحد أو سنين واقعين من تمو لنينو

و شوية وبر بحوض الزريعة ...

بقا هي قصتي مع الفيران

Syrian__Angel · 27/04/2006

يا حراااام على هالموتة

اميرة الظلام · 28/04/2006

اقتباس:

هلأ فار عن فار بيفرق يعني عدم المؤاخذي

شووووو بيفرق ... كلن فيران ... شلون بتشتهو تلمسوهم ....عن جد شي بيقرف

Syrian__Angel · 28/04/2006

اقتباس:

شلون بتشتهو تلمسوهم

متلو متل القطة ...

Varon · 28/04/2006

اقتباس:

المهم لما أجيت عالبيت خبّرتني أمي القصة و نزلت متل المجنون لقيت ( سن واحد أو سنين واقعين من تمو لنينو و شوية وبر بحوض الزريعة ...

شكور ريك يا زلمي منيح انقضت هيك منيح الما مات...ههههه تنتف ..
البقية بحياتكن

adel · 28/04/2006

حلوة قصتك يا أبو جريج يعني دراما على كوميدي

شكرا شباب وصبايا عالمرور