بعض النصائح للمغتربين

[جينو]

كاتب النص الأصلي : philip

شو جينو معلش إطلع أنا لعندكون

حياتي إنت ما بحاجة تسأل
أهلا و سهلا فيك بأي وقت
هادا يوم المنى

[architecturer]

كاتب النص الأصلي : philip

له ياطيب هيك بدنا نزعل من بعض ليش انا بعرفك لحتى كون لاحقك

ما بتعرفني وهيك

كيف ما تعرفني :P

[Joe]

رواق يا حبايب :P

[architecturer]

كاتب النص الأصلي : joe

رواق يا حبايب :P

على شو

[philip]

هادا يوم المنى

قريبااااااااااااااااااااا ااااااا

[عبير]

شوف art
انا من كل قلبي بتنمى للشباب والصبايا فرص أحسن ببلدهم لأنو هون الواحد عم يعيش غريب عن لدو وبعيد عن اهلو وناسو وعم يزرع بأرض غير أرضه
ودبي كل شي بيجيك منها بتحطو فيها بثواني هيدا غير حرق الاعصاب والضغط اللي عم نعيشو وبعدين بكفي الشوبات الحلوين اللي ما في منون بكل بلاد الدنيا اي لك نسمو هوا صغية بحمص بتعيشني مليون سنة لقدام
شو بعدك بدك تلحقنا بعد سنتين على كل الله يوفقك وين ما كنت ولوين بدك تروح

[جينو]

كاتب النص الأصلي : عبير

شوف art
انا من كل قلبي بتنمى للشباب والصبايا فرص أحسن ببلدهم لأنو هون الواحد عم يعيش غريب عن لدو وبعيد عن اهلو وناسو وعم يزرع بأرض غير أرضه
ودبي كل شي بيجيك منها بتحطو فيها بثواني هيدا غير حرق الاعصاب والضغط اللي عم نعيشو وبعدين بكفي الشوبات الحلوين اللي ما في منون بكل بلاد الدنيا اي لك نسمو هوا صغية بحمص بتعيشني مليون سنة لقدام
شو بعدك بدك تلحقنا بعد سنتين على كل الله يوفقك وين ما كنت ولوين بدك تروح

فتحتيلي جروحاتي

[philip]

فتحتيلي جروحاتي

ياحرام الله يكون معكون بس عنجد العيشة هون عنا ماعادتنطاق

[جينو]

ياحرام الله يكون معكون بس عنجد العيشة هون عنا ماعادتنطاق

صدقني فيليب إنو إذا بيوم من الأيام طلعت من بلدك كل شغلة عاطلة و ما بتحبا فيه بتصير بتشتقلا و بتحنلا ما بقلك إنو ماني مبسوطة هون أو إني متضايقة لاء بالعكس بس كل القصة إنو هون العيشة كلها ركض و الواحد بسوريا بيشتغل مشان يعيش أما هون بيعيش مشان يشتغل

[عبير]

جوااااااهر

[philip]

اي مظبوط حكيك حبيبتي بس في شغلة أنو عندكون بالاخر بعيش بالحالتين وفي احتمال ينبسط أما هون الشغلة الصعبة هي الواحد أولا يعيش وتانيا يتحمل الغلط والفوضى

[Abo rafik]

عفوا" بس حابب اعطي رأيي اذا في مجال...يمكن مقابل كل ربح في خسارة ..بالنسبة لشاب بأول عمرو وبيحب العمل الفرص هون كتيرة واذا بتتعب بتنجح بس بدك شوية وقت..مش قرون !! متل سوريا ...اما بالنسبة للواسطات فهي موجودة بشكل خفيف هون بالامارات بس لا تخاف الانسان محترم كتير هون من أصغر قهوة الى أكبر دائرة حكومية...اذا الك حق وانت وافد الدولة بتعطيك اياه..انت ما في داعي تسأل!!!! طبعا هون مش الجنة في شوية مرتزقة .. دغري بينعرفوا وأهم شي ..انوكل شي متوفرمنشان هيك دير بالك لانوالسيء كمان متوفر وبكترة ..في كتير شباب سوريين اجو لهون منشان يعمروا شي بس رجعوا مدمرين ف بنصحك اذا كنت انسان مخلص :P انك تحب قبل ماتجي لانو الضغط رهيب احيانا" هون خصوصي عالشباب

[philip]

لانو الضغط رهيب احيانا" هون خصوصي عالشباب

وقت بكون الشب عاقل وشايف وطالع وفايت ومعاشر العالم ومحتك فيون بشكل مباشر بعتقد إذا كان هيك وعندو النشاط اللازم بيرجع وهوي معمر بيت وباني مستقبل حلو إلو ولغيرو

[آخيل]

اللي عم ياكل العصي .... مو متل اللي عم بيعدا

[جينو]

كاتب النص الأصلي : آخيل

اللي عم ياكل العصي .... مو متل اللي عم بيعدا

بالله تقولون ما حدا عم يصدقني

[philip]

بالله تقولون ما حدا عم يصدقني

والله مصدقينك بس كمان ماكل اصابيع ايديك متل بعضها صح

[Abo rafik]

اللي عم ياكل العصي .... مو متل اللي عم بيعدا

شو بالنسبة للي عم يهرب من العصي علىطوووووول قولك بيوم من الأيام رح يتعقد يا أخي العزيزززز أخيل.....

[philip]

شو بالنسبة للي عم يهرب من العصي علىطوووووول قولك بيوم من الأيام رح يتعقد يا أخي العزيزززز أخيل.....

أكيد لازم يضل عم يناضل منشان ما يتعقد